မနအ
(သစ်ခက်သံလွင်) ဇူလိုင် ၃၊ ၂၀၂၃
ခုနစ်စဉ်ကြယ်ပါ
ရှစ်ခွင်နယ် ဝဠာထက်မှာ
ညနက်သန်းကောင်ဆို
လမ်းညွှန်အိမ်မြှောင်တခုလို
သည်ကြယ်စုက အမြှီးထောင်ပြ
အမှောင်ကြီးစိုး အ,ကာလ
ကျနော့်မှာ အမေ ရှိတယ် ။
ခုနစ်စဉ်ကြယ်ကို မသိ
ရှစ်ခွင်နယ်ကို မသိ
ချစ်ခြင်းမေတ္တာကို မသိ
ခင်ဗျားမှာ အမေမရှိဘူး ။
မာတာ ယထာ နိယံ ပုတ္တ
မာယုသာ ဧကပုတ္တ မနုရက္ခေ ။
ခုနစ်စင်ကြယ်ပါပဲ
ရှစ်ခွင်နယ်ထဲက အမြုတေ ။
ခင်ဗျားမှာ အမေမရှိဘူး
ကျနော့်မှာ အမေရှိတယ် ။ ။
၁၆ ဇွန် ၂၀၂၃
Comments
Post a Comment