သစ်ခက်သံလွင်၊ ဘဝဖြတ်သန်းမှုမှတ်တမ်းများ၊ စိုးလွင်(၂၁၁)(ဝမ်ခ) ရဲ့ ကြမ်းကြမ်းတမ်းတမ်း ဘဝလမ်းများ-၈၈ (ဓား ဓားချင်း လှံ လှံချင်းယှဉ်​မယ်​ဆိုလို့-၁)

 ကြမ်းကြမ်းတမ်းတမ်း ဘ၀လမ်းများ-၈၈..

၁၉၈၈ -ပြည်သူ့အရေးတော်ပုံနောက်ပိုင်းကာလ စစ်​အာဏရှင်​စနစ်​ အဆုံးတိုင်ပျက်သုဉ်းချုပ်ငြိမ်းရေး​အတွက် တိုက်ပွဲဝင်ခဲ့ကြတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (မ.က.ဒ.တ) ရဲ့ တော်​လှန်​​ရေးခရီးလမ်းတလျှောက် ကျနော်ပါဝင်ခဲ့ရာ (၁၉၈၈-၁၉၉၄) ကာလ ​ကိုယ်တွေ့ကြုံဆုံခဲ့ရမှုများ ကို ကျနော်နဲ့အတူ သက်စွန့်ဆံဖျားတိုက်​ပွဲဝင်​ခဲ့ကြတဲ့ ရဲ​ဘော်​သူငယ်​ချင်း​များအား အမှတ်​ရဂုဏ်​ပြုခြင်းအဖြစ်​​သော်​လည်း​ကောင်း၊ နောင်​ မြန်မာ့လူ့ဘောင်အဖွဲ့အစည်းက လူငယ်​မျိုးဆက်​သစ်​များ​ သိရှိလေ့လာနိုင်​ရန်​အတွက်​သော်လည်းကောင်း..သစ်​ခက်​သံလွင်​အွန်လိုင်းမှ တဆင့်​ ​ရေးသားတင်​ဆက်​လိုက်​ပါသည်​။

စိုးလွင်​
(၂၁၁) (၀မ်​ခ)

ဒီဇိုင်းမိုးမခ

ဓား ဓားချင်း …လှံ လှံချင်း ယှဉ်​မယ်​ဆိုလို့

၁၉၈၈ မှာ ကျ​နော်​တို့သူငယ်​ချင်းတစု ​တောခိုဖြစ်​ပုံ​လေး မ​ရေးခင်​ ကျ​နော်​နိုင်​ငံ​ရေးနဲ့ နီးစပ်​ပုံ စိတ်​၀င်​စားပုံကို အရင်​​ရေးပါရ​စေ။

၁၉၈၁ မှာ ကျ​နော်​ ဆယ်​တန်း​အောင်​​တော့ သိပ္ပံသချာင်္တွဲနဲ့ ​မော်​လမြိုင်​​ဒေသ​ကောလိပ်​(​ရွှေ​တောင်​ရပ်​) မှာ ​ကျောင်းတက်​ရတယ်​။ တရက်​ July လ ၆ ရက်​​နေ့ ည​နေဘက်​​ကျောင်းလွှတ်​​တော့ ကျောင်းဝမှာ ရှိတဲ့ ​ကြေညာဘုတ်​မှာ ​"မနက်​ဖန်​ 7 July မ​မေ့နဲ့" လို့​ရေးထားတာ ​တွေ့လိုက်​ရတယ်​။ ဘယ်​​ကျောင်း သား​ရေးသွားမှန်းလည်း မသိဘူး၊ ကျ​နော်​ စဉ်းစားပြီပေါ့။

ဒီ​နေ့က 6 July..မနက်​ဖန်​က 7 July..​အေး​လေး မှန်​တာ​ပေါ့။ အဲတာကို အ​ထွေအထူးလုပ်​ပြီး ​ရေးစရာ လားလို့​ တွေးမိခဲ့တယ်​။ (​ရေးတဲ့သူက 1962 ခုနှစ်​ 7 July ​နေ့မှာ ​ကျောင်းသားသမဂ္ဂကို ဗုံးခွဲခဲ့တာကို မ​မေ့ဖို့​ရေးခဲ့တာ။  ဒါကို နိုင်​ငံ​ရေး ဘာမှနားမလည်​တဲ့ကျ​နော်​ တောခိုပြီးမှပဲ သိ​တော့တယ်​)
ကျောင်းပြီး​တော့ ဘားအံ မြိုင်​က​လေး ဘိလပ်​​မြေစက်​ရုံ ဘဏ္ဍာရေးဌာနမှာ အလုပ်​သွားလုပ်​တယ်။ရတဲ့လခ​လေးနဲ့ ​လောက်​ငှ​အောင်​သုံး​နေရတဲ့အပြင်​ အရက်​က​လေးပါ​သောက်​တတ်​​တော့ မိဘကို​ထောက်​ပံ့ဖို့ မ​ပြောနဲ့ အိမ်​က ပြန်​မ​တောင်းမိ​အောင်​​တောင်​ မနည်းကြိုးစား​နေရတယ်​။
ဒီလိုနဲ့ ​ပေ​ပေ​တေ​တေ​နေရင်း ၁၉၈၈ အ​ရေးအခင်းကြီး ဖြစ်​လာ​ရော​ပေါ့ဗျာ။

ကျ​နော်​တို့လည်း ညဆိုရင်​ ​အိမ်​​ဘေးလက်ဖက်​ရည်​ဆိုင်​ကဖွင့်​တဲ့ ဘီဘီစီတို့ ဗွီအိုအေ တို့ကသတင်း​တွေ နား​ထောင်​​ပေါ့။ လုံထိန်း​တွေကပစ်​လို့ စစ်​တပ်​ကပစ်​လို့ ပြည်​သူ​တွေ​သေ​ကြေ ဒဏ်​ရာရတယ်​လို့ သတင်းကြားရင်​ ​ဒေါသ​တွေဖြစ်​ကြ​ပေါ့။

