သစ်ခက်သံလွင် ကဗျာသုံးသပ်ချက်၊ ကိုနိုင်း ၏ 'ရင်ကိုလာငြိသောကာရန်များ '

ပြတင်းတံခါးအဖွင့် ဇာခန်းဆီးအလွင့်( ၃၇ )

ရင်ကိုလာငြိသောကာရန်များ

ကိုနိုင်း

သစ်ခက်သံလွင်၊ နိုဝင်ဘာ ၁၂၊ ၂၀၁၇ 

ခေတ်ပေါ်ကဗျာတွေမှာလည်းကာရန်တွေအနေနဲ့ကပ်ငြိပြီး စီးဆင်းလာပါတယ်။ လွတ်လပ်ကာရန်တွေက လှပစွာကူးခပ်ပြီး လှိုင်းတွေအဖြစ်နဲ့ ဘယ်ဘက်ရင်ဘတ်ကမ်းစပ်ဆီကို ရိုက်ခတ်လာကြတဲ့အခါ ကြည်နူးမှု တွေကို လက်ခံလိုက်ရတာပါပဲ။ တခါတရံမှာတော့ ကာရန်တွေအစား အသံတွေပါ ပါလာတတ်ကြပါတယ်။ ခေတ်ပေါ်ကဗျာဟာ ပင်လယ်ကြီးလိုကျယ်ပြောပါတယ်။ နက်ရှိုင်းတဲ့အခါလည်း နက်ရှိုင်းပါတယ်။ မြစ်တမြစ်လို မာယာလည်း များတတ်ပါတယ်။ တခါတရံ ချောင်းလေးလိုကျဉ်းမြောင်းပေမယ့် အကွေ့ အကောက်တွေလည်း တွေ့ရတတ်ပါတယ်။

ဘာပဲဖြစ်ဖြစ် ရင်ခုန်ကြည်နူးစရာ အနုပညာတခုပါပဲ။ ခေတ်ပေါ်ကဗျာရဲ့တိုးတက်ဖွံ့ဖြိုးလာမှုဟာ အခု အချိန်မှာ လျင်မြန်လာပါတယ်။ ခေတ်ပေါ်ကဗျာရဲ့ပင်မရေစီးဟာ တခေတ်ပြီးတခေတ်ကို အရှိန်ကောင်းကောင်းနဲ့ ဖြတ်ကျော်လာနိုင်ခဲ့ပါတယ်။ ဒီနေ့မှာတော့ ပုံသဏ္ဍာန်မျိုးစုံ၊ အကြောင်းအရာများပြားစွာကို ရေးဖွဲ့နေကြပါပြီ။ ပုံနှိပ်မဂ္ဂဇင်းတွေနည်းပါးသွားပြီဆိုပေမယ့်  အွန်လိုင်းကဗျာတွေပေါ်ပေါက်လာတဲ့ အချိန် မှာ သိသိသာသာ ခေတ်ပေါ်ကဗျာတွေကို အလေးထားရေးနေတာကိုတွေ့မြင်ရပါတယ်။ ဒါပေမဲ့ အွန်လိုင်း ပေါ်ကခေတ်ပေါ်ကဗျာတွေအများစုဟာ ပေါ်ပြူလာဖြစ်ချင်ကြလို့ရေးနေကြတာကိုလည်း တွေ့နေရပါ တယ်။ ဒီလိုခေတ်ပေါ်ကဗျာရေးဟန်နဲ့လိုက်ရေးနေသူများကတော့ ဂန္တဝင်ကာရန်စနစ်ကို မလေ့လာပဲနဲ့ ခေတ်ပေါ်ကဗျာတွေရေးနေတာကိုလည်း တွေ့နေရပါတယ်။ အမှန်တကယ်တော့ ဂန္တဝင်ကာရန်ကဗျာတွေ က ခေတ်ပေါ်ကဗျာဖြစ်ပေါ်တိုးတက်မှုကို အတိုင်းအတာတခုအထိ ပံ့ပိုးခဲ့ပါတယ်။ ခေတ်ပေါ်ကဗျာရဲ့ စကားလုံးကျစ်လစ်အောင်သုံးစွဲမှုတွေဟာ ဂန္တဝင်ကာရန်တွေဆီက နည်းယူလာတာပါ။ စကားလုံးလှပမှုတွေဟာလည်း ဒီလိုပါပဲ။

