သစ်ခက်သံလွင် အက်ဆေး၊ ကျော်ကျော်မြရည်စမ်း၏ လက်ကိုင်ပုဝါလေးနှစ်ထည်၊ (၂၈ နှစ်မြောက် ၈ လေးလုံနေ့အထိမ်းအမှတ်)

လက်​ကိုင်​ပုဝါနှစ်​ထည်​အ​​ကြောင်း 

(၂၈ နှစ်မြောက် ၈ လေးလုံးနေ့ အထိမ်းအမှတ်)

 ကျော်ကျော်မြရည်စမ်း

 ရေဒီယိုနား​ထောင်​ဖို့ ​ခေါ်​​တော့ ​မောင်နှမနှစ်​​ယောက်​လုံး ​ရေဒီယိုနား ​ရောက်​ခဲ့ကြသည်​။  

        ၁၉၈၈ ခုနှစ်​၊ ဇွန်​လ ၂၂ ရက်​ ​နေ့၊ ည ၈ နာရီသတင်း။  ဇွန်​လ ၂၁ ရက်​​နေ့က၊ ​ကျောင်​သားများ ဆန္ဒပြသည့်​အ​​ကြောင်း။

       လက်​ကိုင်​ပုဝါလေး​တွေကို  ယခုအခါ အသက်​ ​လေးဆယ်​​ကျော်​​ကျော်​ရှိ​နေသူတိုင်း အသုံးပြုဖူးကြမည် ​ဟု ကျ​နော်​ ထင်​ပါသည်​။

ယခု ​ခေတ်​ကို ဖြတ်​သန်း​နေကြသည်​လူငယ်​​လေး ​တော်​​တော်​များများကို​တော့ လက်​ကိုင်​ပုဝါ ​ဆောင်​ထားတာ၊ သုံးတာမ​တွေ့ရ​တော့။

သူတို့ခေတ်​မှာ အလွယ်​တကူ သုတ်​သင်​သန့်​စင်နိုင်​သည့်​ တစ်​ရှူးစက္ကူလေးများ အလွယ်​တကူရ ​အောင်​ ​ပေါများလာတာ​​​ကြောင့်​လည်း ဖြစ်​​ကောင်း ဖြစ်​နိုင်​သည်​။

           ကျ​နော်​တို့လူငယ်​ဘဝကို ဖြတ်​သန်းရသည့်​အချိန်​များမှာ​တော့ တဖက်​သတ်​ပိတ်​ထား သည့်​ "တံခါးပိတ်​ဝါဒ" ​​ကြောင့်​ ဘယ်​အသုံး​ဆောင်​ ပစ္စည်းကိုမျှ လွယ်​လွယ်​နှင့်မရခဲ့ဖူး​ချေ။ ထို့ကြောင့်​ ထင်​ပါသည်​။ ခက်​ခက်​ခဲခဲကြိုးစားမှု​ကြောင့်​အသုံးအ​ဆောင်​ ပစ္စည်း​လေးတခုတ​လေ တိုး လာတိုင်းလည်း  တန်ဖိုးထားတတ်​ခဲ့ကြသည်​။

တောမြို့လေးကနေပြီး ရန်​ကုန်​မြို့ကြီးဆီကို  အထက်​တန်းပညာသင်​ကြားဖို့ ​​ကျ​နော်​​ရောက်​လာ​တော့ အသက်​ဆယ့်​လေးနှစ်​​ကျော်​စ အချိန်​၊ လူပျိုပေါက်​ ရှိုးထုတ်​တတ်​အချိန်။ ထိုစဉ်​ ကာလက ရန်​ကုန်​မြို့က  ကျ​နော့်​အရွယ်​တူ သူငယ်​ချင်းများ၏ကျောင်းလွယ်​ အိတ်​ထဲတွင်​ လက်​ကိုင်​ပုဝါ ​လေး​တွေ ကိုယ်​စီ ပါကြ သည်​။ ​တောသားကျ​နော်​လည်း ဘာရယ်​ညာရယ်​ မဟုတ်​။ မြို့သားဂိုက်​ပေါက်​​အောင်​ သူတို့ကို တုရ​သောအခါ လက်​ကိုင်​ပုဝါလေးတစ်​ထည်ဝယ်ကာ ​ကိုင်​ ဖြစ်​ခဲ့သည်​။

