သစ်ခက်သံလွင် ကဗျာသုံးသပ်ချက်၊ ကိုနိုင်း၏" ခေတ်ပေါ်ကဗျာအတွေးကာရန်များ"



ပြတင်းတံခါးအဖွင့် ဇာခန်းဆီးအလွင့်( ၂၅ )

ခေတ်ပေါ်ကဗျာအတွေးကာရန်များ
ကိုနိုင်း
 

          ပြတင်းတံခါးကိုဖွင့်လိုက်တဲ့အချိန်မှာ ဇာခန်းဆီးပါးပါးဟာ လှုပ်ခတ်သွားနေတာကို ကြည့်ရင်း အတွေးတွေဝင်လာပါတယ်။ ခေတ်ပေါ်ကဗျာတွေကအခုအချိန်ခေတ်မှာဖြစ်ပေါ်နေတဲ့ စနစ်တွေ၊ ဖြစ်နေကြတဲ့စစ်တွေ၊ လူမှုရေးအကြပ်အတည်းတွေ စသဖြင့်ရေးဖွဲ့နေကြတာ များပါတယ်။ ဒီကဗျာတွေကအပြကဗျာတွေကို ဦးစားပေး တာတွေ့ရပါတယ်။

ဒီခေတ်ပေါ်ကဗျာတွေကနေ မြန်မာပြည်မှာနေထိုင်ကြတဲ့ ပြည်သူ တွေရဲ့ကြုံတွေ့နေရတဲ့ လူမှုဒုက္ခတွေကိုတွေ့ရပါတယ်။ ဒါဆိုခေတ်ပေါ်ကဗျာတွေကခေတ်နဲ့ပြည်သူတွေအပေါ်မှာ တာဝန်ကျေနေခဲ့တယ်လို့ တွေးမိပါတယ်။ ဒါဆို ထပ်တွေးမိတာက ပြည်သူတွေအတွက်၊ ပြည်သူတွေဘက်က ဒုက္ခတရားတွေကို ရေးဖွဲ့နေကြတဲ့ ခေတ်ပေါ်ကဗျာတွေကို ပြည်သူတွေ ကရော စိတ်ဝင်စားရဲ့လားဆိုတာပါပဲ။

တချိန်တုန်းက ဒီကိစ္စနဲ့ပတ်သက်ပြီး အငြင်းအခုန်တွေဖြစ်ခဲ့ဖူးပါတယ်။ ၁၉၈၆ ခုနှစ်က ဆရာ အောင် သင်းပြောခဲ့တဲ့ "လူထုကိုစည်းရုံးလှုံ့ဆ်ာနိုင်စွမ်း နိမ့်မြင့်တန်းစီကြည့်မယ်ဆိုရင်၊ ကဗျာက ဟိုးနောက်ဆုံး တန်းလောက်မှာ ရောက်နေပါလိမ့်မယ်” ဆိုပြီး ပေဖူးလွှာမဂ္ဂဇင်း အင်တာဗျူးမှာ ပြောခဲ့တဲ့စကားကြောင့် ခေတ်ပေါ်ကဗျာဆရာတွေကပြန်ပြီးတုံ့ပြန်ခဲ့ကြပါတယ်။

ဒီတုံ့ပြန်မှုကို ခေတ်ပေါ်ကဗျာဆရာအောင်ဝေးကစပြီး တုံ့ပြန်တာကိုမှတ်မိနေပါတယ်။ ကျွန် တော်တို့လည်း ခေတ်ပေါ်ကဗျာဘက်က ဝင်ရေးခဲ့ကြပါတယ်။ ချယ်ရီမဂ္ဂဇင်းမှာကဗျာရဲ့ကျန်း မာရေးဆိုပြီး ရေးခဲ့တာ ပြန်မှတ်မိပါတယ်။ အခုအချိန်မှာပြန်စဉ်းစားစရာဖြစ်နေပါတယ်။ ပြည်သူလူထုအတွက်ရေးတဲ့ခေတ်ပေါ် ကဗျာ တွေကို ပြည်သူလူထုကရောစိတ်ပါဝင်စားရဲ့လား ဆိုတာကိုပါ။