ဒါကိုနိုဝင်ဘာလ၊ ရုပ်ရှင်တေးကဗျာမဂ္ဂဇင်း ထဲက ကဗျာဆရာ လင်းမိုးစွေရဲ့နွေကျောင်း ကဗျာမှာ တွေ့လိုက်ရပါတယ်။ ကဗျာဆရာလင်းမိုးစွေကတော့ မကြာခင်ကကြွေလွင့်သွားတဲ့ ခေတ်ပေါ်ကဗျာ ကောင်းကင်ပေါ်က ကြယ်တပွင့်ပါ။ သူ့ကဗျာကိုဖတ်လိုက်ရတော့ လွမ်းမိလိုက်ပါတယ်။

          သစ်ရွက်ကြွေတာကို ထည့်မရေးတော့ဘူးဆိုကာမှ

         လေရူးက အငေါ့တူးတယ်။

         နွားကျောင်းသားလေးက ပလွေမမှုတ်တော့ဘူး

         ကြာဖြူသီချင်းနဲ့ ဖုန်းထဲမှာ မိုးမိနေတယ်။

         နှင်းလား

         မြူလား

         အချိန်တန်တော့ကွဲသွားတာပဲ။

         ညောင်ရမ်းခေတ် တခေတ်လုံး ငေးကြည့်ရတဲ့ကဗျာတပုဒ်

         ထန်းပင်ပေါ်တက်သွား

         ပြန်ဆင်းလာတော့ စကားလုံးတွေ ပုစွန်ဆိတ်ခုန်နေပြီ။

         ဥသြတွန်သံ မကြားရသေးဘူး

         ဥသြဆွဲသံက အချိန်မရွေးကြားနိုင်တယ်။

         လက်ပံပွင့်ပြီ

         စကား စကာရှိသေး

         ယပ်တောင်လေး ခါးကြားထိုးရင်း

         နွေအကြောင်း တနွေလုံး ပြောမပြီးတော့ဘူး

         နားတွေကို ပူလို့။

ဒီကဗျာက ဂန္တဝင်ကာရန်ကဗျာခေတ်နဲ့ ခေတ်ပေါ်ကဗျာကို ခေတ်ရဲ့ ကွဲပြားမှုကို ရေးလိုက်တာလို့ ခံစားလိုက်မိပါတယ်။ ဂန္တဝင်ကာရန် ကဗျာခေတ်မှာလည်း အင်မတန်လှတဲ့အရေးအဖွဲ့တွေရှိခဲ့ပါတယ်။ ဆရာကြီးမင်းသုဝဏ်တို့ ဂန္တဝင်ကဗျာတွေ၊ ဆရာကြီးဇော်ဂျီရဲ့ ကဗျာတွေဟာ ဂန္တဝင်ကဗျာတွေပါ။ ရှေးခေတ်မှာလည်း ပြည်သူ တွေဘက်ကခံစားပြီး ဖွဲ့တဲ့ဂန္တဝင်ကဗျာတွေရှိခဲ့ကြပါတယ်။

