သစ်ခက်သံလွင်(မိုးမခ)- တွေ့ဆုံမေးမြန်းခန်း၊ ဆရာမင်းသစ်နှင့် မာန်(တောင်လုံးပြန်) အပိုင်း (၁-၂)

ဆရာမင်းသစ်နှင့် တွေ့ဆုံမေးမြန်းခန်း – အပိုင်း (၁-၂)

တွေ့ဆုံမေးမြန်းသူ စာရေးဆရာ မာန် (တောင်လုံးပြန်)

အိပ်မက်ကွန်းဖရင့် မျက်နှာဖုံးမှ မင်းဝေအောင်ရဲ့ပန်းချီ

ဆရာမင်းသစ်ကို ကျနော်အင်တာဗျူးခွင့်တောင်းထားသည်မှာ (၂) နှစ်ကျော်ခဲ့ပြီ။ ကျနော့်အတွက်ကံကောင်းလှသည်မှာ ကျနော့်ရဲ့လူသိမများလှသော ဝတ္တုရှည်တစ်ပုဒ်ကို ဆရာဖတ်ဖူးထားခြင်းကြောင့်ပင်။ ကျနော်နဲ့တွေ့တော့ မိတ်ဆက်စကားပြောပြချိန် ဆရာက ထိုဝတ္တုကိုမှတ်မှတ်ရရပြန်ပြောပြီး သူကျနော့်ကလောင်ကိုသိထားကြောင်းနှင့် ထိုဝတ္ထု အပေါ်သ ဘောကျကြောင်းပြောပြသဖြင့် ကျနော်ကြည်နူးမဆုံး။ သူနဲ့ကျနော် ရေစက်ဆုံချင်တော့ ပင်းယမဂ္ဂဇင်းမှာပြန်ဆုံရသည်။ သူက အယ်ဒီတာချုပ်၊ ကျနော်က လူငယ်ပိုင်းဆိုင်ရာစာပေတာဝန်ခံ။ ထို့နောက်ပိုင်း ဆရာနှင့်ကြို့ကြားကြို့ကြား   တွေ့ကြသည်။ ကျနော်က ဆရာဦးဝင်းငြိမ်းတို့ကိုအင်တာဗျူးပြီးနောက်ပိုင်း စာပေနယ်မှ ဝါရင့်သမာရင့်များနှင့် ထပ်၍အင်တာမဗျူး ဖြစ်။ နိုင်ငံရေးသောင်သာသောကာလမို့ နိုင်ငံရေးအင်တာဗျူးများချည်း ငါးနှစ်ကျော်အချိန်ကုန်ခဲ့သည်။ ယခုမှ ဆရာမင်းသစ် နှင့်ချိန်းဆိုကာ လွန်ခဲ့သော (၂) နှစ်က အလုပ်ကြွေးကိုဆပ်ရခြင်းပင်။ ၁၅၊ ၁၀၊ ၂၀၁၆ နေ့တွင် ပထမအကြိမ်၊ ၁၉၊ ၁၀၊ ၂၀၁၆ နေ့တွင် ဒုတိယအကြိမ်တွေ့ဆုံကာ အားပါးတရမေးမြန်းဖြစ်ခဲ့သမျှ တင်ပြလိုက်ရပါတော့သည်။

မာန် (တောင်လုံးပြန်)  
 ..................

(၁၅၊ ၁၀၊ ၂၀၁၆) စနေနေ့၊

မာန် ။ ။  အရင်ဆုံးပေါ့ဆရာရယ်၊ ကျနော်က ကျနော်လေးစားတဲ့ဆရာတွေဆိုရင် အသေးစိတ် မေးလေ့ရှိပါတယ်။ ဆရာဦး ဝင်းငြိမ်းတို့ကိုမေးခဲ့တုန်းကလိုပေါ့။ ဒါကြောင့် ဆရာ့ရဲ့ငယ်ဘဝ၊ ဆရာ့မိဘ မောင်နှမတွေ၊ ဆရာ့ငယ်ဘဝဖြတ်သန်းမှုလေး တွေ ပြောပြပေးပါ။ အဲဒါတွေက ဆရာပြောပြမှသိရမှာ မို့လို့ပါ

