ငါ့ဦးခေါင်းပေါ်မှာမိုးထားတဲ့မိုးတွေ
မင်းညွန့်လှိုင်
(သစ်ခက်သံလွင်) ဩဂုတ် ၁၊ ၂၀၂၄
သီချင်းတွေ သီချင်းတွေ
မိုးရွာရင်မိုးရေချိုးမယ်
မိုးမင်းကြီးကိုမော့ကြည့်ပြီးတော့
မိုးလေးဖွဲတုန်းသတိရတယ်
ဒီမိုးမှောင်တုန်း မောင်ပုန်းပါရစေ
မစဲဘဲ တဖွဲဖွဲ တသဲသဲ
ငါ့မှတ်ဉာဏ်ထဲတစိမ့်စိမ့်စွေနေတဲ့သီချင်းတွေ ။
သတင်းတွေ သတင်းတွေ
မြစ်ရေများမြင့်တက်ခြင်း
ကျေးရွာများမီးရှို့ခြင်း
ရှော့တိုက်ဒုန်း ပဒေသာမိုင်း
စခန်းသိမ်းတိုက်ပွဲ မြို့သိမ်းတိုက်ပွဲ
မိုးနဲ့ လေနဲ့ မုန်တိုင်းနဲ့
ငါ့ပြတင်းတံခါးကို
တဖျတ်ဖျတ်ရိုက်ခတ်နေတဲ့သတင်းတွေ ။
မိုးတွေ မိုးတွေ
ရွာရန်ရာနှုန်းပြည့် ထစ်ချုန်းမိုး
မြို့ရွာတွေကို အငမ်းမရဝါးမျို
ငါ့လှေငါထိုး ပဲခူးမှာရေကြီးခြင်း
ခေါက်ထီးလေးမလုံ့တလုံနဲ့ကံဆိုးမ
ထီးပြင်ဆိုင်လေးရဲ့မလုံတဲ့အမိုး
သေအောင်သာရွာပါမိုး
ဗီလိန်လိုမျက်နှာဆိုးကြီးနဲ့
ငါ့ဦးခေါင်းပေါ်မှာမိုးထားတဲ့မိုးတွေ။ ။
Comments
Post a Comment