ကြံထူး
(သစ်ခက်သံလွင်) ဧပြီ ၁၃၊ ၂၀၂၄
ကောင်းကင်တစ်ခို
တိမ်ညိုသမ်းတော့
အိမ်ကိုလွမ်းလို့ မှန်းဆတယ်။
ရွက်ဟောင်းရယ်ကြွေ
တစ်နွေဆန်းတော့
အမေလွမ်းလို့ တမ်းတတယ်။
တမာပန်းတွေ
ဝေဆာလျှမ်းတော့
ရွှေညာတစ်ဝှမ်းကို လွမ်းလှတယ်။
ပွင့်ဝါဝါတွေ
လမ်းတစ်လျှောက်ဝေတော့
ပန်းပိတောက်မြေကို သတိရတယ်။
သင်္ကြန်တေးရှင်
သံစဉ်ညွှန်းတော့
ပြန်ချင်လွန်းပေါ့ မွေးရပ်နယ်
လွမ်းဖွယ် လွမ်းတယ်။ ။
Comments
Post a Comment