ကြွက်
တကောင်ဟာ သူအိပ်နေတုန်း ပါးစပ်ထဲဝင်သွားတယ်
သူ့စိတ်ထဲလျှောက်ပြေးရင်း ချောင်ကြိုချောင်ကြားက
မေ့နေတဲ့ မှတ်ဉာဏ်အပိုင်းအစတွေကို ကိုက်ချီလိုက်
သူ့အိပ်မက်ဟောင်းတွေကို တူးဆွလိုက်နဲ့လုပ်နေတာ
တစ်ရက်မဟုတ် နှစ်ရက်မဟုတ်
ချွဲကျိချွန်မြနေတဲ့ကြွက်သွားတွေဟာ သူ့ဦးနှောက်ထဲက
သတင်းစာခေါင်းစီးစာလုံးတွေကို တစစီကိုက်ဖြတ်ပြီး
ပြန်အန်ချလိုက်တဲ့ အန်ဖတ်ပုံကြီးထဲ သူ့အတိတ်က
ဒဏ်ရာဟောင်းတွေဟာ သွေးစက်တွေနဲ့အတူမျောလို့
မိုးတွေစရွာတဲ့နေ့တနေ့မှာသူဟာ
ကြွက်သတ်ဆေးတပုလင်းသောက်ချလိုက်တယ်။
မင်းလွင်
...
စနက်တံနဲ့ငြိနေတဲ့အလင်း
 |
စနက်တံချွတ်ပြီး
ရေးခဲ့တဲ့ ပြဇာတ်တွေ
ဇာတ်ပေါင်းခန်းမပါတဲ့
မျက်ဝန်းထဲကထွက်ကျလာတဲ့
အနီရောင်အလင်းတန်း
ခရီးရှည်။
နေဝင်ချိန် နဲ့ နေထွက်ချိန်ကို
ကျမငဲ့မကြည့်ချင်တော့ဘူး
ဘဝအက်ကွဲရာတွေနဲ့
ဆက်တွဲထားတဲ့
သဘာဝအက်ကြောင်းတွေ
အလင်းထုတ်လွှတ်ရာ
ပါးစပ်ပေါက်မှာ ထင်ထင်ရှားရှား ။
ဝါကျဖြူ
...
အရူးစွမ်းကောင်း
 |
မိုးကိုမျှော်ကြည့်ပြီးမှ
မြေကြီးကိုလက်နဲ့ဆွဲကုတ်လိုက်တာ
နူးညံ့သိမ်မွေ့မှု
။
ဟောဟိုမှာ
ဂိုးတိုင်ဘားတန်းပေါ်
လက်လွတ်လျှောက်ပြနေတာ
ရင်သပ်ရှုမော
အံ့မခန်းပ
ဟန်ချက်တည်ငြိမ်မှု
။
မယုံရင်
ရှုစားကြ
သူ့မျက်ခုံးမွှေးကိုမီးရှို့လိုက်ပြီ
မီးတောက်ကလေးနဲ့
ဂုတ်ထိပ်တံတားပဲ
အရူးစွမ်းမှု
။
ဂစ်တာတီးပြစမ်းပါ
ပုဆိုးခါးတောင်းကျိုက်ပြီး
ကွေးနေအောင်
အသဲကွဲတဲ့အထိ
ကပြလိမ့်မယ်
ပေါ့ပါးပျော်ရွှင်မှု။
ဟောဒီကန်ကြီးထဲကရေ
ငါကုန်အောင်
ချိုးပြမယ်
သူ့ကိုယ်သူပက်လက်လှန်ပြီး
ပင်လယ်ကိုမှောက်ခုံကြီးလုပ်ပစ်လိုက်တာ
အဆန်းတကြယ်ပျံသန်းမှု
။
နေညိုချိန်ဆိုက်တော့
လက်ယက်တွင်းကလေးတွေဆီမှာ
သူ့အဝတ်အစားတွေရဲ့ရနံ့
ထုံသင်းကျန်ရစ်တယ် ။
မသေဆေးစားသူတွေထဲမှာ
သူလည်းတစ်ယောက်အပါအဝင်ပေါ့
ငါတို့နှလုံးသားတွေ
ဝဖီးနေလိုက်ကြပုံများ
။ ။
ဝေယု
Comments
Post a Comment