Saturday, November 26, 2016

Mimi Thaw

သစ်ခက်သံလွင်၊ ကမ္ဘာတခွင်မြင်ကွင်း- ငြိမ်းချမ်းအောင်၏ "ဖင်လန်နိုင်ငံမှာ ကလေးမွေးစားခြင်း"



သမီးရေ 

(ဖင်လန်နိုင်ငံမှာ ကလေးမွေးစားခြင်း)

ငြိမ်းချမ်းအောင်

ငြိမ်းချမ်းအောင် ဖေ့ဘွတ်မှ...
 
ဒီနေ့ ဖေဖေ ပြောချင်တာက ကလေးတွေ မွေးစားချင်တိုင်း မွေးစားလို့ မရတဲ့ ဥပဒေကွဲ့။
-
သမီးသိတဲ့အတိုင်း ဖင်လန်နိုင်ငံမှာက လူမှုထောက်ပံ့ရေးတွေ၊ လူသားချင်းစာနာတဲ့ အထောက်အပံ့တွေက တအားများတော့ ကောင်းကောင်းမွန်မွန်သာ နေ၊ တသက်လုံး အလုပ်အလုပ်မလုပ်တောင် အစိုးရက ကျန်းမာရေး၊ ပညာရေး၊ နောက်ဆုံး ကုန်ကုန် ပြောရင် သေတဲ့အထိတောင် တာဝန်ယူထားတာပဲလေ။
-
လူတွေပဲ သမီးရယ် အာဖရိကမှာ ငတ်ရင် ကလေးတွေကို မွေးစားချင်တယ်၊ စောင့်ရှောက်ချင်တယ်၊ ဗမာပြည်မှာ စစ်ပွဲတွေဖြစ်လို့ မိဘမဲ့တွေ တွေ့ရင် အကုန်လုံး ခေါ်ချင်တာပေါ့။
-
ဖင်လန်နိုင်ငံက အစိုးရက ဘယ်နိုင်ငံက ကလေးကိုဖြစ်ဖြစ်၊ ကလေးတယောက်ကို မွေးစားရင် အသွားအပြန်လေယာဉ်စရိတ်၊ ရှေ့နေ ကုန်ကျစရိတ်တွေ၊ ကလေးဖင်လန်နိုင်ငံကို ရောက်လာရင် အစဦး တည်ဆောက်ပေးဖို့အတွက် ကူညီမှုတွေပါ ပေးမယ်လို့ ကတိပေးထားတယ်၊ တရားဥပဒေတွေနဲ့လည်း ပြဋ္ဌာန်းထားတာလည်း ရှိတယ်။
-
ဒါပေမဲ့ ကလေးတယောက်ကို မွေးစားရင် ဖင်လန်နိုင်ငံက ပြဋ္ဌာန်းထားသော ကလေးကာကွယ်စောင့်ရှောက်ရေးနဲ့ ကလေးအခွင့်အရေးများ အားလုံး၊ အမွေဥပဒေအားလုံးက လိုက်နာရပါမည်ဆိုတဲ့ အချက်တွေကလည်း သဘောတူရတယ်။
-
နောက်တချက်ကတော့ ကလေးမွေးစားမဲ့ မိဘတွေဟာ ကလေးတွေကို ပြုစုစောင့်ရှောက်ဖို့ စီးပွားရေးအရ လုံလောက်သော ၀င်ငွေ၊ အတတ်ပညာ ရှိပါရဲ့လားဆိုတဲ့ လူမှုရေးဌာနကို တင်ပြရမဲ့ အချက်အလက်တွေ မပြည့်စုံတော့ ဖင်လန်နိုင်ငံမှာ ကလေးမွေးစားမှုနှုန်းက တော်တော် နည်းသွားတာပေါ့ကွယ်။
-
တရားဥပဒေက ဒီလို သမီးရဲ့။
-