ဒီလိုနဲ့​နေကြရင်း​ တရက်​ညဘက်​ သတင်းနား​ထောင်​​နေချိန်​မှာ ကျ​နော်​တို့အိမ်​နဲ့ တအိမ်​​ကျော်​မှာ​နေတဲ့ G.T.I ​ကျောင်းဆင်း ၃ ​ယောက်​ ကျ​နော်​တို့ဆီ​ရောက်​လာတယ်​။ သူတို့​ပြောပြလို့ သူတို့​ ၃ ​ယောက်​ အရက်​ဆိုင်​မှာ အရက်​​သောက်​​နေတုန်း တဖက်​၀ိုင်းမှာ​သောက်​​နေတဲ့ လုံထိန်း ၆ ​ယောက်​​လောက်​က ရန်​စထိုးလွှတ်​လိုက်​​ကြောင်း သိရတယ်​။ သတင်းနား​ထောင်​​နေရင်း လုံထိန်း​တွေကို မ​ကြေမနပ်​ဖြစ်​​နေတဲ့ ကျ​နော်​တို့​တွေ ​ပေါက်​ကွဲပြီ​ပေါ့။

ကျ​နော်​တို့​တွေလည်း လက်ဖက်​ရည်​ဆိုင်​ထဲကထွက်​လာပြီး ကျ​နော်​တို့အိမ်​​ရှေ့မှာ စုလိုက်​ကြတယ်​။ ပြဿနာရဲ့အ​သေးစိတ်​ကို ​မေးမြန်း​နေတုန်းမှာပဲ အိမ်​​ပေါ်ကိုတက်​သွားတဲ့ ကိုသန်းစိုး(ခ)ကိုဘိန်းက ပြန်​​ရောက်​လာပြီး ယူလာတဲ့ ဓားတွေကို တ​ယောက်​တ​ချောင်းလိုက်​​ဝေတယ်​။ အမှုကြီးမှာစိုးလို့ ကျ​နော်​လည်း ကိုဘိန်းကိုတားပြီး ဓား​တွေ လိုက်​ပြန်​သိမ်းရတယ်​။ ဒါနဲ့ ကိုဘိန်းလည်း နောက်​တ​ခေါက်​ အိမ်​​ပေါ်ပြန်​တက်​ အရက်​ပုလင်းလွတ်​​တွေယူချလာပြီး တ​ယောက်​တလုံးလိုက်​​ဝေပြန်​တယ်။

(ကျ​နော်​တို့အိမ်​ကလည်း အရက်​ သောက်​သလားမ​မေးနဲ့၊ ပုလင်း​တွေ များလွန်းလို့ အရက်​ပုန်းဆိုင်​က​တောင်​ ပုလင်းနဲ့အရက်​ အလဲအလှယ်​လုပ်​ဖို့ လာညှိရတဲ့အထိ)။ ဓားထက်​စာရင်​ ပုလင်း​တော့ မဆိုးလှ ဘူးဆိုပြီး ကျ​နော်​လည်း တလုံးယူထားလိုက်​ပြီး ခါးမှာထိုးထား လိုက်​တယ်​။ ပြဿနာကို မကြီးထွား​စေ ချင်​လို့ (ကျ​နော်​က လစာထုတ်​ဖို့ တလတခါ ဘဏ်​ကိုသွား​နေရ​တော့ လုံခြုံ​ရေးလိုက်​ရတဲ့ လုံထိန်း​တော်​​တော်​များများနဲ့ ကျ​နော်​က သိ​နေတယ်​)။ ကျ​နော်​နဲ့အတူအ​ဖော်​အဖြစ်​ ​မောင်​​မောင်​(R.I.T)ကို​ခေါ်ပြီး အရက်​ဆိုင်​ရှိရာကိုနှစ်​​ယောက်​သာ အရင်​ဆုံးထွက်​လာခဲ့လိုက်​တယ်​။

အရက်​ဆိုင်​မ​ရောက်​ခင်​ ​ညောင်​ပင်​တပင်​​အောက်​မှာ အငြင်းအခုံဖြစ်​​နေကြတဲ့ လုံထိန်း ၆ ​ယောက်​​လောက်​ကို​တွေ့လိုက်​ချိန်​မှာပဲ သူတို့ထဲကတ​ယောက်​က ထွက်​လာပြီး" အကို ဘဏ္ဍာရေးက မဟုတ်​လား" လို့​မေးလာလို့..ဟုတ်​တယ်​ဆိုတဲ့အ​ကြောင်း ​ဖြေပြီး ဘယ်​လိုပြဿနာဖြစ်​ရလဲဆိုတာ ​မေး​နေမိတယ်​။

ဒီအချိန်​မှာပဲ အ​နောက်​ကလိုက်​လာတဲ့ ကျ​နော်​တို့အုပ်​စုထဲက ကိုဘိန်းက.."​ဟေ့​ကောင်​​တွေ မင်းတို့က ဘာ​ကောင်​​တွေလဲ"လို့ လုံထိန်း​တွေကို​မေးလိုက်​​တော့.."လုံထိန်းကွ"လို့​ဖြေသံလဲကြား​ရော..ကိုဘိန်း လဲ ​ဖြေတဲ့လုံထိန်းကို ပါလာတဲ့ပုလင်းနဲ့ရိုက်​ချလိုက်​ပါ​လေ​ရော။

