မြတ်လှိုင်း- တစ္ဆေတကောင်နှင့် နေထိုင်ခြင်း

တစ္ဆေတကောင်နှင့် နေထိုင်ခြင်း

မြတ်လှိုင်း

(သစ်ခက်သံလွင်) သြဂုတ် ၂၄၊ ၂၀၁၈

(၁)

မှောင်မည်းနေသောအခန်းထဲသို့ကျွန်တော်ဝင်လိုက်သည်။ ဒီအခန်းထဲမှနံရံများနှင့်နေ့ပေါင်းမြောက်မြားစွာ စကားပြောဖူးသည်။ ဒီအခန်းထဲကိုဝင်မိလျှင် တော်တော်နှင့်ပြန်မထွက်ဖြစ်တော့။ 

အခန်း၏အပြုစားခံရတတ်သည်ကိုပြန်တွေးမိသည်မှာ အကြိမ်ပေါင်းမရေတွက်နိုင်။ ဒီအခန်းလေးတဲတွင် နေရသည်မှာ အေးချမ်းသည်။ တိတ်ဆိတ်သည်။ နှုတ်ဆက်ခြင်းအမည်ခံအာလာဘသလာဘစကားပြောမည့်သူမရှိသလို၊ နှောင့်ယှက်မည့်သူလည်းမရှိ။ အခန်းနံရံတိုင်းတွင် ဖတ်စရာစာအုပ်တွေရှိသည်။ မြန်မာကဗျာများ၊ ဝတ္ထုများ၊ ဆောင်းပါးများနှင့် နိုင်ငံခြား ဖြစ်စာများရှိသည်။ တေးဂီတများရှိသည်။ သီချင်းများသည် အလွမ်းအဆွေးသီချင်းများဖြစ်သည်။ ခေတ်ပေါ်သီချင်းများအနေဖြင့် ခိုင်ထူး၊ ခင်မောင်တိုး၊ ခင်ဝမ်း၊ မွန်းအောင်တို့သာရှိသည်။

နောက်ဆုံးပြင်ပလောကကိုတချက်ကြည့်လိုက်ပြီး၊ မှောင်မည်းနေသောအခန်းထဲကို ကျွန်တော်ဝင်လိုက် တော့သည်။ ကျွန်တော်ဝင်လိုက်သည့်တံခါးကို အသေပိတ်ပစ်လိုက်သည်။ ပြောမည်ဆိုလျှင် လောက ကြီးနှင့်အဆက်အသွယ်ပြတ်သွားတော့မည်။ ပိတ်လိုက်သည့်တံခါးသည်အသေဖြစ်သည်။ အဖွင့်အပိတ် မရှိသလို၊ အတိုးအလျှော့လည်းမရှိ။ အခန်းသည်ထူးခြားသည်။ ထူးခြားသည်ပြတင်းတပေါက်ရှိနေသည်။ ထိုပြတင်းပေါက်ကို ကျွန်တော်တခါမှမဖွင့်ဖြစ်။ ဖွင့်ရန်လည်း စိတ်ကူးမရှိ။ ယခုအချိန်တွင် အလုံပိတ်ထား သည့်အခန်းဖြစ်နေသည်။

အခန်းတံခါးကိုအသေပိတ်လိုက်ပြီး၊ ကုလားထိုင်တလုံးတွင်ထိုင်ချလိုက်သည်။ ထိုင်ခုံပေါ်သို့ ကျွန်တော့် စိတ်လည်း ဝုန်းခနဲပြိုလဲကျသွားသည်။ ထိုင်ခုံပေါ်ကျသွားသောစိတ်ကို ကျွန်တော်ပြန်ကောက်ယူဖို့ မစဉ်းစားတော့။ အတွေးတွေအားလုံးရေသေမြစ်လိုပင်။ အသံများတိတ်ဆိတ်ငြိမ်သက်နေသည်။ သို့သော်…။