မင်းသစ် ။ ။ ဟုတ်ကဲ့၊ ကျနော်ကဒုတိယကမ္ဘာစစ်အတွင်းမွေးတာ။ (၁၉၄၆) မွေးတော့၊ အိမ်မှာ အားလုံးက ဗကပတွေ၊ အလုပ်အကိုင်ကျတော့ အမေက ဆရာမ၊ နာမည်က ဒေါ်သန်းခင်၊ ကျနော့် အဖေက ဦးစံရွှေ၊ သူကအောက်သား၊ မြန်အောင် သား၊ ကုန်သည်။ အမေကစစ်ကိုင်း၊ ငဇွန်သူ၊ ကျနော်ကြီးပြင်းခဲ့ရတဲ့ဘဝက ဗကပအုပ်စုထဲမှာကြီးပြင်းရတာ။

မာန် ။ ။ ဆက်ပြောပါဦးဆရာ

မင်းသစ် ။ ။ အဲဒီတုန်းက ကျနော်တို့အိမ်က ငဇွန်မှာပေါ့။ ငဇွန်ကို ရဲဘော်ဖြူတွေအုပ်ချုပ်ထားတဲ့ အချိန်မှာ ဗကပတွေလာရင် ခိုးပြီးလာကြတယ်။ ဘယ်သူတုန်းဆိုတော့ ပီကင်းပြန် မမျိုးသန့်၊ ဒေါ် နို့တလုံးစိန်ပေါ့၊ သူတို့လာလို့ရှိရင် မြင်းနဲ့လာကြတယ်။ မြင်းကိုစီးပြီးတော့ လာကြတာ။ စီးလာပြီး ငဇွန်တဖက်ကမ်းမှာ မြင်းတွေဝှက်ကြ၊ အပ်ထားခဲ့ကြပြီးမှ အိမ်ကိုခေါင်းပေါင်း ကြီးတွေနဲ့ လာကြတယ်။ ကျနော့်ကိုထိန်းတဲ့ ကလေးထိန်းလိုလို ဘာလိုလိုနေကြတယ်၊ သူတို့လာလို့ ထမင်းဟင်းချက် ကျွေးမယ်ဆိုရင်လည်း မီးဖိုကိုထရံနဲ့၊ အဲဒါကိုစောင်ပတ်ပြီးတော့မှ ချက်ရတယ်။ မီးမြင်မှာစိုးလို့။ ဘေးအပြင်ဧည့်သည် လာတယ်လို့ထင်သွားကြမှာစိုးလို့။ နောင်လည်း သူတို့ဗကပများစည်းရုံးရေးတို့ ဟောပြောရေးတို့ဆိုပြီးတော့ နယ်ဆင်းလို့ရှိ ရင်လည်း အဲဒီကုလားရွာတို့ ကံကုန်းတို့။

မာန် ။ ။ အဲဒီကာလက ရဲဘော်ဖြူနဲ့ ဗကပမတည့်ကြဘူး၊ တွေ့ရင်သတ်ကြမှာ၊ အဲဒီလိုလား ဆရာ

မင်းသစ် ။ ။ မတည့်ဘူး၊ သတ်ကြမှာ၊ နေဦးဗျ၊ ကျနော်မှားသွားပြီ ရဲဘော်ဖြူက ဗကပဘက်က၊ နို့တလုံးစိန်တို့က ဗကပတွေ၊ ရဲဘော်ဝါ (ပြည်သူ့ရဲဘော်) က ဖဆပလဘက်က၊ ငဇွန်ကိုသိမ်းထားတာ  ရဲဘော်ဝါတွေဗျ။ အဲဒီရဲဘော်ဝါတွေကလည်း ကိုယ့်အမျိုးတွေချည်းပါပဲ။ နောက်ပြီးတော့ အဘိုးက ငဇွန်ကျောင်းအုပ်ကြီးဆိုတော့၊ အဘိုးတပည့်တွေ၊ အဲဒါကြောင့်သက် သာတာလည်း ပါပါတယ်။ နောက်၊ အသတ်ခံရတော့မယ်ဆိုတော့လည်း ရဲဘော်ဝါတွေပဲ လာပြောပေးကြတာ။ ပြေးကြပါ တော့တဲ့။ ညကြီးမင်းကြီးကိုပဲ လှေအကြီးကြီးနဲ့ ကျနော်တို့မိသားစု စစ်ကိုင်းကိုဆန်ပြေးကြရတာ။ အဲဒီမှာ မင်းသစ် စစ်ကိုင်း သား ဖြစ်သွားတော့တာပဲ။