ရသမဂ္ဂဇင်းတွေတဝုန်းဝုန်းပြိုလဲနေတဲ့အချိန်မှာ မဂ္ဂဇင်းပေါ်မှာ ခေတ်ပေါ်ကဗျာစာမျက်နှာတွေ ပျောက်ဆုံး သလို ဖြစ်နေပါတယ်။
ကံကောင်းတာက အခုခေတ်မှာလူမှုကွန်ယက်တွေ(ဖေ့ဘုတ်) ပေါ် လာတာပါပဲ။ ဒါကြောင့်လည်း ပြည်သူ လူထုရဲ့ဒုက္ခတွေကို ခံစား နေရတာပါ။ ဒီပြည်သူလူထုဘက်က ရပ်တည်ပြီး ရေးနေကြတဲ့ ခေတ်ပေါ်ကဗျာ တွေအကြောင်းကို ရေးခဲ့သလို၊ ရေးနေကြပါ တယ်။ ခေတ်ကိုရေးတဲ့အခါမှာ အပြတွေများမှာတော့ သေချာ ပါတယ်။

အခုခေတ်ပေါ်ကဗျာမှာတွေ့ရတဲ့အတွေးတွေကိုခံစားချင်ပါတယ်။ ဒီလိုအတွေးကဗျာကို ဗြူတီမဂ္ဂဇင်း၊ ဇူလိုင်လထုတ်ထဲက ပိုင်သစ်နွယ်ရဲ့”သူ့စိတ်ထဲက ကြောင်တစ်ကောင်” ဆိုတဲ့ကဗျာမှာ ခံစားတွေ့ရှိလိုက်ရ ပါတယ်။
          အမှောင်ဟာ
         ကြောက်စိတ်ရဲ့သားဖွားခန်းပဲ။
         သင့်အခန်းထဲ ရုတ်တရက်
         လျှပ်စစ်မီးပြတ်တောက်သွားတယ်ဆိုပါစို့
         ဖယောင်းတိုင် ဒါမှမဟုတ်
         လက်နှိပ်ဓာတ်မီး ဒါမှမဟုတ်
         ဘက်ထရီမီးချောင်း ဒါမှမဟုတ်
         နောက်ဆုံးပေါ် အဏုမြူကော်ချောင်းတစ်ခုကို
         သင်ရှာဖွေမယ်
         ခွေးဝဲစားတစ်ကောင်ဟာ
         သူ့ဘဝရဲ့အဓိပ္ပာယ်ကို
         နောက်ဖေးလမ်းကြားထဲမှာပဲရှိတယ်လို့ယုံကြည်နေသလိုမျိုး
         အလင်းရောင်ထွက်မယ့်
         အရာဝတ္ထုတစ်ခုခုကို သင်ရှာဖွေနေလိမ့်မယ်။

         ကဗျာဆရာရဲ့အတွေးကို ထပ်ဆင့်ပြီးတွေးမယ်ဆိုရင်အတွေးများစွာထွက်ပါလိမ့်မယ်။ လူတွေဟာ အမှောင်ကိုကြောက်ရွံ့တတ်တာ သဘာဝတရားတခုပါ။ လောကထဲမှာ မမြင်တွေ့ နိုင်ပဲ ကျရောက်လာနိုင်မယ့် ကံကြမ္မာဆိုးတွေကိုတွေးပြီးကြောက်နေသလိုမျိုးပေါ့။

အမှောင်ဆိုတာကလည်း မမြင်နိုင်တဲ့အရာတခုပါပဲ။ လူတွေဟာအမှောင်ထဲမှာကျရောက်လာမယ့် အန္တရာယ်တွေကိုကြောက်ပြီး အားကိုးရာတခုခုကို ရှာဖွေတတ်ပါတယ်။ တချို့သော ကံကြမ္မာဆိုးတွေဟာ ဘဝရပ်တည်မှုကိုပါ အန္တရာယ်ပေးတတ်ပါတယ်။ ဒါကိုလူတိုင်း ကြောက်တတ်ပါတယ်။

         ကြောက်စိတ်ဟာ မြွေအဆိပ်လို
         ခန္ဓာကိုယ်ထဲ ပြန့်နှံ့မှုမြန်တယ်
         ခလုတ်တစ်ချက်နှိပ်လိုက်ရင်
         စီးဝင်သွားမယ့် လျှပ်စီးပတ်လမ်းကြောင်းထက်
         ကြောက်စိတ်က ဗို့အားပြင်းတယ်