အခန်းထဲမှတိုးတိတ်သည့်အသံပါးပါးလျလျကိုကြားလိုက်ရသည်။ နားဖြင့်ကြားလိုက်ရသည်လား၊ စိတ်ဖြင့် ကြားသိလိုက်ရသည်လားဆိုသည်ကိုမခွဲခြားတတ်။ ထိုအသံသည်အခန်းထဲတွင် ကျွန်တော်တယောက်ထဲ ရှိနေခြင်းမဟုတ်သည်ကို အသိပေးလိုက်ခြင်းဖြစ်သည်။ ကျွန်တော်ငြိမ်သက်စွာနေပြီး အသံကိုနားစွင့်နေမိ သည်။ နားစွင့်နေသည့်အချိန်တွင် အသံမကြားရတော့။ ကျွန်တော်လည်း အချိန်တော်တော်ကြာအောင် တွေးနေမိသည်။ ထိုအသံကိုစိတ်ထဲမှဖျောက်ပစ်လိုက်ပြီး၊ စာအုပ်တစ်အုပ်ကိုယူလိုက်သည်။ ထိုစာအုပ်အမည်ကိုအမှတ်မထင်ကြည့်လိုက်မိသည်။

'' တစ္ဆေတစ်ကောင့်နှင့်နေထိုင်ခြင်း”

စာအုပ်အမည်ကိုမျက်မှောင်ကုပ်ပြီးစိုက်ကြည့်နေမိသည်။

”ဒီစာအုပ်ကိုတခါမှမမြင်ဖူးဘူး”   ဟု စိတ်ထဲမှာပြောလိုက်မိသည်။ ထိုအချိန်မှာ စောစောကကြားလိုက် သည့်အသံ ပြန်ပေါ်လာသည်။ ”ခင်ဗျားနဲ့အတူတူဝင်လာတဲ့တစ္ဆေလေ၊ ဒီစာအုပ်အမည်က ခင်ဗျားဖတ် လိုက်တဲ့အတိုင်းပဲ၊ ဒီစာအုပ်ပြီးရင် ခင်ဗျားဖတ်ရမယ့်စာအုပ်က နာကျည်းခြင်းလှောင်အိမ်..တဲ့ ” ။ ပြောပြီးပြီးချင်း တစ္ဆေပျောက်သွားတော့သည်။

တစ္ဆေကိုကျွန်တော်ဘာတခုမျှမမေးလိုက်ရ။ မေးချင်စိတ်လည်းမရှိ။ အတွေးများနှင့်နေထိုင်နေမိတော့သည်။

(၂)

သူမကိုကျွန်တော်ချစ်ခဲ့ဖူးသည်ကိုဝန်ခံရပါလိမ့်မည်။ သူမအတွက်အရာရာကိုပေးဆပ်ခဲ့ဖူးသည်ဆိုလျှင်။ သူမရှေ့မှလျှောက်သည့်လမ်းတွင် ကျွန်တော်နောက်မှလိုက်ခဲ့ရသည်။ 

သူမကိုကျွန်တော်ယုံကြည်ခဲ့မိသည်။ သို့သော် အချိန်အခါနှင့်ပတ်ဝန်းကျင်အခြေအနေများ ပြောင်းလဲလိုက် သလို သူမသည်ပြောင်းလဲသွားသည်။ သူမ၏ဘေးပတ်ဝန်းကျင်တွင် မကောင်းဆိုးဝါးတွေရောက်နေခဲ့ သည်။ ဒီပန်းချီကားကိုမည်သူတွေရေးဆွဲခဲ့သည်, မည်သူတွေရေးဆွဲနေသည်ကို သူမ,မသိခြင်းမဟုတ်။ သူမသိသည်ဟုထင်သည်။ ထိုပန်းချီကားတွင် မြက်ခင်းစိမ်းများတောထနေသည်။ 

ထိုမြက်ခင်းစိမ်းများထဲတွင် သူမပျော်မွေ့နေသည်လားမသိ။

ပန်းသီးနီနီရဲရဲတလုံးသည် ရေခဲသေတ္တာထဲတွင်အေးစက်သွားခဲ့သည်။ ယခုအချိန်တွင် နတ်ဆိုးများဝန်းရံမှု အပေါ် သာသာယာယာကပြနေသည့် နတ်သမီးတပါးဖြစ်နေတော့သည်။ ရဲရင့်မှုတွေထွေပြားပြီးတွေဝေခြင်းကောင်းကင်တိမ်တိုက်တွေ လွင့်မျောနေသည်။

သူမ၏အခြွေအရံများသည် သူမလျှောက်လှမ်းနေသည့်လမ်းနောက်သို့ ငြိမ်ကုပ်ကုပ်လိုက်ပါနေကြသည်။ သူမသည် မာယာထောင်ချောက်ထဲကို သိသိနှင့်ဝင်ရောက်နေတော့သည်။ သူမသည် ကျွန်တော်အိပ်မက် မက်ခဲ့သည့်အိပ်မက်လမ်းကို လှည့်မကြည့်တော့။