မေတ္တာသပ်သပ်၊ ခဏတဖြုတ် သနားတဲ့ စိတ်ကို အခြေခံပြီး ကလေးမွေးစားမှုကို ခွင့်ပြုလိုက်ရင် အလုပ်လက်မဲ့ ထောက်ပံ့ကြေးကို ၆ လလောက် စုလိုက်၊ လေယာဉ်လက်မှတ်ဝယ် ကလေးသွားခေါ်၊ ကလေးထောက်ပံ့ကြေးနဲ့ပါ ကိုယ်ကျိုးရှာမဲ့သူတွေ မရှိဘူးလို့ ပြောရတာ မဟုတ်တော့ တရားဥပဒေနဲ့ ကာကွယ်တာပေါ့ကွယ်။
-
၁။ ကလေးမွေးစားမည့်သူများသည် အိမ်ပိုင်၊ သို့မဟုတ် အခန်းပိုင် ရှိရမည်။
၂။ ကလေးမွေးစားမည့်သူများသည် အလုပ်အကိုင် အတည်တကျ ရှိရမည်။ အသက်မွေးဝမ်းကျောင်းဟု သတ်မှတ်ထားသော ပညာရပ်များကို တတ်ကျွမ်းရည်။
၃ ။ ကလေးမွေးစားမည့် သူများသည် ရာဇ၀တ်မှုကျူးလွန်သူများ မဖြစ်စေရ။
၎။ မွေးစားသည့် ကလေးအား မိမိရင်မှ ဖြစ်သော သားသမီးကဲ့သို့ တသက်လုံး မသေမချင်း စောင့်ရှောက်ရမည်တဲ့။
-
ဒါပါပဲ သမီးရယ် လူတယောက်ကို မွေးစားမယ်၊ ကလေးတယောက်ကို မွေးစားမယ်ဆိုရင် ဖင်လန်နိုင်ငံမှာတော့ ငါတော့ ဒီကလေးကို မွေးစားလိုက်ပြီ ဆိုပြီး လွယ်လွယ်ပြောလို့ မရဘူးလေ။
-
တကယ်တာဝန်ယူနိုင်မှ
တကယ်စောင့်ရှောက်နိုင်မှ သေသေချာချာ စဉ်းစားပြီးမှ တရားဥပဒေတွေကို လိုက်နာနိုင်မှ မွေးစားခွင့် ပေးတယ်လေ။
-
သမီးရေ ပညာကိုသာကြိုးစားသင်ပါကွယ် - ဖင်လန်နိုင်ငံမှာက အားလုံးက တရားဥပဒေတွေနဲ့ ပြဌာန်းထားပြီး၊ တရားဥပဒေတွေကလည်း ခိုင်မာတော့ ပညာမရှိရင် လူမဖြစ်ဘူးပေါ့ သမီးရယ်။
-
တတ်ယောင်ကားနဲ့ ဟိုပြော ဒီပြော ဆရာကြီးလုပ်ချင်တဲ့သူတွေကိုလည်း အခြေအနေပေးရင် စစ်ဆေးကုသပေးနိုင်တဲ့ စိတ်ပညာ အထူးကုဆရာဝန်ကြီး ဖြစ်အောင် ကြိုးစားနိုင်ရင်တော့ ဗမာပြည်ကို ပိုပြီး ကူညီနိုင်မယ်လို့ ထင်တာပဲ သမီးရယ်။
-
အောက်မှာ ဖော်ပြထားတဲ့ ဓာတ်ပုံကတော့ ကလေးတယောက်ကို မွေးစားမယ်ဆိုရင် အက်စတိုးနီးယား အနီးဆုံး နိုင်ငံက သွားခေါ်ပြီး မွေးစားမယ်ဆိုရင် ယူရို ၁၉၀၀ အနည်းဆုံး အစိုးရက ကူညီတယ်။ ကျန်တဲ့ နိုင်ငံတွေကဆိုရင်တော့ အနည်းဆုံး ယူရို ၃၀၀၀ ကူညီပါတယ်။ ဒါပေမဲ့ အမှု့တခုချင်း၊ ကလေးတယောက်ချင်းပေါ် လိုက်ပြီး ငွေကြေးကူညီမှုပမာဏက မြင့်တက်သွားပါတယ်။

ငြိမ်းချမ်းအောင်