မာန် ။ ။ ဩော်၊ စစ်ပြေးရင်းနဲ့ စစ်ကိုင်းသားဖြစ်သွားတဲ့သဘောပေါ့ဆရာ

မင်းသစ် ။ ။ ဟုတ်တယ်၊ စစ်ပြေးရင်းနဲ့ဖြစ်သွားတာ။ ကျနော့်မှာ နှမလေးတယောက် ရှိတယ်၊ အသက်ဆယ်နှစ်လောက်ကွာ တယ်၊ စစ်ပြီးတော်တော်ကြာမှမွေးတာ၊ အဲဒီတော့ ကျနော်ဘဝက အဲဒီလိုကြီးပြင်းရင်း ဘာကိုကျေးဇူးတင်ရသလဲဆိုတော့၊ ကျနော့်ဆရာတွေ၊ ဦးလေးတွေ၊ အစ်ကို တွေ ကစာအလွန်ဖတ်ခဲ့တဲ့သူတွေ၊ အဒေါ်တွေကလည်း စာသိပ်ဖတ်ကြတဲ့သူတွေ၊ အဒေါ်တွေက ဘာစာတွေသဲသဲမဲမဲဖတ်သလဲဆိုတော့ ဗန်းမော်တင်အောင်နဲ့ အောင်လင်းကိုဖတ်တာ၊ နောက်ပိုင်းမှာ တက္ကသိုလ်ဘုန်းနိုင်ဖတ်တယ်၊ သူကနောက်ကျတာကိုး၊ ဒီအဒေါ်တွေကြောင့်မို့လို့လည်း စာတွေဖတ်ရတာပေါ့ဗျာ။ ယုတ်စွ အဆုံး တိုင်းရင်းမေကအစ ဖတ်ရတယ်။

မာန် ။ ။ ဆရာ့ရဲ့ကျောင်းနေရတဲ့ဘဝလေး ပြောပြပါဦး

မင်းသစ် ။ ။ ကျောင်းနေတော့ စစချင်းတုန်းက ငဇွန်မှာပေါ့၊ ငဇွန်မှာ သူငယ်တန်းလေး၊ သူငယ်တန်းလေးမပြီးခင် စစ်ကိုင်း ကိုပြေးရတာဆိုတော့ စစ်ကိုင်းရောက်၊ တစ်နှစ်နား၊ ပြီးမှကျောင်း ဆက်တက်၊ ကျောင်းဆက်တက်တော့ ရှစ်တန်းအထိ တက်ပါတယ်၊ မူလတန်းကနေ စတက်တာပေါ့၊ အဲဒီမှာလည်း ကံကောင်းတယ်ဗျ၊ ကံကောင်းတယ်ဆိုတာ ဒုတိယကမ္ဘာစစ် မတိုင်မီက ဆရာ ဆရာ မကြီးတွေ မသေသေးဘူး။ သူတို့ဆီကနေပြီးတော့ မြန်မာစာနဲ့အင်္ဂလိပ်စာ ကောင်းကောင်းရလိုက် တယ်၊ အဲဒါ ကျနော်တန်ဖိုးမဖြတ်နိုင်တဲ့ အရာတွေပဲ။ ကျနော် အေဘီစီဒီမတတ်ခင်မှာပဲ အင်္ဂလိပ်လို သီချင်းဆိုနေပြီ၊ အဓိပ္ပါယ်လည်းမသိဘူး။ ဒါပေမဲ့ ပါးစပ်ကရနေပြီ၊ ဆိုနေပြီ၊ အဲဒါပြီးတော့မှ အေဘီ စီဒီသင်ရတာ၊ သင်တဲ့အခါကျတော့လည်း သိပ်တော်တဲ့ဆရာဆရာမကြီးတွေ။ မစ္စဘာဒင်တို့၊ အင်ဂလိုအင်ဒီးယန်း ကုလားမကြီးတွေ၊ ဒေါ်မိမိတို့ ဒေါ်ဖွားဖွားတို့၊ အဲဒီ လိုဆရာကောင်းတွေနဲ့ သင်ခဲ့ရတယ်။ နောက်၊ (၁) တန်းမှာ ပထဝီနဲ့သမိုင်းကို ကောင်းကောင်းသင်နေပြီ။ ဆရာမကြီး ဒေါ် ရီရီတဲ့၊ ပုံပြောပြီးသင်တာ။

