မြတ်လှိုင်း - ကြက်တူရွေးတွေကို စတိုင်ရာကျွေးတဲ့ဘိုင်အိုကြီး (စာရေးဆရာ မင်းသစ်)

စာရေးဆရာမင်းသစ်
ကြက်တူရွေးတွေကို စတိုင်ရာကျွေးတဲ့ဘိုင်အိုကြီး
(စာရေးဆရာ မင်းသစ်)
မြတ်လှိုင်း
(သစ်ခက်သံလွင်) ဒီဇင်ဘာ ၁၅၊ ၂၀၁၈ 
- 
၈ ရက် နိုဝင်ဘာလ၂၀၁၇ နေ့က ကွယ်လွန်သွားသည့် စာရေးဆရာ၊ ကဗျာဆရာ၊ တေးရေးဆရာ မင်းသစ် ၏ရုပ်ပုံလွှာတစိတ်တပိုင်းကို ဆရာမဆုံးပါးမီအချိန်က ဇွန် ၂၀၁၇ နေ့ထုတ် First New ဂျာနယ်တွင် စာရေး သူ မြတ်လှိုင်းရေးသားခဲ့သည့်ဆောင်းပါးကို ၎င်း၏ခွင့်ပြုချက်ဖြင့် ပြန်လည်ဖော်ပြလိုက်ပါသည်။


သစ်ခက်သံလွင်
................................................................................................................................

ကြက်တူရွေးတွေကို စတိုင်ရာကျွေးတဲ့ဘိုင်အိုကြီး
(စာရေးဆရာ မင်းသစ်)

 “ဟေ့ကောင်နေဝင်း၊ မင်းကမိန်းမတွေတယောက်ပြီးတစ်ယောက်ယူနေတဲ့အချိန်၊ အင်းလျားကန်ကို နန်းတော်ကြီးပေါ်ကနေ ဇိမ်ခံကြည့်ပြီး စည်းစိမ်ယစ်နေတဲ့အချိန်မှာငါတို့ပြည်သူတွေထမင်းရည်သောက်နေ ရတယ်ကွ၊ ငါတို့ပြည်သူတွေ ဆင်းရဲတွင်းနွံထဲမှာ လူးလှိမ့်နေရတယ်ကွ”
“ဟေ့ကောင် နေဝင်း…. …” အာဏာရှင်ရဲ့နာမယ်ကိုဒေါသတကြီး ခေါ်ပြီး မကျေနပ်ချက်တွေပြော နေတဲ့စာရေးဆရာ၊ တေးရေးဆရာ၊ အယ်ဒီတာ၊ ကျူရှင်ဆရာ (ရုပ်ရှင်ကားကိုမရိုက်ဖြစ်လိုက်လို့၊ မဟုတ် ရင် ဒါရိုက်တာ၊ ဇာတ်ညွှန်းဆရာလို့တောင်အမည်တပ်ရမယ့်သူ) အစ်ကို ကြီး မင်းသစ်ရဲ့ပေါက်ကွဲနေသံ လား၊ ဖောက်ခွဲနေသံလား အမှတ်ရစွာ ပြန်ကြားနေမိပါတယ်။ 
ဒီလိုအားရပါးရပြောနေတဲ့အသံက မအူပင်မြို့၊ မဟာဗောဓိတန်ဆောင်းထဲမှာ ၈၈ လူထုအရေးတော်ပုံကြီး အစပိုင်းမှာ ဟောပြောနေတဲ့အသံပါ။ သူ့ခေါ်လိုက်တဲ့ ဟေ့ကောင်နေဝင်းဆိုတဲ့ အသံဟာ ၁၉၆၂ ကတည်း က ၁၉၈၈ အထိ မြိုသိပ်ထားခဲ့ရတဲ့ မကျေမနပ်ခံစားမှုထဲက ပေါက်ကွဲထွက်လာတဲ့ နှလုံးသားထဲက ပျို့ အန်ထွက်လာတဲ့အသံပါ။ အစ်ကိုကြီးမင်းသစ်က စစ်အာဏာရှင်ခေတ်မှာအဖမ်းခံရပြီး နာမည်ကြီး ထောက် လှမ်းရေးစခန်း ရေကြည်အိုင်မှာ ဒုက္ခတွေခံခဲ့ရသူပါ။