          ကျ​နော့်​အ​ဒေါ်အိမ်​က ​တောင်​ဥက္ကလာပ၊ ဆယ်​ရပ်​ကွက်​ တွင်​ရှိပါသည်​။ ထိုအိမ်​မှ နေ၍ အ.ထ.က (၃)သို့အ​ဒေါ်​၏သမီးဖြစ်​သူ အမဝမ်းကွဲနှင့် ​ကျောင်းအတူ သွားကြသည်​။  ရပ်​ကွက်​နှစ်​ခု ကျော်​၍ ​ခြေကျင်​သွားကြခြင်းဖြစ်​ရာ  မနက်​ခင်းဖြစ်​​သော်​လည်း  ​ကျောင်း​ရောက်​ခါ နီးတွင်​ ​ မျက်နှာတွင်​ ​ချွေးစ လေးများစို့လာသည်​။ အမဖြစ်​သူ၏မျက်နှာ​တွင်​လည်း ​ချွေးစတွေနှင့်​။ 

ထိုအခါမျိုးတွင်​ လက်​ကိုင်​ပုဝါလေး​တွေကိုယ်​စီနှင့်​ချွေးသိပ်​သွားအောင်​ မျက်​နှာကိုဖွဖွ တို့ရသည်​။ ပြီး​တော့ တရိုတ​သေ​လေး ပြန်​သိမ်းရသည်​။

         လက်​ကိုင်​ပုဝါ ကိုကာလာစုံသုံးသည့်ဆရာများကိုလည်း ထိုစဉ်​ကာလက ​တွေ့ခဲ့ရဖူးသည်​။ ​ကျောင်းတက်​သည်​မှာ ​တောင်​ဥက္ကလာပ၊ အ.ထ.က (၃) ဖြစ်​​သော်​လည်း ကျူရှင်တက်​​သောအခါ သင်္ဃန်းကျွန်းမြို့နယ်​တွင်​ရှိ​သော ဓာတု​ဗေဒဆရာ ဦးညီညီနှင့်​ ရူပ​ဗေဒ ဆရာဦးဉာဏ်​လွင်​တို့ထံ သွားတက်​ရသည်​။

ဆရာဦးညီညီသည်​ ဓာတု​ဗေဒ သင်​​သောအခါ စာသင်​စတိတ်​ခုံပေါ်​ခေါက်​တုံခေါက်​ပြန်​ လမ်း​လျှောက်​ရင်း အားပါးတရ သင်​တတ်​သည်​။ စီးကရက်​ကိုလည်း မနားတမ်း ဖွာတတ်​​သေးသည်​။ ပြီး​တော့ ​ချွေးထွက်​လာလျှင်​ ခါးကြားမှလက်​ကိုင်​ပုဝါထုတ်​ပြီး အားရပါးရသုတ်​တတ်​သည်​။ နှစ်​ခါသုံးခါသုတ်ပြီးလျှင်​ ထိုလက်​ကိုင်​ပုဝါ ကို ကျူရှင်​စာ​ရေးတ​ယောက်​ကလာသိမ်းပြီး ဆရာ့လက်​ထဲ အသစ်​တထည်​ ထည့်​​ပေးတတ်​သည်​။ တ​ရောင်​ပြီးတရောင်၊ ​ရောင်​စုံလက်​ကိုင်​ပုဝါ​လေးများကို စာသင်​​နေရင်း လှစ်​ခနဲ လစ်​ခနဲမြင်တွေ့ရသည်​။

ဆရာဦးဉာဏ်​လွင်​ကျပြန်​​တော့ ဆရာဦးညီညီလို ​အော်​ဟစ်​လမ်းမ​လျှောက်​၍ ​ချွေးမထွက်​ပါ။ သို့သော်​ မကြာခဏဆိုသလို သူဝတ်​ဆင်​ထားသည့်​တိုက်​ပုံအင်္ကျီထဲမှ လက်​ကိုင်​ပုဝါရောင်​စုံ​လေးများ ကိုထုတ်​၍  ​ချွေးသိပ်​သလို မျက်နှာကို တို့တတ်​သည်​။

