မတူ ခြားနားခြင်းများ
ဂျက်စ်မင်း
(သစ်ခက်သံလွင်) မေ ၂၄၊ ၂၀၂၄
ငါက ငါမဟုတ်တော့ဘူး
အိမ်တွေက အိမ်မဟုတ်တော့ဘူး
ရွာတွေက ရွာမဟုတ်တော့ဘူး.
မြို့တွေ မြို့မဟုတ်တော့ဘူး
စာသင်ကျောင်းတွေ စာသင်ကျောင်း မဟုတ်တော့ဘူး
ကျောင်းသားတွေ ကျောင်းသားမဟုတ်တော့ဘူး
အိမ်ရှင်မတွေ အိမ်ရှင်မ မဟုတ်တော့ဘူး
လူငယ်ဘဝတွေ လူငယ်ဘဝ မဟုတ်တော့ဘူး ....
* ငါတို့အားလုံး တော်လှန်ရေးထဲမှာ ။
လူတွေဟာ လူမဟုတ်တော့ရင်
လုပ်ငန်းခွင်တွေ လုပ်ငန်းခွင်မဟုတ်တော့ရင်
တောတောင်တွေ တောတောင်မဟုတ်တော့ရင်
ငြိမ်းချမ်းရေးက ငြိမ်းချမ်းရေးမဟုတ်တော့ရင်
တရားသောစစ်က တရားသောစစ်မဟုတ်တော့ရင်
ပြောင်းလဲရေးက ပြောင်းလဲရေး မဟုတ်တော့ရင်
တော်လှန်ရေးဟာ တော်လှန်ရေး မဟုတ်တော့ရင်
ခေတ်ကြီးတစ်ခုလုံး ကျရှုံးသွားခြင်း ... ။
စစ်ကြီးကို စာအုပ်ထဲခေါက်သိမ်းပြီး
တော်လှန်ရေးကို မှန်ဘောင်သွင်းချိတ်ဆွဲပြီး
ငြိမ်းချမ်းရေးသီချင်းတွေ ဆိုလို့
မေတ္တာဖွဲ့ ကဗျာတွေ ရွတ်လို့
ပြုံးလို့ ပျော်လို့ ကလို့ ခုန်လို့ ...
* ဒီမြေရဲ့အောင်ပွဲကို ငါတို့ ကြိုဆိုပါရစေတော့။
2024, May
Comments
Post a Comment