အဲဒီ့သူ့ရင်ထဲကမကျေနပ်ချက်တွေကိုဖောက်ခွဲပြလိုက်တဲ့အချိန်ကစပြီး အစိမ်းရောင်ကြက်တူရွေးတွေကို စတိုင်ရာအစာတွေ ကျွေးနေခဲ့ပါ တယ်။ ”အိပ်မက်ကွန်ဖရင့်” ”တစ္ဆေရင်ကွဲ” ”မဟာနန္ဒာ Ph10” တို့ဟာ အကိုမင်းသစ်ရေးတဲ့စတိုင်ရာခေါ် သရော်ဝတ္ထုတွေပါ။ အဲဒီအချိန်မှာ သရော်စာဝတ္ထုတိုတွေရေးတဲ့သူတွေ အတော်ရှားပါတယ်။ ဆရာမောင်သစ်တို့နောက်မှာ သရော်စာဝတ္ထုရေးတဲ့စာရေးဆရာတွေက ဆရာဝင်းဖေ ဆရာဖေမြင့်၊ ဆရာမင်းလူ၊ လူရွှင်တော်စာရေးဆရာ ချစ်စရာတို့ပါပဲ။ ကျွန်တော်မှတ်မိသလောက်ပြောပြ တာပါ။
ကျွန်တော်နဲ့အစ်ကိုကြီးမင်းသစ်အကြောင်းပြန်ပြောရင် ပြောစရာများပါလိမ့်မယ်။ ဒီမှတ်မိနေတဲ့အထဲက စိတ်ထဲစွဲထင်နေတဲ့ တချို့အကြောင်းအရာ (အဖြစ်အပျက်)တွေကို ပြန်ပြောပြချင်ပါတယ်။ အစ်ကိုကြီး မင်းသစ်လည်း ဒီအကြောင်းလေးကို ဝတ္ထုပြန်ရေးပြီး ဖြစ်ပါလိမ့်မယ်။
အစ်ကိုကြီးသူငယ်ချင်းကို မင်္ဂလာဒုံလေယာဉ်ဆိပ်လိုက်ပို့ပြီးတော့ပြန်မယ်အလုပ်မှာ မန္တလေးကို ထွက်မယ့် လေယာဉ်ကြီးက ပန်ကာ စလည်ပတ်နေပြီလို့ပြောပါတယ်။ အဲဒီပန်ကာလည်ပတ်သံက သူ့နှာ ခေါင်းထဲမှာမန္တလေးမုန့်တီနဲ့သင်းပျံ့နေတယ်တဲ့။ အဲဒါနဲ့ မန္တလေး မုန်တီစားချင်စိတ်မထိမ်းနိုင်လို့ ထွက်မယ့် ဆဲဆဲလေယာဉ်လက်မှတ်ကို ကမန်းကတမ်းဝယ်ပြီး မန္တလေးကိုလေယာဉ်ပျံစီးသွား မုန့်တီစားပြန်လာတယ် တဲ့။ အဲဒီအချိန်က ရန်ကုန်မှာမုန့်တီ မရသေးပါဘူး။ အဲဒီလိုလူ။