လူလောကမှာကြောက်စရာအကောင်းဆုံးက ကြောက်စိတ်ပါပဲ။ ကြောက်စိတ်ဝင်နေပြီဆိုရင် အသက် တောင်ထွက်သွားနိုင်တာတွေတွေ့ဖူး၊ မြင်ဖူးမှာပါ။ အန္တရာယ်တခုခုကိုပဲဖြစ်ဖြစ်၊ ယှဉ်ပြိုင်မှုတခုကိုပဲဖြစ်ဖြစ် ကြောက်စိတ်ရှိနေရင် အရှုံးများတတ်ပါတယ်။ ဘဝရှင်သန်ရေးမှာလည်း ကြောက်စိတ်ကိုဖျောက်ထားပြီး ရဲရဲရင့်ရင့်ရင်ဆိုင်နိုင်မှ ဆက်လက်ပြီးရှန်သန်နိုင်မယ်ဆိုတာ လူတွေသိနေကြပါတယ်။

          အလင်းရဲ့အလျင်က
         သစ်ပင်ရဲ့အရိပ်ကို လမ်းဘေးသပ်ချခဲ့သလိုမျိုး
         ကြောက်စိတ်က လူရဲ့ဆင်ခြင်တုံတရား
         အမှောင်ထဲ ပို့ပစ်လိုက်တယ်
         အိမ်ခေါင်မိုးပေါ်မှာ ဘုရားစင်ပေါ်မှာ
         စာအုပ်ဗီရိုပေါ်မှာ
         အိမ်နောက်ဖေးက ပန်းကန်စင်ပေါ်မှာ
         ကြောက်စိတ်ဟာ ရှိနေတယ်
         သင့်ရဲ့သိမှုထဲကနေ
         လေရဲ့အရိပ်အယောင်လို ခုန်ထွက်မသွားခင်အထိ
         ကြောက်စိတ်ဟာ
         သင့်ခန္ဓာကိုယ်ထဲမှာ ရှိနေတယ်
         ကြောင်တစ်ကောင်အသွင်နဲ့…။

လူတယောက်မှာရှိနေတဲ့ကြောက်စိတ်ကို အတွေးများစွာနဲ့ရေးသွားတဲ့ခေတ်ပေါ်ကဗျာ တပုဒ် ပါ။ လူတွေရဲ့ကြောက်စိတ်ကို လူတွေရဲ့ကိုးကွယ်ရာတွေ၊ အသိတရားတွေမှာလည်း ကြောက်စိတ်တွေရှိနေတဲ့ အကြောင်း ထည့်သွင်းရေးပြထားပါတယ်။ ဒီခေတ်ပေါ်ကဗျာကို ခံစားသုံးသပ်ပြတာတွေဟာ ခေတ်မှာဖြစ် ပေါ်နေတဲ့အကြောင်းတရားတွေ၊ ခေတ်မှာဖြစ်ပေါ်နေတဲ့ အတွေးတွေကို ခံစားပြတာပါ။ 

ခေတ်ပေါ်ကဗျာတွေနဲ့လက်ရှိဖြစ်နေတဲ့ခေတ်ကိုချိတ်ဆက် ပြီး တွေးပြတာပါ။ အခုခေတ်ပေါ်ကဗျာတွေရဲ့ အတွေးတွေကလည်း ပုံမှန်မဟုတ်တဲ့ အတွေးတွေ ကို ရေးနေကြပါတယ်။ ထူးဆန်းတဲ့အတွေးမျိုးတွေကို အံ့အားသင့်လောက်အောင်ရေးဖွဲ့ထားတဲ့ခေတ်ပေါ်ကဗျာတွေလည်း များစွာပေါ်ထွက်နေပါတယ်။ အဲဒီများစွာထဲက သြဂတ်လထုတ် Idea မဂ္ဂဇင်းကဗျာဆရာ သစ်ကောင်းအိမ်ရဲ့” စာရွက်အလွတ်များ” ကဗျာကိုညွှန်းပြချင်ပါတယ်။

