မြတ်လှိုင်း - ဘဝကိုရယ်မောခြင်းနဲ့မောခဲ့သူ -ကဗျာဆရာစောဒေဝေါ

ဘဝကိုရယ်မောခြင်းနဲ့မောခဲ့သူ -ကဗျာဆရာစောဒေဝေါ

မြတ်လှိုင်း

(သစ်ခက်သံလွင်) ဇန်နဝါရီ ၁၁၊ ၂၀၁၉

သူတယောက်ထဲရပ်နေတယ်ဆိုရင် တခုခုကိုတွေးပြီးသက်ပြင်းအကြိမ်ကြိမ်ချနေတတ်တယ်။ ဒါပေမဲ့ သူ့ အနားကိုတယောက်ယောက်ရောက်လာရင် သူဟာ တဟားဟားနဲ့ရီမောပြီး ကြိုဆိုတတ်တယ်။

သူနဲ့တွေ့တဲ့လူတိုင်းက သူဟာပျော်ပျော်ပါးပါးနေတတ်တဲ့လူတယောက်လို့ထင်ကြမှာပါ။ သူ့နာမယ်က ”စောဒေဝေါ” တဲ့။ ကဗျာဆရာစောဒေဝေါပေါ့။ နောက်ပိုင်း စာပေကဗျာမျိုးဆက်လူငယ်တွေကတော့ ကဗျာဆရာစောဒေဝေါဆိုသူကို မေ့နေကြပြီထင်ပါရဲ့။ ကဗျာဆရာမြမြင့်မိုရ်နဲ့စောဒေဝေါက အင်္ဂပူမြို့သား ကဗျာဆရာတွေ ပေါ့။

ညီအစ်ကိုလိုနေကြတယ်။ ကဗျာဆရာမြမြင့်မိုရ်နောက်မှရန်ကုန်စာပေလောကကိုတက်လာတဲ့သူ။ ရန်ကုန် စာပေလောကမှာ ကိုမြမြင့်မိုရ်(ဗိုလ်မြ)နဲ့အတူနေတဲ့အခါ နေခဲ့တယ်။

သူနဲ့အရင်းနှီးဆုံးကဗျာဆရာကတော့ မြင့်ဦးဦးမြင့်လို့ပြောရပါလိမ့်မယ်။ ကိုမြင့်ဦးဦးမြင့်မိသားစုနေထိုင်ခဲ့တဲ့ကြည့်မြင်တိုင်၊ ဈေးကလေး ၄ လမ်းအိမ်မှာအနေများခဲ့တယ်။ ကဗျာ ဆရာမြင့်ဦးဦးမြင့်ကလည်း နယ်ပေါင်းစုံကတက်လာတဲ့လူငယ်ကဗျာဆရာတွေအတွက် တာဝန်ကျေသူ ကြီးပေါ့။ ကိုမြင့်ဦးဦးမြင့်ကို စာပေကဗျာလောကမှာ နှမပေးပြီးချစ်တတ်သူကြီးလို့အမည်တွင်ခဲ့တယ်လေ။

ဒါကလည်းကိုမြင့်ဦးဦးမြင့်အိမ်မှာလိုက်နေတဲ့စောဒေဝေါက ကိုမြင့်ဦးဦးမြင့်ညီမဌေးဌေးနဲ့အကြောင်းပါ ညား သွားတာကိုအကြောင်းပြုပြီး ပြောစမှတ်ဖြစ်သွားတာပါ။ စောဒေဝေါနဲ့ဌေးဌေးကို, ကိုမြင့်ဦးဦးမြင့်က ကြည့် မြင်တိုင်ဈေးကလေးလေးလမ်းကသူ့အိမ်မှာ မင်္ဂလာဆောင်ပေးလိုက်တယ်။ ကျွန်တော်တို့ကဗျာဆရာတစု ပျောရွှင်စွာဆင်နွဲတဲ့မင်္ဂလာဆောင်ပေါ့။