          ​ဇွန်​လ ပထမအပတ်​ ​ကျောင်းဖွင့်ပြီးမကြာခင်​မှာ  ​ကျောင်းစည်းကမ်းများတင်းကျပ်​လိုက်​သည်​။ ​ကျောင်း​နောက်​ကျလျှင်​ ​ကျောင်းတံခါးဖွင့်မ​ပေး​တော့။ မိဘအုပ်​ထိန်းသူ ကိုယ်​တိုင်​လိုက်​ပို့ ပါမှနောက်​ကျသည့်​ ​ကျောင်းသားကို တံခါးဖွင့်​ပေးပါသည်​။ ကျ​နော်နှင့် ဝီရိယကောင်းလှသည့် အမ ဖြစ်​သူက​တော့ ​ကျောင်း​နောက်​ကျသည်​ဟူ၍ မရှိ။ ဝီရိယနည်း​သော ကျ​နော့်​ကို အမဖြစ်​သူက အစဉ်​အမြဲ တွဲ​ခေါ်​ပါသည်​။ 

          ​တောမြို့​လေးက ​ကျောင်းလာတက်​သည့်ကျ​နော်​အဖို့ ထူးဆန်းအံ့သြဖွယ်​ရာများကို မကြာ ခင်​မြင်​ရ၊ ကြားရ​တော့သည်​။ ​ကျောင်းမုန့်​စားဆင်း ၁၅ မိနစ်​နားချိန်​တွင်​စည်းကမ်းတင်းကျပ်​စွာ ပိတ်​ဆို့ထား​သော​ကျောင်းဝင်းအတွင်းသို့ တက္ကသိုလ်​ကျောင်းသားအကိုကြီးနှစ်​​ယောက်​၊ သုံး​ယောက်​ တတွဲ တရားလာ​ဟောကြခြင်းပင်​။

အံ့သြစရာပင်​။  မည်​သို့မည်​ပုံ ဝင်​လာကြသည်​မသိ။ ကြည့်​မိချိန်​တွင်​ သန့်​စင်​ခန်း​ဘေးက အုတ်​​ရေ ကန်​​ပေါ်​တက်​ပြီး တရား​ဟော​နေပြီ။ ​ခေါင်းစဉ်​က အာဏာရှင်​အစိုးရ၏ ဖိနှိပ်​ချုပ်​ခြယ်​မှု များအ​​ကြောင်း။

ထိုတက္ကသိုလ်​​ကျောင်းသားအကိုကြီးများသည်​ ၄င်းတို့၏မျက်​နှာတစ်​ဝက်​ကို လက်​ကိုင်​ပုဝါကိုယ်​စီဖြင့်​ ဖုံးအုပ်​ထားကြ၏။

        ကျ​နော့်မှာ သူတို့၏အသံကိုသာကြားရပြီး မျက်​နှာအပြည့်​အစုံ မမြင်​ရ​သောအခါ  အားမလို အားမရ ဖြစ်​ရ​သေးသည်​။  ထိုစဉ်​ ဆရာမများ​ရောက်​လာပြီး သူတို့ကိုသနားလျှင်​ ပြန်​ကြပါဟု​ပြော​သောအခါ ထိုအကိုကြီးများက  ၅ မိနစ်​လောက်​​တော့ခွင့်ပြု​ပေးပါဆိုပြီး တရားဆက်​​ဟောကြသည်​။ ​ကျောင်းပြန်​တက်​ရန်​ ​ခေါင်း​လောင်းထိုးလိုက်​လျှင်​ အလျှိူလျှိူ  ​ပျောက်​သွားကြပါသည်​။

       ထိုကဲ့သို့​သောညမျိုးတွင်​ ကျ​နော်​၊ အ​တော်နှင့် အိပ်​မ​ပျော်​​တော့၊ မုန့်​စားဆင်းချိန်​ကြားခဲ့ရ​သော စကားများကို ပြန်​ကြား​နေပြီး လက်​ကိုင်​ပုဝါအုပ်​ထားသော မျက်​နှာတဝက်​ကိုသာ မြင်​​ယောင်​နေမိသည်​။

