Monday, November 14, 2016

k

သစ်ခက်သံလွင် တကိုယ်တော်ကဗျာ၊ မြင့်အောင်သန့် ၏ ကဗျာများ

ရင်းစား
Pinterest
သစ်သီးတွေကသူ့ဘာသာခူးဆွတ်ပြီး
သစ်မြစ်တွေကသူ့သဘောနဲ့သူ
မြေကြီးထဲတိုးဝင်နေကြတယ်။
နှလုံးသွေးနဲ့ရင်းပြီးစိုက်ခဲ့တာ
သူတို့ကပဒေသာပင်လို့ထင်နေတယ်။

သဘေ်ာခုတ်မောင်းခိုက်
အမှုက်သရိုက်နဲ့ရွံ့ရေတွေ
ပဲ့ဆီကိုပြေးလွှာနေကြ။

လူဟာမျောက်ကဆင်းသက်ကြောင်း
လှောင်အိမ်ထဲထည့်ပြဘို့တော့
မလိုအပ်ဘူးလို့ထင်တယ်။

အဲဒီညကဗျာထမင်းဝိုင်းကို
ငါတို့
လောက်ခေါင်နဲ့ပဲပြီးလိုက်တယ်။

မြင့်အောင်သန့်
2005
-လောက်ခေါင် ထိုင်းအရက်ဖြူ

ဆိပ်ကမ်း
Chippewa Native American artist
-ကိုယ့်သင်္ဘောမှာ
ကိုယ်တိုင်က မာလိန်မှူး ဖြစ်လျက်
ဆိုက်ရမယ့်ကမ်းက မှိုင်းဝေလို့…

-နောက်ပြန်ငေးတော့ဟုတ်သလို
ရှေ့မျှော်ကြည့်တော့ ဟုတ်တော့မလိုလိုနဲ့
စိတ္တဇ ပန်းချီကားထက်
ခေတ်ပေါ်ကဗျာဖွဲ့တဲ့သူ။

-သည်လိုနဲ့
ကိုလံဘတ်က
အမေရိကတိုက်ကိုတွေ့တယ်။

အက်ဒီဆင်က
အလင်းရောင်ကိုတွေ့တယ်

လီယိုနာဒို ဒါဗင်ချီက
မိုနာလီဇာကိုတွေ့တယ်။

-ကျနော်ကတော့
အခန်းဆက်အိပ်မက်ရှည်ထဲက
ချစ်သူတွေကို ပြန်ပြန်ပြီး
တွေ့နေတယ်။

မြင့်အောင်သန့်
၁.၁၂. ၂၀၀၆
..
ဒုက္ခသည်စခန်းမှာ ညနေခင်း လမ်းလျှောက်ထွက်ခြင်း
Pinterest
 -ဟိုးတူရူက
မိုးထိမြင့် ညိုမှောင် တောင်တန်းတွေထက်
သူတို့ဒုက္ခက ပိုမြင့်တယ်

-တိမ်ရွှေအို
နွေရည်တွေလှည့်ခွေစီးကျ

-ဝဲယာက ဆုံးစမထင် စိမ်းညှို့အေးမြတာထက်
သူတို့ဒုက္ခက ပိုနက်တယ်

-လမ်းမ
အပျိုမပေါင်တန်လို ဖြောင့်စင်းလို့

-ကိုယ်လက်လှုပ်ရှားသူ
ပြေးလွှားသူ
လမ်းလျှောက်သူ
တောင်ထွတ်မှာ ဒုက္ခသည်တွေ စိုက်ထူခဲ့တဲ့အလံနဲ့
ပဲ့တင်သံကို နားဆင်ကြ

-အို…ကျောင်းဆင်းချိန်
ကလေးတွေ ထင်းခွေပြီး ပြန်လာကြပါလား

မြင့်အောင်သန့်
၃၁. ဒီဇင်ဘာ. ၂၀၀၆
မီးလျှံများ
American artist Brian Rutenberg
 မိစ္ဆာမျှတဲ့လောင်စာနဲ့
အဟုန်ကောင်းကောင်း
တဝုန်းဝုန်း
ထိန်ညီးတောက်လောင်နေပုံများ
ကိုယ်တိုင်ပဲမီးကျည်ခဲ
မီးပြင်းထဲ
တမြေ့မြေ့လောင်ကျွမ်းမှန်းမသိ
သူယောင်တောမှာ
မိန်းမောလို့။

မြင့်အောင်သန့်
၂၈. ၂. ၂၀၀၇
ရမ္မက်
Pinterest
 တလောကလုံးခပ်သုံးပြီး
ဆားခဲကြီးဖြစ်လို့
ဒါတောင်
ပင်လယ်ကိုငံ့လင့်နေတုန်း။ ။

မြင့်အောင်သန့်