တောင်ကျချောင်း တေး
ဖိုးရွှေညီမှိုင်း
(သစ်ခက်သံလွင်) ဖေဖော်ဝါရီ ၂၆၊ ၂၀၂၄
တောင်ပေါ်က
ခုန်ချလာခဲ့တဲ့
ချောင်းရဲ့အဆုံးသတ်ဟာ
ပင်လယ်ပဲ ဖြစ်ရမယ်။
ကျောက်ဆောင်တွေထဲက
ဖောက်ခွဲထွက်ခဲ့ပြီးမှ
လွင်ပြင်မှာ ...
ရေစီးနှေး ကောက်ကွေ့
လမ်းခုလတ်မှာ
မကျိုးမပြတ်ပါရစေနဲ့။
တောက်ခေါက်ပြီး
တပ်ခေါက်ပြန်မရတဲ့ခရီး
အပြီးအထိ ချီခွင့်သာ
ရလိုပါ၏။
(၂၀၂၄ ဖေဖော်ဝါရီ ၁၆)
Comments
Post a Comment