သစ်ခက်သံလွင် နိုင်ငံရေး သုံးသပ်ချက်၊ မြတ်လှိုင်း ၏ "လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်းဥပဒေနဲ့မြန်မာ့နိုင်ငံရေးအလားအလာ "

လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်းဥပဒေနဲ့ 

မြန်မာ့နိုင်ငံရေးအလားအလာ

မြတ်လှိုင်း

မကြာခင်အခုကျင်းပနေတဲ့လွှတ်တော်မှာ လွှတ်တော်ကိုယ်စား လှယ်တာဝန်က ပြန်လည်ရုပ်သိမ်းခြင်းဥပဒေကို ပြည်ထောင်စု အထွေထွေရွေးကောက်ပွဲကျင်းပရေးကော်မရှင်ကနေ တင်သွင်း သွားမယ်လို့ သိရပါတယ်။ ဒီဥပဒေမှာ၂၀၀၈ ဖွဲ့စည်းပုံအခြေခံ ဥပဒေအရ ပြဋ္ဌာန်းထားတဲ့အတိုင်းဆိုရင် ပုဒ်မ၃၉၆။ (ခ)မှာ သက် ဆိုင်ရာ မဲဆန္ဒနယ်၏မူလမဲဆန္ဒရှင်များအနက် အနည်းဆုံး တစ် ရာခိုင်နှုန်းတို့က တာဝန်မှပြန်လည်ရုပ်သိမ်းလိုသော လွှတ်တော် ကိုယ်စားလှယ်နှင့်ပတ်သက်သည့်တိုင်တန်းချက်ကို ပြည်ထောင် စုရွေးကောက်ပွဲ ကော်မရှင်ထံ တင်ပြရမည်လို့ ဆိုထားပါတယ်။

ဒီဥပဒေအတိုင်းသာဆိုရင် လွှတ်တော်ကိုယ်စားလှယ်အတော်များများတာဝန်ကနေ ပြန်အရုပ်သိမ်းခံရနိုင် တဲ့အခြေအနေတွေများ လိမ့်မယ်လို့ ခန့်မှန်းချင်ပါတယ်။ ဘာကြောင့်ဒီလိုခန့်မှန်းချင်မိသလဲဆိုရင် အာဏာရ အင်အယ်ဒီပါတီမှာ လွှတ်တော်ကိုယ်စားလှယ်များအတွက် တိုင်ကြားနိုင်ရန်ဌာန တရပ်ဖွင့်ထားပါတယ်။ ဒီဌာနမှာလွှတ်တော် ကိုယ်စားလှယ်တွေကိုမလိုလားတဲ့တိုင်ကြားစာတွေ အများဆုံး ဆိုတာလည်း သိလိုက်ရပါတယ်။ နောက်တချက်က ပြီးခဲ့တဲ့ ၂၀၁၇ ဧပြီလကြားဖြတ်ရွေးကောက်ပွဲမှာ အာ ဏာရ အင်အယ်ဒီပါတီ အနေနဲ့ မဲဆန္ဒနယ် ၁၈ နေရာဝင်ပြိုင်ပြီး ၉ နေရာသာအနိုင်ရတဲ့အခြေအနေကိုပြန်ကြည့်မယ်ဆိုရင်လည်း ပြည်သူတွေရဲ့ထောက်ခံမှုအား ကျဆင်းလာတာကို တွေ့နိုင်ပါတယ်။

         အခုဖြစ်ပေါ်နေတဲ့နိုင်ငံရေးအခြေအနေအရလည်း အာဏာရအင်အယ်ဒီပါတီအနေနဲ့ ကဏ္ဍပေါင်းစုံ မှာ အလွန်အင်မတန်အခက်အခဲတွေကို ရင်ဆိုင်နေရပါတယ်။ ဒီအရေးကြီးတဲ့ ၂၀၀၈ ဖွဲ့စည်းပုံအခြေခံ ဥပဒေ ပြင်ဆင်နိုင်ရေး၊ ပြည်တွင်းငြိမ်းချမ်းရေးတွေကိုထားပါ ဦး။ ဒီအခြေအနေတွေကရေရှည်ဆောင်ရွက်ရမယ့်ကိစ္စတွေပါ။ ရေတိုလတ်တလောဆောင်ရွက်ရမယ့်ကိစ္စတွေလည်း ရှိနေပါတယ်။ 