ကျ​နော်​တို့ငယ်​ဘဝကဖတ်​ခဲ့ရ​သော ကာတွန်း ရုပ်​ပြများထဲတွင်​ လူဆိုးဓားပြများသည်​သာ မျက်​နှာကို ပုဝါအုပ်​၍ ရုပ်​ဖျက်​ကြရသည်​။ ထိုတက္ကသိုလ်​​ကျောင်းသား အကိုကြီးများသည်​ကား လူဆိုးဓားပြများမဟုတ်​ပါဘဲနှင့် ရုပ်​ဖျက်​ကြရရှာသည်​။ အဘယ့်​​​ကြောင့်​နည်း။ ​တောသား ကျ​နော်​ ဉာဏ်​မမီစွာစဉ်းစားပြီး အ​တွေး ချာချာလည်​ခဲ့ရဖူးပါသည်​။

           ဗဟုသုတအ​တော်​အတန်​ပြည့်​ဝနေ​သော  ရန်​ကုန်​သူ အမပြောပြမှသာ သူခိုးကလူပြန်​ဟစ်နေ၍  တက္ကသိုလ်​ကျောင်းသားအကိုကြီးများ  ရုပ်​ဖျက်​ထားကြရသည့်​အ​​ကြောင်း ကိုသိခဲ့ရ၏။ ထို​နေ့ညတိုက်​တိုက်​ဆိုင်​ဆိုင်​ ...ည ၈ နာရီတွင်​  BBC မှ သတင်းလာသည်​။

        ဦး​လေးဖြစ်​သူက  ​ရေဒီယိုနား​ထောင်​ဖို့ ​ခေါ်​​တော့ ​မောင်နှမနှစ်​​ယောက်​လုံး ​ရေဒီယိုနား ​ရောက်​ခဲ့ကြသည်​။  

        ၁၉၈၈ ခုနှစ်​၊ ဇွန်​လ ၂၂ ရက်​ ​နေ့၊ ည ၈ နာရီသတင်း။  ဇွန်​လ ၂၁ ရက်​​နေ့က၊ ​ကျောင်​သားများ ဆန္ဒပြသည့်​အ​​ကြောင်း။

စစ်​တပ်​၏လုံထိန်းကားများနှင့် လမ်း​ပေါ်မှာတင်​ တိုက်​သတ်​သည့်​အ​ကြောင်း။

က​လေး​တွေ သေဆုံး။ အရေအတွက်​အတိအကျမသိရသည့်​အ​ကြောင်း။ ဤကိစ္စနှင့်ပတ်​သက်​၍ မြန်မာပြည်​ရှိ  "စာ​ပေနှင့်အနုပညာရှင်​များ" က လွှတ်​တော်​သို့ကန့်​ကွက်​စာတင်​ကြောင်း။ စာ​ပေ သမား ၁၀၀ ​ကျော်​လက်​မှတ်​ရေးထိုးတင်​ပြ​ကြောင်း  ...​​ကြေညာသွားပါသည်​။ အမက လက်​ခုပ်​ တီး၍ ​ရေဒီယိုကို အား​ပေးသည်​။

ကျ​နော်​ အူလည်​လည်​ ဖြစ်​​နေသည်​။

         စာကြည့်​စားပွဲရောက်​မှ သူတိုးတိုး​လေး​ပြောပြ၍  အ​ကြောင်းစုံသိရသည်​။

ရန်​ကုန်​​မွေး၊ ရန်​ကုန်​ကြီးသည့်​ အမက ရန်​ကုန်​၏လတ်​တ​လောအ​ခြေအ​နေကို အ​တော်​ပင်​ သိ​နေသည်​။  

        ကျ​နော့်​မှာ.. မ​ရောက်​ဘူးသည့်ပြည်​လမ်းမကြီးဆီသို့ စိတ်​ကူးဖြင့်​ ​ရောက်​သွားပြီ။ "ဒို့အ​ရေး...ဒို့အ​ရေး...." ​အော်​ဟစ်​​​​ကြွေးနေသည့်​ဘဝတူ အဖြူအစိမ်း​လေးများကို  မြင်​​ယောင်​လာ သည်​။  စစ်​ကားကြီးများ၏အသံများ ကြားလာသည်​။ ပြီး​တော့ ငယ်​သံမ​ပျောက်​သေးသည့် နာကျင်​ဟစ်​​အော်​သံများ။ ​သွေးကွက်​များ။ 

