laurabarbosa.wordpress.com
သစ်ခက်သံလွင်ကဗျာစက်တင်ဘာ ၃၀၊ ၂၀၂၁
"ရင်တွင်းစစ်"
နီမင်းထက်
အလင်းထဲနစ်တော့မယ့်ကောင်းကင်ရဲ့ မစုတ်ပဲချုပ်ခံလိုက်ရတဲ့ ပိုင်နက်ကျူးလွန်မှုပဲ
ဘယ်သူ့မေးမေး မျက်ရည်နဲ့သွေးသားတော်စပ်တယ်လို့ပဲဖြေတဲ့ တို့ပိုင်တဲ့မြေပဲ
ဓားနဲ့မမှကြွလာမယ်ဆိုတဲ့ဓမ္မမှာ
မင်းလုပ်စာထိုင်စားနေတဲ့အလွမ်းအကြောင်း နောက်မှပဲစာလုံးပေါင်းပြတော့မယ်။ ။
၂၆.၉.၂၁
...
" နွေဦးဟစ်သံ "
ငဇ
ကျည်ဆန်ဖြင့်အရေးခံရလျှင်
သေပန်းပွင့်တတ်ကြောင်း
နွေဦးသိပါသည်။
အို .... လက်သီးဆုပ်တို့
.... ကြွေးကြော်သံတို့
သွေးအိုင်ထဲမှ ဝိညာဉ်နီတို့
ကျည်မကြောက်သော
ကျောက်သားအသစ်များဖြင့်
ဘောင်ကွပ်ထားသော ပန်းချီကို
နွေဦးဟု ခေါ်ကြောင်း
ကမ္ဘာက သိခြိမ့်မည်။
၄၊ မတ်၊ ၂၀၂၁
Comments
Post a Comment