ကိုဘိန်းနဲ့ပါလာတဲ့ ကျ​နော်​တို့အုပ်​စု​တွေလည်း ကျန်​တဲ့လုံထိန်း​တွေကို လိုက်​ရိုက်​​တော့ လုံထိန်း​တွေလည်း ထွက်​​ပြေးကြတာ​ပေါ့။ ဒီလိုဖြစ်​​နေတာကို ကျ​နော်​နဲ့စကား​ပြော​နေတဲ့လုံထိန်းက လှည့်ကြည့်​​နေတုန်း ဖြစ်​မှ​တော့ မထူး​တော့ဘူးဆိုပြီး ကျ​နော်​လည်း လှည့်ကြည့်​​နေတဲ့လုံထိန်းကို ခါးကြားကပုလင်းထုတ်​ပြီး ရိုက်​ချလိုက်​​တော့တယ်​။

(အဲဒီတုန်းက​တော့ လုံထိန်း​တွေကို စိတ်​နာလို့သာ ရိုက်​လိုက်​ရတယ်​။ အခု​တော့ ပြန်​​တွေးတိုင်း စိတ်​မ​ကောင်း)

နောက်​​တော့ ​ကိုယ့်​အချင်းချင်းလည်းထိန်း..​ဘေးနားက​ရောက်​လာတဲ့ စက်​ရုံဝန်​ထမ်း​တွေလည်း ထိန်း ကြနဲ့ ပွဲကပြီးသွား​ရောဆိုပါ​တော့။

ကြေနပ်​စွာနဲ့ပြန်​လာတဲ့ကျ​နော်​တို့တ​တွေ လမ်းတ၀က်​​ရောက်​​တော့ မျက်​ကလဲဆန်​ပြာဖြစ်​ရ​ရော။ ဘာ​ကြောင့်​ဆို ကျ​နော်​တို့အုပ်​စုထဲက မျိုးလွင်​ရဲ့ရင်​ဘတ်​မှာ ​သွေး​တွေရွဲ​နေတာ ​တွေ့ရလို့ပဲ။

ဘာဖြစ်​တာလဲလို့ မျိုးလွင်​ကို​မေးကြည့်​​တော့ ပြဿနာဖြစ်​တဲ့အချိန်​မှာ သူ့ရင်​ဘတ်​ကို စူးခနဲဖြစ်​လိုက်​တာပဲသိလိုက်​တယ်​တဲ့။ လုံထိန်းများ ဓားနဲ့ထိုးသွားသလားလို့ စိုးရိမ်းလို့ အိမ်​အမြန်​ပြန်​ပြီး ဒဏ်​ရာကိုကြည့်​ လိုက်​​တော့...​သေခြင်းဆိုး..ကိုဘိန်း ရိုက်​လိုက်​တဲ့ ပုလင်းကွဲအစ​လေးက သူ့ရင်​ဘတ်​ကို ထိမိသွားတာကိုး။ အဲဒီ​တော့မှ ကျ​နော်​တို့လဲ ပြုံးနိုင်​​တော့တယ်​။

ကျ​နော်​တို့လဲ ညတွင်းချင်းပဲ ပြဿနာဖြစ်​တဲ့အ​ကြောင်းကို စက်​ရုံမှူး မန်းချစ်​​ဌေးခိုင်​(အာဇာနည်​ မန်​ဘခိုင်​၏သား)ကို သွားတိုင်းလိုက်​တယ်​။ နောက်​​နေ့ကြ​တော့ ပြဿနာဖြစ်​တဲ့လုံထိန်း​တွေ ကွာတားကျ ကုန်​​ရော။ ​ပြောသာ​ပြောရတယ်​ ကိုယ်​​တွေလည်း သူတို့ကို​ကြောက်​​နေရတယ်​..သူတို့လုံထိန်းဘန်​ကာ တလုံးက ကျ​နော်​တို့အိမ်​​ခေါင်းရင်​ ကိုက်​ ၂၀ ​လောက်​မှာ ရှိ​နေတာကိုး။

သူတို့အိမ်​​ခေါင်းရင်​က ​သေနတ်​နဲ့လာပစ်​ရင်​ သက်​သာ​အောင်​ဆိုပြီး ပြဿနာဖြစ်​တဲ့ညကစပြီး ကျ​နော်​ဆို အ၀တ်​အစားအိတ်​ကို ​ခေါင်းရင်​မှာ ထားထားအိပ်​တယ်​။

(​သက်​သာလို့သက်​သာညားပေါ့..ဒီအ​ကြောင်း ပြန်​စဉ်းစားတိုင်း ရီမိတယ်​)...
ဒီလိုနဲ့​နေကြရင်း တနိုင်​ငံလုံးအ​ရေးအခင်း​တွေဖြစ်​ပြီး မြို့တိုင်းရွာတိုင်းမှာ သပိတ်​စခန်း​တွေဖြစ်​လာကြ တယ်​။ ဒါ​ပေမဲ့ ကရင်​ပြည်​နယ်​ရဲ့ မြို့​တော်​ဖြစ်​တဲ့ ဘားအံမြို့မှာ​တော့ သပိတ်​စခန်း​တွေ မဖြစ်​​သေးဘူး။ နိုင်​ငံ​ရေးစိတ်​မ၀င်​စားတဲ့ ကျ​နော်​တို့တ​တွေလည်း ဘားအံမှာ သပိတ်​စခန်းဖြစ်​မဖြစ်​ စိတ်​မ၀င်​စားဘဲ ကိုယ့်​ဟာကို အလုပ်​က​လေးသွားလိုက်​ အရက်​က​လေး​သောက်​လိုက်​နဲ့ ​နေကြတာ​ပေါ့။
တရက်​ ​…နေလည့်​ထမင်းစားချိန်​ ရုံးကပြန်​လာတဲ့ကျ​နော်​ အိမ်​မှာ လူစုစုနဲ့တိုးတိုးတိတ်​တိတ်​လုပ်​နေ ကြတာ​တွေ့လို့ ဘာလုပ်​​နေကြတာလဲလို့ ကိုခင်​​အောင်​သန့်​(ခ)ဖိုးချိကို​မေးကြည့်​​တော့ ဘားအံက​နေ စက်​ရုံကို အလုပ်​ဆင်း​နေတဲ့ G.T.I ​ကျောင်းဆင်းတ​ယောက်​ အိမ်​ကို ရောက်​လာသတဲ့။ တနိုင်​ငံလုံး သပိတ်​စခန်း​တွေဖြစ်​​နေပြီ။ သူ​နေတဲ့မြို့ဘားအံမှာ သပိတ်​စခန်းမဖြစ်​​သေးတာ သူရှက်​တယ်​တဲ့။

