သစ်ခက်သံလွင် ကဗျာနယ်ရေးရာ- မြတ်လှိုင်း ၏ သံသရာပြေးလမ်းပေါ်ကအနုပညာသန်းတစ်ကောင် (ကဗျာဆရာဇောင်းထက်)

သံသရာပြေးလမ်းပေါ်ကအနုပညာသန်းတစ်ကောင်
(ကဗျာဆရာဇောင်းထက်)
မြတ်လှိုင်း
(သစ်ခက်သံလွင်) ဒီဇင်ဘာ ၂၂၊ ၂၀၁၈

လွန်ခဲ့တဲ့နှစ်ကာလများက ကောင်းကင်ကြီးဟာ အခုအချိန်မှာလည်း ဒီအတိုင်းတည်ရှိနေပါတယ်။ တည်မြဲတည်ရှိနေတဲ့ကောင်းကင်အောက်ကမြေပြင်ကလည်း မပြောင်းမလဲ တည်ရှိနေတုန်းပါ။ ပြောင်းလဲခဲ့တာတွေကတော့အများကြီးရှိနေပါတယ်။ ကောင်းကင်အောက်ကမြေပြင်ပေါ်မှာဖြစ်ပျက်နေတဲ့ ရုပ်တွေနာမ်တွေ ပြောင်းလဲမှုတွေရှိနေတာ သဘာဝတရားတခုပါ။ ဒီသဘာဝတရားကို ဘယ်အရာမှ မလွန် ဆန်နိုင်ပါဘူး။ ရုပ်နာမ်အရာဝတ္ထုတမှာ ရှိနေတဲ့သက်တမ်းက သတ်မှတ်ထားပြီးဖြစ်နေပါတယ်။ 
 
ရုပ်နဲ့နာမ်ယှဉ်တွဲဖြစ်ပေါ်နေတဲ့သက်ရှိတွေကိုကြည့်လိုက်ရင် ရုပ်ဆိုတာကနာမ်ထက် ပိုအပျက်မြန်တတ်ပါ တယ်။ ရုပ်တခု (သို့မဟုတ်) ဘဝ တခုပျက်သွားပြီး နောက်ဘဝတခုကိုပြောင်းလဲဖြစ်တည်နေခဲ့ရင်လည်း တည်ရှိခဲ့တဲ့နာမ်က ဆက်ရှင်သန်နေတာတွေတွေ့ရတတ်ပါတယ်။ ဒါကြောင့် လူတယောက် ရုပ်သေသွား ပေမယ့် နာမယ်ဆိုတဲ့နာမ်မသေပဲ ဆက်ရှင်သန်နေတာတွေရှိပါတယ်။ လူသေပေမယ့် နာမယ်မသေဘူး ဆိုတဲ့စကားတွေ၊ မှတ်တမ်းစာတွေ၊ သမိုင်းတွေဟာ ခေတ်တိုင်းမှာ ရှိနေမှာပါပဲ။

လက်ရှိရှင်သန်နေတဲ့လူတွေမှာအတိတ်ကာလတွေရှိနေသလို ရုပ်ဘဝသေဆုံးပျောက်ကွယ်သွားတဲ့လူတွေ မှာ သူတည်ရှိရှင်သန်ခဲ့တဲ့အတိတ်တွေ ကျန်နေရစ်ခဲ့ပါတယ်။ အခုကျွန်တော်တွေးနေမိတာက ကောင်းကင် တခုထဲအောက်က မြေပြင်ပေါ်မှာရှင်သန်ခဲ့ဖူးတဲ့ လူတယောက်အကြောင်းပါ။

သူနဲ့ကျွန်တော်နောက်ဆုံးတွေ့ဆုံခဲ့တာ လွန့်ခဲ့တဲ့နှစ်ပေါင်း ၃၀ ကျော်ကာလကပါ။
 
သူနဲ့ကျွန်တော်တို့နှစ်ယောက်ရဲ့တွေ့ဆုံခင်မင်ခဲ့ရတဲ့ကာလလေးဟာ ခြောက်နှစ် ခုနှစ်နှစ်တာ ကာလတိုကလေးပါပဲ။ ကာလတိုလေးဆိုပေမယ့် သူနဲ့ကျွန်တော်ရဲ့ခင်မင်ရင်းနှီးမှုဟာ နက်နက်ရှိုင်းရှိုင်းရှိခဲ့ပါတယ်။ ပြောမယ်ဆိုရင် တူညီတဲ့ခံယူချက် တွေ၊ မျှဝေတတ်တဲ့ခံစားမှုတွေ အတော်နီးစပ်ခဲ့ကြတဲ့အတွက် ပိုပြီးရင်းနှီးမှုကို တမင်မဖန်တီးလိုက်ရပဲ သူ့အလိုလိုဖြစ်တည်ခဲ့ကြပါတယ်