ဘုန်းတော်ဖွဲ့မယ်တော်ဖွဲ့ ကဗျာတွေကတော့ ပိုများပါတယ်။ နောက်ပိုင်းမှာ ဂန္တဝင်ကာရန်ကဗျာတွေကို မဆလတပါတီ အာဏာ ရှင်က ကျူံးထဲရိုက်သွင်းတာခံလိုက်ရပြီး ဂန္တဝင်ကာရန်ဖွဲ့ကဗျာတွေ ဟာ ပေါ်လစီကဗျာတွေ ဖြစ်ကုန်ကြရတယ်။ ကာရန်ကဗျာတွေရဲ့ အလှကို ကဗျာထဲမှာထည့်ရေးဖို့ပြင်တဲ့အချိန်မှာ ခေတ်ပေါ်ကဗျာလို့ ခေါ်ကြတဲ့ မော်ဒန်အတွေးက ပေါ်လစီကဗျာတွေကြောင့် နှောင့်ယှက်လိုက်သလိုဖြစ်တဲ့အကြောင်းကို “သစ်ရွက်ကြွေတာကို ထည့်မရေးတော့ဘူးဆိုကာမှ၊ လေရူးက အငေါ် တူးတယ်။ နွားကျောင်းသားလေး က ပလွေ မမှုတ်တော့ဘူး၊ ကြာဖြူသီချင်းနဲ့ ဖုန်းထဲမှာမိုးမိနေတယ်” ဆိုပြီး ဖွဲ့ပြသွားပါတယ်။

ဂန္တဝင်ကာရန်ကဗျာတွေကိုမရေးတော့တာကိုလည်း နွားကျာင်းသားလေးက ပုလွေမမှုတ်တော့ဘူးဆိုတာနဲ့ ခိုင်းနှိုင်းပြသွားပါတယ်။ ခေတ်မီတိုးတက်လာတဲ့ ခေတ်မှာ ဖုန်းတလုံးရှိရင် အရာရာပြည့်စုံလုနီးပါးဖြစ်နေပါ တော့တယ်။ အလှဆုံးခွဲခြားရေးဖွဲ့မှုကတော့ “ညောင်ရမ်းခေတ်တခေတ်လုံး ငေးကြည့်ရတဲ့ကဗျာတပုဒ်၊ ထန်းပင်ပေါ်တက်သွား၊ ပြန်ဆင်းလာတော့ စကားလုံးတွေပုစွန်ဆိတ်ခုန်နေပြီ ”ဆိုတဲ့ရေးဖွဲ့ပြသွားတာ ပါပဲ။

အခုခေတ်မှာ ခေတ်ပေါ်ကဗျာယောင်ဆောင်နေတဲ့ကဗျာတွေ အတော်များများတွေ့နေရပါတယ်။ ပြောမယ်ဆိုရင် ထန်းပင်ပေါ်က ထန်းကျရည်လို ပုစွန်ဆိတ်ခုန်နေသလို ကာရန်တွေခုန်ပေါက်နေတဲ့ ခေတ်ပေါ်ကဗျာတွေပါပဲ။ ကာရန်ဖွဲ့ကဗျာတွေကို ကဗျာဆရာ လင်းမိုးစွေလွမ်းနေတဲ့ပုံရပါတယ်။ အဲဒီလိုပဲ ညီငယ်ကဗျာဆရာလင်းမိုးစွေကိုလည်း လွမ်းမိတဲ့အကြောင်း မှတ်တမ်းရေးလိုက်ပါတယ်။

နောက်ရင်ကိုလာငြိတဲ့ခေတ်ပေါ်ကဗျာတပုဒ်ကတော့ နိုဝင်ဘာလ၊ ရုပ်ရှင်တေးကဗျာမဂ္ဂဇင်း ထဲက ကဗျာဆရာ သန်းဆွေမိုး(ကလော) ရဲ့ သံပြိုင်သီချင်းဆိုကြရအောင် ဆိုတဲ့ကဗျာပါပဲ။

         အပ်ကြောင်းတွေ

         ထပ်နေမှန်းတော့ သိပါရဲ့

         ပရိဒေဝမီးတွေ လောင်ကျွမ်းပြီး

         သောကမီးခိုးတွေ အူနေတဲ့အခန်းထဲမှာ

         ပိတ်မိနေတာ ကြာတော့လည်း

         နည်းနည်းလေးမှ သက်သာလိုသက်သာငြား

         ဒီဓာတ်ပြားကိုပဲ ပြန်ပြန်ဖွင့်မိနေတာပေါ့

         ငါတို့ဟာ ခိုတွေတော့ မဟုတ်ပါဘူး။

         မပြည့်ဝမှုတွေ ကြီးထွားစုပုံနေတဲ့

         ဒေါသပုပ်ကုန်တွေကို

         ဟိုးအဝေးကို တင်လွှတ်လိုက်တဲ့ ရထားကလည်း

         တခုခုများ မှားနေရော့သလား

         ဒီဘူတာပြန်ပြန်ဆိုက်နေတာကလည်း ခက်ပါ့။

         အိပ်မက်ဖြူလေးတွေ သယ်ဆောင်လာနေတဲ့

         လေညင်းကလေးကလည်း “ဒါလီ”ရဲ့”နာရီများ”

