သစ်ခက်သံလွင် ကဗျာသုံးသပ်ချက်၊ ကိုနိုင်း၏ "မန္တလေးလူငယ်ခေတ်ပေါ်ကဗျာများကိုဖတ်ကြည့်ခြင်း "



ပြတင်းတံခါးအဖွင့် ဇာခန်းဆီးအလွင့်( ၂၆ )



မန္တလေးလူငယ်ခေတ်ပေါ်ကဗျာများကိုဖတ်ကြည့်ခြင်း

ကိုနိုင်း


      
ဒီနေ့ခေတ်မှာ ခေတ်ပေါ်ကဗျာတွေကို လူငယ်တွေ အရေးများလာတာတွေ့ရပါတယ်။ 

လူငယ်တွေအနေနဲ့ ခေတ်ပေါ်ကဗျာရေးဟန်ပုံသဏ္ဍာန် အမျိုးမျိုး၊ အတွေးအမျိုးမျိုး ရေးနေကြပါတယ်။ 
ဒါပေမဲ့ လူငယ်ခေတ်ပေါ်ကဗျာရေးသူတွေဟာ စိတ်ကူး စိတ်သန်းကိုအခြေတည်ပြီး ပင်မရေစီးအတိုင်း ဆက်လက် ရွေ့လျားနေတာကိုလည်း များသောအားဖြင့် တွေ့မြင်နေရပါ တယ်။ ခေတ်ပေါ်ကဗျာအချို့သာ စတန့်ထွင်ရေးနေတာကို တွေ့ရပါတယ်။

စတန့်ထွင်တယ်ဆိုတဲ့နေရာမှာ လွတ်လပ်တဲ့အယူအဆတွေ ဆိုပြီး လိင်ဆက်ဆံမှုတွေ ရောထွေးလာတာမျိုးတွေက များ ပါတယ်။ ဒီစတန့်ထွင်မှုနဲ့နာမယ်ကြီးချင်တာမျီုးကိုတော့ ဘယ်လိုမှလက်မခံနိုင်ပါဘူး။
ခေတ်ပေါ်ကဗျာမှာ(Main Stream)ပင်မရေစီးဟာ အနုပညာကိုခံစားမှုနက်နက်ရှိုင်းရှိုင်းနဲ့ဖတ်သူရဲ့ရင်ထဲ ကို စီးမျောဝင်သွားနိုင်အောင် စွမ်းဆောင်ချက်တခုပါပဲ။ ခံစားမှုရသကို ပေးစွမ်းနိုင်ခြင်းတခုလို့ပြောရပါလိမ့် မယ်။
         
အခုလို ရသစာပေဟာ အသည်းအသန်ရုန်းကန်နေရတဲ့အချိန်မှာ ခေတ်ပေါ်ကဗျာတွေဟာ လိုနေတဲ့ ရသတနေရာကို ဖြည့် စွက်ပေးလာနိုင်တာ ဝမ်းသာစရာပါ။ နောက်အခုမန္တလေးနဲ့ အထက်မြန်မာပြည်က လူငယ်ခေတ်ပေါ်ကဗျာစာအုပ်ဖြစ်တဲ့ “နောက်ကျောဖုံးတွင် ထည့်ရန် ” ကဗျာစာအုပ်ကိုဖတ်ကြည့် တဲ့အခါ သူတို့ရဲ့ခေတ်ပေါ်ကဗျာတွေဟာ ကိုယ့်ဘာသာကိုယ် စာအုပ်ထုတ်လိုက်တာမျိုး၊ ကိုယ့်ဘာသာကိုယ်ရေး၊ ကိုယ့် ဘာသာကိုယ်တည်းဖြတ်၊ ကိုယ့်ဖေ့ဘုတ် ဝေါပေါ်တင်လိုက် တဲ့ကဗျာတွေမဟုတ်တာကို အားရဝမ်းသာစွာ တွေ့လိုက်ရပါ တယ်။