နောက် ကျွန်တော်တို့ပိတောက်ပွင့်သစ်မဂ္ဂဇင်းကိုထုတ်ကြတော့ စောဒေဝေါကလည်းဝိုင်းဝန်းလုပ်ဆောင် သူ (ဝိုင်းတော်သား)တွေထဲမှာ တယောက်အပါအဝင်ပေါ့။ ပိတောက်ပွင့်သစ်လုပ်နေတဲ့အချိန်မှာရော၊ အဲဒီ မတိုင်ခင်မှာရော စောဒေဝေါက ကျွန်တော်နဲ့အတွဲဖြစ်ဆုံး၊ အခင်ဆုံးသူတယောက်ဖြစ်ခဲ့တယ်။ ကိုစိမ်းနီထုတ်တဲ့ ပိတောက်ပွင့်သစ်မဂ္ဂဇင်းအလုပ်တွေကို စောဒေဝေါနဲ့ကဗျာဆရာ၊ စာရေးဆရာဇော်မျိုး သက်တို့က ကျွန်တော့်ကိုအမြဲကူလုပ်ခဲ့ရတယ်။

မဂ္ဂဇင်းအလုပ်ပြီးလို့ညနေတိုင်းယမကာဆိုင်တွေကိုသွားရင်လည်း စောဒေဝေါနဲ့ ကိုဇော်မျိုးသက်တို့နှစ် ယောက်က ကျွန်တော်နဲ့အမြဲပါတယ်။ ကျွန်တော်ပြောသလို စောဒေဝေါကအမြဲရယ်ပြီးပြောတတ်တယ်။ ကရင်လူမျိုးပီပီ ပွင့်လင်းရိုးသားတယ်။ သူလူပျိုဘဝကရော၊ သူအိမ်ထောင်သည်ဘဝကိုရော ရယ်မောပြီး ဖြတ်သန်းခဲ့ပေမယ့် သူတယောက်ထဲဆိုငေးငေးငိုင်ငိုင်နဲ့သက်ပြင်းတွေချနေတတ်တယ်။

သူနဲ့တွေ့တဲ့သူတိုင်းကအမြဲရယ်မောပြီးနေထိုင်တတ်တဲ့သူတယောက်လို့သိပေမယ့် ဒီလိုလူမသိအောင် ငေးငိုင်နေတတ်တာကို ကျွန်တော်သိနိုင်ခဲ့တယ်။ တခုထူးခြား တာကိုပြောပါဆိုရင် လူတွေရှေ့မှာ ဘယ် တော့မှမညည်းညူတတ်တာပါပဲ။ သူဘဝနေထိုင်မှုအဆင်မပြေပေမယ့်လူတွေကိုမညည်းပြတတ်တာ။ ခင်မင်တဲ့လူတွေရှေ့မှာ သူပျော်နေတာကိုမြင်စေချင်တာ။ သူ့ကိုပျော်ပျော်နေတတ်တဲ့လူတယောက်၊  ခေတ်ဆိုးကြီးကိုပေါ့ပေါ့ပါးပါးဖြတ်သန်းနေသူတယောက်အဖြစ်မြင်စေချင်တာပါပဲ။ ဒါပေမဲ့ သူအိမ်ထောင် သည်ဘဝမှာ အဆင်ပြေပြေမနေထိုင်ခဲ့ရပါဘူး။ သူကလည်းစာပေလောကမှာခေတ်ကြီးတခုနဲ့အတူ မျောပါ နေခဲ့တယ်။ နယ်ကရန်ကုန်စာပေလောကကို ဖောင်ဖျက်တက်လာခဲ့သူလူငယ်တွေအတွက် ရပ်တည်နိုင်ဖို့ အလွန်ခက်ခက်ခဲခဲရုန်းကန်ရှင်သန်ခဲ့ရတဲ့ခေတ်ကြီးလို့ပြောရပါလိမ့်မယ်။