ထိုသို့သောအချိန်တွင် သူမနှင့်လမ်းခွဲပစ်ရမည်လား။ သို့မဟုတ်,နေ့တစ်နေ့ကိုစောင့်ရမည်လား။ ကျွန်တော် ရပ်စဉ်းစားနေမိသည်။

ကျွန်တော့်နှလုံးသားတွေကြွေနေသည်။ စဉ်းစားရင်းဖြင့် တဖြည်းဖြည်း ရင်ထဲတွင်နာကျင်လာသည်။ တဖြည်းဖြည်းနှင့် နာကျည်းခြင်းရထားတစီးသည် မောင်းနှင်လာတော့သည်။

(၃)

အမှောင်အခန်းထဲမှခုံတလုံးပေါ်တွင် ထိုင်မြဲထိုင်လျက်။ လူတွေနှင့်မဆက်ဆံချင်တော့ခြင်းနှင့်လောကနှင့်အဆက်ဖြတ်လိုခြင်းသည် ဤအမှောင်ခန်းထဲဝင်ရန် တွန်းပို့ခြင်းများဖြစ်သည်။

ယခုအချိန်တွင် ”တစ္ဆေတစ်ကောင်နှင့်နေထိုင်ခြင်း” သည် ကျွန်တော်ပိုင်ဆိုင်သောဘဝဖြစ်သည်။

ဘဝ၏အတွေးများကိုပြန်တွေးနေမိသည်။ အခန်းထဲမှလူမျက်နှာတွေကိုမြင်ယောင်နေမိသည်။ ပီကာဆို၏ပေါင်မုန့်တောင်းနေသောမျက်နှာများ၊ ချွေးစီးချွေးပေါက်များကျနေသော နွားတကောင် (သို့မဟုတ်)နွားအကောင်များစွာ၏ တံပိုးကိုထမ်းပြီးဘဝကိုရုန်းကန်ဆွဲခေါ်နေသည့်မျက်နှာများ၊ မြို့ပြလမ်းမဘေးမှညည်းညူနေကြသောခိုမျက်နှာများ။ 

ပိတ်ကားပေါ်မှသရုပ်ဆောင်အတုရုပ်ရှင်ကိုထိုင်ကြည့်နေကြသည့်ဘဝသရုပ်ဆောင်စစ်စစ်မျက်နှာများ။ ထိုမျက်နှာများကိုကြည့်နေသည့်ကျွန်တော့်မျက်နှာ။

မျက်နှာများစွာသည်ပျောက်ကွယ်သွားပြီး ကျွန်တော်မြင်နေရသည်မှာ ကျွန်တော့်၏မျက်နှာတခုတည်းကို မြင်နေရသည်။ အတွေးထဲတွင် ကျွန်တော့်မျက်နှာသည် တဖြည်းဖြည်းမှိန်ဝါးသွားလိုက်၊ ထင်ရှားပြတ်သား လာလိုက်ဖြင့်၊ အရောင်တွေအမျိုးမျိုးပြောင်းနေသည်။ နောက်ဆုံးမြင်လိုက်သည်မှာ နီရဲနေသည့်ဒေါသ နာ ကျည်းခြင်းမျက်နှာ။

”တောက်”

တောက်ခေါက်သံတချက် ပြင်းပြင်းထန်ထန်မြည်သွားသည်။ ထိုတောက်ခေါက်သံနှင့်အတူ ထိုင်ရာမှရုတ် တရက်ထလိုက်သည်။ ခေါင်းကိုယမ်းခါလိုက်မိပြီး စာအုပ်အုပ်ကို လှမ်းယူလိုက်မိသည်။

ထိုအချိန်တွင်ပျောက်နေသောတစ္ဆေတကောင်၏ တဟားဟားရီသံပေါ်လာသည်။ တစ္ဆေရီလိုက်သံကြောင့်  ကျွန်တော်ကိုင်ထားသောစာအုပ်ကိုကြည့်လိုက်မိသည်။

”နာကျည်းခြင်းလှောင်အိမ်” ဖြစ်နေသည်။ ကျွန်တော်လည်း”နာကျည်းခြင်းလှောင်အိမ်” စာအုပ်ကို စိတ်ဝင်တစား ဖတ်နေလိုက်သည်။ နာကျည်းမှုကိုဖြစ်လာစေသောအကြောင်းအရာများ။ 