ကိုယ့်ကဗျာတွေကို သက်ဆိုင်ရာအယ်ဒီတာစားပွဲပေါ်ကိုဖြတ် သန်းလာပြီးမှ ကဗျာဖတ်သူတွေဆီ ရောက်လာခဲ့ရတဲ့ ကဗျာ တွေပါ။ ဒီလိုဖြတ်သန်းနိုင်ခဲ့တဲ့ကြိုးစားအားထုတ်မှုဟာ လေးစားချီးကျူးစရာပါပဲ။
ဒီခေတ်ပေါ်ကဗျာတွေထဲက အစဉ်လိုက်ဖတ်မိတဲ့ခေတ်ပေါ်ကဗျာတွေကိုခံစားသုံးသပ်ပြ သွားချင်ပါတယ်။
ပထမဦးဆုံးဖတ်မိတဲ့ ခေတ်ပေါ်ကဗျာတပုဒ်ကတော့ ဘုန်းမော်(မန္တလေး)က စံတော်ချိန်နေ့စဉ် ထဲမှာ ရေးခဲ့တဲ့” စကားမပြောသူတစ်ရာ” ဆိုတဲ့ ခေတ်ပေါ်ကဗျာပါ။

         တောင်ပံရိုင်းတွေဖြုတ်ချ
         အတ္တတစ်စင်းနဲ့ ဘဝကိုဆက်တယ်
         နွေကမိုး… ဆောင်းကနွေ
         ငါမှမမြင်ရပဲလေ။
         အဆိပ်ရည်ပြည့်ရင်ပြန်လာပြီး
         လည်ပင်းတစ်ဝိုက်မှာလူးပေးပါ
         အထစ် အထစ်အသံကို
         ဟောဒီနားဝကမခံစားနိုင်ဘူး။
         ငါတစ်ယောက်ထဲလား
         “စကားမပြောသူတစ်ရာ”
         ဟိုလူ့လက်ကို ကူတွဲပါ
         ဘေးတိုက်တွန်း၊အလျားလိုက်လျှောက်
         ဟေ့… …၊နောက်ကလိုက်စရာမလိုဘူး။
         စည်းကမ်းတွေမှတ်
         ပါးစပ်ကအသံကိုငါချစ်တယ်
         လက်ဖဝါးကိုသေချာကြည့်
         ငါတို့စကားလုံးတွေသုံးနိုင်တယ်။
         အပြုံးကိုယ်စီဘေးမှာထား
         ချစ်စရာအမှားလေးတွေနဲ့
         စကားမပြောသူတစ်ရာပါလေ။

ဒီကဗျာအပေါ်မှာဆင့်ကဲတွေးကြည့်လိုက်တဲ့အခါ ဟန့်တားခံနေရတဲ့ ခေတ်တခုကို မြင်လိုက်မိ ပါတယ်။ ရာသီတွေပြောင်းလဲနေပေမယ့် တရာသီထဲလိုလို၊ ဘာကမှမပြောင်းလဲမှုကိုပြသွားပါတယ်။ ပြောင်းလဲနေတယ်လို့ပြောချင်တဲ့စကားကိုပြောဖို့ အထစ်အထစ် ဖြစ်နေတယ်လို့ ဆိုပါတယ်။ ဒီလို အထစ်နေတာ တစုံတရာက ဟန့်တားထားလို့လား၊ပြောဖို့ခက်နေတဲ့ အခြေအနေကြောင့်လား၊ ရောဂါ တခုခုရနေလို့လား။ ဒီလိုဖြစ်နေတာရောဂါကြောင့်ဆိုရင်တော့လူတွေရဲ့ စိတ်တွေကိုကူးစက်နေပြီပေါ့။ ဒီအကြောင်းလေးကို စကားမပြောသူတစ်ရာဆိုတာနဲ့ နိမိတ်ပုံ သုံးပြသွားတာ ချစ်စရာကောင်းပါတယ်။

