အခါခပ်သိမ်း နွေဦးဟာ ပွင့်ချိန်ချည်း
နေမိုးချုန်း
(သစ်ခက်သံလွင်) မေ ၁၇၊ ၂၀၂၄
ကြွေလွင့်နှုန်း လျော့ပါးလာလည်း
ပန်းကလေးတွေက မယုံပါဘူး
သွေး အသက် ဘဝ အိုးအိမ်
အရာရာများနဲ့ ဖြည့်ဆည်းခဲ့ရတာမို့
အရင့်အမာ တွေက သစ္စာအဓိဋ္ဌာန်မပျက်
တိမ်တွေသာ ဖုံးတာ
လ,က ဘယ်တော့မှ မမှောင်မိုက်
လကွယ်ညဆိုတာရဲ့အစောဆုံးအစွန်းမှာ
လ,သာနေတာကို စောင့်ကြည့်ကြည့်
ရာသီစက်ဝန်း ဘယ်လောက်လည်လည်
အမှန်တရားက မျက်စိမလည်ဘူး ၊၊ ၊၊
Comments
Post a Comment