ပြည်သူတွေအတွက် စားဝတ်နေရေး၊ သွားလာရေး၊ လူ တယောက်ဘဝ လုံခြုံရေး၊ တရားဥပဒေစိုးမိုးရေး၊ လူ့အခွင့် အရေးဆိုတဲ့အနိမ့်ဆုံးကိစ္စတွေကိုပြေလည်အောင် မဖြေရှင်းပေး နိုင်တဲ့အတွက် ဝေဖန်မှုတွေကိုခံနေရပါတယ်။ ပြည်သူ့လွှတ်   တော်ကိုယ်စားလှယ်တွေကိုလည်း မြို့နယ်အတော် များများမှာ သက်ဆိုင်ရာမဲဆန္ဒရှင်တွေက လူထုခေါင်းဆောင်ဒေါ်အောင်ဆန်း စုကြည်ရဲ့တမျက်နှာထဲကြောင့် မဲပေးခဲ့ရပြီး မကြိုက်ခဲ့ကြပါဘူး။ ဒီလွှတ်တော်ကိုယ်စားလှယ်တွေကလည်း မဲဆန္ဒရှင်တွေက မဲပေးရွေးချယ်ပြီးတဲ့နောက်မှာ မဲဆန္ဒရှင်တွေကျေနပ်အောင် ထူးခြားတဲ့လုပ်ကိုင်ဆောင်ရွက်မှုတွေ မတွေ့ရပါဘူး။ 

ဒီကိစ္စတွေကိုပြည်သူတွေသိနေကြသလို မီဒီယာတွေက လည်း ဝေဖန်နေကြပါတယ်။ 

သိနေပြီးသားအကြောင်းအရာတွေကို ထပ်မပြောလိုတော့ပါဘူး။

         ဒီလွှတ်တော်ကိုယ်စားလှယ်တာဝန်မှပြန်လည်ရုပ်သိမ်းခြင်းဥပဒေမှာရေးဆွဲထားတဲ့မဲဆန္ဒရှင်များရဲ့တစ်ရာခိုင်နှုန်းက ရွေးကောက်ပွဲကော်မရှင်ကိုတိုင်ပြီး လွှတ်တော်ကလက်ခံခဲ့မယ်ဆိုရင် ကြားဖြတ်ရွေးကောက်ပွဲတွေ မကြာမကြာပြန်ကျင်းပရမယ့်အခြေအနေ   ဖြစ်နေပါလ်ိမ့်မယ်။

         လွှတ်တော်ကိုယ်စားလှယ်တယောက်ကလည်း ....

၁။ နိုင်ငံတော်၏ကျေးဇူးသစ္စာတော်ကိုဖောက်ဖျက်ခြင်း။

၂။ ဤဖွဲ့စည်းပုံအခြေခံဥပဒေပါပြဋ္ဌာန်းချက်တရပ်ရပ်ကို ဖောက်ဖျက်ကျူးလွန်ခြင်း။

၃။ အကျင့်သိက္ခာပျက်ပြားခြင်း။

၎။ ဤဖွဲ့စည်းပုံအခြေခံဥပဒေတွင် သတ်မှတ်ထားသည့် သက်ဆိုင်ရာလွှတ်တော်ကိုယ်စားလှယ်၏ အရည်အချင်းပျက်ယွင်းခြင်း။

၅။ ဥပဒေအရပေးအပ်သောတာဝန်များကိုကျေပွန်မဆောင်ရွက်ခြင်းစတဲ့အချက်တွေထဲကတစ်ချက်ချက်ဖောက်ဖျက်ကျူးလွန်မိရင် ...