ရိုးရိုးလေးဆိုပေမယ့် အင်မတန်လှပတဲ့ခေတ်ပေါ်ကဗျာတပုဒ်ပါ။ တခြားအတွေးဒေါင့်ကတွေးမယ် ဆိုရင် လည်းတွေးနိုင်ပါတယ်။ ပါးစပ်ကအသံကို ငါချစ်တယ်၊ လက်ဖဝါးကိုသေချာ ကြည့်၊ ငါတို့ စကားလုံးတွေ သုံးနိုင်တယ်။ ဆိုတဲ့အသုံးအနှုန်းဟာ အဓိပ္ပာယ်တွေ များစွာတွေးနိုင်တာကိုပြနေပါတယ်။ အခုလူငယ်ခေတ်ပေါ်ကဗျာဆရာတွေရဲ့အတွေးတွေကိုမချီး ကျူးပဲနေလို့မရပါဘူး။ ပါးစပ်က အသံကိုချစ် ပေမယ့် စကားအဖြစ်မပြောနိုင်တော့တဲ့အခါ လက်ဖဝါးတွေနဲ့ပြောနိုင်တဲ့စကားလုံးတွေ ရှိနေပါသေးတယ်။
နောက်လူငယ်ကဗျာဆရာ ရှိန်းမောင်မောင်ရဲ့သာကီအလင်းမဂ္ဂဇင်း ထဲမှာပါခဲ့တဲ့ “အသိုက်အမြုံ” ကဗျာ ကို ဆက်ဖတ်ကြည့်ပြီးခံစားမိပါတယ်။

         မနက်မိုးလင်းတိုင်း
         အဖေက၊ စက်ဘီးအိုတစ်စီးနဲ့
         ဘဝခရီးစထွက်တယ်။
         လမ်းကြမ်းကြမ်းပေါ်မှာ
         အမေကြော်ပေးလိုက်တဲ့ကြက်ဥဟာ
         “သိပ်အရသာရှိတာပဲ”
         အဖေရဲ့အိမ်အပြန်ကြားနေကျစကားတွေ
         သမ္မာအာဇီဝတွေအပြည့်နဲ့
         ဟင်းသီးဟင်းရွက်ဈေးတောင်းလေးက
         ကျွန်တော်တို့ရဲ့ဘဝ။
         ကကြီးခခွေးတွေရွတ်ပြနေတဲ့ညီမလေးဟာ
         “ပညာတတ်ကြီးဖြစ်မှာ”တဲ့
အမေ့ရဲ့တစ်ထစ်ချမျှော်မှန်းချက်တွေ။
ကမ်းမကပ်နိုင်တဲ့လှေဟာ
ကျွန်တော်ပါ…
မှန်းချက်နဲ့နှမ်းထွက်မကိုက်သူဟာ
ကျွန်တော်ပါ…
အသိုက်အမြုံကိုစုန်ကန်ခဲ့သူဟာ
ကျွန်တော်ပါ…။
အဖေကမေတ္တာတရားတွေပို့တယ်
အမေကယတြာတွေချေတယ်
ညီမလေးက
“ကိုကိုပြန်လာရင်စာအုပ်လေးတွေသယ်ခဲ့”တဲ့။
ကျွန်တော်က
လိပ်ပတ်မလည်တဲ့နေ့ရက်တွေကြား
မိသားစုဆိုတဲ့အနားနဲ့
ဘဝကိုဘောင်ခတ်ကြည့်တယ်
အို…
ကွက်လပ်တွေချည်းပါလား။

မိသားစုကဗျာလေးတပုဒ်ပါပဲ။ အခုခေတ်မှာလိုအပ်ချက်များစွာရှိနေကြတဲ့ မိသားစုဘဝတွေ အများကြီးပါ။ ဒီအခက်အခဲအကြပ်အတည်းကိုခေတ်ပေါ်ကဗျာနဲ့ရေးပြနေကြတာတွေက စိတ်မကောင်းစရာပါ။ ခေတ်တခုပြောင်းသွားလိမ့်မယ်လို့ လူတွေမျှော်လင့်ခဲ့ကြတယ်။ ဆင်းရဲတဲ့လူနေမှုဘဝတွေ၊ တကိုယ်ရည် မလုံခြုံနိုင်သေးတဲ့ အခြေအနေတွေ…။

