သစ်ခက်သံလွင်ကဗျာ - ဖုန်းမောင် ရဲ့ ငါ့ရဲ့ ကဗျာ ငါ့ လိပ်ပြာ

www.carmenguedez.com
 ငါ့ရဲ့ ကဗျာ ငါ့ လိပ်ပြာ
ဖုန်းမောင်
သစ်ခက်သံလွင်၊ အောက်တိုဘာ ၁၁၊ ၂၀၁၈

ပေါက်ဖက် မြင်တော့ ကြောက်တယ်
လိပ်ပြာဖြစ်သွားတော့ လှတယ်
အရင်က အမုန်းမျိုးစေ့တွေ စိုက်ပျိုးခဲ့လို့
အခု ချစ်ခြင်း မေတ္တာတွေ အပင်ဖောက်ထားရတယ်
ဘဝကမခြားပါဘူး ခန္ဓာကိုယ်ပဲ ခြားသွားတာ
ငါက ကြောက်စရာခူကောင်လေးဖြစ်ပြီး
ငါ့ရဲ့ ကဗျာက ရောင်စုံလိပ်ပြာလေး ဖြစ်တယ်
ရောင်စုံ လိပ်ပြာလေးတွေ ငေးမောပါ
ငါ့ရဲ့ကဗျာတွေကိုလည်း မင်း ဖတ်ပါ
ငါ့ကဗျာတွေကို မင်း စိတ်နဲ့ ဖတ်တဲ့အခါ
ငါ့ ရင်ဘတ်ကို ကပ်ပြီး နားထောင်တာနဲ့ အတူတူပါ
ငါ့ကဗျာတွေကို အသံထွက်ပြီး မင်းရွတ်ဆိုတဲ့အခါ
မင်းနားကိုလာပြီး ငါ ရွတ်ပြနေတာနဲ့အတူတူပါ
ငါက မင်းနဲ့အတူ အမြဲ မနေနိုင်ဘူး မနေရက်ပါဘူး
ခြေသားလုံး အိမ်တိုင် ငါသွားတယ်
မင်းကို သတိတရလို့ ငါ ကဗျာရေးတယ်
မင်းကို လွမ်းလို့ ငါ ကဗျာရေးတယ်
မင်းကို ချစ်လို့ ငါ ကဗျာရေးတယ်
မင်း မင်းရဲ့ချစ်သူကို သတိရတဲ့အခါ
ငါ့ ကဗျာတွေကို ဖတ်ပါ
မင်း မင်းရဲ့ချစ်သူကို လွမ်းတဲ့အခါ
ငါ့ ကဗျာလေးတွေကို ဖတ်ပါ
မင်း မင်းရဲ့ချစ်သူကို ချစ်လွန်းလို့ ဖက်ထားတဲ့အခါ
ငါ့ ကဗျာတွေကို မေ့ထားလိုက်ပါ
တစ်ကိုယ်တည်း အထီးကျန်တဲ့အခါမှာတော့ 
မင်းရင်ဘတ်မှာ ငါ့ကဗျာတွေကို 
လိပ်ပြာအဖြစ် ခိုနားပါစေလေ။      ။
 
ဖုန်းမောင်
၁၀ ၁၀ ၂၀၁၈

Comments