သူဆိုတာက တက္ကသိုလ်ကမြန်မာစာနည်းပြ လူငယ်တယောက်ဖြစ်တဲ့ ကိုဇင်ဝေ(သို့မဟုတ်) ကဗျာဆရာ ဇောင်းထက်ပါ။ သူနဲ့ကျွန်တော်စတွေ့တာကို မှတ်မိသလောက်ပြန်ပြောရမယ်ဆိုရင်....။

ကျွန်တော်ကဗျာတွေရေးခါစ ၁၉၈၅/၈၆ ခုနှစ်လောက်ဖြစ်ပါတယ်။ ကျွန်တော်နေထိုင်တဲ့ မအူပင်မြို့ကို အလည်လာတဲ့ညမှာ စတင်တွေ့ဆုံခဲ့ပါတယ်။ အဲဒီမနက်ကတည်းက မြောင်းမြမြို့မှာနေတဲ့ နောင်တော် ကဗျာဆရာအောင်ဝေးက မအူပင်မြို့ကိုကြိုရောက်နေပါတယ်။ ကျွန်တော်တို့မအူပင်ကလူငယ်ကဗျာဆရာ တွေနဲ့ ကဗျာရွတ်ဆိုပွဲလေးတခုလုပ်ဖို့ပါ။ ညနေကြရင် ရန်ကုန်ကလူငယ်ကဗျာဆရာတွေရောက်လာလိမ့် မယ်လို့ အစ်ကိုအောင်ဝေးကပြောပြထားပါတယ်။ 
 
ကဗျာရွတ်ဆိုပွဲတွေကို မဆလအစိုးရလက်ထက်မှာ တရားဝင်ခွင့်မပြုထားပါဘူး။ နီးစပ်ရာစုဝေးပြီး တိတ် တဆိတ်ကဗျာရွတ်ပွဲလေးတွေ လုပ်နေရတဲ့အချိန် ကာ လပါ။ ပွင့်ပွင့်လင်းလင်းပြောရရင် ကဗျာရွတ်ဆိုပွဲ လေးတွေမှာ မဆလအာဏာရှင်တပါတီကိုတော်လှန်နိုင်ဖို့ တိတ်တဆိတ်ဆွေးနွေးခဲ့ကြတာပါ။

အဲဒီညက မအူပင်မှာအစ်ကိုကြီးတယောက်လိုဖြစ်တဲ့ ကိုဘိုအေး(ကဗျာဆရာ မောင်ရွှေလူ မအူပင်) ရဲ့အိမ် မှာ ကဗျာရွတ်ကြမလို့စီစဉ်ထားကြပါတယ်။ ကိုဘိုအေးဟာ မြို့နယ်ကောင်စီဝင်ဖြစ်နေတဲ့အချိန်ပါ။ ကျွန် တော်နဲ့ ကိုဘိုအေးက ညီအစ်ကိုလိုရင်းနှီးခဲ့ကြသလို ကျွန်တော်ရဲ့စိတ်ဓာတ်ကိုလည်း သိနေခဲ့ပါတယ်။

သူကလည်း ကျွန်တော်တို့အဖေတွေ ဦးလေးတွေရဲ့တပည့်အရင်း ဖြစ်ခဲ့တယ်လေ။ ကျွန်တော်တို့အဖေနဲ့ဦးလေးတွေက မအူပင်မှာ ”သစ္စာ” စာဖတ်ခန်းကို ထူထောင်ခဲ့ကြပြီး နောက်ကွန်မြူနစ်စာဖတ်ခန်းဆိုပြီး အပိတ်ခံလိုက်ရပါတယ်။ ပြောမယ်ဆိုရင် ကိုဘိုအေးကအပိတ်ခံလိုက်ရတဲ့စာဖတ်ခန်းက စာပေတွေလေ့လာခဲ့တဲ့ စိတ်ဓာတ်အခြေခံက ရှိနေပါတယ်။