         ပန်းချီကားမှာ

         ငြိတွယ်နေမှတော့ အယဉ်တွေ အရိုင်းဖြစ်တာ

         ဆန်းတော့လည်း မဆန်းပါဘူး။

         ဂေါက်ကွင်းထဲက မြက်တွေလောက်တောင်မှ

         စိမ်းလန်းစိုပြည်ခွင့်မရရှာတဲ့ အရိပ်ရပင်တွေကလည်း

         ခုချိန်မှာတော့ အရွက်မဲ့၊ အရိုးနဲ့အပြိုင်းပြိုင်း။

         လေဖြတ်ခံနေကြတဲ့ ဘဝတွေကတော့

         အင်တာနေရှင်နယ်သီချင်းကို ဆိုခိုင်းကြည့်ပါလား

         စာသားတွေ ဗလုံးဗထွေးဖြစ်နေတာကလွဲရင်

         ငါပြောရဲတယ် သံစဉ်တွေကတော့ တက်ကြွစွာ

         ညီလို့နေမှာပါ။

သောကတွေများနေတဲ့ ဒီခေတ်ကြီးမှာ ခိုတွေမဟုတ်ပေမယ့် အားလုံးခိုတွေထက်ပိုပြီး ညည်းညူနေကြ ရတာပါပဲ။ ဒုက္ခဆိုတဲ့အခန်းထဲမှာ ပိတ် လှောင်ခံနေရတဲ့ အတိုင်းဘဝတွေနာကြင်စွာခံစားနေရတာကို လည်း ဓာတ်ပြားကိုထပ်ထပ်ဖွင့်နေရတာပါပဲ။ ကဗျာဆရာရဲ့ကဗျာကိုဖတ်ပြီး ဟိုးအရင်က အခန်းထဲမှာပိတ်လှောင်ခဲ့ရတဲ့နေ့တွေညတွေကို ပြန်အမှတ်ရလိုက်မိပါတယ်။ နာရီတွေရှည်မျောမျောနဲ့ပိုပြီးကြာခဲ့တဲ့ အချိန်တွေပေါ့။ အပြင်နဲ့အထဲကလူများကလည်း ထူးမခြားနားပါပဲ။ ခေတ်ကြီးကိုက ပိတ်လှောင်နေတဲ့ အခန်းတခုလိုဖြစ်နေခဲ့တာလေ။ ဒါပေမဲ့ စိတ်ဓာတ်တွေကတော့ အင်တာနေရှင်နယ်သီချင်းကို ဆိုလို့ပေါ့။ ဘယ်အခါဆိုဆို ဘယ်ဘဝရောက်ရောက် သီချင်းသံတွေအသံမမှန်ပေမယ့် တက်ကြွတဲ့အသံတွေ ပေါ် ထွက်လာမြဲပါ။သီချင်းဆိုသံတွေ ညီနေကြမှာပါ။ ကဗျာဆရာရဲ့ခံစားချက်ဟာ ရင်ကိုလာငြိတဲ့အကြောင်း တွေကလည်း ထပ်တူခံစားရတဲ့အချိန်မှာ နက်နက်ရှိုင်းရှိုင်းခံစားလိုက်ရတာပါပဲ။

ဒါကိုတိုက်ဆိုင်မှုတခုလို့ပြောနိုင် ထင်နိုင်ပါတယ်။ တိုက်ဆိုင်မှုတွေဟာလည်း အကျိုးအကြောင်းပေါ်မှာ မူတည်ဖြစ်လာတာပါပဲ။ 