စိတ်​မ​ကောင်းခြင်းများစွာနှင့် အိပ်​ရာဝင်​ခဲ့ရပါသည်​။

         မနက်​​ကျောင်းသွား​တော့ ၃၁ ဘတ်​စ်​ကားဂိတ်​နားက စတိုးဆိုင်​ရှေ့ မှာ ကျ​နော့်​ကို ရပ်​​စောင့်​ခိုင်းပြီး ​ဈေးဝင်ဝယ်​သည်​။ ပြန်​ထွက်​လာ​တော့ ပလပ်​စတစ်​အကြည်​ဖြင့်​ထုပ်​ပိုးထား​သော လက်​ကိုင်​ပုဝါကြီးနှစ် ထည်​။  တ​ထည်​ကို သူ့ကချင်​လွယ်​အိတ်​အနီရောင်​ဘေးအိတ်​​လေးထဲထည့်ပြီး၊ ​နောက်​တထည်​ကို ကျ​နော့် ရှမ်းလွယ်​အိတ်​အပြာ​ရောင်​​လေး၏ ​ဘေးအိတ်​ထဲသို့ထည့်​ပေးသည်​။ အခုမသုံးရ​သေးဘူး။ ဒါ​ပေမဲ့ အမြဲ ထည့်​ထားရမယ်​ဟု ဆို၏။

           ထိုအချိန်​မှစ၍ ကျ​နော့်​လွယ်​အိတ်​ထဲတွင်​ အသုံးမပြုရ​သေးသည့်​ လက်​ကိုင်​ပုဝါတစ်​ထည်​အမြဲပါခဲ့သည်​။ ဓာတု၊ ရူပကျူရှင်​များရောက်​တိုင်း ဆရာများ၏လက်​ကိုင်​ပုဝါရောင်​စုံများကို ကြည့်ဖြစ်​ဆဲ။ 

            ကျောင်းဖွင့်​ရက်​မုန့်​စားဆင်းချိန်​များတွင်​ တက္ကသိုလ်​​ကျောင်းသားအကိုကြီးများ ခပ်​စိပ်​စိပ်​​ရောက်​လာတတ်​ကာ  လက်​ကိုင်​ပုဝါမျက်​နှာအုပ်​၍ တရား​ဟောဆဲ။ ကျ​နော်​တောသား၏ဉာဏ်​ဦး​နှောက်​ကျည်​​ပွေ့လည်း အတက်နည်းနည်းချင်း ထွက်​ခဲ့ပြီ။  လက်​ကိုင်​ပုဝါ​လေးနှစ်​ထည်​က​တော့ ကိုယ်​စီ​နေရာယူငြိမ်​သက်​ကာ  သူခိုးက လူပြန်​ဟစ်​သည့်​ခေတ်​ကိုသရုပ်​​ဖော်​ရမည့်​အချိန်​ကို ​စောင့်​စားဆဲ။

        ထို​နေ့ မနက်​​ကျောင်းတက်​ကတည်းက ဆရာ၊ ဆရာမများ မျက်​နှာမှာ စိုးရိမ်​ပူပန်​သည့်​အ​ရောင်​ဟပ်​နေတာတော့ သတိထားမိသည်​။  ဆရာမတ​ယောက်​က

" သူများ​ယောင်​လို့ယောင်​  အ​မောင်​​တောင်​မှန်း ​မြောက်​မှန်းမသိ မလုပ်​ကြနဲ့ " ဟု ပြော​သောအခါ အမက ထိုဆရာမကိုမထီသလို လှမ်းကြည့်တာ​တော့ ကျ​နော်​​တွေ့လိုက်​သည်​။  မုန့်စားဆင်းချိန်​ ကျ​နော့်​အနားသို့ အမ​ရောက်​လာပြီး၊ ​ကျောင်းဆင်း​ခေါင်း​လောင်းထိုးတာနဲ့သူ့အနားကပ်​နေဖို့မှာ သည်​။

         ​ကျောင်းဝင်းအပြင်​ဘက်​​ရောက်​​တော့  ကျ​နော်တို့ရွယ်​တူ ​ကျောင်းသားများ​စောင့်​ကြို​နေ ကြပြီ။ အမက သူ့လက်​ကိုင်​ပုဝါကြီးကိုထုတ်​၍ မျက်​နှာစည်းလိုက်​ပြီး၊ ကချင်​လွယ်​အိတ်​နီကို စလွယ်​သိုင်း လိုက်​သည်​။