မာန်။ ။ (၁) တန်းမှာနော်၊ ဟုတ်လားဆရာ

မင်းသစ်။ ။ (၁) တန်းမှာဗျာ။

မာန် ။ ။ ဟုတ်ကဲ့ဆရာ။ ဆရာမှတ်မိရင်လည်းပြောပါ၊ မမှတ်မိရင်လည်းနေပါ၊ အဲဒီကာလတုန်းက ဆရာတို့သင်ခဲ့စတဲ့ သင်ရိုးညွှန်းတမ်းလေးတွေ မှတ်မိသေးလား

မင်းသစ် ။ ။ မှတ်မိတယ်ခင်ဗျ။ ကျနော်တို့အဲဒီတုန်းကသင်ရတာတွေက ပန်းချီ၊ စက်မှုလက်မှု၊ မြန်မာစာ၊ အင်္ဂလိပ်စာ၊ သင်္ချာ၊ အဲဒီမှာပထဝီနဲ့သမိုင်းကိုပုံပြောသလို သင်တာ၊ ပြဋ္ဌာန်းချက်စာအုပ် မထားဘူး။ ကျနော်တို့ကလည်း အဲဒီအချိန်ကိုစောင့် နေတာ၊ ဘာဖြစ်လို့တုန်းဆိုတော့ လွတ်သွားမှာစိုးလို့၊ နောက်နေ့ကို မလွတ်ဘူး၊ ဘယ်နားအကြောင်းပြောမလဲပေါ့၊ ကျနော် တို့ကိုအပြင်ဘက် ခေါ်ထုတ်သွားတာ။ သစ်ပင်စိပ်မှာဝိုင်ထိုင်ပြီးတော့ ဆရာမက ဘယ်နား ဘယ်ဒေသအကြောင်းဆိုပြီး ပြောပြီ။ အဲဒီတိုင်းပြည်က ဘယ်နားလေးက တိုင်းပြည်ပေါ့။ သမိုင်းသင်တော့လည်း အဲဒီလိုပဲ။

မာန် ။ ။ သူက အဲဒါတွေသင်တာ စာမေးပွဲမှာ မေးခွန်းနဲ့မေးမှာမို့လို့လား ဆရာ

မင်းသစ် ။ ။ မစစ်ဘူး၊ဟိုဟာပေါ့ဗျာ၊ ကျနော်တို့သမိုင်းပါမောက္ခဒေါက်တာသန်းထွန်းက သမိုင်းသင်တာ မအအောင်လို့တဲ့၊ ကျနော်တို့ဆရာမကြီးပြောတာကြတော့မင်းတို့ပထဝီသိရမယ်။ မင်းတို့ ပထဝီမသိရင် အကန်းပဲတဲ့၊ မကန်းအောင်လို့ ပထဝီ သင်ပေးတာပေါ့။