ဒါကို နိုဝင်ဘာလ၊ မဟေသီမဂ္ဂဇင်း ထဲက ကဗျာဆရာ မြတ်မင်းအိမ်ရဲ့ ကဖေးရေတမာ ကဗျာကို ဖတ်မိလိုက်ရင် သိနိုင်ပါတယ်။

        ကျွန်တော့်ရယ်သံဟာ

         ဘယ်သူ့ဟန်ပါဆိုပြီး လက်ညှိုထိုးလိမ့်မယ်

         ပြဿနာတော့မဟုတ်ပါဘူး

        

         ကက်စ်ထရိုနာရီနှစ်လုံးပတ်တာလည်း

         အကျိုးနဲ့အကြောင်းအတွက်

         ဈေးသည်ချိန်ခွင်ကိုကိုင်တာလည်း

         အတိုးအလျော့အတွက်။

         ပဋိပက္ခများဟာ ဝင်ရိုးစွန်းအတိုင်း

         ပွင့်အားကောင်းနေသလို

         ယုံကြည်မှုဟာလည်း ပါးပြင်ကသနပ်ခါးလေးပေါ်

         ရူးအားကောင်းနေဆဲ …

         ဒီအကြောလေးကိုပဲဆုပ်ကိုင်

         ဒီအကြောလေးနဲ့ပဲချည်နှောင်

         ကိုယ့်သွေးနဲ့ကိုယ့်နားထင်

         ဒီအကြောလေးတချောင်းပေါ် အဲသလိုစုံလုံးကန်းခဲ့ပါတယ်။

ကဖေးရေတမာတဲ့။ ခေါင်းစဉ်နဲ့ကဗျာလွဲနေတယ်ထင်ရင်လည်း ထင်နိုင်ပါတယ်။ ကဗျာဆရာအတွက် ကျိုးကြောင်းညီညွတ်မှုတခု ရှိနေပါလိမ့်မယ်။ ”ကျွန်တော့်ရယ်သံဟာ၊ ဘယ်သူ့ဟန်ပါဆိုပြီး လက်ညှိုးထိုး လိမ့်မယ်၊ ပြဿနာတော့ မဟုတ်ပါဘူး” ဆိုပြီးကဗျာထဲမှာ ပြောထားသလိုပါပဲ။

ကက်စ်ထရိုလို နာရီနှစ်လုံးပတ်တာလည်း သူ့အကျိုးအကြောင်းနဲ့သူဖြစ်နေပါလိမ့်မယ်။ ဈေးသည်ချိန်ခွင်ကိုင်တာလည်း သူ့အကျိုးအကြောင်းနဲ့သူဖြစ်နေပါလိမ့်မယ်။ လောကကြီးမှာလည်း သူ့ အကျိုးအကြောင်းနဲ့သူ ရပ်တည်နေကြတာပါ။ ဒီအကျိုးအကြောင်းကို ပြုသူနဲ့ကြည့်သူတွေကတော့ နှစ်ဖက်မြင်ကြမှာပါ။ ဒီအခါမှာ ဒီအကျိုးအကြောင်းဟာ တရားသည် မတရားသည်ဆိုတာတွေဖြစ်ပေါ်နေ ပါတယ်။

ကိုယ့်နားထင်နဲ့ကိုယ် အထင်ရောက်နိုင်တဲ့ခေတ်ကြီးထဲကို တွန်းပို့ခံနေရပါတယ်။ ဒါကလည်း အကျိုး အကြောင်းတွေ ညီညွတ်မှဖြစ်ပေါ်လာတာပါ။

အကျိုးအကြောင်းတွေငြင်းခုန်နေမယ်ဆိုရင် "ဆပ်ပြာခွက်ထဲပိတ်မိနေတဲ့ကြေးညော်များ” ဆိုတဲ့ကဗျာလိုဖြစ်နေပါလိမ့်မယ်။ ဒီကဗျာကိုလည်း နိုဝင်ဘာလ၊ မဟေသီမဂ္ဂဇင်း ထဲမှာဖတ်မိရင်း ရင်ကိုငြိသွားစေပါ တယ်။ ဒီကဗျာကိုကဗျာဆရာ အောင်သန့်က ရေးဖွဲ့ထားတာပါ။