လွှတ်တော်ကိုယ်စားလှယ်အဖြစ်ကပြန်အရုပ်သိမ်းခံရမယ့်အခြေအနေရှိပါတယ်။ ဒါကြောင့် ပြီးခဲ့တဲ့ကြံ့ ခိုင်ရေးပါတီအာဏာရတဲ့အချိန်မှာ ဒီဥပဒေကိုဆိုင်းငံ့ထားခဲ့တာဖြစ်ပါတယ်။ ပြည်သူ့လွှတ်တော်ဥက္ကဋ္ဌ ဦးရွှေမန်းကိုယ်တိုင်ကို မဲဆန္ဒရှင်ပြည်သူများကလက်မှတ်ထိုး ပြီး ရွေးကောက်ပွဲကော်မရှင်ကုိတိုင်ခဲ့ တာကြောင့် ဆိုင်းငံ့ထားခဲ့တာ အားလုံးအသိပဲဖြစ်ပါတယ်။ဒီ ပြဋ္ဌာန်းထားတဲ့အချက်တွေထဲက ကိုယ်စား လှယ်အရည်အချင်းပျက်ယွင်းခြင်းနဲ့ပေးအပ်ထားတဲ့တာဝန်တွေကိုကျေပွန်စွာမဆောင်ရွက်နိုင်ခြင်းတွေက ကိုယ်စားလှယ် ပြန်ရုပ်သိမ်းနိုင်ဖို့အတွက်အဓိကကျလာပါလိမ့်မယ်။

ဒီဥပဒေကို အခုအာဏာရ အင်အယ်ဒီပါတီလွှတ်တော်ကအတည်ပြုပေးခဲ့လို့ရှိရင် ပြန်ရွေးကောက်ပွဲ ကျင်းပ ရမယ့်မဲဆန္ဒနယ်တွေမှာ၂၀၁၅ ရွေးကောက်ပွဲတုန်းကလို အင်အယ်ဒီလွှတ်တော်ကိုယ်စားလှယ်လောင်းတွေ နိုင်ဖို့ မသေချာတော့ပါဘူး။ ဒီလိုအခြေအနေမှာ ပြည်နယ်မဲဆန္ဒနယ်တွေမှာ သက်ဆိုင်ရာတိုင်းရင်းသား လွှတ်တော်ကိုယ်စားလှယ်လောင်းတွေအတွက် အခွင့်ရေးတရပ်ဖြစ်လာနိုင်ပါတယ်။

အဲဒီလိုပဲ အခုပါတီတရပ်ပေါ်ပေါက်ဖို့အားယူနေတဲ့ ၈၈ မျိုးဆက် အဓိကပါတီအတွက်လည်း မမျှော်လင့်ပဲနဲ့ လွှတ်တော်ထဲကို စောစီး စွာရောက်နိုင်မယ့် အခြေအနေတရပ်ကိုဖန်တီးပေးသလို ဖြစ်လာနိုင်ပါတယ်။ အခု အတိုက်အခံပါတီလို့သတ်မှတ်ထားကြတဲ့ကြံ့ခိုင်ရေးပါတီနဲ့ပူးပေါင်းပါတီတွေအတွက်တော့ အဖျက်သဘော   လောက်ပဲရှိနေပြီး မဆလပါတီတဖြစ်လဲ တစညပါတီအရောင်မှိန်သွားသလို အရောင်မှိန်ပြီး ပျောက် ကွယ်သွားမှာပါ။

         ပေါ်ပေါက်လာတော့မယ့် ၈၈မျိုးဆက်တွေအဓိကဦးဆောင်မယ့်ပါတီနဲ့ ပြည်နယ်တွေက တိုင်းရင်း သားပါတီတွေမဟာမိတ်အဖြစ်ပေါင်းစပ်နိုင်မယ်ဆိုရင် လွှတ်တော်ထဲမှာ အားကောင်းမောင်းသန်အတိုက် အခံ ဖြစ်လာနိုင်ပါတယ်။ ဒါကလည်း ဖြစ်ပေါ်လာနိုင်တဲ့အခြေနေကိုခန့်မှန်းချက်တခုသာရှိပါတယ်။ 