နောက်ပြောချင်ပါသေးတယ်။ အဲဒီအချိန်က အစ်ကိုကြီးမင်းသစ်နေတာက လှိုင်၊ သုခလမ်းထဲက ခြံ အကျယ်ကြီးထဲမှာ တဲအိမ်လေးနဲ့နေတာ။ အဲဒီခြံကြီးကအခုနေရောင်းမယ်ဆိုရင် သိန်းထောင်နဲ့ချီပြီးတန်ပါ တယ်။ ဒီခြံကြီးထဲမှ တဲအိမ်အစုတ်လေးနဲ့နေတာကိုပြောချင်တာပါ။ အိမ်မှာနေတော့ တဲအိမ်အစုတ်၊ အပြင် ထွက်ရင်တော့ တက်စီငှားပြီးထွက်တတ်တဲ့လူ။ အခုအချိန်ထိ လိုင်းတခါဖူးမှမစီးဖူးသေးတဲ့လူပါ။
အဲဒီအချိန် တညမှာ အင်းလျားလိပ်ဟိုတယ်မှာ အရက်သွားသောက်မယ်ဆိုပြီး တက်စီငှားပြီးသွားကြတယ်။ ကဗျာဆရာဇောင်းထက်လဲ ပါတာပေါ့။ ကျန်တာတော့ ဘယ်သူပါလဲဆိုတာ သေသေချာချာမမှတ်မိတော့ ဘူး။ အင်းလျားလိပ်ဟိုတယ်က ဘလက်လေဘယ်၊ ချိစ်ကိုမှာပြီး ပိုလန်ရေတဲ့။ အဲဒီအချိန်က တော်ရုံလူဆိုရင် ကြားတောင်ကြားဖူးမှာမဟုတ်ဘူး။ ပိုလန်ကလာတဲ့ရေက Ph7တဲ့။ အခုအချိန်မှာတော့ လမ်း ဘေး မှာတောင် ဝယ်လို့ရနေပါပြီ။ အဲဒီ ၈၀/၉၀ ကာလက ပိုလန်ရေကိုဈေးကြီးပေးပြီး ဝယ်သောက်ရတယ်။ ရေသန့်နဲ့သောက်မှ ဘလက်လေ ဘယ်က အရသာရှိတာလို့ အစ်ကိုကြီးမင်သစ်ကခပ်ကြွားကြွားပြောပါ တော့တယ်။ ပိုက်ဆံအတော်များများရှင်းလိုက်ရတယ်။

အစ်ကိုကြီးပါသမျှ ကုန်ရောဆိုပါတော့။ ရန်ကုန်ဆူးလေလမ်းမှာ ဘိုင်အိုမင်းသစ်ဆိုပြီး ကျူရှင်ခန်းမကြီးထဲ မှာသင်ရတဲ့ ကျူရှင်ဆရာပဲလေ။ ငွေတွေရတာမှမနည်းသလို ရတဲ့ငွေကိုလည်းကုန်အောင်ဖြုန်းပစ်တတ်တယ်။ ထားတော့။ အဲဒီညက အင်လျားလိပ်ဟိုတယ်က တက်စီငှားပြန်လာခဲ့ကြတယ်။ သုခလမ်းထဲက THEMNNTHIT ခြံအဝရောက်တော့ တက်စီပေါ်ကဆင်းကြတယ်။ အစ်ကိုကြီးမင်းသစ်က ခြံထဲမဝင်သေးပဲ “ ဟေ့ကောင်တွေ၊ ငါ အရက်မဝသေးဘူးကွ” ဆိုပြီးပြောတဲ့အခါ၊ ကဗျာဆရာဇောင်းထက်က” အရက် အကောင်းစားဆိုပြီး သောက်ရေးမပါတာ၊ မူးလဲမမူးဘူး” ဆိုပြီးထောက်ခံပါလေရော။ ပိုက်ဆံကလည်း ပါတာကုန်နေပြီဆိုတော့ လမ်းထိပ်တောအရက်ဆိုင်ကိုရောက်ပါလေရော။

လမ်းထိပ်တောအရက်ဆိုင်မှာ အကြွေးယူပြီး တောအရက်ကို သံပုရာသီးနဲ့ အုန်းမုတ်ခွက်နဲ့ရေခပ်ပြီး သောက်ကြတော့မှ မူးသွားတယ်။ အစ်ကိုကြီးမင်းသစ်က အခုမှ မူးတာတဲ့။ အဲဒီလိုလိုလူ။

