သစ်ခက်သံလွင် ကဗျာစင်မြင့်၊ ကဗျာရှည်- ခင်ဇော်မိုးရဲ့ "သမိုင်းအရေးကို လှလှပပ ဆေးခြယ်သနိုင်တဲ့ လက်များ "

သမိုင်းအရေးကို လှလှပပ ဆေးခြယ်သနိုင်တဲ့ လက်များ 

Abstract Art

(၁)

အတ္တ​တွေပူးကပ်​​နေတဲ့ ပါးစပ်​​တွေက
တကိုယ်​​တော်​​ကောင်းစားမှု​တွက်​
အန်​ထုတ်​လိုက်​တဲ့ အ​တွေး​တွေ​
ပရမ်းပတာ ​မှောက်​ချလိုက်​တဲ့စကား​တွေ​ကြောင့်​
မ​ကျေချင်​ပဲ​ကျေရ
မ​သေချင်​လည်း သေရတဲ့ ဘ၀​တွေ
မြေပြင်​မှာ ကျွန်တော်တို့မြင်​သ​လောက်​မြင်​ရတယ်​
သမိုင်း​ဖတ်​စာအုပ်​ထဲကလို
မှတ်​သ​လောက်​လည်း မှတ်​လိုက်​ရ​တာရှိတယ်

ဖတ်​လိုက်​ရတဲ့ သတင်း​တွေ
မြင်​လိုက်​ရတဲ့ မြင်​ကွင်း​တွေ
မှတ်​လိုက်​ရတဲ့ အပြုသ​ဘော​တွေ
လွန်​ခဲ့တဲ့နှစ်​များစွာက
တချို့လူကြီးများရဲ့
အနှစ်​မပါတဲ့ ​ဗျည်း​တွေ
သတင်းစာ​ပေါ်က၊ တီ​ဗွီဖန်​သားပြင်​​ပေါ်က
မြင်ခဲ့ ဖတ်​ခဲ့ရတဲ့အ​ကြောင်​အရာများစွာ
ကျွန်တော်အားလုံးရဲ့ မှတ်​ဉာဏ်​ထဲမှာ
သံမှိုအဆုံးထိရိုက်​ထည့်​ထားသလိုပဲ
နှုတ်​မရခဲ့ဘူး
ဒါဟာ
ကျွန်တော်တို့အားလုံးဖတ်​ခဲ့ရတဲ့ သမိုင်းဘာသာရပ်​တခု

ပြောင်းလဲဖို့ ​ပြောင်းလဲဖို့ဆိုပြီး
သေနတ်​ပစ်​​နေတဲ့ ကြားမှာ
ဝါးမျိုခံရတဲ့ ပြည်​သူ​တွေသာ
များသထက်​များလာပြီး
သား​ပျောက်​တဲ့အ​မေ​တွေ
အ​မေ​ပျောက်​တဲ့သား​တွေ
ငြိမ်းချမ်း​​ရေးအစား အင်းအားများလာခဲ့

(၂)

ရှိတယ်​
စစ်​အာဏာစကား​အောက်​မှာ
နင်းပြားဖြစ်​ခဲ့ရတဲ့ ပြည်​သူ​တွေ
ရှိတယ်​
တာဝန်​ဆိုတဲ့ အဝတ်​ တစ်​စကို​ဗန်းပြ
နံပါတ်​စဉ်​တပ်​တဲ့ တုတ်​​​တွေ​အောက်​မှာ
မှောက်​ခဲ့ရတဲ့ပြည်​သူ​တွေ
ရှိတယ်​
လူတစစုရဲ့ အဆန်းအပြား
ဘီလူးကကွက်​​တွေ​အောက်​မှာ
ကျ​ပျောက်​ခဲ့ရတဲ့ ပြည်​သူ​တွေ
ရှိတယ်​
ရမ္မက်​ထ​နေတဲ့ အကြည့်​​တွေ​အောက်​မှာ
ဗွက်​ထသွားတဲ့ ​သွေးကွက်​ကြီး​တွေ
ရှိတယ်​
လောဘ​တွေ အ​တောမသတ်​နိုင်​တဲ့
လူ့​ဗာလတစချို့​ကြောင့်​
ရွာကိုပစ်​ အိမ်​ကိုစွန့်​လို့
စစ်​​ဘေးသင့်​ခဲ့ရတဲ့ ဒုက္ခသည်​ပြည်​သူ​တွေ
ရှိတယ်​
စာသင်​ခန်းကိုစွန့်​လို့ ဒုက္ခသည်​စခန်း​ရောက်​​နေရတဲ့
ကျောင်း​နေအရွယ်​ က​လေးငယ်​​တွေ
ရှိတယ်​
မတရားမှု​တွေ အချိန်​အခါမဲ့​ပေါက်​​နေတဲ့​တောမှာ
အမှန်​တရား​တွေ ချခင်းပြလို့
ပုဒ်​မတပ်​ပြီး အချူပ်​ခန်းထည့်​
စာမသင်​ရတဲ့ ​ကျောင်းသူ​ကျောင်းသား​တွေ
ရှ်ိတယ်​
ငြိမ်းချမ်း​ရေးကို ​လောက်​စာလုံးလုံးပြီး
အာဏာ​ရူး​​တွေ ပစ်​ချင်​တိုင်းပစ်​ခဲ့ခြင်း​တွေ