ပြောမယ်ဆိုရင် အများကြီးရှိနေပါတယ်။ ဒါကိုလူငယ်ခေတ်ပေါ်ကဗျာတွေက ဖော်ပြနေကြတာကလည်း တာဝန်တခုကိုကျေပြွန်အောင်ထမ်းရွက်နေကြတာပါ။ မိသားစုဘဝတွေကဘဝခရီးကိုပင်ပင်ပင်ပန်းပန်းနဲ့ အမြဲထွက်နေရတာပါပဲ။

ဆက်ပြီးတော့ စံတော်ချိန်သတင်းစာမှာပါတဲ့ ကိုမျိုး(ရေတော်)ရဲ့“ခေတ်သစ်မန္တလေး” ကဗျာကခေတ်ကို ထပ်ဟပ်ပြလိုက်တာကိုခံစားမိလိုက်ပါတယ်။

         အရှင်နှစ်ပါးပါတော်မူသွားကတည်းက
         ယမကာဆိုင်တွေတစတစနဲ့
         ပေါများလာလိုက်တာ
         တစ်ဆိုင်ကျော်တိုင်းတစ်ဆိုင်ရှိနဲ့
         အခုကြည့်…
         ခေတ်သစ်မန္တလေးမှာ
         ဘီယာဆိုင်တွေတသီတတန်းကြီးရှိနေပြီ။
         ခေတ်ဆိုတဲ့စကားလုံးကိုတွင်တွင်သုံး
         တီဗီချန်နယ်တိုင်းကလာတဲ့
         ကိုရီးယားကားတွေထဲကလို
         ပေါင်အရင်းသားတွေဖော်ကာပြကြတော့
         အခုကြည့်…
         ခေတ်သစ်မန္တလေးမှာ
         ယဉ်ကျေးမှုတွေတောင်အမှောင်ဖုံးလာနေပြီ။
         သာသနာကိုအလွန်ကြည်ညိုတတ်ကြတဲ့
         မြို့လူထုရဲ့အသိုင်းအဝိုင်းထဲမှ
         ရောထွေးလာတဲ့ဧည့်ကျယ်တွေကြောင့်
         အခုကြည့်…
         ခေတ်သစ်မန္တလေးမှာ
         ကန်တော့ဆွမ်းတွေများများလာနေပြီ
         နည်းပညာနောက်ကို တကမ္ဘာလုံးက
         ထပ်ကြပ်မကွာလိုက်နေကြပေမယ့်
         အသိပညာမရှာပဲ
         အခုကြည့်…
         ခေတ်သစ်မန္တလေးမှာ
         လူတိုင်းနီးပါးဖုန်းပွတ်လို့အချိန်ကုန်နေကြပြီ။
         ပညာလက်နက်နဲ့
         ကျွန်ဇာတ်အသွင်းခံရတာတောင်
         မေ့မေ့လျော့လျော့နဲ့နေထိုင်နိုင်ကြ
         ပညာရဲ့နောက်ကောက်ချခြင်းကိုခံလို
         လူငယ်တချို့…
         လက်ဖက်ရည်ဆိုင်ထိုင်ကာအချိန်ဖြုန်း
         အခုကြည့်…
         ခေတ်သစ်မန္တလေးမှာ
         နောက်ထပ်တစ်ကြိမ်ပါတော်မူဖို့
         အပြေးအလွှားကြိုးစားနေကြပြီ။

ခေတ်သစ်မန္တလေးရဲ့ပုံရိပ်ကို ရင်နင့်အောင်ရေးပြသွားသလို၊ အခုခေတ်မှာနေရာတိုင်း ဖြစ် ပျက်မှုတွေကို ထင်ဟပ်ပြသွားတဲ့ခေတ်ပေါ်ကဗျာတပုဒ်ပါ။ ဒီကဗျာမှာနိမိတ်ပုံ ပါးပါးလေး သုံးပြီးတိုက်ရိုက်ရေးတဲ့ပုံစံကို တွေ့နိုင်ပါတယ်။ ပြောချင်ပြချင်တာတွေကို ခပ်ရှင်းရှင်းရေးထား ပါတယ်။ အတွေးကိုလည်း ထပ်ဆင့်တွေး စရာမလိုတော့အောင် ရေးထားတဲ့ခေတ်ပေါ်ကဗျာ တပုဒ်ပါ။ နောက်ခေတ်ပေါ်ကဗျာတပုဒ်ကို ခံစားကြည့် လိုက်မိပါတယ်။ ဒီကဗျာကတော့ စံတော်ချိန်သတင်းစာ ထဲမှာပါတဲ့ သူရိန်ခန့်(ကမ္ဘာသစ်)ရဲ့ “ ငါတို့ ဘာတွေ လွဲနေပြီလဲ ” ဆိုတဲ့ ကဗျာပါ။