အခြားလူငယ်တွေထက်စာပေယုံကြည်ချက်ကိုကိုင်စွဲထားတဲ့လူငယ်စာပေသမားတွေက ပိုပြီးရပ်တည်ဖို့ ခက်ခဲခဲ့ပါတယ်။ စာပေလောကမှာလုပ်ဆောင်နိုင်တာက မဂ္ဂဇင်းတခုမှာအယ်ဒီတာအလုပ်ပါပဲ။ စာရေးစားဖို့အတွက်ဈေးကွက်ဝင်ဝတ္ထုတွေထုတ်နိုင်ဖို့ဆိုတာကလည်း ထင်သလောက်မလွယ်ကူနိုင်ပါဘူး။ မဂ္ဂဇင်းဝတ္ထု ကဗျာ ဆောင်းပါးရေးနေသူများအတွက် စာမူခတခုထဲနဲ့မရပ်တည်နိုင်ပါဘူး။ အခုအချိန်တွေ လို ဂျာနယ်တွေ နေ့စဉ်ထုတ်ပုဂ္ဂလိကသတင်းစာတွေလည်းမရှိပါဘူး။

ကျွန်တော်မှတ်မိသလောက်ဆိုရင် ရုပ်ရှင်အောင်လံမဂ္ဂဇင်းကကဗျာစာမူခ ၁၀၀ စပြီးပေးတာ ပထမဆုံးနဲ့ ကဗျာစာမူခအများဆုံးပါပဲ။ ရှုမဝမဂ္ဂဇင်းဆိုကဗျာတပုဒ်အတွက် စာမူခဆယ့်ငါးကျပ်ပေးတဲ့အချိန်ပါ။ မဂ္ဂဇင်းတွေမှာ အမြဲကဗျာပါဖို့ကလည်းမလွယ်လှပါဘူး။ ပြောချင်တာက စောဒေဝေါလိုစာပေလောက တနယ်ထဲမှာ ဘဝရပ်တည်နေထိုင်နေသူတွေရဲ့အခက်အခဲကိုသိစေချင်တာပါ။

အင်္ဂပူမြို့နယ်လေးကနေစာပေလောကရှိတဲ့ရန်ကုန်ကိုတက်လာသူအတွက်တော့ဘ၀ရပ်တည်မှုခက်ခဲမှာပါ။ လူငယ်ဘဝကနေအိမ်ထောင်သည်ဘဝကိုရောက်သွားတဲ့စောဒေဝေါအတွက် ပိုပြီးခက်ခဲမှာပါ။ လူတွေရှေ့မှာအမြဲရယ်မောပြပြီးပျော်ရွှင်နေတတ်တဲ့ပုံသဏ္ဍာန်ကိုဖန်တီးထားတတ်သူအတွက် ပြန်စဉ်းစား နေမိပါတယ်။ စောဒေဝေါရဲ့ရယ်မောမှုနောက်ကွယ်မှာမောနေတတ်တာကိုလည်း စဉ်းစားမိပါတယ်။ ဒါပေမဲ့ စာဒေဝေါရဲ့ဘ၀သက်တမ်းတလျှောက်လုံး စာပေလောကမှာကဗျာဆရာတယောက်အဖြစ် ကြံ့ကြံ့ ခံရပ်တည်သွားခဲ့ပါတယ်။ ကဗျာကိုချစ်မြတ်နိုးတဲ့စိတ်နဲ့ပါ။

စောဒေဝေါနဲ့ပတ်သက်ပြီးကျွန်တော်မှတ်မိတဲ့ ညတညအကြောင်းကိုပြန်ပြောပြချင်ပါတယ်။ 

ကျွန်တော်တို့ပိတောက်ပွင့်သစ်မဂ္ဂဇင်းစလုပ်စကာလ၊ ၈၈ အရေးတော်ပုံဖြစ်ပြီးစ ညတညပေါ့။ ညနေတိုင်း ကဗျာဆရာတွေ၊ စာရေးဆရာတွေ၊ ပန်းချီဆရာတွေဆုံတွေ့နေကြ ၃၃ လမ်းအထက်ကလေထန်ကုန်း လက်ဖက်ရည်ဆိုင်မှာ ကျွန်တော်ထိုင်ခဲ့တယ်။