ဒီဖြစ်ပေါ်လာနိုင်တဲ့အခြေအနေကိုကာကွယ်ဖို့ အာဏာရအင်အယ်ဒီပါတီအတွက် ပြင်ဆင်ထားနိုင်ရပါလိမ့် မယ်။ ဒီလိုပြင်ဆင်ထားနိုင်ဖို့အတွက် အာဏာရအင်အယ်ဒီပါတီဟာ အနာဂတ်ပါတီမူဝါဒတွေ သေသေချာ ချာရေးဆွဲပြီး အကောင်အထည်ဖော်နိုင်ဖို့လိုပါတယ်။ ဥပမာပြောရရင်အင်အယ်ဒီပါတီရဲ့လိုအပ်နေတဲ့ပါတီ ဖွဲ့စည်းပုံကို အရင်ဆုံးပြန်သုံးသပ်ပြီးပြင်ဆင်ဖွဲ့စည်းရပါလိမ့်မယ်။ ပါတီရဲ့အားနည်းနေတဲ့ စည်းရုံးရေး အခြေ အနေကိုအသစ်ပြန်ရေးဆွဲပြီး ပြည်သူတွေထောက်ခံမှု ဆက်လက်ရယူနိုင်ဖို့ လိုပါတယ်။ မဲဆန္ဒနယ်တွေမှာ မဲဆန္ဒနယ်မှာနေထိုင်တဲ့ပြည်သူတွေကထောက်ခံမယ့်လူပုဂ္ဂိုလ်တွေကိုခေါ်ယူပြီး မြို့နယ် ပါတီတွေကိုဖြည့် စွက်နိုင်ရမှာပါ။ နယ်မြေပါတီခေါင်းဆောင်တွေအဖြစ်စည်းရုံးမှုကိုအခိုင်အမာတည်ဆောက်ထားနိုင်ဖို့လည်း အရေးကြီးပါတယ်။ ဒါမှကြားဖြတ်ရွေးကောက်ပွဲတွေပြန်ကျင်းပတဲ့အခါ အခြေအနေပြန်ကောင်းပါလိမ့်မယ်။

       

နောက်တချက်က အခုရွေးကောက်ပွဲကော်မရှင်ကလွှတ်တော်ကိုတင်မယ့်လွှတ်တော်ကိုယ်စားလှယ် တာ ဝန်မှ ပြန်ရုပ်သိမ်းခြင်းဥပဒေမှာ ဖွဲ့စည်းပုံအရ ပုဒ်မ ၃၉၇ မှာပြဋ္ဌာန်းထားတဲ့ ပြည်ထောင်စုလွှတ်တော် သည် ရွေးကောက်တင်မြှောက်ခြင်းဆိုင်ရာကိစ္စများနှင့် စပ်လျဉ်း၍လည်းကောင်း၊ တာဝန်မှပြန်လည်ရုပ် သိမ်းခြင်းဆိုင်ရာကိစ္စများနှင့်စပ်လျဉ်း၍လည်းကောင်း လိုအပ်သောဥပဒေများကို ပြဋ္ဌာန်းရမည်ဆိုတဲ့အချက် အရ သက်ဆိုင်ရာမဲဆန္ဒနယ်၏မူလမဲဆန္ဒရှင်များအနက် အနည်းဆုံးတစ်ရာခိုင်နှုန်းတို့က တာဝန်မှရုပ်သိမ်း လိုသော လွှတ်တော်ကိုယ်စားလှယ်နှင့်ပတ်သက်သည့်တိုင်တန်းချက်အစား ဖြစ်နိုင်ချေရှိတဲ့အရေအတွက် ကို ပြင်ဆင်ပေးနိုင်ရမှာပါ။ 

ဥပမာ ၂၅% နှုန်း(သို့မဟုတ်) ၅၀% က တိုင်တန်းလျှင်ဆိုတဲ့အရေအတွက်ကို  ပြန်အစားထိုးပြီး ဥပဒေ ကို ပြင်ရပါလိမ့်မယ်။