         ငါ…

         ရေချိုးလိုက်တဲ့အခါ

         အပိုင်းပိုင်းကျိုးနေတဲ့စိတ်တွေ

         အအေးပတ်ကုန်တယ်။

         ကိုယ့်ဝင်းကိုယ့်ခြံလေးကို လုံခြုံစေချင်ကြတော့

         ဝင်းထရံလေးကာကြတယ်

         အုတ်တံတိုင်းလေးခတ်ကြတယ်

         သံဆူးလိပ်လေးတပ်ကြတယ်။

         အိပ်ရာပေါ်ကစိတ်ကလေးလည်း

         လိပ်ပြာလုံခြုံကြပါစေ။

ကဗျာလေးက ရင်ထဲကို အတွေးများစွာရောက်လာစေပါတယ်။ လူတွေအနေနဲ့လည်း မိမိတို့နေထိုင်မှုနဲ့ အတူ မိမိတို့ဘဝလုံခြုံချင်ကြတာပါပဲ။ မိမိတို့ လုပ်ဆောင်ခဲ့တဲ့လုပ်ရပ်တွေကိုဝေဖန်ကြတာကိုလည်း လုံခြုံ အောင် ကာကွယ်နေချင်ကြပါတယ်။ ဒါပေမဲ့ မိမိတို့လုပ်ဆောင်မှုကို မိမိတို့ကိုယ်တိုင် အမှားအမှန်ကို သိနေ ကြမှာပါ။ အမှန်ကိုဖော်ပြတာပြဿနာမရှိပေမယ့် အမှားကိုလုံခြုံအောင်ဖုံးကွယ်နိုင်သမျှ ဖုံးကွယ်နေတတ်ပါတယ်။ မကြာခင်တော့ ပေါ်မှာကိုတွေးပြီး အိပ်ရာပေါ်မှာ စိတ်ကလိပ်ပြာမလုံနိုင်ပါဘူး။ ဒီအမှားလုပ်ရပ်က ပြုမူသူရဲ့စိတ်ကိုခြောက်လှန့်နေပါလိမ့်မယ်။ အကြောက်တရားဟာလည်း မလုံခြုံတဲ့ လိပ်ပြာကြောင့် ဖြစ် ပေါ်လာတာပါ။ ဒါဆိုရင် အကျိုးအကြောင်းတွေရဲ့လောကကြီးမှာ လိပ်ပြာလုံခြုံနိုင်အောင် နေထိုင်နိုင်ဖို့ အဓိကလိုအပ်နေပါတယ်။ လိပ်ပြာလုံခြုံအောင်အိပ်နိုင်ကြပါစေ။

ကိုနိုင်း

ခံစားသုံးသပ်မိသောကဗျာများ

၁။ လင်းမိုးစွေ(နွေကျောင်း)၊ ရုပ်ရှင်တေးကဗျာမဂ္ဂဇင်း၊ နိုဝင်ဘာလ၊၂၀၁၇။

၂။ သန်းဆွေမိုး(ကလော)၊(သံပြိုင်သီချင်းဆိုကြရအောင်)၊ ရုပ်ရှင်တေးကဗျာမဂ္ဂဇင်း၊ နိုဝင်ဘာလ၊၂၀၁၇။

၃။ မြတ်မင်းအိမ်(ကဖေးရေတမာ)၊ မဟေသီမဂ္ဂဇင်း၊ နိုဝင်ဘာလ၊၂၀၁၇။

၎။ အောင်သန့်(ဆပ်ပြာခွက်ထဲပိတ်မိနေတဲ့ကြေးညှော်များ)၊ မဟေသီမဂ္ဂဇင်း၊ ၂၀၁၇။

-

The Sun Rays Journal, Vol-1, No-173, Nov 11, 2017