လက်ဖက်ရည်ဆိုင်မှာတော့ ဘယ်သူတွေနဲ့ထိုင်ခဲ့မိလဲဆိုတာကိုတော့ မမှတ်မိတော့ပါဘူး။ ညနေစောင်း လာခဲ့ပြီး နေဝင်ရီတရောအချိန်မှာ စာပေသမားတွေအတွက် နောက်ဆုံရပ်အသီးသီးကိုရွေ့လျားခဲ့ကြ တယ်။ စာပေသမားအချို့က ၄၄ လမ်း၊ တချို့ကဟောက်ဆင်းဘုတ်ခေါ်တဲ့ဗိုလ်ချုပ်လမ်းကြားလေး၊ တချို့ တွေကတော့ ပုဇွန်တောင်ပန်းခြံ။ ၃၃ လမ်းမှာဆုံပြီး ညနေစောင်းယမကာဆိုင်အသီးသီးဆီ ချီတက်ကြ တယ်ပေါ့။ အဲဒီအချိန်က ၁၉ လမ်းမှာ မြန်မာပြည်ရဲ့နာမယ်ကြီးတရုတ်တန်း ဆိုတာရှိပေမယ့် မသွားနိုင်ကြ  ပါဘူး။

တညနေမှာတော့ ကျွန်တော်တို့လေးယောက်ပဲလေထန်ကုန်းမှာကျန်ခဲ့တာ။ လေးယောက်ဆိုတာ ကဗျာ ဆရာ အစ်ကိုကြီးမောင်အောင်ပွင့်၊ပန်းတနော်ကနေအလည် ရောက်လာတဲ့ ကဗျာဆရာ ဖိုးရွှေညီမှိုင်း၊ စောဒေဝေါနဲ့ ကျွန်တော်တို့ပါ။

ညနေနေဝင်ချိန်ဘယ်ဆိုင်မှာရီဝေကြမလဲဆိုပြီး တိုင်ပင်ရွေးချယ်နေကြတယ်။ ဘယ်ကိုချီတက်ရမယ်ဆို  တာ မရွေးချယ်နိုင်သေးခင်မှာပဲ ၃၃ လမ်းလေထန်ကုန်းကနေ ထွက်လာကြတယ်။ လမ်းလျှောက်လာရင်းဘယ်ကိုချီတက်မလဲလို့ဆက်တိုင်ပင်ဆွေးနွေးလာကြတယ်။ ၄၂ လမ်းကိုသွားမလား၊ ဟောက်ဆင်းဘုတ်လမ်းကြားလေးကို သွားမလား၊ ပုဇွန်တောင်ပန်းခြံထဲကအမေ့ဆိုင်ကိုအားပေးမလားပေါ့။ ဟောက်ဆင်းဘုတ်မှာက အစ်ကိုကြီးမောင်ရန်ပိုင် တို့သွားတာတွေ့လိုက်တယ်။ ၄၂ လမ်းဝက်ခြံ ထဲကဆိုင်မှာ ကဗျာဆရာတွေများတယ်။ 

ကဗျာအကြောင်းစာပေအကြောင်းလက်သီး လက်မောင်းတန်းပြီး ဆူလောင်ပွက်ထစွာကျယ်ကျယ်လောင် လောင်ပြောဆို ဆွေးနွေးနရမယ်။ ဒီခေတ်စာပေလောကကြီးကိုဘယ်လိုကယ်တင်ကြမလဲ၊ ရသစာပေတိုး တက်အောင်ရေစီးကိုဘယ်လိုဖောက်မလဲဆိုပြီး  ကြီးကြီးကျယ်ကျယ်ပြောနေ သံတွေကြားနေရမယ်။ ကဗျာဆရာဆိုတာမူးယစ်လာပြီဆိုရင် လောကကိုပိုရစ်တတ်တဲ့လူတွေ၊ ခေတ်ကြီးကိုပိုတော်လှန်ချင်စိတ် တွေကြွလာတတ်ကြတယ်။