ကျွန်တော်တို့မအူပင်လူငယ်ကဗျာဆရာတွေနဲ့ နောင်တော်ကဗျာဆရာအောင်ဝေးတို့ ကဗျာရွတ်ပွဲစတဲ့ အချိန်မှာ ရန်ကုန်ကကဗျာဆရာတွေမရောက်လာကြသေးပါဘူး။ ရန်ကုန်မအူပင်သဘောင်္က နောက်ကျ နေတာပါ။ ကျွန်တော်တို့ ကိုဘိုအေးအိမ်တံခါးကိုပိတ်ပြီး ကဗျာရွတ်တဲ့အခါရွတ် ဆွေးနွေးတဲ့အခါဆွေးနွေးနဲ့ ည ၉ နာရီကျော်လာတဲ့အခါမှ ရန်ကုန်ကလူငယ်ကဗျာဆရာနှစ်ယောက် ရောက်လာပါတယ်။ 
 
သူတို့က ကိုဇောင်းထက်နဲ့ ကိုယမုံတို့ပါ။ ရောက်လာတဲ့သူနှစ်ယောက်နဲ့ ကျွန်တော်တို့ကို ကိုအောင်ဝေးက မိတ်ဆက်ပေးပါတယ်။ ကျွန်တော်တို့လဲ ဝမ်းသာအားရ လက်ဆွဲနှုတ်ဆက်လိုက်ကြပါတယ်။

အဲဒီမှာကိုဇောင်းထက်က ကျွန်တော့်ကိုကြည့်ပြီး ”မြတ်လှိုင်းရာ၊ သဘောင်္ဆိပ်ကတက်လာတော့ ငါတို့ကို ဘယ်သူမှကြိုတဲ့လူမရှိဘူး၊ ငါတို့နှစ်ယောက်လဲ ဒီမြို့က ကဗျာဆရာမြတ်လှိုင်းကိုသိလားလို့ သိနိုင်လောက် တဲ့လူတွေကို လိုက်မေးရတာပေါ့၊ နောက်မှ မင်းရုပ်ရှင်ရုံစာရေးလုပ်နေတာကိုသတိရပြီး၊ ရုပ်ရှင်ရုံမန်နေဂျာ ရုံးခန်းကို ဝင်မေးကြတယ်၊ မန်နေဂျာလူဝဝကြီးက မြတ်လှိုင်းကိုတွေ့ချင်ရင် အရက်ဆိုင်တွေလိုက်မေးတဲ့၊ ရယ်ပြီးပြောတာ၊ ငါတို့လဲ ဘာဆက်မေးရမှန်းမသိတော့ဘူး၊ အဲဒီမှာ မင်းသူငယ်ချင်းက ငါတို့ကို ဒီလိုက်ပို့ ပေးလို့၊ မဟုတ်ရင်တော့ တညလုံးရွာလည်ပြီ” လို့ ပြောနေပါတယ်။

ကျွန်တော်လဲရယ်မောပြီးနေလိုက်ပါတယ်။ ကျွန်တော်လက်ထဲမှာကိုင်ထားတဲ့ ' အနုပဋိလောမရုပ်ဝါဒ ” စာအုပ်ကိုကြည့်ပြီး၊ ကိုယမုံက အားတက်သရောနဲ့ ” ဒီစာအုပ်က သခင်လေးမောင်ရေးတာ၊ ဆရာအောင် လင်းနဲ့ ဆရာမြသန်းတင့်ရေးထားတဲ့စာအုပ်က ပိုဖတ်ရနားလည်တယ်” ဆိုပြီး ပြောနေပါတယ်။

အဲဒီညက ကဗျာတွေရွတ်ကြတော့ ကိုဇောင်းထက်က ”ပြေးလမ်း” ဆိုတဲ့ကဗျာကိုရွတ်ပြပါတယ်။ ဒီကဗျာ ကိုရေးပြီး ယူလာတာလို့ ကဗျာမရွတ်ခင်မှာပြောပါတယ်။

သဘာဝတရားဟာ
အစာရှာနေတဲ့သိန်းငှက်တစ်ကောင်လို
ကမ္ဘာမြေကိုအုပ်ချထားလိုက်ရဲ့။

အဲဒီ၊ မွဲပြာပြာသိန်းငှက်ရဲ့
မည်းနက်တဲ့အတောင်တဖက်အောက်မှာ
ငါဟာ…
မြေကမ္ဘာရဲ့သန်းတစ်ကာင်အဖြစ်
လောကကိုချစ်ခဲ့။

ကဗျာဆရာဇောင်းထက်ရဲ့ကဗျာရွတ်သံကို ပြန်ကြားနေရတုန်းပါ။ ဒီလောကကြီးကို သူတကယ်ချစ်ခဲ့တာ ပါ။ မြန်မာပြည်ကိုလည်း ချစ်ခဲ့တာပါ။ သူနဲ့ ကျွန်တော်က ရန်ကုန်စာပေလောကကိုရောက်တိုင်းဆုံတွေ့ခဲ့ ကြတယ်။ အဲဒီအချိန်မှာ ကိုဇောင်းထက်က ရန်ကုန်တက္ကသိုလ် မြန်မာစာကျူတာတယောက်ဖြစ်နေတယ်။ 
 
