သစ်ခက်သံလွင် ကဗျာ၊ မောင်ထိန်လင်း(မြို့သာ)၊ နေလွဏ်းအိမ်၊ မိုးညဖြူ(တွံတေး)နှင့် ရာမညမင်းငြိမ်းချမ်းတို့၏ ကဗျာများ

www.pinterest.com
 
ဖာနေကျ ဖောက်သည်
 
မောင်ထိန်လင်း(မြို့သာ) 


ဂါဗိုက်ကြီးနဲ့ဆော်တော့
နိုင်ငံတော်ခမျာ ဖင်ဟောင်းလောင်းပေါ်သွားရတယ်

လက်မှာ အညစ်အပတ်တွေ ပေပွ
မသန့်စင်ဘဲ စေတနာဗလပွနဲ့ ရာဇပုလ္လင်၊
ဓမ္မပုလ္လင် ဝင်ဆေးကြတော့
ပွတ်လေ မည်းလေ ပွတ်လေ မည်းလေ
လေပါတယ်

အဖွင့်အခမ်းအနား မိုးပျံပူဖောင်းတွေ
လေပါတယ်
မြင်းထိန်းငတာတွေ
လေပါတယ်
လိုင်စင်ရဂျိမ်းစ်ဘွန်းတွေ
လေပါတယ်

ငါ့စကားနွားရတွေ
လေပါတယ်

နိုင်ငံတော်သံဖရိန်ပါးပါးလေး
၂၀၀၈ ကန်ထရိုက်ဆောက်
သံဖရိန်လေး မိုးမှန် လေမှန်
ဂဟေတို့ရာမမြဲ
စေတနာရှင်တွေက
လက်ထဲက ဂါဗိုက်ကြီးနဲ့ ဆော်တော့
အရည်ပျော်ကျ မျက်နှာမရတဲ့ ကိန်း
ကူညီရမလဲ….တဲ့
ငြိမ်ငြိမ်လေး ထိုင်နေကြပါ
လက်မည်းကြီးနဲ့
မျက်နှာရှေ့ ဝဲဝဲမလာပါနဲ့။

(ဂါဗိုက်= ကာဗိုက်= carbide gas= သံကို အရည်ဖျော်ကာ ဂဟေဆော်တဲ့နည်း)

၂၅.၁၀.၂၀၁၇
www.webdesignerdepot.com

ကဗျာဆိုတဲ့အရာ
နေလွဏ်းအိမ်​

ကဗျာဆိုတာ
က​လေးကစားစရာမဟုတ်​ဘူး
ကဗျာဆိုတာ
အ​လေ့ကျ​ပေါက်​တဲ့ပန်းမဟုတ်​ဘူ
ကဗျာဆိုတာ
သေပြီးမှဖုတ်​ပြန်​ဝင်​တဲ့​
သွေးစုတ်​ဖုတ်​​ကောင်​မဟုတ်​ဘူး
ကဗျာဆိုတာ
လင်​​ကောင်​မ​ပေါ်ပဲ​မွေးတဲ့က​လေးမဟုတ်​ဘူး
ကဗျာဆိုတာ
ဦး​ခေါင်းမရှိတဲ့လူမဟုတ်​ဘူ
ကဗျာဆိုတာ
အိပ်​တန်းမတတ်​တဲ့ငှက်​တကောင်​မဟုတ်​ဘူး

ကဗျာဆိုတာ
ဆရာဝန်​​တွေဥ​ပေက္ခာပြုထားတဲ့လူနာမဟုတ်​ဘူး
ကဗျာဆိုတာ
အနာဂတ်​ရဲ့ အမှန်​တရားပဲ
ကဗျာ​တွေမှာ သစ္စာရှိတယ်​
ကဗျာ​တွေမှာ ဘုရားရှိတယ်​
ကဗျာ​တွေမှာ ဗြဟ္မဝိဟာရ တရား​တွေရှိတယ်​
ကဗျာ​တွေဟာ မလိမ်​ဘူး မညာဘူး
ကဗျာ​တွေဟာ အာဏာရှင်​မဆန်​ဘူး
ကဗျာ​တွေဟာ လူသားခြင်းမခွဲခြားဘူး

ဟေ့.....................
ကဗျာဆိုတာ လမင်းမဟုတ်​ရင်​တောင်​
ကြယ်​​တွေထက်​​တော့နှိမ့်​မသွားဘူး။
​…
mulpix.com
 ဆာလောင်ခြင်း
မိုးညဖြူ ( တွံတေး )

လှောင်အိမ်ထဲကလွတ်တဲ့ ငှက်တကောင်လို
ငါတို့ ဟာ အတောင်ပံတွေစုံခဲ့
ခြေဆန့်ပျံသန်းနေရတဲ့ဝေဟင်ထဲ
လောကဓံဟာကြမ်းသလား
ဒါလည်း ငါတို့ မသိခဲ့

ကျောက်ပေါက်မာတွေနဲ့ မျက်နှာစာထက်မှာ
ပျာပန်းခတ် လှုပ်ရှားနေတဲ့ ဘဝတွေ
ဝေဟင်က်ိုကြည့်ပြန်တော့
အိပ်တန်းပျံ ငှက်တစ်အုပ်
လှုပ်လီလှုပ်လဲ့  နီယွန်းမီရောင်စုံနဲ
ညနေခင်းဟာ  အမောဖောက်နေလေရဲ

ငါတို့ ခုန်ချလိုက်တဲ့ချောက်ကမ်းပါးဟာ
ဘဝတွေတဖဲ့ဖဲ့တအိအိ ပြို ဆင်း
ရေကြည်ရာမြက်နုရာ ရှာနေဆဲ အလင်းတန်းမှာ
လိပ်တစ်ကောင်လို တွားသွားနေရ
ဆင်ခြေလျှောမရှိတဲ့ တောင်ကုန်းတွေလို
ဒုတိယဘုရားသခင်ကိုမှ ကိုးကွယ်နေကြ
ဆာတယ်ဆာတယ် ဘာက်ိုဆာလောင်နေကြရတာလဲ
ထမင်းဆာတာလား
ရေဆာတာလား
လောဘမောဟတွေလား
အကုသိုလ်လား
ကုသိုလ်လား
ငါတို့ အဖြေရှာကြည့်တော့
ဝိရောဓိတွေထဲ စုန်းစုန်းမြုပ်သွားခဲ့

www.pinterest.com
ညစာ
ရာမညမင်းငြိမ်းချမ်း

ဓာတ်ကြိုးပေါ်
ခိုနဲ့စာငှက်တွေ
အပူအပင်ကင်းကင်း နားခိုနိုင်။

ဒုတိယဘုရားသခင်ကိုသုံးပြီး
မျက်နှာဖုံးစွပ်များက
အတ္တအတွက်အမြတ်ထုတ်။

အိမ်နိမ့်စံငှက်တွေ
လှောင်အိမ်ထဲနစ်မွန်း
ညစာအတွက်
တဖြည်းဖြည်းအသက်ရှကြပ်လာ။

မှိန်ပျပျလဆန်းရက်
ဓူဝံကြယ်ရဲ့အလင်း
တင်းကြပ်နေတဲ့ညကို
အကြောမလျော့နိုင်။


Comments

  1. ကဗျာလေးတွေ နေရာတစ်နေရာ ရကြပြီ။

    ReplyDelete
  2. ကဗျာလေးတွေ နေရာတစ်နေရာ ရကြပြီ။

    ReplyDelete

Post a Comment