သစ်ခက်သံလွင် တကိုယ်တော်ကဗျာ၊ ဂင်္ဂါဂူဂူး၏ ကဗျာများ

ဧဒင်ဥယျာဉ်မှ ညနေခင်းများအထိ ချစ်ခြင်း ရူးခြင်း ဖိစီးခြင်းများ

www.pinterest.com

ငါတို့ဟာ ဥယျာဉ်အပြင်ကို ခြေချမိတာနဲ့
ကမ္ဘာအနှံ့က ငါတို့ ကြိုက်တဲ့သစ်သီးတိုင်းကို အလိုရှိသလို လွတ်လွတ်လပ်လပ် ဆွတ်ယူစားသောက်နိုင်ကြပြီ
ငါတို့အတွက် ဘုရားသခင်ချမှတ်ခဲ့တဲ့ စည်းမျဉ်းဟာ နှလုံးသားတွေကို စည်းကြပ် လူသားရဲ့ခံစားနိုင်မှုအစွမ်းကို ကန့်သတ်ခဲ့ရုံသက်သက်ဖြစ်တယ်
အခက်ခဲဆုံးလမ်းကို ငါတို့အလွယ်တကူရွေးချယ် ဘုရားသခင်ကို ပြိုင်တူကျောခိုင်းခဲ့ကြတယ်
ငါတို့ဟာ ဘုရားသခင်ထက် ငါတို့ချင်းသာ ပိုနီးကပ်ပိုနားလည်လာကြတယ်
အရှက်သည်းလာကြတယ်
နှလုံးခုန်သံတွေ မြန်လာကြတယ်
ပွင့်လင်းစွာ ချစ်တတ်လာကြတယ်
နာကျင်စရာအသစ်မှာ စိတ်လှုပ်ရှားလာတယ်
ချွေးသံရဲရဲမှာ ပျော်ရွှင်လာကြတယ်
ဘုရားသခင်ညွှန်းဆိုတဲ့ ဒုက္ခကြီးခြင်းမှာ အရသာတွေ့လို့
ငါတို့ တခါနမ်းရှိုက်ကြတိုင်း ဘုရားသခင်ဟာ သက်ပြင်းပူကြီး တခါချတယ်
ဘုရားသခင်ရဲ့အရှိန်အဟုန်ကြီးလှတဲ့ ဝန်တိုမှုဟာ ငါတို့ကို သတ်ပစ်ခဲ့ပြီး
ငါတို့ချစ်ခြင်းကို သေအောင်မသတ်နိုင်တဲ့အခါ
ဘုရားသခင်ဟာ နှစ်ပေါင်းများစွာခြားပြီးမှ တယောက်ကို တနေရာစီမှာ လူဖြစ်ခွင့်ပြန်ပေးခဲ့တယ်
ကမ်းအမှားတွေမှာ ဆိုက်ကပ်စေခဲ့တယ်
လူစိမ်းတွေကို မင်းအယောင်ဆောင်စေခဲ့ပြီး ငါ့ကိုလည်း လူစိမ်းတွေရင်ခွင်မှာ မှားယွင်းစွာ ပြိုကျစေခဲ့တယ်
မိုးဖွဲဖွဲ အလင်းကျဲကျဲ ညနေခင်းတခုမှာ
ငါတို့ချစ်ခြင်းရဲ့တန်ခိုးဟာ ဘုရားသခင်ရဲ့ကျိန်ခြင်းကို နင်းချေဖြတ်တောက်နိုင်ခဲ့တယ်
ကြိုတင်ချိန်းဆိုမှုမပါဘဲ ငါတို့ဆုံတွေ့ခဲ့ကြပြီး
ပြန်လည်ဆုံတွေ့ခြင်းမှာ ကာလရှည်ကြာစွာ ဖိစီးခဲ့တဲ့ အလွမ်းတွေဟာ မောပန်းနွမ်းလျ အစေးပေါက်နေရာက ငါတို့ကိုယ်ပေါ် ဒလဟော ပွင့်အံလျှံကျလာ ငါတို့လည်း တယောက်ထဲတယောက် တိုးဝှေ့ဖက်တွယ်ထားမိရက်သား
တယောက်ထဲတယောက် အကြိမ်ကြိမ်ရောက်ခဲ့ဖူးလည်း အကြိမ်တိုင်းမှာ နီမြန်းပူထူလို့ သွေးဆူနေရက်သား
ငါပြောတယ်
‘ငါ့မှာ ဘာမှမရှိတော့ဘူး’ တုံ့ဆိုင်းစွာ
မင်းပြန်ပြောခဲ့တယ်
‘မင်းဟာ မင်းဖြစ်နေဆဲအချစ် ’
မင်းပြောတယ်
‘ကိုယ်လုံးပေါ်မှန်ထဲပေါ်လာ ငါ့ခန္ဓာကြီးဟာ အရုပ်ဆိုးလိုက်တာ’ စိတ်မသာစွာ
ငါပြန်ပြောခဲ့တယ်
‘မင်းခန္ဓာကိုယ်ကြီး အရှိအတိုင်းဟာ ငါ့တကယ့်ကမ္ဘာ ’
ဧဒင်ဥယျာဉ်ထဲမှာ
တားမြစ်ထားတဲ့ သစ်သီးကို ငါ့ဘက်က စကမ်းပေးခဲ့သလို
အဲဒီညနေခင်းမှာ
မင်းပေါင်တွေပေါ် ခြေထောက်တွေကို ငါ့ဘက်က စလှမ်းတင်ခဲ့တာ ။ ။

ဂင်္ဂါဂူဂူး
၉-၉-၂၀၁၆
သောကြာ

...