အဲဒီလိုမူးတော့မှခြံထဲပြန်ဝင်လာခဲ့ကြတယ်။ အဲဒီအချိန်က ကျွန်တော်လည်း အစ်ကိုကြီးမင်းသစ် ခြံထဲမှာနေတဲ့အချိန်။ တဲစုတ်စုတ်လေးရဲ့အရှေ့ကွပ်ပျစ်လေးမှာ ကျွန်တော်နဲ့ ဦးဖိုးထူး (ကဗျာဆရာမောင် သင်းခိုင်) က ခြင်ထောင်ကျဉ်းလေးထောင်ပြီးအတူ အိပ်တယ်။
အပြင်မထွက်တဲ့နေ့တွေဆိုခြံထဲမှာလူတွေစုံတယ်။ မောင်ခိုင်မာ၊ မောင်ရန်ပိုင်၊ မောင်တင်ဆင့်၊ ဇောင်းထက်၊ မောင်အောင်ပွင့်တို့က အမြဲလိုလာကြတဲ့သူတွေ။ ခံစားသူကြီးလည်း ပင်တိုင်ပါပဲ။ တခါတရံမှာ ဆရာတင်မိုးလည်းရောက်လာတတ်တယ်။ ခြံထဲမှာနေတဲ့ ကိုချစ်ဇော် က ချက်ပြုတ်ရေးတာဝန်ခံပေါ့။ ဘယ်သူလာလာ အစ်ကိုကြီးမင်းသစ်နဲ့အစ်မကြီးရှယ်လီ(ရှယ်လီထွား၊ အင်္ဂလိပ်ပိုင်း အဆိုတော်) က တာဝန် မကျေဘူးဆိုတာမရှိစေရဘူး။ ခြံထဲလာသူဖြစ်စေ၊ ၃၃ လမ်းစာပေလောကထဲမှာ လိုအပ်လို့ အကူအညီတောင်းသူဖြစ်စေ ကူညီနိုင်သလောက် ကူညီလိုက်တာပါ။ စာပေနယ်ကဒုက္ခသည်တွေကို ထမ်းနိုင်သမျှထမ်းထားသူတယောက်အဖြစ် သိခဲ့ကြတယ်။
နောက် ခြံထဲမှာ ဘော်ဒါဆောင်တွေဆောက်ပြီးဖွင့်တယ်။ ရန်ကုန်မှာ အမြဲနေ ဘော်ဒါဆောင်ဖွင့်တာ အစ်ကိုကြီးမင်းသစ်က အရင်ဆုံးထဲမှာပါ တယ်လို့ပြောနိုင်ပါတယ်။ ဆယ်တန်းကျောင်းသားတွေကို တစ်နှစ်စာဘယ်လောက်ဆိုပြီးလက်ခံလိုက်တာဆောက်ထားတဲ့အဆောင်တွေပြည့် သွားပါတယ်။ လူနေအဆောင်တွေ၊ စာသင်ခန်းမ၊ စားသောက်ဆောင်၊ စားဖိုဆောင်တွေအဆင့်အတန်းမြင့်သလောက်အစ်ကိုကြီးမင်းသစ်တို့နေတာကတော့ တဲစုတ်လေးပါပဲ။ ဘာသာစုံသင်တဲ့ဆရာတွေကကျူရှင်လောကမှာ နာမယ်အကြီးဆုံးတွေပါပဲ။ ဆရာတင်မိုးက မြန်မာစာသင်တယ်။ ကိုဟိန်းလတ်က အင်္ဂလိပ်စာ၊ ကိုသန်းနိုင် က သင်္ချာ စသဖြင့်။

