မိသားစု
နွေလယ်နေ
(သစ်ခက်သံလွင်) ဇူလိုင် ၁၊ ၂၀၂၄
တွင်းတိမ်တိမ်နဲ့
ရေကြည်လဲ့စေသား၊
ပင်နိမ့်နိမ့်လှမ်း
သီးရွက်ပြွမ်းစေသား၊
ခြံစည်းရိုးနွယ်
ဟင်းမျိုးကြွယ်စေသား၊
မြောင်းစပ်ခုန်တက်
ငါးစုံပွက်စေသား၊
လက်တစ်ကမ်းမှာ
ပန်းပေါင်းဖြာစေသား၊
ရှူသက်ပေါင်းစု
အနွေးဥစေသား၊
တံစက်မြိတ်စွန်း
လရောင်ရွှန်းစေသား၊
နေခြည်ထွေးခြုံ
အအေးလုံစေသား၊
အဘယ်သူတစ်ယောက်မှ
ခြံတံခါးကိုနောက်ပြန်မပိတ်
ခရီးဆောင်အိတ်မပြင်
အဝေးနှင်ဖိနပ်မစီး
နေ့လည်း…နီးစေသား
ညလည်း… နီးစေသား ။ ။
Comments
Post a Comment