ကျွန်တော့်သူငယ်ချင်း ခင်မောင်ရီ(တင်အေး)နဲ့ ဇော်အောင်(ညိုထွန်း)တို့က ကိုဇောင်းထက်ရဲ့တပည့်တွေ ဖြစ်နေကြတယ်။ နောက် ၈၈ လူထုအရေးတော်ပုံ ကာလ မှာ ကိုဇောင်းထက်က ရန်ကုန်တက္ကသိုလ်ဆရာ များသမဂ္ဂမှာ အတွင်းရေးမှူးတာဝန်ယူတယ်။ စစ်အစိုးရက တိုင်းပြည်အာဏာသိမ်းလိုက်တဲ့အချိန်မှာ ကျွန် တော်ရန်ကုန်ရောက်တော့ ကိုဇောင်းထက်နဲ့ပိုတွဲဖြစ်ကြတယ်။ တချို့ညတွေမှာ သူ့အိမ်ကိုလိုက်အိပ်ဖြစ်ခဲ့ တယ်။တချို့ညတွေမှာတော့ ကာဗျူးအမိန့်ထုတ်ထားတော့ သူ့အိမ်ကိုပြန်ချိန်မရလို့ ရန်ကုန်တက္ကသိုလ်ခြံ ကိုကျော်ဝင်ပြီး တောင်ငူဆောင်မှာ ဝင်အိပ်ခဲ့ရတယ်။

ကျွန်တော်နဲ့သူတွဲနေဖြစ်တဲ့အချိန်မှာ သူ့အမျိုးသမီးနဲ့ကွဲနေပါပြီ။ သူရဲ့ရုပ်ရည်က အတော်ကြည့်ကောင်း ပါတယ်။ တက္ကသိုလ်မြန်မာစာကျောင်းသူတွေက သူ့ကိုရေ လာမြောင်းပေးလုပ်နေပေမယ့် သူကတော့ သူ့ အမျိုးသမီးအကြောင်းကိုပဲ ရင်ဖွင့်ပြနေပါတော့တယ်။ သူနဲ့ကျွန်တော်အင်းလျားကန်ဘောင်က အကြော်တဲ ဆိုင်လေးတွေမှာ ညနေဖက်တွေ ထိုင်ဖြစ်ခဲ့ကြတယ်။ အကြော်ဆိုင်ကရေနွေးကြမ်းအိုးထဲမှာ အရက်ဖြူ ထည့်ပြီး အကြော်နဲ့ထိုင်သောက်ကြတယ်။

အကြော်ဆိုင်ရှင်တွေ ကလည်း ကိုဇောင်းထက်ကိုချစ်ခင်နေကြတော့ သူလုပ်ချင်တာတွေကို လိုက်လျောည ကြပါတယ်။ အဲဒီအချိန်ကအင်းလျားကန်ဘောင်ပေါ်က အကြော်ဆိုင်တွေမှာ အရက်မရောင်းရအမိန့်ထုတ်ထားတဲ့အချိန်ပါ။ အင်းလျားကန်စောင်းမှာအရက်ထိုင်သောက်တိုင်း သူ့အမျိုးသမီးမဝါကို လွမ်းတဲ့ အကြောင်းတွေကို အပ်ကြောင်းထပ်အောင် လွမ်းပြနေပါတော့တယ်။ သူ့သားငယ်လေးနှစ်ယောက်ဖြစ်တဲ့ သာလွန်ဇောင်းထက်နဲ့ အနော်ရထာဇောင်းထက်အကြောင်းတွေလဲ အမြဲပြောပြနေတတ်ပါတယ်။

သာလွန်ဇောင်းထက်ကိုကျောင်းစအပ်တော့ ကလေးတွေပြောတဲ့နာမယ်ကို ဆရာမကနောက်နေတယ်ထင် ခဲ့တာတွေ၊ ဆရာမက ကလေးတွေရဲ့နာမယ် သာလွန်ဇောင်းထက်နဲ့ အနော်ရထာဇောင်းထက်ဆိုတဲ့နာ မယ်ကိုမယုံလို့သူ့ကိုပြန်မေးခိုင်းတော့ မာကိုပိုလိုကိုကိုလို့ပြောလိုက်ကွာဆိုပြီး ရယ်မောပြောခဲ့တာတွေ။
အခုပြန်သတိရနေမိတယ်။
 
