နှမ်းသိမ်းချိန်
မောင်ထိန်လင်း(မြို့သာ)
တမိုးလိုနဲ့
နှမ်းအပျို အရွယ်ရောက်
မြီးကောင်ပေါက်မှ အပျိုဖြန်း
လိပ်ပြာနဲ့
အချစ်ဇာတ်လမ်းတခန်းရပ်
မတ်တပ်မနေနိုင်
ခွေယိုင်ဝါဖျော့ ခေါင်းမမော့နိုင်။
ကမ္ဘာမြေအတွက်
ရင်သွေးလေးတွေ မွေးပေးခဲ့မယ့်
မိခင်စိတ်ဓာတ်နဲ့
ခေါင်းအဖြတ်ခံခဲ့
တလင်းအလယ်ခေါင်
စည်းနှောင် ထောင်ထားခံခဲ့
နေပူပြင်းပြင်းမှာ
တဗျင်းဗျင်း အရိုက်ခံခဲ့
နှမ်းတလုံးထဲနဲ့ ဆီဖြစ်ခဲ့ပါတယ်။
ဖွားခနဲ ဖွားခနဲ ကျလာတဲ့
အနက်ရောင်
အနီရောင်
အဖြူရောင် ကလေးတွေ
သွေးမျက်ရည်ကြားက
အပြုံးနဲ့အားပေး
တိတ်တိတ်လေးခွဲခွာ
နွားစာစဉ်းခုံမှာ ပိုင်းပိုင်းပြတ်
အာဟာရဓာတ်အဖြစ်
ဇာတ်သိမ်းရအုံးမှာပါကွယ်။
၆.၇.၂၀၁၇
ည ၇း၂၁
....
ဆေးရုံ
နေခန့်(မလှိုင်)
သင်္ခါရတရားဟာ
သေမင်းနဲ့အတူ လတစင်းလို
သိမ်ငယ်နေတဲ့မျက်လုံးတွေကိုမှ
တွန်းတွန်းချနေကြ
တချို့က
ဗြဟ္မစိုရ်တရားကိုပွတ်သပ်ကြတယ်
တချို့က
သွေးစုတ်ဖုတ်ကောင်ဝင်စားကြတယ်
အဲဒီမှာ
မိန်းမတယောက်လိုကောက်ကြောင်းမလှဘူး...။
…
Comments
Post a Comment