ဒီအချိန်မှာကြီးကြီးကျယ်ကျယ်နေချင်တဲ့စိတ်ကအစ်ကိုကြီးမင်းသစ်မှာပေါ်လာပါလေရော။ ငွေတွေရ တဲ့အချိန်မှာ ကားဝယ်မယ်ပေါ့။ ကားဝယ်မယ်ဆိုတော့ အဲဒီအချိန်ကခေတ်စားနေတဲ့ဂျပန်ကထုတ်တဲ့ SE လိုကားမျိုးပဲလို့ထင်ခဲ့တာ။ အစ်ကိုကြီးမင်းသစ်ဝယ်ချလာတာက ဂျာမန်ကား။ ဂျာမန်ကားတောင် သံရုံးက လေလံဆွဲပြီးဝယ်တာ။ ကားကြီးကအဟန့်ကြီးတယ်။ ခန့်ညားတယ်ပေါ့။ ”ဒီကားမျိုးက ဂျင်တဲလ်မင်းတွေ စီးတာ” တဲ့။ ကျွန်တော်တို့လည်း အစ်ကိုကြီးမင်းသစ်ကိုအထင်ကြီးသွားတယ်။ သူဝယ်လာတဲ့ကားက တော်ရုံတန်ရုံလူတွေမစီးနိုင်ဘူး။ မစီးကြဘူးလို့ဆိုရင် ပိုမှန်ပါလိမ့်မယ်။ နောက်မှ ဒီဂျာမန်ကားက ဆီအရမ်း စားတယ်တဲ့။ သံရုံးကလူတွေမို့စီးနိုင်တာ၊ အပြင်လူဆိုရင် ဆီဖိုးနဲ့မွဲလိမ့်မယ်တဲ့။ နောက်ကားရပ်ဖို့နေရာက လည်း အရမ်းရှားတယ်။ ကားကအကြီးကြီးဆိုတော့ နေရာရှားတာပေါ့။ ကြာတော့ပြန်ရောင်း မယ်ဆိုတော့ ဝယ်မယ့်လူကမရှိဘူး။ မင်းသစ်ဆိုတာ အဲလိုလူ။

တနေ့ ဆရာမင်းသစ်နဲ့ဆရာမရှယ်လီထွားဆိုတာ သူစာသင်ခဲ့ရတဲ့ဆရာနဲ့ဆရာမဆိုပြီး ကိုဗဟိန်း အောင်(ဗန်းမော်တင်အောင်သား) ကပြောပြီး ခြံထဲကိုကျွန်တော်နဲ့လိုက်လာတယ်။ ဆရာတပည့်သုံးယောက်ပြောလိုက်ကြတာ မရပ်နိုင်ကြဘူး။ ကိုဗဟိန်းအောင်ပြောတဲ့ စကားထဲမှာ အခုထိမှတ်မိနေတာက ”ဆရာမင်းသစ်က တွံ့တေးသိန်းတန်ကို သီချင်းတွေရေးပေးနေတဲ့တေးရေးဆရာပေါ့၊ သူရေးတဲ့သီချင်း တွေထဲမှာ အောင်သွယ်တော်ဖိုးရွှေလမင်းတို့ဆို အရမ်းနာမယ်ကြီးတဲ့သီချင်းတွေပေါ့။ ဗမာအသံသီချင်းတွေကို ပိုင်ပိုင်နိုင်နိုင်ရေးတတ်သူ၊ ဇာတိကလည်း စစ်ကိုင်းသားဆိုတော့ ဗမာအရမ်းဆန်လိမ့်မယ်ပေါ့၊ မရှယ်လီထွားက အင်္ဂလိပ်သီချင်းတွေကိုမြန်မာ့အသံမှာဆိုနေတဲ့သူ၊ခရစ်ယာန်လည်းဖြစ်တော့ ဘိုဆန်လိမ့်မယ်ပေါ့၊ ဒါကကိုဗဟိန်းအောင်က ခန့်မှန်းခဲ့တာ၊ တကယ်တမ်းကျတော့ ကိုမင်းသစ်က ဂျင်းဘောင်းဘီကို မချွတ်တမ်းဝတ်ပြီး တကယ့် ဘိုဆန်ဆန်နေချင်သူ၊ မရှယ်လီက ထမီကိုဖြစ်သလိုဝတ်ပြီး ငပိရည်နဲ့ထမင်း ကို ဇလုံထဲထည့်နယ်ပြီး စား တတ်သူ၊ ဗမာအရမ်းဆန်တဲ့မွန်မကြီးဆိုတော့ ခန့်မှန်းထားသမျှ တက်တက် စင်အောင်လွဲနေတဲ့အကြောင်းပြန်ပြောကြတော့ရီလို့မဆုံးနိုင်အောင်ဖြစ်ခဲ့တာ မှတ်မိပါသေးတယ်။

