သစ်ခက်သံလွင်ကဗျာ
စက်တင်ဘာ ၁၇၊ ၂၀၂၁
" စကားလုံးကွက်သစ်"
နေလင်း
ဆေးတို့ထားလို့ မှည့်တဲ့သစ်သီးပဲ
မစားရဲဘူးသားရဲတွင်းလို
CP ကြက်တွန်တဲ့မနက်ခင်းဟာ
မိုးလင်းပုံပိုးမွှားမကင်းဘူး
သိပ္ပံပညာက
လူတွေအားလုံးကိုကယ်တင်ပြီးရင်
စကြာဝဠာအနန္တကို ဆက်ပြီးကယ်တင်မယ်တဲ့
သဘာဝတရားမှာ
ပေးထားချက်တိတိကျကျရှိတယ်
အကုသိုလ်ကိုအရေးယူတဲ့အခါ
အောက်ပါအမည်ကိုရှာ၍
မင်းတရားရူး
အောင်ပွဲရူးတွေ
လှိုင်ချင်နေတဲ့အရူးကိုသာခေါ်သွားပေးပါဗျာ။ ။ ။
Comments
Post a Comment