သစ်ခက်သံလွင် ကဗျာရှည်၊ ကိုချမ်းမှိုင်း "နုရင်ဘတ် လမ်းလျှောက်ထွက်ခြင်း"

နုရင်ဘတ် လမ်းလျှောက်ထွက်ခြင်း

The Telegraph

မြို့တမြို့မက်တဲ့ အိပ်မက်မှာ …

နုရင်ဘတ်ခုံရုံး လမ်းလျှောက်ထွက်လာတယ်

သူက နှုတ်ဆက်တယ် …

“စာဖတ်နေသူကြီးနဲ့ အပေါင်းအပါတွေ နေကောင်းလား”

“သစ်ခွပန်းစိုက်သူကြီးနဲ့ အပေါင်းအပါတွေ နေကောင်းလား”

“နွားနို့သောက်သူကြီးနဲ့ အပေါင်းအပါတွေ နေကောင်းလား”

အိပ်မက်ထဲမှာ …

နုရင်ဘတ်ခုံရုံးက ပြောတယ် …

“နိုင်ငံသူနိုင်ငံသားတွေအပေါ် ရာဇဝတ်မှုကျူးလွန်ခဲ့တာမှန်ရင်

အချိန်ကာလကန့်သတ်ချက်မရှိ

ဘယ်အချိန်မှာမဆို

နိုင်ငံတကာရာဇဝတ်မှုခုံရုံးမှာ တရားဆွဲဆိုခံရမှာဖြစ်တယ်”

 နုရင်ဘတ်ခုံရုံးက ပြောတယ် …

“ပြည်တွင်းမှာ ဥပဒေတွေထုတ် ဖုံးထားကာထားလို့

စစ်ရာဇဝတ်ဘေးက ပြေးမလွတ်ဘူး

တရားဥပဒေရဲ့  ဆုံးဖြတ်ချက်ကို

ခေါင်းဆောင်ကောင်းမှန်ရင် ရဲရဲ ခံယူရဲရမယ်”

နုရင်ဘတ်ခုံရုံးက သူ့ပိတ်သားပေါ်မှာ

မှတ်တမ်းတင်ထားတဲ့ ရုပ်သံတချို့ ကို အခုလို ဖွင့်ပြတယ် …

စစ်ကားတွေ တက္ကသိုလ်ဝန်းထဲ မောင်းဝင်လာတယ်

စစ်သားတွေ ပြေးဆင်းလာတယ်

“ပစ်” – တဒုန်းဒုန်း တဒက်ဒက်

မြင်မြင်ရာ ကျောင်းသားကျောင်းသူတွေကို

စတင် ပစ်ခတ် ရိုက်နှက် ဖမ်းဆီး

တက္ကသိုလ်ဝန်းဟာ သွေးချင်းချင်းနီ

စစ်မြေပြင်တခုအလား …

ကျောင်းသားရာချီသေဆုံး 

ထောင်ကျော်ဖမ်းဆီးခံလိုက်ရတဲ့ မြင်ကွင်း ...

မကြာမီ …

“ဝုန်း” 

ဒိုင်းနမိုင်းတလုံး

ကျောင်းသားသမဂ္ဂအဆောက်အဦမှာ

ပေါက်ကွဲသွားတဲ့ မြင်ကွင်း …

နုရင်ဘတ်ခုံရုံးက

သူ့ပိတ်သားပေါ်မှာ  ဆက်ပြတယ် …

“သပိတ် သပိတ် မှောက် မှောက်”

“ဒီမိုကရေစီရရှိရေး ဒို့အရေး ဒို့အရေး”

ရဟန်း ရှင်လူ ကျောင်းသား ပြည်သူ

လှည်းနေ လှေအောင်း မြင်းဇောင်းမကျန်

လူပင်လယ်လှိုင်းကြီးက တနိုင်ငံလုံးအနှံ့ဖြန့်ကျက်စီးဆင်း

ပစ်-အကြမ်းဖက်ဖြိုခွဲ-ဖမ်းဆီး-ညှဉ်းပန်းနှိပ်စက်

ရေကန်တွေအဆိပ်ခပ်- မင်းမဲ့စရိုက်အသွင်ဖန်တီး- အာဏာသိမ်း

ရန်ကုန်-လူပေါင်း ၃၀ဝ၀ ကျော် အတုံးအရုံးသေဆုံး

တနိုင်ငံလုံးအနှံ့ လူပေါင်း ၁၀ဝ၀ဝ ကျော်သေဆုံး

ရာပေါင်းထောင်ပေါင်းများစွာ ဖမ်းဆီးအကျဉ်းချခံလိုက်ရတဲ့ မြင်ကွင်း …

ရုပ်မြင်သံကြားကတဆင့် …

“နောင်ကို လူစုလူဝေးနဲ့  ဆူဆူပူပူလုပ်လို့ ရှိရင်တော့

စစ်တပ်ဆိုတာ ပစ်ရင် မှန်အောင်ပစ်တယ်

မိုးပေါ်ထောင်ပြီး ချောက်တာမပါဘူး”