ရှိခဲ့ကြတယ်
တချို့
တချို့
ရှိနေတုန်းပါပဲ

မရှိတာဆိုလို့ ပြည်​သူ​တွေရဲ့ရယ်​သံချိုချိုတွေသာ
မျိုးတုန်းပျောက်​ကွယ်​​နေခြင်း​တွေ

နိုင်ငံတော်အလံရှေ့မှာ
ဒါတို့ပြည်၊ ဒါတို့မြေ ဆိုပြီး
နိုင်ငံတော်သီချင်းကို
အလေးပြု သီဆိုနေတဲ့
ကလေးငယ်တွေကိုပဲ
အားနာနေမိတာပါ

ငြိမ်းချမ်းရေးဟာ ဖမ်းဆုပ်မရတဲ့
တိမ်စိုင်၊ မြူငွေ့တွေလို
ငြိမ်းချမ်းရေဟာ
ရုပ်မြင်သံကြားလည်း မထုတ်လွင့်နိုင်သေး
ငြိမ်းချမ်းရေးဟာ လိုင်းဆွဲအားမကောင်းတဲ့
ခပ်ဝါးဝါး ရေဒီယိုလွင့်သံ

အားစိုက်နားထောင်နေတဲ့
ပန်းချီဆရာလက်ထဲက စုတ်တံတွေဟာ
မြေမှာလူးလွန့်နေတယ်
ရေးလက်စ ကဗျာကိုရပ်
ခေါင်းငှဲ့နားထောင်အပြီးမှာ
ကဗျာဆရာဆီက စကားလုံးတွေဟာ
မွေးရာပါ အက်ကြောင်းတွေအထင်းသားနဲ့

ဒါ​ပေမဲ့ ​ခေတ်​ကိုအပြစ်မတင်​ချင်​ပါဘူး
အဲ့ဒီအဖြစ်​အပျက်​​တွေကို
အကွက်​ချဖန်​​ခဲ့ပြီး
ရမ္မက်​ထနေတဲ့​ တချို့လူကြီးမင်းများဆိုတာကိုပဲ
အဆိုးရွားဆုံး မုန်းပါတယ်

 ​

(၃)

ရှိခဲ့ကြတယ်

အတိတ်ဟာ ငယ်ချစ်ဦးလိုမို့
မေ့ဖို့ခက်တယ်
ရိဆွေးမသွားတဲ့
နှလုံးသားထဲမှာ သံမဏိတံဆိပ်တွေ
ခတ်နှိပ်ခံခဲ့ရ

ထောင်​နဲ့​ကျောပြင်​ ဘယ်​သူ​နှောချင်​​ရောချင်​ပါ့မလဲ
အငတ်​ငတ်​အပြတ်​ပြတ်​နဲ့
ဟင်းတစ်​ခွက်​အဖြစ်​ ​ထောင်​ထဲကရွက်​လှပင်​ကို
ဘယ်​သူခူးချက်​ချင်​မလဲ

ယိမ်းယိုင်​ချိနဲ့​နေတဲ့ တိုင်းပြည်​ကို
ဘဝနဲ့ရင်းပြီး
ကျားကန်​​ပေးခဲ့ကြသူတွေ
နိုင်​ငံ့အ​ရေးတွက်​ သူတို့တ​တွေက
မိသားစု​တွေကိုလည်း မငဲ့ကွက်​ခဲ့ကြဘူး

သူတို့တတွေဟာ
စင်စစ် နိုင်ငံ့အရေးကိုသာ
အလေးထားတဲ့
ပြည်ချစ်သား မျိူးချစ်များပေါ့

ညသန်း​ခေါင်း​ကျော်​ ​ထောင်​တံခါးဖွင့်​သံ​တွေကြားတိုင်း
ဘယ်​သူအလှည့်​ကျမလဲဆိုတဲ့အ​တွေးနဲ့
ခလုတ်​ဆွဲသံ​တွေကြားမှာ
သူတို့တ​တွေ
ရင်​တဒိန်းဒိန်းခုန်​ခဲ့ကြဖူးသတဲ့