         ရေမွှေးပုလင်းထဲရောက်သွားတဲ့
         မွှေးရနံ့တစ်ခုက
         ပန်းခင်းကြီးတစ်ခုလုံးကိုမေ့သွားတဲ့ မေ့ဥာဏ်မျိုး
         မရသေးတော့
         တစ်ခုခုကိုချရေးနေရတယ်
         ဆပ်ကပ်မီးကွင်းထဲ
         ကျွမ်းထိုးအလှပြတဲ့ ကျားသစ်နက်တစ်ကောင်က
         အမဲလိုက်ရာသီကို မေ့သွားတဲ့မေ့ဉာဏ်မျိုး
         မရသေးတော့
         တစ်ခုခုကိုချရေးနေရတယ်။
         မှန်စီရွှေချတိုင်လုံးကြီးတွေက
         တောင်ခေါင်းတုံးကြီးတွေကိုမေ့သွားတဲ့ မေ့ဉာဏ်မျိုး
         မရသေးတော့
         တစ်ခုခုကိုချရေးနေရတယ်
         ဇာတ်ခုံပေါ်ရောက်သွားတဲ့
         သေနတ်ဖောက်သံနဲ့
         ပြတိုက်ထဲရောက်သွားတဲ့
         ပတ္တမြားကျောက်စီဓားတစ်လက်က
         သူတို့ဖြတ်သန်းကြီးပြင်းလာတဲ့
         စစ်ပွဲကြီးတွေကိုမေ့သွားတဲ့မေ့ဉာဏ်မျိုး
         မရသေးတော့
         တစ်ခုခုကိုချရေးနေရတယ်…။

အင်မတန်တွေးယူစရာကောင်းတဲ့ခေတ်ပေါ်ကဗျာတပုဒ်ပါ။ ရေးဟန်ကလည်းသမားရိုးကျရေးဟန်ကဗျာ တပုဒ်မဟုတ်သလို၊ တွေးတာကလည်း ထူးခြားတဲ့အတွေးနဲ့ ရေးသွားပါတယ်။ ကဗျာတွေမှာသုံးလေ့ သုံးစွဲခြင်းမဟုတ်တဲ့ ”မေ့ဉာဏ်”ဆိုတဲ့အသုံးအနှုန်းကို သတိထားမိလိုက် ပါတယ်။ မှတ်ဉာဏ်ဆိုတဲ့စကား  လုံးကိုသာ အသုံးပြုလေ့ရှိတာပါ။ နောက်ပြောချင်တာ တခုထဲကို နိမိတ်ပုံတွေပြောင်းသုံးသွားတာကိုလည်း တွေ့ရပါတယ်။

ကဗျာဆရာပြောချင်တာက ရောက်ရှိနေရာကိုရောက်လာရတာနဲ့ ပင်ကိုယ်သဘာဝကို မေ့ထား/သွားခဲ့ပုံ၊ ဒါပေမဲ့ ရောက်နေတဲ့နေရာကိုတကယ်ရောက်နေတာလားဆိုတော့ မဟုတ်ပြန်ဘူး။ ဒီအကြောင်းအရာလေးကိုတွေးပြီး ရေးပြသွားတယ်လို့ထင်မိပါတယ်။

၁၉၉၁ ခုနှစ်ကပိတောက်ပွင့်သစ်မဂ္ဂဇင်းမှာ ဆရာမောင်ချောနွယ်ရဲ့”သစ္စာပန်းများနဲ့မေလ” ကဗျာကိုလည်း ဝေဖန်ခဲ့ဖူးပါတယ်။ အတွေးလှပြီး ကဗျာအကြောင်းအရာကတခုထဲကို နိမိတ်ပုံတွေသုံးပြီး ရေးသွားတာကိုရေးခဲ့တာပါ။

ခေတ်ပေါ်ကဗျာတွေဟာအရင်ကထက် အတွေးတွေပိုလှလာပါတယ်။ ပိုပြီးလေးနက်လာကြပါတယ်။ ခေတ်ပေါ်ကဗျာရဲ့အရွေ့ဟာ၂၁ ရာစုမှာတိုးတက်လာတာကိုမြင်လိုက်ရတာ ပီတိဖြစ်စရာပါပဲ။ ခေတ်စနစ်တွေကိုခက်ခဲစွာဖြတ်သန်းရင်း စိတ်အတွေးနဲ့ရေးကြတဲ့ ခေတ်ပေါ် ကဗျာတပုဒ်ကိုလည်း မြင်လိုက်ရပါတယ်။ အဲဒီကဗျာကတော့ သြဂတ်လ မဟေသီမဂ္ဂဇင်း ထဲက ကဗျာဆရာမ င်ကြင်းမေရဲ့” မြို့ပြပေါ်ဖြတ် သန်းခြင်း” ပါ။