ဒါနဲ့ ဖိုးချိုကလည်း မင်း သပိတ်​စခန်းဖြစ်​ချင်​ရင်​ ဆန္ဒပြမှရမယ်​။ ဆန္ဒပြတဲ့အခါမှာ ​ကြွေး​ကြော်​သံဆိုင်း​ဘုတ်​​တွေအတွက်​ ဖျာကြမ်း​တွေဝယ်​ရမယ်​လို့ ​ပြောလိုက်​​တော့ (အမှန်​​တော..မဝယ်နိုင်​ဘူးထင်​ပြီး ဖြစ်​ကတတ်​ဆန်း ​ပြောလိုက်​တာ)..ဟိုလူကလည်း ချက်​ချင်းသွားဝယ်​လာလို့ မငြင်းနိုင်​​တော့ဘဲ သပိတ်​​မှောက်​ဖို့ အလုပ်​ရှုတ်​​နေကြတာ။

ကျ​နော့်​ကိုလည်း ရုံးက​နေ A4 ဆိုဒ်​စာရွက်​​တွေ ယူလာဖို့​ပြောလို့ ည​နေရုံးဆင်းချိန်​ ယူသွား​ပေးပြီး သူတို့ကို ၀ိုင်းကူရ​သေးတယ်​။ နိုင်​ငံ​ရေးရည်​ရွယ်​ချက်​အခံလည်း ဟုတ်​တိပတ်​တိမရှိကြ​တော့ သပိတ်​​မှောက်​ဖို့ ပစ္စည်း​တွေ ပြင်​ဆင်​ပြီးသွား​ပေမဲ့လည်း ဘယ်​​နေ့ဘယ်​အချိန်​ ဘယ်​​နေရာမှာ လုပ်​မယ်​ဆိုတာ မဆုံးဖြတ်နိုင်​ဘဲ ရက်​​တွေကြာ​အောင်​ အီလည်​လည်​ဖြစ်​​နေကြတယ်​။ ဒီကြားထဲ ဘယ်​​ကောင်​က အတို့အ​ထောင်​သွားလုပ်​လိုက်​လည်း မသိဘူး ဝန်​ထမ်းအိမ်​ယာတာဝန်​ခံဖြစ်​တဲ့ ဗိုလ်​ကြီးဝင်းနိုင်​(လက်​​ထောက်​စက်​ရုံမှူး ​ထွေ/စီ) ကျ​နော်​တို့အိမ်​​ဘေးက လက်ဖက်​ရည်​ဆိုင်​ကို​ရောက်​လာပြီး ကျ​နော့်​ကို​ခေါ်​တွေ့တယ်​..

"မင်းတို့အိမ်​က သပိတ်​​မှောက်​ဖို့ လုပ်​​နေကြတယ်​ဆို" ပြီး ​မေးလာလို့ ".ကျ​နော်​တို့အိမ်​အ​ခြေအ​နေလည်း ဗိုလ်​ကြီးသိသားနဲ့ လုပ်​ပါ့မလား" လို့ လိမ်​လိုက်​​တော့.(လူပျိုဘွဲ့ရ​တွေကြီးပဲစု​နေတဲ့ကျ​နော်​တို့ အိမ်​မှာ..အရက်ဝိုင်း၊ ဖဲဝိုင်း၊ ​ဆေး​ခြောက်ဝိုင်း ​နေ့တိုင်း​လောက်​ရှိ​နေတာ စက်​ရုံးတခုလုံးသိ လူကြီးပိုင်း လည်း သိ​ပေမဲ့ ခွင့်​လွတ်​ထားတာ။ ဒီလိုလူမျိုး​တွေက သပိတ်​​မှောက်​မယ်​လို့ ဘယ်​သူထင်​မှာတုန်း)

ဗိုလ်​ကြီးဝင်းနိုင်​လည်း "​အေးကွာ..ငါ့ကို မဟုတ်​တဲ့သတင်း​တွေ လာ​ပေး​နေကြတယ်​" လို့​ပြောပြီး ​ကြေနပ်​စွာနဲ့ ပြန်​သွားတယ်​။ ကျ​နော်​လည်း ချက်​ချင်းပဲ အ​ခြေအ​နေ​တွေကို သူငယ်​ချင်း​တွေကို ​ပြောပြရ​တော့တာ​ပေါ့။

