ခရီး
ငြိမ်းပြေ
(သစ်ခက်သံလွင်) ဇွန် ၁၄၊ ၂၀၂၃
မြစ်က မြို့အဝင်ထိပ်မှာ မေးတင်လို့
သစ်ပင်ကြီးတွေက မြစ်ကမ်းနဖူးမှာ စီစီရီပေါက်လို့
သစ်ပင်အုပ်အုပ်တွေကြားက
ဆိပ်ဖလူးနံ့တွေ ဝေသီနေတဲ့ကြားမှာ
နှစ်ချို့နေတဲ့အဆောက်အုံကြီးက တိတ်ဆိတ်လို့
အဆောက်အုံကြီးထဲက အခန်းအချို့မှာ
နွေဦးပန်းတွေဟာ ရဲရဲကိုတောက်လို့....
မြစ်အညှာကနေ
သတိရစိတ်တွေဟာလဲ
မြစ်ရေနဲ့အတူ စီးလို့....
လမ်းချင်းမတူခဲ့ရင်တောင်
စိတ်ချင်းတော့ တူခဲ့ကြတာမို့လား
သေချာတာတခုက
ဘယ်လမ်းကသွားသွား
ပင်လယ်ဆီ ဦးတိုက်နေဖို့ပဲမဟုတ်လား ။
10th June 2023
9:30 AM
Comments
Post a Comment