သစ်ခက်သံလွင် တကိုယ်တော်ကဗျာ၊ စိုးခိုင်ညိန်း၏ကဗျာများ

လေထဲမှာ

www.huma3-archive.com

 ဘယ်အချိန်မှာ မင်း အိပ်ရာဝင်တာ

မင်း အိပ်ရာထတာ ဘယ်အချိန်

မင်း လမ်းလျှောက်နေတာ ဘယ်နေရာ

လေညှင်းလေး တိုက်ခတ်ရင် ဆံနွယ်တွေကို သပ်တင်နေမှာ 

မိုးတွေရွာရင် မင်းကိုယ့်ကိုလွမ်းနေတာ 

မင်းထွက်သက် ဝင်သက်ကအစ ကိုယ်အားလုံးသိပါတယ်

ဟော အခု မင်းအိပ်ခန်းထဲ ဝင်သွားပြီ

အိပ်ရာပေါ် စောင်းအိပ်လိုက်ပြီ

လွမ်းတယ်လို့ ကိုယ့်ဆီ message ပို့လိုက်ပြီ

အတိအကျပဲ တနယ်စီခြားနေလည်း ဘာတခုမှမလွဲဘူး

အခုပဲ မင်းပို့လိုက်တဲ့ message ကိုယ်ဖတ်နေရပြီလေ။။

စိုးခိုင်ညိန်း

(23, 8, 2016)

.....

မိုးရေစက်တွေအောက်မှာ 

es.pinterest.com

 ဒီအချိန်မှာ ဘာတွေပြောနေရဦးမှာလဲ

ပူပြင်းခြောက်သွေ့ခဲ့တဲ့အကြောင်းတွေ

ရေဆာသလိုအက်ကွဲ တမ်းတခဲ့တာတွေပဲပေါ့

တယောက်နဲ့ တယောက် ရွဲရွဲစိုနေတာပဲ

မိုးရာသီအကြောင်းတော့ မပြောမိကြဘူး။။

စိုးခိုင်ညိန်း 

(21, 8, 2016)

.....

သစ်ရိပ်အောက်မှာ 

www.pinterest.com

 နောက်ဆုံးတွေ့ဆုံခြင်းပါပဲ 

ဘယ်သူမှလည်း မျက်ရည်ကျနေတာ မရှိပါဘူး 

အေးအေးဆေးဆေးပဲလေ

ပါးပေါ်က နေပြောက်ကို စိတ်မှတ်ထားမနေပါနဲ့

နေဝင်သွားရင် အရိပ်လည်း ဝင်သွားမှာပဲ

ယူတတ်ရင် သံဝေဂရစရာပဲပေါ့

သစ်ရွက်တွေ ကြွေနေတာ မြင်နေရတာပဲ။။

စိုးခိုင်ညိန်း 

(20, 8, 2016)

.....

ဘူတာရုံမှာ

www.pinterest.com

 ရက်စက်စွန့်ခွာထွက်ပြေးသွားသူကို

ကိုယ် ဒီနေရာကနေပဲ ရပ်စောင့်နေတယ်

သံသရာဆိုတာ လည်နေတဲ့အရာလို့

ကိုယ်က အသေအချာယုံတယ်လေ။။

စိုးခိုင်ညိန်း 

(17, 8, 2016)

.....

တံတားပေါ်မှာ

cocinaycultura.blogspot.com

ဟယ် ကြည့်စမ်း တိုက်တိုက်ဆိုင်ဆိုင်

နင် အခု ဘာတွေလုပ်နေလဲ အရင်လိုပဲလား

ငါဖြင့်ဟယ် ရုတ်တရက် မှတ်တောင်မမှတ်မိဘူး

နင်က အသားတွေဖွေးပြီး သန့်လာလိုက်တာ

ငါမှာတော့ အသက်ကိုကျစ်ကျစ်ပါအောင် ဆုပ်ပြီး

ပြေးလွှားရုန်းကန်နေရတုန်းပဲဟယ် 

ဒါပဲနော် နောက်မှ အေးဆေးတွေ့မယ် 

ငါ အရမ်းအရေးကြီးနေလို့ သွားတော့မယ်

စကားလုံးတို့သည် အပြေးအလွှားပြေးဆင်းသွားသော်လည်း လိုက်မမီတော့

မြစ်ရေတို့သည် အရပ်အနားမရှိ စီးဆင်းသွားလေပြီ ။။

စိုးခိုင်ညိန်း 

(17, 8, 2016)