မ န အ - သွားကြားထိုးတံ

သွားကြားထိုးတံ   
မ န အ
(သစ်ခက်သံလွင်) ဇန်နဝါရီ ၂၃၊ ၂၀၂၅

ငွေဆာလို့ စားတဲ့ အစားအစာ
ဂုဏ်ဆာလို့ စားတဲ့ အစားအစာ  
နေရာဆာလို့ စားတဲ့ အစားအစာ 
ပါဝါဆာလို့ စားတဲ့ အစားအစာ
သည် အစာကြမ်းကိုမှ
အငမ်းမရ စားတဲ့
မဟုတ်တမ်းတရားလူကြီးမှာ 
သွားကြားထိုးတံ မရှိပါဘူး ။

ချက်ပြုတ်ပုံ ကွဲပြားတဲ့
သည် အစားအစာကိုပဲ
အရသာမခံဘဲ စားတဲ့ 
နှင်းဆီပန်တဲ့ မိန်းမကြီးမှာ
သွားကြားထိုးတံ ရှိပါတယ် ။    

ကျနော်တို့ရဲ့အသံဟာ
သွားကြားထိုးတံ ဖြစ်ပါတယ် ။       ။     

Comments