Image- Crd
သစ်ခက်သံလွင်ကဗျာစက်တင်ဘာ ၂၈၊ ၂၀၂၁
" ရဲရင့်တဲ့သားကောင်းမိခင်တို့အတွက်..."
လူခါးခါး
ငိုသံပါနဲ့အမေကပြောတယ်
သားရေ အမေ့အိမ်ကလေးမရှိတော့ဘူး
မီးရှို့ခံလိုက်ရပြီတဲ့။
အမေ့ပြောစကားမှာ သားမငိုတော့ဘူး
အမေကထပ်ပြောတယ်
သားဒီတော်လှန်ရေးကြီးပြီးအောင် ဆက်တိုက်ပါတဲ့။
အမေ့စကားမှာ သားအားရှိပါတယ်
အိမ်ပြန်စရာမရှိတဲ့အမေတွေအတွက်
တိမ်တစ်ဆုပ်၊ ငှက်တစ်အုပ်နဲ့
စိမ်းမြညိုတောရိပ်တောင်တန်းတွေ ယမ်းနံ့ကင်းစင်ပြီး
အပြိုင်းပြိုင်းပွင့်ဝေနေတဲ့ပန်းတစ်ခင်းနဲ့အတူ
တောက်ပနေတဲ့နေရောင်အောက်က စီးဆင်းနေတဲ့မြစ်တွေကိုထမ်းပြီး
ဒီတော်လှန်ရေးကြီးပြီးတဲ့နေ့မှာ အမေ့ကိုပွေ့ဖက်
အရှေ့အရပ်ကရောင်နီထွက်ချိန်ကို
ဟောဒီတောင်ထိပ်ကနေကြည့်ကြမယ်အမေ ။ ။
...
'' ဝိပတ္တိ ''
လင်းဝေး
ခေတ်ပျက်မှာ
သွေးပျက်စရာချည်း
စစ်ပြေးဘဝနဲ့
ချစ်တေး မဆိုနိုင်
အကြောင်းအရာဟာ
အလောင်းပါမှဖြစ်မှာလား
မကြွေသင့်ပဲ ကြွေခဲ့ရတဲ့
ဓူဝံကြယ်တွေကို အားနာမိရဲ့ ။ ။
( ၆ . ၇. ၂၁ )
Comments
Post a Comment