သစ်ခက်သံလွင်ကဗျာ
အောက်တိုဘာ ၁၀၊ ၂၀၂၁
"ဖျားနာနေတဲ့ ကောင်းကင်"
နိုင်ထက်အေး
အခု
ချိုးငှက်ကလေး
ကျန်မားရေး မကောင်းဘူး။
အအေးမိသလား
အပူလွန်ကဲသလား
ဘယ်လိုမှ ခွဲဲခြားလို့ မရ။
ယမ်းနံ့ မွှန်သလား
မီးခိုးမှိုင်းမိသလား
ဘယ်လိုမှ ကုစားလို့မရ။
အန်တိုနီရို ဂူတာရက်စ် လည်း
ကူညီဖေးမနိုင်မှာ မဟုတ်။
ဘကြီးမှိုင်းလည်း
မရှိတော့တာကြာပြီပဲ။
ဟာလီမာရာကော့ပ်လည်း
အရှေ့တိုင်းသားချင်းပေမယ့် မေ့နေလောက်ရဲ့။
ဘကြီးအောင်လည်း
ခုထက်ထိ .....
မုသားသစ္စာသီချင်းဆိုနေတုန်း ။
ငါ ရယ်
မောင်ချစ်ရယ်
ချိုးငှက်ကလေးဘေးမှာ
သံလွင်ခက်လေးကိုင်ရင်းနဲ့။ ။
(အောက်တိုဘာ ၅ ၊၂၀၂၁)
Comments
Post a Comment