         လူတွေ
         ဝင်လေအေး ထွက်လေနွေးတဲ့
         အသက်ရှုချိန်တိုင်း
         ရမ္မက်တွေ စေးပျစ်ပျစ်
         ကိုယ့်ဖြစ်တည်မှုကောက်ကြောင်းပေါ်
         အရည်ပျော်ကျလာတဲ့ အတ္တနဲ့
         အလှမွေးငါးလို ကူးခတ်မိတာ
         ကမ်းမရှိ လမ်းမရှိ၊မှိုင်းမိတဲ့မြို့ပြထဲ
         တဝဲလည်လည်။

         ပင်လယ်ရေနဲ့ဖျော်တဲ့ဘဝကော်ဖီ
         သောက်ရင်းငတ်မပြေလိုက်တာ
         ညနေခင်းတွေ အခါခါကျွံကျတဲ့အထိ
         မနက်ဖြန်ကို စိတ်ပြတင်းက ချောင်းကြည့်တော့
         မြို့ပြကညောင်းညာကိုက်ခဲလို့
         လမ်းတွေက ကားတွေထမ်း
         ကားတွေက လူတွေကိုမနိုင်ဝန်သယ်ပိုး
         ဘဝဆိုးလို့ ဒုက္ခနဲ့ပျားပန်းခပ်
         ခေတ်မှီလူနေမှုစနစ်ငတ်တဲ့အပြစ်ဒဏ်
         ကျိန်စာကိုခါးစည်းခံရဆဲ
         ဂရိပုံပြင်ထဲက “ထန်းတလတ်စ်”လိုပဲပေါ့။

ဒီကဗျာဟာ ခေတ်ကိုမြင်နေရတဲ့ အမြင်ကိုတွေးပြီးရေးသွားခဲ့တာပါ။ အခုအချိန်မှာ လူတွေက အတ္တတွေနဲ့ ရှင်သန်နေရပေမယ့် မှန်ပေါင်းချောင်ထဲက အလှမွေးငါးတွေကို မြင်နေရသလိုဖြစ် နေပါတယ်။
မြို့ပြရဲ့မွန်းကြပ်မှုတွေက ကဗျာဆရာရဲ့အတွေးထဲကိုဝင်ရောက်လာပါတယ်။လူကလူကိုငတ် တတ်တာကို၊ စနစ်ကိုငတ်တတ်တာတွေကို အတွေးထဲထည့်ပြီးရေးပြသွားပါတယ်။ မြင်တွေ့ နေရတဲ့မြို့ပြကို အတွေးထဲထည့်ပြီးချောင်းကြည့်လိုက်တဲ့အခါ စိတ်တွေညောင်းညာသွားကြ တယ်ဆိုတဲ့အဖွဲ့ဟာ အင်မတန်မှလှပပါ တယ်။
          ခေတ်ပေါ်ကဗျာရဲ့အတွေးတွေကလည်း ခေတ်၊ စနစ်နဲ့လူနေမှုပုံစံတွေကိုလိုက်တွေး နိုင်ပါလိမ့် မယ်။ ခေတ်ပေါ်ကဗျာတွေရဲ့အတွေးတွေဟာ အခုအချိန်မှာ ဘောင်တခု ခတ်မထားနိုင်တော့ပါဘူး။ အတွေးတွေလွတ်လပ်ပြီး ကျယ်ပြန့်နက်ရှိုင်းလာပါပြီ။ ခေတ်ပေါ်ကဗျာတွေရဲ့တိုးတက်နေတဲ့ အရွေ့နောက် ကိုလိုက်ပါနိုင်ကြပါစေ။

ကိုနိုင်း
-------
ခံစားသုံးသပ်မိသောခေတ်ပေါ်ကဗျာများ

၁။ ပိုင်သစ်နွယ်(သူ့စိတ်ထဲက ကြောင်တစ်ကောင်)၊ဗြူတီမဂ္ဂဇင်း၊ဇူလိုင်လ၊၂၀၁၇။
၂။ သစ်ကောင်းအိမ်(စာရွက်အလွတ်များ)၊Ideaမဂ္ဂဇင်း၊သြဂတ်လ ၂၀၁၇။
၃။ အင်ကြင်းမေ( မြို့ပြပေါ်ဖြတ်သန်းခြင်း)၊မဟေသီမဂ္ဂဇင်း၊သြဂတ်လ ၂၀၁၇။

The Sun Rays Vol 1 No 161 


Comments