         ဒီပုဒ်မ ၃၉၇ ဟာ ပုဒ်မ ၄၃၆ ထဲမှာမပါဝင်တဲ့အတွက် ပြည်ထောင်စုလွှတ်တော်ကိုယ်စားလှယ် အား လုံးရဲ့ ၇၅% ကျော်ကထောက်ခံဆန္ဒမဲနဲ့ပြင်ဆင်နိုင်ပါတယ်။ ဒီဥပဒေကိုပြင်ဆင်နိုင်ဖို့အတွက်လည်း ပြည်ထောင်စုလွှတ်တော်မှ အကျေအလည် ဆွေးနွေးရမှာပါ။ ပြင်ဆင်နိုင်ဖို့အဆိုတင်ကတည်းက မကန့် ကွက်နိုင်လောက်တဲ့အချက်အလက်တွေရှာဖွေပြင်ဆင်ထားနိုင်ဖို့ လိုအပ်ပါတယ်။ ပြည်ထောင်စုလွှတ်တော် ထဲမှာ တပ်မတော်သားကိုယ်စားလှယ်က ၂၅% ရှိနေပါတယ်။ ရွေးကောက်ခံပြည်သူ့လွှတ်တော်ကိုယ်စား လှယ်ထဲမှာ လည်း အတိုက်အခံ ကြံ့ခိုင်ရေးပါတီ ပြည်သူ့လွှတ်တော်ကိုယ်စားလှယ်အနည်းငယ်နဲ့ တိုင်းရင်း သားကိုယ်စားလှယ်တွေ ပါပေါင်းမှ လွှတ်တော်ကိုယ်စားလှယ် စုစုပေါင်း ၇၅% ဖြစ်မှာပါ။

ဒီတစ်ရာခိုင်နှုန်းတိုင်တန်းရင်ဆိုတဲ့အချက်ကိုမပြင်နိုင်ရင် အားလုံးသောရွေးကောက်ခံပြည်သူ့လွှတ်တော် ကိုယ်စားလှယ်တွေအတွက် အန္တရာယ်ရှိနေမှာပါ။၂၀၁၅ ရွေးကောက်ပွဲကိုပြန်ကြည့်ရင် အာဏာရ အင် အယ်ဒီပါတီကအနိုင်ရခဲ့တဲ့ လွှတ်တော်ကိုယ်စားလှယ်တွေ အများစုဟာ မဲအပြတ်အသတ်နဲ့ နိုင်ခဲ့တာ မဟုတ်ဘူးဆိုတာ တွေ့နိုင်ပါတယ်။ တချို့ မဲဆန္ဒနယ်တွေမှာ ပွတ်ကာသီကာအနိုင်ရလာပြီး လွှတ်တော် ကိုယ်စားလှယ်ဖြစ်လာတာကို အားလုံးသိခဲ့ကြပါတယ်။

အင်အယ်ဒီပါတီအနေနဲ့လည်း အာဏာရပြီးတဲ့ တနှစ်ကျာ်ကာလမှာ အင်အယ်ဒီပါတီရဲ့လွှတ်တော် ကိုယ် စားလှယ်တွေကိုပြည်သူတွေ ရဲ့ ထောက်ခံမှု၂၀၁၅ ကလိုမဟုတ်တော့ဘူးဆိုတာ ပကတိအခြေအနေ အရ မငြင်းနိုင်တော့ပါဘူး။ အင်အယ်ဒီပါတီခေါင်းဆောင်ဒေါ်အောင်ဆန်းစုကြည်ရဲ့မျက်နှာတခုတည်းကိုကြည့် ပြီး ထောက်ခံနေကြတော့မှာမဟုတ်တော့ပါဘူး။ မဲဆန္ဒရှင်ပြည်သူတွေအနေနဲ့သူတို့အကျိုးကို ရှေးရှုမယ့် လွှတ်တော်ကိုယ်စားလှယ်များကိုသာ ရွေးချယ်ကြတော့မယ့်အနေအထားကိုရောက်နေပါပြီ။

         ဒီလွှတ်တော်ကိုယ်စားလှယ်တာဝန်ကပြန်ရုပ်သိမ်းတဲ့ဥပဒေသာအတည်ဖြစ်သွားခဲ့မယ်ဆိုရင် မြန်မာပြည်ရဲ့

နိုင်ငံရေးအခြေအနေက မတည်မငြိမ်ဖြစ်နိုင်တော့မှာ ကြိုတွေးလို့ ရနေပါတယ်။ 

အခုလက်ရှိနိုင်ငံရေးအခြေအနေထက်ပိုကောင်းလာမလား၊ ပိုဆိုးသွားမလားဆိုတာကိုတော့ စောင့်ကြည့်ရ ပါတော့မယ်။

မြတ်လှိုင်း

Popular news journal - Vol 9. No 20, 1 Jun 2017