အဖိနှိပ်ခံရလွန်း၍လက်စားချေခွင့်မရသောအခါဖြစ်ပေါ်လာသောနာကျည်းမှု၊ ရပိုင်ခွင့်ရှိသောနေရာကို ရပိုင်ခွင့်မရှိ သူက လုယူလိုက်သည့်အခါနာကျည်းမှု၊ မိမိထက်သာလွန်ကောင်းမွန်မှုကို လိုက်မမီနိုင်သော အခါ၊ မနာလိုမှု,သဝန်တိုနာကျည်းမှု၊ ချစ်သူမှရန်သူဖြစ်သွားခြင်း နာကျည်းမှု၊ နာကျည်းမှုတွေကုန်မည် မဟုတ်တော့။ သည်အထဲမှာ ကျွန်တော်နဲ့ပတ်သက်မှုတခုကိုစာမျက်နှာတွေ တရွက်ပြီးတရွက်လှန်ပြီး ရှာနေမိသည်။

ကျွန်တော်၏နာကျည်းမုန်းတီးမှုကိုရှာမတွေ့ချေ။ ကျွန်တော်သတိရလိုက်မိသည်က ကျွန်တော်နှင့်အတူနေ တစ္ဆေကိုဖြစ်သည်။ သတိရလိုက်သည်နှင့် ကျွန်တော့်အနားမှာ လေတိုက်လိုက်သလိုဖျတ်ခနဲဖြတ် သွားသည်ကို ခံစားမိလိုက်သည်။

”ခင်ဗျားရဲ့နာကျည်းမှုကသေးသေးလေးမဟုတ်ဘူး၊ခင်ဗျားဘဝနဲ့သက်ဆိုင်နေတယ်၊ ခင်ဗျားကတဦး တယောက်ကို ဘဝပေးပြီးချစ်ခဲ့တာကြောင့်လို့ပြောရင်လဲ မပြည့်စုံနိုင်သေးဘူး၊ ဒါကိုကျုပ်လဲ အဖြေရှာ နေတယ်၊ ခင်ဗျားကိုယ်တိုင်လဲတဖြည်းဖြည်းတွေးပြီး အဖြေရှာပါ၊ ခင်ဗျားက, ကဗျာဆရာတယောက်၊ အနုပညာသမား တယောက်ပဲ၊ နိုင်ငံရေးသမားတယောက်မဟုတ်ဘူးလေ၊ ခင်ဗျားစိတ်ကို ချုပ်ကိုင်ထားတဲ့ နာကျည်းမှုရဲ့အဖြေကိုတွေ့လာမှာပါ”

တစ္ဆေသည်ပြောပြီးပြီးချင်းပျောက်သွားသည်။ ကျွန်တော့်စိတ်ထဲတွင်မကျေနပ်မိ။ တွေးလေလေ သူမကို နာကျည်းမှုအရှိန်မြင့်လာလေလေ။

”တောက်”။

(၄)

မှောင်နေသည့်အခန်းထဲတွင်စာအုပ်တွေဖတ်နေမိသည်။ ဖတ်လေအသိပညာတိုးလေဖြစ်သည်။ တခါတခါ တစ္စေသည်ကျွန်တော့်ကိုလာစကားပြောသည်။ ”ခင်ဗျားစာတွေအတော်ဖတ်နိုင်တဲ့လူပဲ၊ ချီးကျူးပါတယ်၊ ဒါပေမဲ့ စာတွေထဲက အသိပညာကိုပဲခင်ဗျားရတာ၊ အသိတရားရတာလို့ ခင်ဗျားထင်နေရင်မှားမှာပေါ့၊ ခင်ဗျားစိတ်ထဲကိုပြန်ဝင်ပြီး သေသေချာချာတွေးပါ” ဟုပြောတတ်သည်။

တစ္စေပြောသလို ကျွန်တော့်စိတ်ထဲပြန်ဝင်ကြည့်ချင်သည်။ ခက်နေသည်မှာကျွန်တော့်စိတ်ထဲပြန်ဝင်လို့မရ။ အခန်းတံခါးပိတ်ထားခဲ့သလို စိတ်တံခါးပိတ်ထားခဲ့မိသည်။ စိတ်ထဲပြန်ဝင်လို့မရလေ၊ စိတ်တိုပြီးပေါက်ကွဲ လေ ဖြစ်နေသည်။ ပေါက်ကွဲခြင်းကိုချုပ်ကိုင်ထား၍မရသောအခါ နာကျည်းမှုပိုဖြစ်လာလေဖြစ်သည်။