အမှန်တကယ်က အရက်ကိုသူကြိုက်လို့သောက်နေတာထက်၊ သူအထီးကျန်နေလို့သောက်ဖြစ်နေတာ ပိုများလိမ့်မယ်ထင်ပါတယ်။ သူအရက်သောက်ပြီးရင် မျက်နှာ နီရဲလာတတ်တယ်။ သောက်တဲ့အချိန်တိုင်းလိုလို သွေးတက်နေခဲ့တယ်။ နောက် သူဗီဒီယိုလောကထဲကိုရောက်သွားပါတယ်။ 
 
ဇာတ်မင်းသားမန္တလေးသိန်းဇော်ရဲ့ ခေါ်ယူတိုက်တွန်းတာကြောင့် ကိုသိန်းဇော်မင်းသားလုပ်တဲ့ ဗီဒီယိုကား တွေမှာ ကိုဇောင်းထက်က ဒုတိယမင်းသားအဖြစ် နာမယ်ကြီးကားတွေရိုက်ခဲ့ပါတယ်။ ဆရာတက္ကသိုလ် ဘုန်းနိုင် ဝတ္ထုတွေ၊ ဆရာငြိမ်းကျော်ဝတ္ထုတွေပါ။
နောက် သူ့ကိုရန်ကုန်တက္ကသိုလ်ကနေမြစ်ကြီးနားတက္ကသိုလ်ကို ပြောင်းရွှေ့လိုက်ရပါတယ်။ ၈၈ လူထုအရေးတော်ပုံမှာ တက္က သိုလ်ဆရာများသမဂ္ဂရဲ့အတွင်းရေးမှူးတာဝန်ယူခဲ့တာကို စစ်အစိုးရကအညှိုးထားပြီး အဝေးကြီးကို ပို့လိုက်တာပါ။ မြစ်ကြီးနားမှာကလည်း အလွန်အေးတဲ့ရာသီဒဏ်ရယ်၊အထီးကျန်တဲ့ စိတ်ခံစားမှုဒဏ်ရယ်၊ စစ်အစိုးရရဲ့အညှိုး ထားမှုဒဏ်ရယ်ပေါင်းပြီး အရက်ဒဏ်တွေကိုခံလိုက်ရတာပါပဲ။ 
 
နောက်ဆုံးမှာတော့ သူချစ်တဲ့မြန်မာပြည်၊ သူချစ်တဲ့အနုပညာနယ်နဲ့ သူချစ် တဲ့သူ့မိသားစုကို ခွဲခွာသွားခဲ့ ပါပြီ။ ကျွန်တော်ထောင်ထဲကိုရောက်သွားတဲ့ ၁၉၉၁ ခုနှစ်က သူနဲ့နောက်ဆုံးတွေ့ဆုံခြင်းပါ။ ကျွန်တော် ထောင်က လွတ်လာ နိုင်ပေမယ့်၊ သူနဲ့မတွေ့ဆုံနိုင်တော့ပါဘူး။ လောကကြီးမှာ လူသေသွားပေမယ့် နာမယ်မသေတဲ့အထဲမှာ ကဗျာဆရာ ဇောင်းထက် ပါနေပါလိမ့်မယ်။

ပြေးစမ်း ပြေးစမ်း
 အသက်ရှုသံတွေကိုကျောပိုးရင်း
 မျှော်လင့်ခြင်းဆံစတွေကိုတွယ်ဖက်ရင်း
 ဘီးစိပ်ကျဉ်းကျဉ်းရဲ့ကြားမှာ
 ပြေးစမ်း ပြေးစမ်း။
 …  … … … …
 ရေတွင်းဆိုးနှုတ်ခမ်းမှာ
 ဒုက္ခဆိုတဲ့ဘီးစိပ်မွဲမွဲတွေဟာ
 ကမ္ဘာအရေခွံလွှာကိုခြစ်ဆွဲ
 ကဲ  ပြေးလိုက်စမ်း သန်းတစ်ကောင်။

သံသရာပြေးလမ်းပေါ်က အနုပညာသန်းတစ်ကောင်ရေ။ ငြိမ်းချမ်းတဲ့နယ်မြေကိုရောက်အောင် ပြေးလိုက် စမ်းပါလို့အော်ပြောလိုက်မိပါတယ်။

မြတ်လှိုင်း
+ ဈေးကွက်ဂျာနယ် အမှတ် ၁၀၉၁ ဒီဇင်ဘာ ၂၀ ရက်၊ ၂၀၁၈ မှ .....

Comments