မာန် ။ ။ ဩော်၊ သမိုင်းသင်တာ မအအောင်လို့၊ ပထဝီသင်တာ မကန်းအောင်လို့

မင်းသစ် ။ ။အေးဗျာ၊ စကားစပ်လို့ပြောရဦးမယ်၊ ဟိုတလောက သူငယ်ချင်းကြီး အကယ်ဒမီများရှင် မောင် တင်ဦးကြီး မသေခင်တုန်းက၊ ကျနော်ရယ်၊ နေအောင်ရယ်၊ မေသန်းနုရယ်ကို ဒိုင်လူကြီးလုပ်ခိုင်းတယ်။ ရုပ်ရှင်မင်းသားမင်းသမီးရွေး ပွဲ မှာ၊ အဲဒီမှာတယောက်က တက်လာတယ်ဗျ။ ကျမက ပထဝီမဟာဝိဇ္ဇာနဲ့ကျောင်းပြီးတာပါတဲ့။ ကျနော်တို့ကလည်း မေးခွန်း လေးတွေမေးရတယ်။ မေးရင် သူအမှတ်ရတယ်။ ကျနော်ကလည်း သူအမှတ်ရစေချင်လို့ မေးတာပါ။ မြန်မာပြည်မှာ မြစ်အများစုမြောက်ကနေ တောင်ကို စီးဆင်းတယ်။ တောင်ကနေမြောက်ကိုစီးဆင်းတဲ့မြစ် ခြောက်ခုရှိတယ်။ အဲဒီထဲက မြစ်တမြစ်ကိုပြောပါ၊ တမြစ်ပဲ ပြောခိုင်းတာ၊ ကျမတို့မသင်ခဲ့ရဘူးတဲ့။ ဟဲဟဲ၊ အဲဒါ မဟာဝိဇ္ဇာပထဝီကြီး။

အပိုင်း (၂) 

မင်းသစ် ။ ။ အဲဒီတော့ခုဟာက ကိုမာန်ရယ်၊ စာမေးပွဲအောင်လက်မှတ်ယူလာတဲ့သူတွေ၊ ပညာတတ်ဆိုတဲ့သူတွေ၊ ကိုယ်အဓိ ကယူတဲ့ဘာသာရပ်ကိုတောင် မလေးစားကြဘူး။

မာန် ။ ။ ဟုတ်ကဲ့ဆရာ၊ ဆရာငယ်ငယ်ကပညာသင်ရတဲ့အကြောင်းတွေဆက်ပါဦး

မင်းသစ်။ ။ကျနော် စာသင်ရင်းနဲ့ ရှစ်တန်းအောင်တဲ့အခါကျတော့ စစ်ကိုင်းမှာ ကျနော်သင်စရာ အင်္ဂလိပ်စာဆရာကုန်သွားပြီ။ အဲဒီကဆရာတွေအားလုံးနဲ့သင်ပြီးသွားပြီ။ အဲဒီအခါ ကျနော်စဉ်းစားတယ်။ ငါအင်္ဂလိပ်စာဆက်သင်ချင်သေးတယ်။ ဘယ် လိုလုပ်မလဲပေါ့။ အဲဒီတုန်းက အဖွားတယောက်က မေမြို့မှာရှိတယ်။ ဒါနဲ့ မေမြို့ပြောင်းသွားတယ်၊။ မေမြို့မှာ ဆရာအသစ် တွေနဲ့သင်ချင်လို့။ အဲဒီတုန်းက မေမြို့က ခွေးကိုက်တတ်သည်ဆိုတာတောင် အင်္ဂလိပ်လိုရေးတာ။ အင်္ဂလိပ်စာမတတ်ရင် ခွေးကိုက်ခံရမယ့်မြို့။ အခုနဲ့ ဘာမှမဆိုင်ဘူး။ မဆိုင်တာပြောတာပါ ဘာမှမရည်ရွယ်ပါဘူး။ ကျနော်က အဲဒီကိုပြောင်းသွား တယ်။ အဲဒီမှာစာအုပ်တွေသိပ်ပေါတာ။ စစ်ကိုင်းမှာက အင်္ဂလိပ်စာအုပ်ကအစ ရှားတယ်။
မေမြို့မှာက အိမ်တိုင်းမှာ ဒုတိယကမ္ဘာစစ်မတိုင်မီက လက်ကျန်စာအုပ်အဟောင်းတွေ တပုံကြီးရှိ တယ်။ ပြန်သွားတဲ့ အင်္ဂ လိပ်တွေကလည်းထားပစ်ခဲ့တာ။ ကျနော်မေမြို့မှာ ဟိုက်စကူးဖိုင်နယ်၊ ဆယ်တန်း တက်ရင်း အင်္ဂလိပ်စာကောင်းတွေဖတ်ရပြီ၊ ဆရာအသစ်တွေနဲ့တွေ့ရပြီ၊ အဲဒါကျောင်းကဆရာတွေ မဟုတ်ဘူး။ အပြင်ကဆရာတွေ။ အပြင်က အဘိုးကြီးတွေ၊ ကုလား အဘိုးကြီးတွေ။