သူ့အရိပ်​အကဲကြည့်​နေသူ ကျ​နော်​လည်း သူနှင့်တသ​ဝေမတိမ်း လိုက်​လုပ်​​တော့သည်​။  ​မောင်​နှမနှစ်​​ယောက်​ လက်​ချင်းမြဲမြဲတွဲကာ  လူတန်းကြီးနှင့် ပါသွားသည်​။ 

           ၃၁ ဘတ်​စ်​ကားဂိတ်​၊ သံသုမာလမ်းချိုင့်​ဝှမ်းများ၊ ၃၇ ဘတ်​စ်​ကားဂိတ်​၊ စာတိုက်​လမ်းဆုံ၊ 

           "​နေဝင်းအစိုးရပြုတ်​ကျ​ရေး

           ဒို့အရေး....

           ဒီမိုက​ရေစီ၊ ရရှိ​ရေး

           ဒို့ အ​ရေး....."

           

အော်​ရလွန်း၍ လည်​ပင်းများနာလာသည်​။

          မောင်​နှမနှစ်​​ယောက်​ လက်​တွဲများပြုတ်​သွားလိုက်၊ သတိရချိန်​ ပြန်​တွဲလိုက်​...။ ခြေ​ထောက်​များ အားမစိုက်​ရပါဘဲနှင့်​ ရွေ့သွားတာပြန်​မှတ်​မိသည်​။ ​ရွှေတိဂုံကိုလှမ်းမြင်​နေရပြီ။ ဟစ်​ကြွေးသံများ ညံဆဲ။

ခြေလှမ်းများသွက်​ဆဲ။

        " သူများ​ယောင်​လို့​ယောင်​ အ​မောင်​​တောင်​မှန်း ​မြောက်​မှန်း မသိ" ဟု ဆရာမ​ပြောခဲ့သည့် စကားကို ပြန်​သတိရမိသည်​။ မဟုတ်​ပါ။  ​ယောင်​ခြင်းမဟုတ်​ပါ။ ​တောင်​မှန်း ​မြောက်​မှန်းလည်းသိ ကြပါ၏။  လူကြီးများအိမ်​မှာ တိုးတိုးကျိတ်​​ပြောရသည့်​မ​ကျေမနပ်​စကားကို၊ လမ်းမများပေါ်ထွက်​ ၍အော်​ဟစ်​ခဲ့ကြပြီ။ 

လက်​ကိုင်​ပုဝါ​လေး​တွေ မျက်​နှာစည်းလို့ လူဟစ်​နေသည့်​သူခိုးများ၏သရုပ်​မှန်​​ပေါ်​အောင်​ ဖော်​ထုတ်​ခဲ့ကြ​လေပြီ။

၂၈ နှစ်​တာကြာခဲ့ပါပြီ။ ဝီရိယရှိ၍ ဉာဏ်​ထက်​​သော အမသည်​  ဆရာဝန်​မဟုတ်​သည့်​ ဒေါက်​တာဘွဲ့ကို  ဂျပန်​ပြည်​ကယူလာခဲ့တာ အ​တော်​ကြာပြီ။  ကျ​နော်​က​တော့၊ ၈၈ အ​ရေးတော်ပုံ ကြီးပြီးတော့ ​တောမြို့လေးပြန်သွားခဲ့ပြီး၊ တ​နေ့တခြား ​ပေါများလာ​သော မူးယစ်​​ဆေးဝါး​ထောင်​​ချောက်​တွေက လွတ်​အောင်​ မနည်း​ရှောင်​ခဲ့ရသည်​။  အနားမှာ..စီမံခန့်​ခွဲ ပေးတတ်​သည့်​လက်​ကိုင်​ပုဝါဝယ်​​ပေးသူအမမရှိ​တော့   ပညာ​ရေးမှာ ​ယောင်​ချာချာ။

အမနှင့်​ ကျ​နော်​ယှဉ်နိုင်​တာက​တော့ သားသမီးအ​ရေအတွက်​ပင်​။ ကျ​နော်​ကသုံးယောက်။ပညာမက်​​မောသူ  အမကတ​ယောက်​တည်း။  

တူညီတာကတော့ ယ​နေ့ထက်​တိုင်​ထိုစဉ်​ကလက်​ကိုင်​ပုဝါလေးတွေကိုကိုယ်​စီသိမ်း​ထားကြခြင်းပင်​။

ကျော်ကျော် မြရည်စမ်း