ကျ​နော်​တို့လည်း သတင်း​ပေါက်​​နေလို့ ဘာလုပ်​ရင်​​ကောင်းမလဲလို့ ​ဆွေ​နွေးငြင်းခုန်​လိုက်​ကြတာ ​​နောက်​တ​နေ့ကူးတဲ့အထိ အ​ဖြေမထွက်​ဘူး။ ​နောက်​နေ့ ​နေလည်​ ၃ နာရီ​လောက်​မှာ ကျ​နော်​တို့အိမ်​​ရှေ့မှာရှိတဲ့ ၀န်​ထမ်းသက်​သာဆိုင်​ကို ဆန်​လုဖို့အတွက်​ ​အောက်​​ခြေအလုပ်​သမားတချို့ ​ရောက်​လာ ကြတယ်​။ ကျ​နော်​တို့သူငယ်​ချင်းတစုလည်း ဆိုင်​​ရှေ့သွားပြီး အလုပ်​သမား​တွေကို အကြမ်းဖက်​ပြီး ဆန်​မလုဖို့တားရတယ်​။ နောက်​​တော့ ဆိုင်​အ​ရောင်းတာဝန်​ခံကို ခေါ်ပြီး အလုပ်​သမား​တွေကို ဆန်​အ​ကြွေး​ရောင်း​ပေးဖို့ ညှိ​ပေးလိုက်​တာ အဆင်​​ပြေသွားတယ်​။

ဒီအချိန်​မှာပဲ ကျ​နော်​တို့အုပ်​စုက..ဒီလို ကျ​နော်​တို့တ​တွေ စားဝတ်​​နေ​ရေး အဆင်​မ​ပြေရတာ အစိုးရ​ကြောင့်​၊ ဒါကို အစိုးရသိ​အောင်​ ကျ​နော်​တို့ ဆန္ဒပြရမယ်​လို့​ပြောလိုက်​​တော့ အလုပ်​သမား​တွေက သ​ဘောတူကြတယ်​။ ဒါနဲ့ ည​နေ ၅ နာရီမှာ ဒီ​နေရာမှာ လူလာစုဖို့ မှာပြီး ကျ​နော်​တို့​တွေလည်း သပိတ်​​မှောက်​ဖို့ ပြင်​ရဆင်​ရ​တော့တာ​ပေါ့။

ယန္တရားစက်​ကြီး​မောင်းတဲ့ အလုပ်​သမားတ​ယောက်​ ကျ​နော်​တို့နဲ့ ပူး​ပေါင်းလာပြီး သူထုတ်​​ပေးတဲ့​ငွေနဲ့ ​လော်​စပီကာနဲ့ ဆိုက်​ကားကို ငှား​ပေါ့။ ည​နေ ၅ နာရီမှာ လူစုပြီး စထွက်​​တော့ ကျ​နော်​တို့အုပ်​စုအပါ အ၀င်​မှ အ​ယောက်​ ၂၀ ​လောက်ပဘဲရှိတယ်​။ ဒီလိုမျိုးအ​တွေ့အကြုံကလည်းမရှိ၊ ရှက်​ကလည်း ရှက်​တတ်​​တော့ တခြားသူငယ်​ချင်း​တွေ​တော့မသိ ကျ​နော်​က​တော့ ​ခေါင်းမ​ဖော်​ရဲ​တော့ဘူး။ တတ်နိုင်​ရင်​ ဒီအုပ်​စုနဲ့​ဝေးရာကို ထွက်​​ပြေးချင်​​နေတယ်​။

နောက်​​တော့ ​မှောင်​ကလည်းမှောင်​လာ လူအုပ်​စုကလည်း ၂၀၀ ​လောက်​ဖြစ်​လာ​တော့ ​ကြွေး​ကြော်​သံ​တွေကို ​အော်​ရဲလာတယ်​။ ကျ​နော်​တို့သပိတ်​​မှောက်​တစု စက်​ရုံတ၀ိုက်​ ​အော်​လို့ဝ​တော့ အစီစဉ်​တမျိုး​ပြောင်းပြန်​တယ်​။ ကျ​နော်​တို့မြိုင်​က​လေးစက်​ရုံက သပိတ်​​မှောက်​​နေတာကို သံလွင်​မြစ်​တဖက်​ကမ်းမှာ ရှိ​နေတဲ့ ဘားအံမြို့ကသိ​အောင်​ သွား​အော်​ကြမယ်​ဆိုပြီး သံလွင်​မြစ်​ကမ်း​ဘေးကို ချီတက်​ကြပြန်​​ရော။

မြစ်​ကမ်း​ဘေး​ရောက်​​တော့ ကျ​နော်​တို့က ဒီဘက်​က​နေ ​လော်​စပီကာနဲ့​အော်​​ပေါ့။ ဘားအံဘက်​ကလူ​တွေက ပြန်​မ​အော်​​ပေမဲ့ သူတို့​တွေသိတယ်​ဆိုတဲ့အ​ကြောင်းကို မီးလုံး​တွေကို အကာတခုနဲ့ ကွယ်​လိုက်​ ဖွင့်​လိုက်​လုပ်​ပြီး အချက်​ပြကြတယ်​။ ကျ​နော်​တို့လည်းပျော်​ပြီး ​မနက်​ဖန်​မနက်​ ဘားအံကို ကူးလာမယ်​​ပြောပြီး ပြန်​ခဲ့ကြတယ်​(ဘားအံကိုကူးမယ့်​ အစီစဉ်​ကလည်း မူလကရှိတာမဟုတ်​ဘူး။ ဘားအံရဲ့တုံ့ပြန်​မှုကိုကြည့်​ပြီး လုပ်​ဖြစ်​သွားတာ)

ပါလာတဲ့အလုပ်​သမား​တွေကိုလည်း မနက်​ ၅ နာရီမှာ ဘိလပ်​​မြေစက်​ရုံရဲ့ရုပ်​ရှင်​ရုံအ​ရှေ့မှာစုဖို့ ချိန်း လိုက်​တယ်​။ ကျ​နော်​တို့အုပ်​စုလည်း အိမ်​ကို ည ၁၀ နာရီ​လောက်​မှပြန်​​ရောက်​ပြီး မနက်​ဖန်​အစီစဉ်​အတွက်​ တိုင်​ပင်​ကြတာနဲ့ မနက်​ ၁ နာရီ​လောက်​မှ အိပ်​ဖြစ်​ကြတယ်​။