မာန် ။ ။သူတို့ကကျူရှင်ပေးတာလားဆရာ

မင်းသစ် ။ ။ ဟုတ်ဖူးဗျ။ သပ်သပ်ခေါ်သင်ပေးတာ၊ အထူးသဖြင့် ပရက်ပယ်ဇေးရှင်းတွေ၊ အာတီကယ်တွေ၊ အဲဒါတွေက စာ အုပ်ထဲဖတ်လို့ နားမလည်ဘူး၊ အတွေ့အကြုံနဲ့ဆိုင်တယ်။ အဲဒါတွေ သင်ပေးတာ၊ ကျနော်လည်း စာကိုတော်တော် များများဖတ်နေပြီ။ ဖတ်နေပြီဆိုတာ အရင်က အစ်ကိုတွေ ဦးလေးတွေ အဒေါ်တွေကျေးဇူးနဲ့ဖတ်နေပြီ။ နောက်တော့ ကျ နော်မန္တလေးတက္ကသိုလ်ရောက်တယ်။
ကျနော်မန္တလေးရောက်တော့ ကျနော်တို့တုန်းက ဦးနုစနစ်ဗျ။ အဓိကဘာသာရပ်ဆိုတာ မရှိဘူး။ မေဂျာစစ္စတန်မပေါ်သေးဘူး။ ဘာသာစုံပဲ၊ ကြိုက်တာယူလေ။ ဘယ်သူကမှလည်း အဖက်လုပ်ပြီး ဆရာဝန်ဖြစ်ချင်တဲ့ကောင်ဆိုတာမျိုးမရှိဘူး၊ ကြိုက်တာ ယူလေ။ ဒါကို တလလောက် အခွင့်အရေး ပေးသေးတယ်။ ဘာသာစုံ အစမ်းလျှောက်ကြည့်၊ မင်းကြိုက်တဲ့ဘာသာ မင်းယူပဲ။