          အတွေးတွေရွဲ့သွားကြလို့
         ကပ်ဘေးတွေကအရွဲ့တိုက်နေကြတာ
         အမြင်တွေစောင်းသွားကြလို့
         အဖြစ်အပျက်တွေစောင်းပြနေကြတာ။
         အပြောတွေမှာလောဘဇောတွေပါကြလို့
         သဘာဝတရားကတောက်ခေါက်ပြတာ
         အလုပ်တွေမှာဒေါသဇောတွေပါကြလို့
         လောကကြီးကအရောင်ပြောင်းပြတာ။
         အချိန်ဆိုတဲ့သမားတော်ကြီးက
         ဘယ်အတိုင်းအတာထိရွဲ့ခွင့်ပေးမှာလဲ
         ဒီဂရီဘယ်လောက်ထိစောင်းခွင့်ပေးမှာလဲ။
         တောက်ခေါက်သံဟာနားဝင်ချိုပါသလား
         ချင်းချင်းနီနေတဲ့သွေးရောင်တွေဟာ
         သိပ်ကိုလှပနေပါသလား။
         လက်ဖဝါးကလည်းတည့်တည့်မတ်မတ်
         လက်ဖမိုးကလည်း တည့်တည့်မတ်မတ်
         အမှန်တရားဟာ အမှန်တရားအတိုင်း
         တည့်တည့်မတ်မတ်ရှိနေပါလျက်
         မျက်လုံးတွေကနေတဆင့်
         နှလုံးသားအချင်းချင်းတည့်မတ်လာအောင်
         ဘာကြောင့်ချိန်မပေးနိုင်ကြရတာလဲ

ဒီကဗျာရဲ့ခေါင်းစဉ်အတိုင်း ” ငါတို့ဘာတွေလွဲနေပြီလဲ”တဲ့။ ဒီခေတ်ကြီးမှာ လွဲချော်နေတာတွေ အများကြီး ပါ။ ပြောမယ်ဆိုရင်လည်း ပြောမပြနိုင်လောက်အောင်ပါပဲ။ အမှန်တရားကတော့အမှန်တရားအတိုင်း ရှိနေတာပါ။ ဒါကိုပျောက်ဆုံးနေတာက ကျွန်တော်တို့ညံ့လို့ပေါ့။ ရှိပြီးသား အမှန်တရားကိုရှာမတွေ့တာ လည်း အပြစ်ပြောလို့ ရပါလိမ့်မယ်။ ဒီလိုသာရှေ့ဆက်သွားနေ မယ်ဆိုရင် အမှန်တရားက ပျောက်ဆုံးနေ မှာပါပဲ။
          ခေတ်ပေါ်ကဗျာတွေလည်း ဟန်ဆောင်ခြင်းနဲ့ကင်းဝေးပါစေလို့ ဆုတောင်းနေမိပါတယ်။
ဒီအထက်မြန်မာပြည်ကလူငယ်တွေရေးတဲ့ ခေတ်ပေါ်ကဗျာတွေကို ဆက်ရေးပါဦးမယ်။

ကိုနိုင်း
ခံစားသုံးသပ်မိတဲ့ခေတ်ပေါ်ကဗျာများ။

“နောက်ကျောဖုံးတွင်ထည့်ရန်”ကဗျာစာအုပ်မှကဗျာများ။
ဘုန်းမောင်(မန္တလေး)၊ရှိန်းမောင်မောင်၊ကိုမျိုး(ရေတော်)၊သူရိန်ခန့်(ကမ္ဘာသစ်)
-
The Sun Rays Vol 1 No 162


Comments