အဲဒီနေ့က ကိုဗဟိန်းအောင်က အင်္ဂလိပ်စာကျူရှင်ဆရာပြန်လုပ်ခဲ့ရတာလည်း ဆရာနဲ့ဆရာမတို့ရဲ့ ကျေးဇူး ပါတဲ့။ ကျွန်တော်က ဒါဆို အစ်ကို ကြီးနဲ့အစ်မကြီးတို့ဆီက အင်္ဂလိပ်စကားပြောသင်မယ်ဆိုတော့ ”ဟဲ့ အကောင်မြတ်လှိုင်း၊ နင်ကငါတို့အိမ်မှာနေပြီး ထူးသင်စရာမလိုဘူး၊ ငါတို့ လင်မယား ည ညရန်ဖြစ်နေတဲ့ အသံတွေ နားထောင် အလိုလိုတတ်သွားလိမ့်မယ်” လို့ အစ်မကြီးမရှယ်လီကပြောတယ်။ ဟုတ်ပါရဲ့ဗျာလို့ ကျွန်တော်လည်းတွေးမိပါလေရော။ သူတို့လင်မယားနှစ်ယောက်က ဘိုလိုရန်ဖြစ်တာညတိုင်းပါပဲ။ 
ညည့်နက်သန်းခေါင်ပါပဲ။ ကျွန်တော်နဲ့ ဦးဖိုးထူး (မောင်သင်းခိုင်)က အရှေ့ကွပ်ပျစ်ပေါ်ကနေ အတိုင်းသား ကြားနေရတာပေါ့။ ဦးဖိုးထူးကတော့ လုံးဝမကြားနိုင်ပါဘူး။ သူကပြောတာ ကျုပ်က ဇင်ဆိုပဲ၊ အိပ်ရင်ခေါင်း အုံးပေါ်ခေါင်းကျတာနဲ့ တခေါခေါ ခေါတော့တာပဲ။ အဲဒီဇင်ကိုခေါင်းရိုက်ခွဲပစ်ချင်တယ်လို့ ကျွန်တော်နောက် ပြီး ပြောခဲ့ပါသေးတယ်။ ဦးဖိုးထူးက ဇင်ဘာသာဖြစ်တာမဖြစ်တာတော့မသိ၊ အစ်ကုိကြီးမင်းသစ်ကတော့ ကွန်မြူနစ်စစ်စစ်။ ဗကပ(ဗမာပြည်ကွန်မြူနစ် ပါတီ) ကိုမထောက်ခံတဲ့ နိုင်ငံတကာကွန်မြူနစ်ဝါဒီတယောက်ဆိုတော့ ဘာသာမဲ့ဖြစ်နေတယ်လေ။

နောက်အမှတ်ရနေတာက အစ်ကိုကြီးမင်းသစ်နဲ့ကျွန်တော်ရုပ်ရှင်လောကဆရာပါပါကြီး (ဒါရိုက်တာ မောင်တင်ဦး)တို့နှစ်ယောက် ဆုံကြတယ်။ ကျွန်တော်နဲ့ပတ်သက်ပြီး သူတို့နှစ်ယောက်ဆုံပြီး ယမကာမှီဝဲ ဖြစ်ကြတယ်ဆိုပါတော့။ အစ်ကိုကြီးမင်းသစ်ကလည်း ပါပါကြီးကို အထင်ကြီးနေသူ၊ ပါပါကြီးကလည်း အစ်ကိုကြီးမင်းသစ်ကို အထင်ကြီးနေသူ။