ဘဝတွေကိုရိုက်ခွဲကြမယ့်လူသားတွေများတယ်။ ထားလိုက်ပါတော့ဆိုပြီး၊ ဒါဆိုပုဇွန်တောင်ပန်းခြံထဲက အမေ့ဆိုင်မှာလည်း ကဗျာဆရာနောင်တော် မောင်မောက် (ဥက္ကလာ) ဦးဆောင်တဲ့အလွမ်းကဗျာတွေ အကြောင်း ခပ်ငြိမ့်ငြိမ့်ညောင်းညောင်းလေးပြောဆိုနေရရင်ထွက်ပြေးစွန့်ခွာလာခဲ့ရတဲ့ ကိုယ့်ဇာတိ မြို့ရွာ လေးတွေကို သတိရပြီး ငိုချင်လိမ့်မယ်ပေါ့။

နောက်ဆုံးမှာတာမွေအဝိုင်းအလွန် လမ်းကြားလေးကိုချီတက်ကြဖို့ ကန့်ကွက်သူမရှိ အတည်ပြုလိုက်ကြ တယ်။ အဲဒီတာမွေအဝိုင်းအလွန်လမ်းကြားလေးထဲမှာ ဘီအီးအရက်ဆိုင်လေးတွေရှိတယ်။ ဆိုင်လေးတွေ လို့ဆိုရပေမယ့်လမ်းကြားလေးထဲကလမ်းဘေးမှာ ထင်းရူးပုံခွန်လေးတွေချပြီး အရက်ရောင်း ကောင်တာ လုပ်ရသလို၊ ယမကယလာမှီဝဲတဲ့သူတွေကလည်း ထင်းရူးခုံလေးတွေပေါ် အရက်နဲ့အမြည်းတင်ပြီး ခွေးခြေ ခုံပုပုလေးတွေနဲ့ထိုင်သောက်ရတယ်။

လမ်းဘေးဆိုပေမယ့် အပြောအဆိုလွတ်လပ်မှုရှိတယ်။ ကျွန်တော်တို့လေးယောက်ဝိုင်းမှာကဗျာတွေအကြောင်းစာတွေအကြောင်းပြောနေကြတယ်။ ဘယ်သူ ပြော ပြော အမြဲရယ်မောနေတတ်သူကစောဒေဝေါပေါ့။ နောက်ဘယ်လိုကဘယ်လို ရန်ကုန်ဘဆွေအကြောင်း ရောက်သွားတယ်မသိ။ သူ့အကြောင်းကိုဆက်ပြောကြတဲ့အချိန်မှာ ကျွန်တော်တို့မူးနေကြပြီ။ 

ဆိုင်ကထပြီးပြန်ကြတော့ ကိုအောင်ပွင့်ကမြို့ထဲကိုပြန်သွားတယ်။ ကျွန်တော်တို့သုံးယောက်ဖြစ်တဲ့ ဖိုးရွှေ ညီမှိုင်းရယ်၊ စောဒေဝေါရယ် ကျွန်တော်က တာမွေသင်္ချိုင်းကြီးကိုဖျက်ပြီး ကန်ထရိုက်တိုက်တွေ ဆောက် လုပ်နေတဲ့နေရာမှာကိုမြမြင့်မိုရ်ရှိနေတဲ့ဆောက်လက်စ တိုက်ခန်းသစ်ကိုသွားကြမယ်ပေါ့။

မကြာမကြာလည်း ကျွန်တော်တို့လာအိပ်ကြတယ်။ ကျွန်တော်တို့သုံးယောက်ဆိုက်ကားတစီးနဲ့သွားနေတဲ့ အချိန်မှာရန်ကုန်ဘဆွေအကြောင်းကိုဆက်ပြီး စောဒေဝေါက ပြောနေတယ်။ အဲဒီမှာပြဿနာဖြစ်ပါလေရော။ စောဒေဝေါပြောတဲ့အထဲမှာ ကျားကြီးဘဆွေနဲ့ ကုလားရိုက်အသင်းဆိုတာ ပါလာပါတယ်။ ကျွန်တော်တို့ ကိုမြမြင့်မိုရ် တိုက်ခန်းရှေ့ကိုရောက်တော့ ချက်ချင်းတိုက်ပေါ် မတက်ကြ သေးဘူး။

