မနအ - ခို မှီး ရာ မဲ့

ခို မှီး ရာ မဲ့ 
မနအ
(သစ်ခက်သံလွင်) မေ ၃၀၊ ၂၀၂၃

ဖြိုးဖြိုးဖြောက်ဖြောက်နဲ့
အနောက်မြောက်တခွင် 
မုတ်သုံက ထိုးစစ်ဆင်လာပြီဆို
လိပ်ပြာတွေ တောင်လို ပြိုဦးမှာလား ။

အပြိုအလဲတွေကြား  
တိမ်းရှောင်၊ ရွေ့လျားရင်းက 
ငှက်ဖျားအကိုက်ခံရတဲ့ အိပ်မက်တွေ
ရိတ်သိမ်းမရအောင် ပျက်ယွင်းလို့ ။

မျက်ရည်နဲ့တင် မလုံလောက်တော့ထင့်
ဖြိုးခနဲ ဖြောက်ခနဲဆို 
ချောက်ထဲကျသွားတတ်တဲ့ အလွမ်းတွေက စိန်း
ကိုစောညိန်းအရောင် 
သည်မိုးက မှောင်
သည်မိုးက ညို 
အို .. ဒီမှာ 
ခို 
မှီး 
ရာ 
မဲ့  ။          ။ 

၂၇ မေ ၂၀၂၃

Comments