Design by Emience Bliss
ခင်လွန်း
(သစ်ခက်သံလွင်) မတ် ၂၇၊ ၂၀၂၂
နေရောင်မှာထုတ်ထုတ်လှမ်းပြီး
ကိုယ့်အချစ်ကိုယ် ပြန်ပြန်သရမှာပဲ
မြစ်တမြစ်ကို နှစ်ခါမကူးနိုင်သလို
မိတ္တုပွားသမျှ ဆေးသားမပီတော့
ငယ်ရွယ်သူ့ကောင်းကင်ဟာ မှိုစွဲနေတဲ့ကင်းဗတ်စ
နှစ်ကြောင်းဆွဲပါ
ထပ်ထပ် ဆွဲပါ
ထူထူသားမှ ထင်းထင်းပေါ်တဲ့ စည်း။
ချစ်သူရေ
ငါတို့မုန်တိုင်းထဲဖြတ်ကြစဉ်
လျပ်စီးတလက်မှာ
လမ်းကိုအမိအရကျက်ခဲ့ကြတာ မလွတ်ကြေး။ ။
နံနက်- ၁၀: ၁၈
မတ် ၂၇၊ ၂၀၂၂
* ရဲဘော်မ မွေးနေ့ အမှတ်တရကဗျာ
Comments
Post a Comment