နရီမင်း - ဆယ်လ်မွန်ငါးကို ငါ စားလိုက်ပြီ

Saatchi Art
 ဆယ်လ်မွန်ငါးကို ငါ စားလိုက်ပြီ
နရီမင်း
(သစ်ခက်သံလွင်) သြဂုတ် ၂၄၊ ၂၀၁၈
 
ဒီကောင်ကြီးဟာ ဇာတိပြန်ချင်ခဲ့တာတဲ့။
ဘယ်လိုကံကြမ္မာပါလိမ့်၊
ခုတော့ ငါ့ပန်းကန်ထဲမှာ
ရုပ်ပျက်ဆင်းပျက်နဲ့
အတုံးလိုက် လဲ​လျောင်းလို့။

ငါလည်း ပြန်ချင်တာပေါ့ကွာ။
အိမ်လွမ်းနာနဲ့ မင်းကို မြည်းရမှာ
တရားသလား။

ဘဝတူချင်းပါဆိုတဲ့
ရူးကြောင်ကြောင် အတွေးက
ငါ့ကို လက်တွန့်သွားစေတယ်။
ဇာတိဟာ မရဏပဲ။

မင်းက မကူးခတ်ရတော့ပေမဲ့
ငါက ရုန်းကန်နေရသေးတယ်။
မင်းက ငြိမ်းချမ်းသွားပြီ။

ငါကတော့ မသေမရှင်နဲ့ အကင်ခံနေရတုန်းပဲ။
ငါလည်း မူးမှ ဖြစ်တော့မယ်။
မနာလိုစရာ ဆယ်လ်မွန်ငါးရေ
မင်းကို ငါ စားပစ်လိုက်ပြီ။

နရီမင်း
၂၄- ၈- ၂၀၁၈

Comments