ကဗျာတွေရေးနေမိတော့သည်။ ကဗျာတွေထဲမှာပါပေါက်ကွဲသံတွေ၊ နာကျည်းမှုနှင့်ပစ်ပေါက်သံတွေဖြစ်နေ တော့သည်။ ခိုင်ထူးသီချင်းကိုဖွင့်လိုက်မိသည်။

”ရှင်သန်လာစဉ်…မရိတ်မိလိုက်လို့…မယုံနိုင်အောင်ပင်…အစွန်းနှစ်ဖက်…ဆန့်ကျင်သွားပြီ၊ ကာရန်ရှင်ရယ် …သင်ဟာ လာခြင်းကောင်းပေမယ့်…နှောင်းခဲ့ပါပြီလေ”။

အတွေးထဲမှာလွင့်မျောပါသွားသည်။ တစ္ဆေပြောဖူးသည့်စကားကိုပြန်ကြားလိုက်မိသည်။

”ခင်ဗျားကတကယ့်အနုပညာသမားစစ်စစ်၊ ခင်ဗျားရဲ့ကဗျာတွေက လူတွေကိုကြည့်ပြီးရေးခဲ့တဲ့ကဗျာတွေ၊ လူတွေနဲ့အတူနေတယ်၊ လူစစ်စစ်တွေရဲ့ခံစားမှုတွေကို ထုံကူးယူတယ်၊ တခုပါပဲ၊ နာကျည်းမုန်းတီးမှုတွေ က ခင်ဗျားရဲ့အနုပညာကိုတဖြည်းဖြည်း ဖျက်ဆီးပစ်နေတယ်၊ ခင်ဗျားရဲ့ဆန့်ကျင်ဖက်ကလူတွေကတော့ မုန်းနေတာ ထား၊ ခင်ဗျားလဲ ဂရုစိုက်မှာမဟုတ်ဘူးဆိုတာ ကျုပ်သိတယ်၊ ဒါပေမဲ့ ခင်ဗျားကိုချစ်တဲ့ခင်တဲ့ လူတွေကတောင် ခင်ဗျားကဗျာတွေကိုမဖတ်ပဲ ထားလိုက်မယ်ဆိုရင်၊ ခင်ဗျား ပြချင်တဲ့လူတွေရဲ့ခံစားမှုတွေ ကို မြင်ရမှာ မဟုတ်တော့ဘူး” ဟုပြောခဲ့သည်ကို ပြန်တွေးမိနေသည်။

ကျွန်တော်ပြန်တွေးရင်း အတွေးတခုရောက်လာသည်။ ဒီအတွေးသည် အမှောင်ခန်းကိုစွန့်လွှတ်ရလိမ့်မည်။ အမှောင်ခန်းထဲကိုဝင်လာကတည်းက ဝင်လာသည့်တံခါးကိုအသေပိတ်ထားခဲ့သည်။ တခုတော့ရှိသည်။ ပိတ်ထားသည် ပြတင်းတံခါးကိုရိုက်ဖျက်လိုက်လျှင်တော့ရသည်။ တစ္ဆေရောက်လာပြီးပြောသည်။

”ခင်ဗျားပြတင်းတံခါးကိုဖွင့်မယ်လို့ဆုံးဖြတ်လိုက်ရင်၊ ကျုပ်ကိုသတ်လိုက်မှပြတင်းတံခါးကိုဖွင့်လို့ရမယ်၊ ခင်ဗျားမသိတာတခုရှိနေတယ်၊ အဲဒါက,ကျုပ်က ခင်ဗျားစိတ်ထဲက မုန်းတီးနာကျည်းစိတ်ဝိညာဉ်ဆိုတာ ပါပဲ၊ ဒီအခန်းထဲကထွက်သွားရင် ခင်ဗျားချစ်ခဲဖူးသလို၊ မုန်းတီးခဲ့တဲ့အရာတွေအားလုံးကိုလွှတ်ချလိုက်ရ မယ်၊ သူတို့လဲသူတို့လမ်းလျှောက်နေသလို၊ ခင်ဗျားလဲ ခင်ဗျားလမ်းကိုလျှောက်ပါ”

ကျွန်တော်နှင့်အတူနေခဲ့သည့် တစ္ဆေကိုသတ်ပစ်ရမည်လားဆိုသည်ကို။

+ Daily Eleven နေ့စဉ်သတင်းစာ - 23.6.2018 တွင် ဖော်ပြပြီးဖြစ်သည်။