နာကျင်မှု​တွေလိမ့်​ဆင်းလာတိုင်း လက်​သီးရိုင်း​တွေနဲ့
နံရံကိုသာ လက်​မှတ်​ထိုးခဲ့ကြဖူးသတဲ့
အဲ့ဒီအဖြစ်​​တွေကြားမှာ
ရင်​ကွဲနာကျသွားတဲ့
အ​မေ​ပေါင်းများစွာ
ဖရိုဖရဲနဲ့ ဘဝပျက်​သွားတဲ့
ဇနီးနဲ့သားသမီး​ပေါင်းများစွာ
ကျိူးပဲ့သွားတဲ့
မိသားစု​ပေါင်းများစွာ
ရှိခဲ့ကြတယ်

(၄)

တိုင်းပြည်ရဲ့သယံဇာတဟူသမျှနဲ့
သူတို့အတ္တတွေကို
ပထမ လူမသိသူမသိ
ထိမ်းမြှားလက်ထပ်လိုက်ကြ
ပြီးတော့...
ပြည်တန်ဆာလိုအသုံးချလိုက်ကြတယ်
ရိက္ခာအတွက်​ သိက္ခာလည်းမငဲ့ကွက်​နိုင်​တဲ့
ဓားချက်​​တွေကြောင့်
ကမ္ဘာ့အလယ်​မှာ
ကျွန်တော်တို့တတွေ
မျက်​နှာမပြရဲ​အောင်​ ရှက်​ရပါတယ်

မြန်မာပြည်ဟာ
ဓားလှီးမုန့်လို မြင်ခံခဲ့ရတယ်
ဓားလှီးမုန့်လို ဖြစ်ခဲ့ရတယ်

ကျွန်တော်တို့ ဘယ်သူ့ကိုအပြစ်တင်ရပ
ဘယ်သူ့ကို နားကျည်းလိုက်ရပ
ဖဲ့ရောင်းစားရက်တဲ့
ခွက်ပျောက်သူတောင်းစားများကိုပဲ
ရင်ဘတ်ကြီးနင့်နေအောင် မုန်းမိပါတယ်

ကျွန်တော် ပြည်သူတယောက်ပါ

ဟိုးအစွန်​အဖျား​တွေက
နောင်​မွန်​ဆိုတာလည်း ချစ်​ဖို့​ကောင်းတယ်​
ကော့​သောင်းဆိုတာလည်း ချစ်​ဖို့​ကောင်းတယ်​
မောင်း​တောမှာ အ​ရေးအခင်းဖြစ်​လည်း
မိုင်း​ယောင်းမှာ ဖြစ်​သလို
ကျွန်တော်တို့တတွေ ခံစားနာကျင်​ရတယ်​
ကျွန်တော်တို့စကားသံတွေ ဝဲချင်ဝ၀ဲမယ်​
ကွဲချင်​ကွဲမယ်​
ဒါ​ပေမဲ့​ နှလုံးသား​တွေဟာ တ​သွေးတသားတည်းဆိုတာ
ပင်​လုံက သက်​​သေ

ကျွန်တော်တို့အားလုံးရဲ့လက်တွေဟာ
သမိုင်းကို လှလှပပဆေးခြယ်သနိုင်တဲ့
လက်တွေ

အတိတ်​​ဆိုတာ
ပစ္စုန်​ပ္ပန်​ရဲ့သားချင်း
ကောင်းခြင်း ဆိုးခြင်းမှန်​သမျှဟာ
မြစ်​ ချောင်း​တွေလို ​တိမ်​​ကောမသွားဘူး
ခြေရာ​ကောက်​လို့ရတယ်​

ဒါ​ကြောင့်​မို့
ဒီ​နေ့ဟာ ​မနက်​ဖြန်​ရဲ့​ကောင်း​သောသမိုင်းအတိတ်​ဖြစ်​ဖို့ဆိုရင်
ကျွန်တော်တို့တတွေ ပစ္စုန်​ပ္ပန်​ကို
လှလှပပ ခင်းကျင်းကြရလိမ့်မယ်

အ​ရှေ့ရပ်​ဝန်းမှာလည်း
ရွှေအို​ရောင်​အဆင်း​တွေ လင်းသထက်​လင်းလို့
ပြည်​သူ​တွေဆီ ခင်းကျင်း​ပေးနေပြီး
ငြိမ်းချမ်း​ရေး ချိုးကူသံ​တွေလည်း ကြားရပြီ

အတိတ်​က အရိပ်​မည်း​တွေထင်​ဟပ်​​နေတဲ့
ကျွန်တော်တို့ပြည်တွင်းက
အာဏာစက်​အဆိပ်​ပင်​​တွေနဲ့
အမျိုးအမည်​မသိတဲ့ ​ပေါင်းပင်​ဟူသမျှကိုလည်း
ဆက်​လက်​ပြန့်​ပွားခြင်းမရှိ​အောင်​
ကျွန်တော်တို့တတွေ
တက်​ညီလက်​ညီ ရိမ်းသိမ်းကြဖို့ပဲလိုတယ်။  ။

ခင်ဇော်မိုး