ညနေခင်းမှာသူ့ကိုနာကျင်ခြင်းတွေအလွတ်

www.pinterest.com

ရွတ်ပြမိတော့သူ့မျက်လုံးထဲကိုယ့်နာကျင်မှုဟာခုန်
ဝင်သွားတယ်အဲဒီမင်းမျက်လုံးထဲကနာကျင်ခြင်းအရောင်ကိုကိုယ်သိပ်ကြိုက်တာ
မပြောဖြစ်သေးဘူးမင်းပေးတဲ့ပန်းသီးသေးသေးလေးတွေကျွတ်
လိုက်ပုံများကိုက်လိုက်တိုင်း ဂျွတ်ဂျွတ်အသံတွေ
ဟာ အဲလစ်(စ) အိမ်ပြန်ရောက်နေပြီလားလို့တောင်အထင်မှားမိတယ် ဆေးမှတ်တမ်းတွေ
အဲလစ်(စ)စားသွားကြောင်းမင်းကိုပြောပြတော့တားမြစ်
အိပ်ဆေးတွေတရားဝင်ဝယ်ဖို့ကိုယ့်မှာသက်သေ
မရှိဘူးကိုယ်တို့ညနေခင်းဟာတရားဝင်ဖို့
မလိုအပ်ဘူးမဟုတ်လားမင်းရဲ့စူးရှထိုးထွင်းမှုဟာကိုယ့်ဆီ
တဟုန်ထိုး ထိုးဆင်းလာပြီးပွေ့ချီသွားတာကောင်းကင်နိုင်ငံ
ဆိုတာကောင်းကင်သားတို့အတောင်ခတ်မှရောက်မယ့်နေရာ
အခုကိုယ်တို့ရောက်နေတဲ့ညနေခင်း
ဟာ အိန်ဂျယ်လ်တို့ကမ္ဘာ နာရီကိုလှမ်းကြည့်
မင်းပစ်ချလိုက်တာ သက်ပြင်းလား မိုးကြိုးလား ကိုယ့်ကိုလား
ညနေခင်းကိုဆွဲဆန့်နေမိတာ ကိုယ့်ရဲ့များပြားလှတဲ့မင်းအပေါ်
တပ်မက်စွဲလမ်းစိတ်တွေဆိုတဲ့အကြောင်း ဒါလည်း
မပြောဖြစ်သေးတဲ့အကြောင်းတွေထဲသိမ်းထားရင်း
မင်းရဲ့အတောင်ပံရာတွေ တိမ်စတိမ်နတွေ
ကပ်ငြိနေတဲ့ကိုယ့်ခန္ဓာကိုယ် ငုံ့ကြည့်ရင်းလေ ။ ။ 

ဂင်္ဂါဂူဂူး
၂၀-၉-၂၀၁၆

…

 ထိုညနေခင်းများ

shadowlight9.blogspot.com

နိမိတ်ပြအိပ်မက်
ယုတ္တိလွန်စိတ္တဇ
နှလုံးရမ္မက်ကိုအားပေးသော မသိစိတ်မှာ
ထိုညနေခင်းများကို ပြိုင်တူလက်ခံရရှိကြတဲ့အခါ

နူးညံ့ကဗျာ
ခမ်းနားဂီတ
ချစ်သူဘာသာစကားမှာ
အသက်မဲ့ကမ္ဘာ ရှင်သန်လာ

ပင်လယ်ရနံ့အနမ်း
လွန်ပွဲအထိအတွေ့
အိမ်အရသာရင်ခွင်မှာ
ခမ်းခြောက်စမ်းချောင်းများ စီးဆင်းလာ

သံစုံကွတ်ကီး
ရောင်စုံသစ်သီး
ပျော်ရွှင်ဂျယ်လီမှာ
နေလောင်သစ်ပင်များ စိမ်းလန်းလာ

အစွဲလမ်းသွေးကြော
အရူးမျက်ရည်
အသဲကွဲချစ်ခြင်းမှာ
အိပ်မောကျနှလုံးသားများ နိုးထလာ

ဝိညာဉ်
အသက်ဓာတ်
စကားလုံးအနက်

ဘဝ
ခန္ဓာ
နှလုံးသား

ညနေခင်းမှာ ရှေးဘဝများစွာ
ညနေခင်းမှာ ကိုယ်တို့ များစွာ
ညနေခင်းမှာ ထိုညနေခင်းများစွာ ။ ။

ဂင်္ဂါဂူဂူး
၂၆-၉-၂၀၁၆