နုရင်ဘတ်ခုံရုံးက

သူ့ပိတ်သားပေါ်မှာ ဆက်ပြတယ် …

ရပ်ကွက်ထဲက လူမိုက်တွေ

ထောင်ထဲက ရာဇဝတ်အကျဉ်းသားတွေ

နေ့စားခ ကြိုတင်ရှင်းပေး

တချို့ ကိုဆေးတိုက် တချို့ ကို ခေါင်းရိတ်သင်္ဃန်းဝတ်

ကားတွေ ကားတွေနဲ့ ကျီရွာနားမှာ တိတ်တဆိတ်နေရာယူ

ဒေါ်စုနဲ့ NLD ပါတီဝင်တွေ ကားတန်းကို

ချောင်းမြောင်းလုပ်ကြံ အကြမ်းဖက်ဝင်ရောက်တိုက်ခိုက်

ဒီပဲယင်း- လူပေါင်းရာချီသေဆုံး

အလောင်းတွေဖျောက်ဖျက်ဖို့ ကျင်းတူးနေတဲ့ မြင်ကွင်း …

(တရားခံခုထိ မဖော်ထုတ်နိုင်သေး)

နုရင်ဘတ်ခုံရုံးက

သူ့ပိတ်သားပေါ်မှာ  ဆက်ပြတယ် …

တမြို့လုံးအနှံ့ လမ်းတွေအပြည့် မေတ္တာသုတ်ရွတ်ဖတ်

ဝန်းရံပြည်သူတွေနဲ့ ချီတက်နေတဲ့ ရဟန်းသံဃာတွေ

ပစ်ခတ်-သတ်ဖြတ်-အကြမ်းဖက်ဖြိုခွဲ-ဖမ်းဆီး-ညှဉ်းပန်းနှိပ်စက်

ရာပေါင်းများစွာ အသတ်ခံရ

ထောင်ပေါင်းများစွာ ဖမ်းဆီးခံရ

တိတ်ဆိတ်သွားတဲ့ ငွေကြာယံဘုန်းကြီးကျောင်း

ကြမ်းခမ်းမှာ သွေးအိုင်တွေ ဟိုတကွက် ဒီတကွက်

သွေးစွန်းနေတဲ့ သင်္ကန်းအပိုင်းအစတွေ

ရဟန်းစီး ဖိနပ်တွေ ဟိုတနေရာ ဒီတနေရာ

ကျည်ဆန်ရာ ဗလပွနဲ့

ကြမ်းပြင်ပေါ်ပြိုလဲကျနေတဲ့ ဗုဒ္ဓဆင်းတုတော်တွေနဲ့ မြင်ကွင်း …

(အခုထိ မည်သူမျှ အရေးယူမခံရသေး)

နုရင်ဘတ်ခုံရုံးက

သူ့ပိတ်သားပေါ်မှာ  ဆက်ပြတယ် …

နာဂစ်မုန်တိုင်းကြောင့်

လူတွေ သိန်းချီသေ သန်းချီ ခိုကိုးရာမဲ့နေချိန်

နိုင်ငံတကာရဲ့ကူညီမှုကို ငြင်းဆို

ပြည်သူတွေရဲ့ဘဝပေါင်းများစွာကို လျစ်လျူရှု

သဘာဝကပ်ဘေးကြီးထဲ ပစ်ထားခဲ့ပုံ

ကယ်သူမဲ့ ကူသူမဲ့

အလောင်းတွေ နေရာတကာ မြင်မကောင်းရှုမကောင်း

ဘဝပေါင်းများစွာ ဒုက္ခပင်လယ်ဝေခဲ့ရတဲ့ မြင်ကွင်း …

နုရင်ဘတ်ခုံရုံးက ပြောတယ် …

“ပေါ်တာ ကလေးစစ်သား မြေမြှုပ်မိုင်း မီးလောင်ဗုံး”

အထောက်အထားတွေ စုံစုံလင်လင်

အရပ်သားတွေ သိန်းနဲ့ချီ

နယ်စပ်မှာ ထိုးစစ်စင်ခံရ နေရာပြောင်းရွှေ့ခံရ

သန်းနဲ့ချီ နယ်စပ်ဖြတ်ကျော်

အိုးပစ်အိမ်ပစ် စစ်ဘေးဒုက္ခသည်အဖြစ် ထွက်ပြေးရ

နုရင်ဘတ်ခုံရုံးက မေးတယ် …

“License to Rape” အစီရင်ခံစာ

“War Crimes and Crimes against Humanity

in Eastern Myanmar” အစီရင်ခံစာ

“စစ်အာဏာရှင်ခေါင်းဆောင်တွေ ဖတ်ဖူးလား”

 “မဖတ်ဖူးရင် Google ကြည့်”

နုရင်ဘတ်ခုံရုံးက ဆက်ပြောတယ် …

“သမိုင်းဆိုတာ ညာလို့လည်း မရဘူး”

“သမိုင်းဆိုတာ ညှာလို့လည်း မရဘူး”

တရားမျှတမှုဆိုတာ

မတရားမှုကျူးလွန်သူတွေကို

အမြဲတမ်းချောက်လှန့်နေဦးမယ့် တစ္ဆေ္ဆ … ။

ကိုချမ်းမှိုင်း

[နိုဝင်ဘာ ၂၀၁၆]