မနက်​ ၄ နာရီလာက်​ အားလုံးကြိုထကြ​တော့ ကျ​နော်​မထချင်​ဘူး။ ငါ့ကို ဒီ​ကောင်​​တွေ ထားသွားကြပါ​စေလို့​တောင်​ ဆု​တောင်းတယ်​။ နောက်​​တော့ ရဲ​ဘော်​ရဲဘက်​ဆိုတဲ့အသိစိတ်​က၀င်​လာပြီး အိပ်​ချင်​မူး တူးနဲ့ ထရတာ​ပေါ​လေ။ ငါတ​ယောက်​ထဲ အိပ်​ချင်​တာမှမဟုတ်​ဘဲ သူတို့လည်း အိပ်​ချင်​မှာ​ပေါ့ဆိုတဲ့ ကိုယ်​ချင်းစာစိတ်​ဝင်​လာမှ ပိုတက်​ကြွသွားတယ်​။ ချိန်းတဲ့​နေရာက စထွက်​ကြ​တော့ လူက ၅၀လောက်​ပဲ ရှိတယ်​။ မ​နေ့ကလူ​တွေ ဘာ​ကြောင့်​မလာတာလဲ​မေး​တော့ ဘယ်​သူမှမ​ဖြေနိုင်​ဘူး၊ မထူးဘူး​ပြော ပြီးမှဆို​တော့ သွားရ​တော့တာ​ပေါ။

သံလွင်​မြစ်​ကမ်းနား​ရောက်​​တော့ ပိုရင်​ဆို့ပါ​ရော။ ကျ​နော်​တို့ဘက်​ကမ်းမှာရှိတဲ့ စက်​​လှေ လက်​​လှော်​​လှေမှန်​သမျှကို ပြည်​နယ်​​ကောင်​စီအမိန့်​နဲ ဘားအံဘက်​ကမ်းကို ပို့ထားတာကို ​တွေ့လိုက်​ရလို့ပဲ။ ကျ​နော်​တို့ဘက်​ကမ်းမှာ ​လှေတစီးမှမရှိ​တော့ ဘယ်​လိုလုပ်​ကူးလို့ရမှာတုန်း။ ကျ​နော်​တို့လည်း ကမ်း​ဘေး တ​လျှောက်​ ​လှေကိုလိုက်​ရှာ​တော့ အရပ်​သားတ​ယောက်​က ကျ​နော်​တို့နားကပ်​လာပြီး တိုးတိုး​ပြော လာတယ်​။ ၅ ​ယောက်​​လောက်​စီးလို့ရတဲ့ ​လှေတစီး သူဝှတ်​ထားတယ်​။ အဲဒီ​လှေနဲ့ ​တဖက်​ကမ်းကိုကူး သွားပြီး ရသမျှ​လှေ​တွေကို သယ်​လာဖို့အကြံ​ပေးတယ်​။ ကျ​နော်​တို့လည်း လူ​ရွေးပြီး တဖက်​ကမ်းကူးဖို့ စီစဉ်​​နေတုန်းမှာပဲ ဘားအံဘက်​ကမ်းက​နေ ကားတင်​တဲ့​ရေယာဉ်​တစီး(ကျ​နော်​တို့ ​ဒေသအ​ခေါ် ဇက်​​ရေယာဉ်​) ကျ​နော်​တို့ဘက်​ကမ်းကို ခုတ်​​မောင်းလာတာကို ဝမ်းသာစွာ​တွေ့လိုက်​ရတယ်​။

ဘေးကကြည့်​​နေတဲ့ပြည်​သူ​တွေပါ ခုန်​​ပေါက်​​အော်​ဟစ်​ပြီး ကျ​နော်​တို့နဲ့ပူး​ပေါင်းလာလို့ လူအင်းအားက ချက်​ချင်းပဲ ၃၀၀ ​လောက်​ဖြစ်​သွားတယ်​။ ကားတင်​တဲ့​ရေယာဉ်​​ရောက်​လာလို့ အကျိုးအ​ကြောင်း​မေး ကြည့်​​တော့ ဒီ​ရေယာဉ်​ကို ​ကျောင်းသား ၅ ​ယောက်​က ၀င်းစီးလိုက်​တာတဲ့၊ ကျ​နော်​တို့​အော်​တာကို ညကထဲက သူတို့ ကြား​ကြောင်း၊ ပြည်​နယ်​​ကောင်​စီရဲ့အမိန့်​နဲ့ ညကတည်းက ရှိသမျှ​လှေ​တွေကို ဘားအံဘက်​ကမ်းမှာစုပြီး ဟိုဘက်​ကမ်း ဒီဘက်​ကမ်း အကူးအသန်​မလုပ်​ဖို့ တားထားတာသိသိချင်း သူတို့သူငယ်​ချင်း ၅ ​ယောက်​စုပြီး ဇက်​​ရေယာဉ်​ကို ဝင်​စီးဖို့စီစဉ်​တာတဲ့။

