သစ်ခက်သံလွင် ကဗျာစင်မြင့်၊ အာကာဦး၊ ရာမညမင်းငြိမ်းချမ်းနှင့် တေဇလင်းနည်းပညာတက္ကသိုလ်တို့၏ကဗျာများ

မအိပ်ဖြစ်တဲ့ည

 

www.artbylt.com

မိုက်တိမိုက်ကမ်း
လေပွေကြမ်းတော့
သစ်ရွက်ခြောက်တို့
ပဆစ်တုတ်ထိုင်ချလိုက်တယ်။

ငါနဲ့အနီးစပ်ဆုံးညဟာ
ဆေးလိပ်ပြာတွေခြွေချ
တမာရနံ့ကို မော့သောက်ကြ။

ဂျာမနီကနာဇီတွေ
ပါရီကပြည်သူတွေ
ဘာတစ္စတာနဲ့
ဖီဒဲကပ်စ်ထရို
မြို့မငြိမ်း
ရာဇသင်္ကြန်
ဝက်မစွပ်နဝဒေး
ကိုဗဟိန်း
ဗီယက်နမ်စစ်အကျဉ်းထောင်ထဲက
တောက်ပတဲ့အလင်းရောင်
ငါတို့ရဲ့စကားဝိုင်းကို
ဧည့်ခံထားတဲ့ည
လှလို့ကြွလို့။

ပီလွန်းတဲ့မြည်လွန်းတဲ့
ဂီတာကြိုးပေါ်က
လက်ချောင်းတွေရဲ့ခြေလှမ်း
ဇော်ဝမ်းရဲ့သင်္ကြန် တေးသံ
တို့နှုတ်ဖျားက လျှံကျလာတယ်။

အင်ပရက်ရှင်းနစ်အရောင်
နေရာအနှံ့ ပြန့်ကား
အနားတဝိုက်
အငိုက်မိသွားတဲ့ကွင်းပြင်။

အပျိုဖော်ဝင်စ
လ ရဲ့အလှ
အာဖရိကစိန်တွင်းတွေထဲထိုးကျတော့
ကိုယ်လက်မအီမသာ
ဖျားနာနေတဲ့အလုပ်သမားတွေ
ဆွတ်ပျံ့သွားသလိုမျိုး
ငါတို့ဟာ
အကြည်ဓာတ်နဲ့
ကဗျာ တွေအော်ရွတ်လိုက်ကြ
ဒီည
အိပ်ပစ်လိုက်ရမှာကိုက
စိတ်ခြောက်ချားစရာ။       ။
                              

အာကာဦး
၁၇.၁၁.၂၀၁၆

...

ဒီဧရိယာကိုရောက်လျှင် သေနတ်မောင်းတင်ထားပါ

www.metmuseum.org

  ဒီဧရိယာရောက်ရင်း
ခဏနား ရွာဆိုင်းဘုတ်ကိုဖတ်ကြည့်ပါ
သေချာတယ်
ခင်ဗျားရောက်နေတာထိန်းချုပ်နယ်မြေ
ယမ်းနံကိုရှူ
သေနတ်ကိုခေါင်းခုအိပ်ခဲ့ရ
မိသားစုရယ်လို့
သမုဒယနှောင်ကြိုးတွယ်တာဖို့အချိန်မရှိ
ဘယ်အချိန်သေမင်းကလာခေါ်မလဲ
သက္ကရာဇ်၂၀၁၀ ထိ
စစ်ကြောင်းရဲ့ပေါ်တာအန္တရာယ်
ယောက်ျားသားရယ်ကောင်းကောင်းမအိပ်ရဘူး
တောင်ကြားတောအုပ်ထဲပုန်း
စစ်ဆိုတာ ရေစစ်တောင်မကြားချင်ဘူး
ကျနော်စာသင်ချင်တယ်
လက်ချိုးရေတွက်ရတဲ့ပညာ
ပြည်ပကျွန်ဆိုတာ
ပုံစံခွက်ထဲကမထူးဆန်းတဲ့ပြဇာတ်
ဒီညလည်းအိပ်မက်သိပ်မကောင်းဘူး
သေနတ်မောင်းကိုအသင့်တင်ထားရမယ်။ ။

ရာမညမင်းငြိမ်းချမ်း 

.....

 စိုးရိမ်ရေမှတ်ပင်လယ်

Siempre es primavera

ပင်လယ်ဟာ …
ပင်လယ်ကြီးဖြစ်နေတဲ့အတွက်
စိတ်မချစရာကောင်းလာတယ်
ပင်လယ်ဟာ …
မဆန့်အင်္ဂါဝေဒနာကြီးကိုနှစ်ရှည်

လများ
မြိုချထားရရှာတယ်
ပင်လယ်ဟာ …
စီးသမျှရေကိုဆယ်နေတဲ့ကန်သင်း
လာသမျှရေကိုပေးနေရတဲ့ေ့မြာင်းလည်းဖြစ်တယ်
ပင်လယ်ဟာ …
အနီရောင်အဆင့်နဲ့ ရဲရင့်နေပေမယ့်
အနီရောင်အဆင့်ကြောင့်စိုးရိမ်ရေမှတ်ဖြစ်လာတယ်
ပင်လယ်ဟာ …
အစွယ်အပွားသူ့အနားတိမ်ကောသွားတဲ့မြစ်တွေနဲ့
သူကိုယ်တိုင်ရေတိမ်နစ်နိုင်တယ် ။ ။

တေဇလင်း  နည်းပညာတက္ကသိုလ်