အရက်ဆက်သောက်ချင်ကြသေးတယ်။ ခဏနေတော့ ကျွန်တော်တို့သုံးယောက်ဆီကို ဓားတွေတုတ်တွေ လှံတွေဆွဲကိုင်ထားကြတဲ့ လူအုပ်ကြီးရောက်လာတယ်။ ကျွန်တော်တို့သတိမထားမိတာက တာမွေမှာ ကုလားစုဆိုတာ ရှိနေသေးတာကိုပေါ့။

ကျွန်တော်တို့သုံးယောက်ကို လူစုနဲ့ဝိုင်းရိုက်ကြတယ်။ မကြာမီမှာပဲ ကင်းလှည့်ရဲတွေရောက်လာလို့ လူ အုပ်ကြီးက ထွက်ပြေးသွားကြတယ်။ ဖိုးရွှေညီမှိုင်းက လမ်းဘေး မြောင်းထဲမှာမှောက်လဲကျနေတယ်။ စောဒေဝေါက တိုက်ခန်းထဲပြေးဝင်သွားတယ်။ လမ်းပေါ်မှာကျွန်တော်တယောက်ထဲကျန်ခဲ့တယ်။

ကင်းလှည့်ရဲတွေနဲ့ကျွန်တော်အကျိုးအကြောင်းပြောနေတဲ့အချိန်မှ တိုက်ခန်းထဲကနေ ကိုမြမြင့်မိုရ်ထွက် လာပြီး၊ သူ(ကျွန်တော်ကိုရည်ညွှန်းပြီး)က ကျွန်တော်ညီပါ။ ကျွန်တော်ကတရားရုံးရှေ့နေပါလို့ဝင်ပြောမှ လှည့်ကင်းရဲတွေပြန်သွားကြတယ်။ ကျွန်တော်လည်း တိုက်ခန်းပေါ်တက်လာခဲ့တယ် ၊ စောဒေဝေါက တိုက်ခန်း အိမ်သာထဲကနေထွက်လာတယ်။ ဖိုးရွှေညီမှိုင်းတယောက်ကတော့ ရောက်မလာခဲ့ဘူး။

သူ့အတွက်စိတ်ပူနေခဲ့ကြတယ်။ နောက်နေ့မနက်စောစောကျမှ လမ်းဘေးမြောင်းထဲကိုလဲကျသွားတဲ့ ဖိုး ရွှေညီမှိုင်းဒဏ်ရာတွေနဲ့ရောက်လာတယ်။ အဲဒီညကတော့ ကျွန်တော်တို့အတွက်အမှတ်တရဖြစ်သွားသလို သင်ခန်းစာလည်းရတဲ့ ညတညပါပဲ။

အခုဒီစာကိုကျွန်တော်သတိရပြီးပြန်ရေးနေတဲ့အကြောင်းကို ကိုဖိုးရွှေညီမှိုင်းလည်းပြန်သတိရနေမှာပါ။ ဒါပေမဲ့ စောဒေဝေါကတော့ ပြန်သိနိုင်တော့မှာမဟုတ်ပါဘူး။ သူ့ဘဝတလျှောက်လုံးရယ်မောခြင်းနဲ့အတူ ရင်မောစွာ ခက်ခက်ခဲခဲဖြတ်သန်းခဲ့ရတဲ့ ကာလလေးတခုဟာ လည်းပြီးဆုံးသွားခဲ့တာ အတော်ကြာသွား ပါပြီ။

ခေတ်ဆိုးကြီးထဲမှာကြံ့ကြံ့ခံပြီး ခက်ခက်ခဲခဲရှင်သန်ခဲ့ဖူးတဲ့ကဗျာဆရာတွေအကြောင်းပြောမယ်ဆိုရင် ကဗျာဆရာစောဒေဝေါကို ချန်ထားလို့မရနိုင်ပါဘူး။