မာန် ။ ။ ဂိုက်လိုင်းပေးတဲ့ဆရာမရှိဘူးလား ဆရာ

မင်းသစ် ။ ။ မရှိဘူး။ မင်းကြိုက်တဲ့ဘာသာ မင်းယူပဲ၊ ကိုယ့်ဟာကိုယ် ဆုံးဖြတ်ပဲ၊ ကျနော်ဆိုရင် တက္ကသိုလ်ဘုန်းနိုင်ဝတ္တုတွေဖတ်ပြီးတော့ တက္ကသိုလ်ရောက်ရင် ငါ၊ ဒီဂျီကော်မနေးရှင်းယူမယ်ပေါ့။ ဒီဂျီကော်မနေးရှင်းဆိုတာက အိုပီဟစ္စရီလောဂျစ်ပေါ့။ အင်း၊ တက္ကသိုလ်ဘုန်းနိုင် ဇာတ်လိုက်ရူးကလည်း ရူးသေးတာကိုးဗျ။ ယူမယ်ပေါ့ အဲဒီဘာသာ၊ ဟိုရောက်တဲ့အခါကျတော့ ကျနော်စဉ်းစားတယ်ဗျ။ ကိုမာန်ရာ၊ ကျနော်ကစာရေးဆရာဖြစ်ချင်တာ။ စာရေးဆရာဟာ သိပ္ပံရောဝိဇ္ဇာရော အကုန်တတ်သင့် တယ်လို့ထင်တယ်။ အထူးသဖြင့် သဘာဝသိပ္ပံပေါ့။ သဘာဝသိပ္ပံတွဲက ဖစ္စစ်၊ ကမ်မက်စရီ၊ ဘိုင်အိုလော်ဂျီလိုဟာမျိုးတွေ။ အဲဒါတွေက ကျနော်အပြင်မှာ ကိုယ့်ဟာကိုယ်ဖတ်လို့ မရဘူးဗျ။ လက်တွေ့စမ်းသပ်ခန်း၊ ဓာတ်ခွဲခန်းရှိရမယ်။ သင်ပေးတဲ့ ဆရာတွေရှိရမယ်။ အဲဒီတော့ ကျနော်ကကြုံတုန်း၊ တက္ကသိုလ်ရောက်တုန်း၊ ကြုံလို့နော်၊ စာရေးဆရာဖြစ်ချင်လို့၊ ကျနော် ဖစ္စစ်၊ ကမ်မက်စရီ၊ ဘိုင်အိုလော်ဂျီယူလိုက်တယ်။ အဲဒါကျနော်ဘွဲ့ရတော့ Bsc (Bio) နဲ့ရတာပဲ။

မာန် ။ ။ဆရာတို့တုန်းက ဘယ်နှနှစ်တက်ရလဲဆရာ

မင်းသစ် ။ ။ လေးနှစ်ပါပဲ၊ ကျနော်ကတော့ ကျတာရော ဘာရောဆိုတော့ ငါးနှစ်လောက်ကြာသွားတယ်။ ကျနော်တို့ခေတ်တုန်း က မတ်လမှာဖြေရတယ်။ ကျရင် ဇွန်မှာပြန်ဖြေ။ ဒါပေမဲ့ ခုခေတ်ကုစားဆိုတာနဲ့မတူးဘူးနော်။ ဘာသာစုံပြန်ဖြေရတာ။

မာန် ။ ။ကိုယ်ဖြေပြီးသားအကုန်ပြန်ဖြေရတာလား

မင်းသစ် ။ ။ အကုန်ပြန်ဖြေပဲ၊ မေးခွန်းအသစ်နဲ့အကုန်ပြန်ဖြေရတယ်။ တခါခါကျတော့ မတ်လတုန်းကအောင်တဲ့ဘာသာက ဇွန်မှာကျချင်ကျနေပြန်ရော။ အဲဒီအခါကျတော့ နောက်ထပ် တစ်နှစ်ထပ်နေ။
အဲဒီတုန်းကဘယ်လောက်ချစ်ဖို့ကောင်းသလဲဆိုတာလေးပြောပြဦးမယ်။ ကိုအောင်လို့ထင်တာပဲ၊ ဝန်ကြီးချုပ်ဦးနုရဲ့သား၊ ကျ နော်တို့ထက်ကြီးပါတယ်၊ ဒေါက်တာထင်အောင်က ပါမောက္ခ။ သူက လမ်းလျှောက်လာရင်း ဝင်ဒါမီယာကဝန်ကြီးချုပ်ဦးနုအိမ်ဘက်ရောက်သွားတယ်။ ဝန်ကြီးချုပ်နဲ့တွေ့တော့၊ ဝန်ကြီးချုပ်..၊ ဝန်ကြီးချုပ်ရဲ့သားစာမေးပွဲကျတယ်။ ဟာ၊ ဟုတ်လား၊ ဘယ်နှမှတ်နဲ့ကျလဲ၊ ၃၉ မှတ်နဲ့။ ဟ … ဘယ်နှမှတ်ရမှအောင်တာတုန်း။ ၄၀ မှအောင်တာ။ ဒါဆိုဆရာရယ်၊ ဒီကောင့်ကို ၄၀ ရအောင် ဆက်ဖြေခိုင်းပေါ့တဲ့။ ဘယ်လောက်ကောင်းတုန်းဗျာ။

အပိုင်း (၃) ကို ဆက်လက်ဖော်ပြပါမည်။