ပြဇာတ်
နေလင်း
နေလင်း
(သစ်ခက်သံလွင်) မေ ၂၀၊ ၂၀၂၀
ငါတို့မြို့ဟာ
မြစ်လိုမစီးဆင်းနိုင်တဲ့ ရွာကလေး
နိုင်ငံတော်ကြီးကိုနှုတ်ဆက်စီး
ဧရာဝတီရဲ့
သူ့ရင်ကွဲနာသောင်တွေဟာ
တို့တာဝန်မကျေတဲ့ပြဋ္ဌာန်းချက်
သေသွားတဲ့လူတစ်ယောက်က
လွမ်းစရာကောင်းပေမယ့်
မသေသေးတဲ့
သူတော်ကောင်းတွေကိုချစ်ဖို့ ငါတို့အမြဲမေ့နေတာ
ရွာလိုမနေဘဲမြစ်လိုသွားတော့
ရောက်တဲ့ခရီးဟာ ငံတယ်
ဖြစ်ခြင်းပျက်ခြင်းသဘောကရှင်လျက်ပါပဲ
ငါတို့မှာသာ
အတုအယောင်ဖျားယောင်းမှုတွေနဲ့
သေပြီးရင်းသေလို့။ ။ ။
နေလင်း
Comments
Post a Comment