ဒီလိုလူနှစ်ယောက်ဆုံဖြစ်ကြတော့ စကားတွေပြောရင်း ရုပ်ရှင်တကားရိုက်ကြမယ်ပေါ့။ နှစ်ယောက်စလုံးက ကြီးကြီးကျယ်ကျယ် လုပ်တတ် သူ။ ရုပ်ရှင်ကားကလည်း နှယ်နှယ်ရရရိုက်မယ့်ကားမဟုတ်တော့ဘူး။ နိုင်ငံတကာကိုနယ်ချဲ့မယ်လို့ပြောနိုင်တဲ့ကား။ပြောရင်းနဲ့ ဒီရုပ်ရှင်ကားကြီးကို မြစ်ဝကျွန်းပေါ်က တံငါလုပ် စားနေတဲ့လူတွေကို အခြေတည်မယ်။ အစ်ကိုကြီးမင်းသစ်က သူစိတ်ကူးနဲ့ရေးထားတဲ့ဇာတ်လမ်းကိုပြော ပြပါလေရော။ ပါပါကြီးက ဇာတ်လမ်းကိုနားထောင်ပြီး ဒါရိုက်တာပညာကုန်ထုတ်သုံးပြီးရိုက်မယ်ပေါ့။ ဇာတ်ညွှန်းက ကျွန်တော်ရေးပေါ့

သူတို့နှစ်ယောက်ပြောနေတာကိုကျွန်တော်ပြုံးပြီးနားထောင်နေလိုက်တယ်။ သူတို့ပြောနေတာတွေက အရမ်းကြီးကြီးကျယ်ကျယ်ရိုက်မယ့်ပုံ။ ဒါကိုလည်း မဖြစ်လာနိုင်ပါဘူးလို့လည်း မပြောရဲဘူး။ သူတို့လိုလူတွေက သူများတွေက မဖြစ်နိုင်ပါဘူးထင်တာတွေကို အံ့သြသွားလုပ်ပြတတ်တဲ့လူတွေဆိုတာလည်း ကျွန်တော်သိနေတယ်လေ။

ဒါပေမဲ့ မဖြစ်ခဲ့ပါဘူး။ သိပ်မကြာခင်မှာပါပါကြီးလည်းဆုံးသွားတယ်။ သူမဆုံးခင်လေးမှာအစ်ကိုကြီးမင်းသစ်နဲ့ဆုံတွေ့သွားပါတယ်။ ဒီတွေ့ဆုံမှုဟာမြန်မာပြည်မှာထူးခြားတဲ့ ပုဂ္ဂိုလ်နှစ်ယောက်တွေ့ဆုံသွားခဲ့ တာလို့ မှတ်မိနေပါတယ်အခုဆို အစ်ကိုကြီးမင်းသစ်လည်းအသက် အရွယ်ရနေပါပြီ။ စိတ်ထဲကြံစည်ထား ခဲ့သမျှတွေကိုအကောင်အထည်မဖော်နိုင်တော့ပါဘူး။ သူသာစိတ်ထဲရှိသမျှအကောင်အထည် ဖော်နိုင် ဦး မယ်၊ အကောင်အထည်ဖော်ခွင့်ရနေမယ်ဆိုရင် သူရေးနေတဲ့ ပညာရေး ဝေး ဝေးဆိုတာကို မဝေးအောင် လမ်းညွှန်ပြနိုင်မယ်လို့ ထင်နေမိပါတယ်။
(အစ်ကိုကြီးမင်းသစ် အားဂါဝရပြုအမှတ်တရ)

မြတ်လှိုင်း
(First News -ဂျာနယ်)
( မူရင်းဓာတ်ပုံရှင်ကို Credit ပေးပါသည်)


Comments