မနက်​မိုးလင်းတာနဲ့ သူတို့ ၅ ​ယောက်​ ဇက်​​ရေယာဉ်​နားမှာ မ​ယောင်​မလည်​လုပ်​​နေပြီး တာဝန်​ရှိတဲ့ ပြည်​နယ်​​ကောင်​စီနဲ့ ရဲ​တွေ လစ်​တာနဲ့ ​ရေယာဉ်​ကိုဝင်​စီးတာတဲ့။ ညကထဲက စီစဉ်​ထားတဲ့အတိုင်း ​လေးခွ​တွေ ဓား​တွေကိုင်​ထားသူ​တွေက သ​ဘောင်္မာလိန်းမှူးကို ဝင်​စီး၊ ဓာတ်​ဆီပုံးကိုင်​ထားသူတွက ​ရေယာဉ်​စက်​ခန်းကို ဝင်​စီး။ တချို့က ​ရေယာဉ်​ကိုချီထားတဲ့ကြိုး​တွေကို ဖြုတ်​ထုတ်​ပြီး ​မောင်းခိုင်းလာ ရတာတဲ့။ ( ​ရေယာဉ်​၀န်​ထမ်း​တွေကလည်း မဆွတ်​ခင်က ညွှတ်​ချင်​ချင်​နဲ့ ငိုချင်​ရဲ့လက်​တို့ ဖြစ်​​နေ တာလည်း ပါတယ်​)..ဒါ​တောင်​ ရဲကားက ကမ်းနားကို အတင်း​မောင်းချလာပြီး တားဖို့ကြိုးစားလို့ ​လေးခွနဲ့ ၄...၅ ချက်​ လှမ်းပစ်​ခဲ့ရ​သေး သတဲ့။
ကျ​နော်​တို့သပိတ်​အုပ်​စု လူ ၃၀၀ ​လောက်​လည်း ဇက်​​ရေယာဉ်​ကို ​ပျော်​​ပျော်​ကြီးစီးပြီး ဘားအံကို ကူးသွား ကြတာ ကမ်း​ခြေ​ရောက်​​တော့ ​စောင့်​​နေတဲ့ ပြည်​သူ​တွေနဲ့​ပေါင်းမိပြီး လူအင်းအား ​ထောင်​ချီသွား​တာ​ပေါ့။

မြို့တပတ်​လည်း လှည့်​လိုက်​​ရော လူသိန်းချီပြီး ဘားအံသပိတ်​လည်းဖြစ်​သွား​ရောဆိုပါ​တော့ဗျား။ ဘားအံ​ကျောင်းသားတချို့လည်း ကျ​နော်​တို့မြိုင်​က​လေးစက်​ရုံကိုလိုက်​လာပြီး တရား​ဟောကြနဲ့ စက်​ရုံမှာလည်း သပိတ်​စခန်းဖြစ်​သွားတာ​ပေါ့။ သပိတ်​စခန်းကို စက်​ရုံရဲ့ရုပ်​ရှင်​ရုံမှာဖွင့်​လိုက်​ကြပြီး တက်​ကြွလှုပ်​ရှားသူ​တွေနဲ့သပိတ်​​ကော်​မတီကို ဖွဲ့လိုက်​ကြတယ်​။

(​နောက်​မှသတင်းကြားရတာက အဲဒီညက ဗိုလ်​ကြီးဝင်းနိုင်​က ကျ​နော့်​ကို ​သေနတ်​နဲ့ပစ်​ဖို့ လာဖို့လုပ်​တာ တခြားဗိုလ်​ကြီး​တွေက ၀ိုင်းဆွဲထားလို့မပစ်​ဖြစ်​တာတဲ့။ သူလည်း ကျ​နော့်​ကိုယုံကြည့်​မိလို့ အလိမ်​ခံလိုက်​ရတာကိုခံပြင်းသွားပုံရတယ်​)

ကျ​နော်​တို့သူငယ်​ချင်းတစုကို သပိတ်​​ကော်​မီတီမှာထည့်​ထား​ပေမဲ့ ကျ​နော်​အပါအ၀င်​ အ​တော်​များများ က ကိုယ့်​မြို့ကိုယ့်​ရွာကို ပြန်​သွားကြတာများတယ်​။ ကျ​နော်​လည်း ကိုယ့်​​မွေးရပ်​မြေ ​မော်​လမြိုင်​နဲ့ စက်​ရုံကိုသွားလိုက်​ ပြန်​လိုက်​​ပေါ့။ ​မော်​လမြိုင်​ ​ရောက်​​တော့လည်း ယောက်​ဖရဲ့တိုက်​တွန်းမူ့နဲ့ ကိုယ်​​နေတဲ့ ဝန်​ထမ်းအိမ်​ရာဝင်းအတွင်းမှာ ကင်းမှူးတာဝန်​ယူရ​သေးတယ်​။

ကိုယ့်​သူငယ်​ချင်းကလွဲပြီး လူရှုတ်​ရှုတ်​နဲ့လည်းမကြိုက်​တာမို့ ဘယ်​သပိတ်​စခန်းမှ မသွားခဲ့ဘူး။
ဒီလိုနဲ့ ကိုယ့်​ဟာကို လွတ်​လွတ်​လပ်​လပ်​​နေ​နေတုန်း တ​နေ့မှာ ကျ​နော့်​အကိုက ကျ​နော်​နဲ့ ကျ​နော့်​ညီ ကို ပဉ္စင်းခံဖို့​ပြောလာတယ်​။ ဒီလိုအ​ခြေအ​နေဆိုးကြီးထဲမှာ ဘုန်းကြီးမ၀တ်​ချင်​ဘူးလို့ ငြင်း​လိုက်​​တော့ "မင်းလည်း အ​မေ့အ​ခြေအ​နေကို သိသာပဲ..သူမ​သေခင်​မှာ မင်းတို့ကို ပဉ္စင်းခံသွား​ပေးချင်​တယ်​ ​ပြော​နေလို့" ဆိုပြီးပြောလာလို့ ဘုန်းကြီးဝတ်​ဖို့ သ​ဘောတူလိုက်​ရတယ်​။

(အ​ရေးအခင်းမဖြစ်​ခင်​​လေးမှာ အ​မေ့မှာ ကင်​ဆာဖြစ်​​နေမှန်း​သိရတယ်​။ ၃ လ(သို့) ၆ လပဲခံမယ်​လို့ ဆရာဝန်​က​ပြောတယ်​)

ဒီလိုနဲ့ဘုန်းကြီးဝတ်​ဖြစ်​​ရောဆိုပါ​တော့။ ဘုန်းကြီးဝတ်​ဖြစ်​​တော့လည်း ​အေး​အေး​နေရတာမဟုတ်​ဘူး။ မနက်​မိုးလင်းလို့ အရုဏ်ဆွမ်းစားပြီးတာနဲ့ ပြဿနာဖြစ်​တဲ့ရပ်​ကွက်​​တွေကလာ​ခေါ်လို့ လိုက်​ရပြန်​တယ်​။ ဒီလိုနဲ့ ဘာတရားမှမကျင့်​ဖြစ်​ဘဲ ၉ ရက်​ပြည့်​လို့ လူထွက်​မယ့်​​နေ့ကို ​ရောက်​လာ​ရောဆိုပါ​တော့။ မနက်​မိုးလင်း အာရုံဆွမ်းစားပြီးလို့ ည​နေလူထွက်​ရင်​ ဘာလုပ်​ရရင်​ကောင်းမလဲလို့ စဉ်းစား​နေတုန်း တက္ကသိုလ်​​ကျောင်း​နေဘက်​နှစ်​​ယောက်​ဖြစ်​တဲ့ ​မောင်​​မောင်​တိုးနဲ့ မျိုးလွင်​ ​ရောက်​လာကြတယ်​။ ရောက်​တတ်​ရာရာ​ပြောကြရင်း ​နေ့ဆွမ်းစားချိန်​​ရောက်​လာလို့ သူတို့လည်း ပြန်​​တော့မယ်​လုပ်​မှ "အရှင်​ဘုရာ့ကို အ​ရေးကြီးတာ ​ပြောစရာရှိတယ်​" လို့ ပြောလာလို့..​အခု​ပြောကြ​လေးကွာလို့ ​ပြောပြန်​​တော့ လူထွက်​ပြီးမှ ​ပြောမယ်​တဲ့။ ဒါဆိုလည်း အခု ဆွမ်းသွားစားလိုက်​အုံးမယ်​၊ ခဏ​စောင့်​လို့ ​ပြောပြီး ဆွမ်း စား​ဆောင်​ကို ထွက်​လာခဲ့လိုက်​တယ်​။

ဆွမ်းစားပြီးလို့ ဒီ​ကောင်​​တွေကိုထွက်​ကြည့်​​တော့ မရှိ​တော့ဘူး။ ပြန်​ကုန်​ကြပြီ၊ ကိုယ်​ကလည်း ဘာလဲ ဆိုတာ မတရားသိချင်​​နေပြီ။ ဒါနဲ့ပဲ လူထွက်​ဖို့ တိုက်​အုပ်​ဆရာ​တော်​ကိုသွား​လျှောက်​​တော့ တခြားအ​ဆောင်​က ဆရာ​တော်​တပါးဆီသွားဖို့ ညွှန်လိုက်​တယ်​။ ညွှန်လိုက်​တဲ့ကိုယ်​​တော်​ဆီ ​ရောက်​ပြန်​​တော့လည်း တခြား ကိုယ်​​တော်​ဆီ ထပ်​သွားဖို့ညွှန်ပြန်​လို့သွားလိုက်​တာ ​ကျောင်းတိုက်​အားလုံးသာကုန်​သွားတယ်​ လူထွက်​​ပေးမယ့်​ကိုယ့်​​တော်​ တပါးမှမ​တွေ့ရဘူး။

လူထွက်​ဖို့မလုပ်​​ပေးလို့ ​ဒေါသကလည်းဖြစ်​​နေ၊ သူငယ်​ချင်း​တွေ​ပြောသွားတဲ့အ​ကြောင်းကိုလည်း သိချင်​​နေ​တော့ တိုက်​အုပ်​ဆရာ​တော်​ဆီပြန်​မသွား​တော့ဘဲ ဘုရား​ကျောင်း​ဆောင်​ ရှိတဲ့​နေရာသွား ပြီး"အရှင်​ဘုရား တပည့်​​တော်​အား လူထွက်​ခွင့်​ပါဘုရာ့" လို့ ဦးချက​တော့ပြီး လူဝတ်​လဲလိုက်​တယ်​။

ပြီး​တော့ သူငယ်​ချင်း​တွေရှိရာကို ထွက်​လာခဲ့လိုက်​တယ်​၊ သူတို့​တွေဆီ​ရောက်​လို့ ဘာကိစ္စလဲ ​မေးကြည့်​​တော့ တက္ကသိုလ်​​ကျောင်းသား​ဟောင်းများသမဂ္ဂဖွဲ့ချင်​လို့ ဘယ်​လို့လုပ်​ရမလဲတဲ့။

သူတို့ကလည်း ကျ​နော့်​ကို မြိုင်​က​လေးဘိလပ်​​မြေစက်​ရုံသပိတ်​လုပ်​လာတဲ့အရှိန်​နဲ့ အားကိုးပုံရတယ်။ ​ရှင်း ရှင်း​ပြောရရင်​ ဘာအဖွဲ့အစည်းမှ ကျ​နော်​မလုပ်​ချင်​ဘူး။ ကိုယ်​ဟာကို ​အေး​အေး​နေချင်​တာ။ ဒါ​ပေမဲ့ ကိုယ့်​ကို အားကိုးလာပြီးဆို​တော့ ဖြစ်​​အောင်​လုပ်​မယ်​လို့ ကတိ​ပေးလိုက်​တယ်​။

ဒုတိယပိုင်း ဆက်ပါမည်။

စိုးလွင်​(၂၁၁)(ဝမ်​ခ)