သစ်ခက်သံလွင် ကဗျာစင်မြင့်၊ ဆောင်းဝေ၊ သိင်္ဂါကျော်၊ ကျော်ဇင်ငထင်နှင့် ကိုခြူးလေး(MP) တို့၏ကဗျာများ

အဝါရောင်မှတ်စုများ

arttattler.com

ပျင်းနေလားမေးတေ့ာ ကျနော်ပျော်သွားပါတယ်
အိပ်ရေးပျက်မယ်နော်လို့ပြောတေ့ာ ကျနော်အိပ်ရေးဝပါတယ်
တိမ်တွေနဲ့ကွယ်ထားလည်း လရောင်ဟာအမြဲရောက်အောင်လာ
နံရံပေါ်အတတ်အဆင်းလုပ်နေတဲ့အိမ်မြှောင်
ညကြီးထဲရေပိုက်ခေါင်းထဲက တစက်စက်ကျနေတဲ့အသံ
စိတ်ထဲအကုန်အရုပ်လာထင်နေပါတယ်
မောနင်း လို့ပြောတေ့ာ ကော်ဖီခွက်ထဲကသေဆုံးယင်ကောင်တောင်
အသက်ရှင် ထပြန်သွားပါတယ်
ရှင်ကအရမ်းရယ်ရတာပဲဆိုတေ့ာ အသံထွက်ပြီးရယ်မိပါတယ်
အရမ်းနောက်တာပဲဆိုတေ့ာ ကျနော်ကြည်လင်ရပါတယ်
အိပ်ရေးဝရဲ့လားမေးတေ့ာ သွေးသားတွေတောက်ပရဲရင့်လာပါတယ်
ကိုလံဘတ်ပြန်သွားတေ့ာမှ
ကျနော်က နယ်မြေအသစ်ထပ်တွေ့ပါတယ်
တစ်ခုသောရွေ့လျားစကြာဝဠာထဲမှာ
ကျနော်က သက်ရှိပျံသန်းဂြိုလ်မွှားလေးဖြစ်ပါတယ်
ကြယ်ကြွေတွေထိုးဆင်းသွားတဲ့ဘလက်ဟိုးတွင်းနက်ကြီးထဲ ပြုတ်ကျခါနီး
သူကျနော်ကို ဆွဲယူကယ်တင်ခဲ့တာဖြစ်ပါတယ်
သူရောက်ရှိရာအရပ်ဆီ အမြဲလှည့်ငေးနေအောင်
နေရောင်ခြည်ဟာ နေကြာပင်လေးရဲ့မျက်နှာကိုဆွဲလှည့်ထားခဲ့ပါတယ်
လက်ထဲကပူဖောင်းလေး ဆူးတွေနဲ့မထိမိအောင်
ကျနော် ကာကွယ်နေပါတယ်
ခက်ခက်ခဲခဲ ကျနော်ပျော်ရွှင်နေပါတယ်
တဖျပ်ဖျပ်ကူးခတ်နေတဲ့ငါး ဘယ်အထိသွားမှာလဲဆိုတေ့ာ
ရေရှိသလောက် ကမ္ဘာကျယ်သရွေ့ပေါ့
စောစောအိပ်နော်လို့ပြောတေ့ာ အိပ်ပျော်ပြီးသားဖြစ်နေပါတယ်
မင်္ဂလာပါ လို့ပြောတေ့ာ ကျနော်မင်္ဂလာရှိနေပါတယ် ။ ။

ဆောင်းဝေ(နတ်မောက်)
14.10.2016

…

ငှက်တကောင်ရဲ့မချိုသောနေ့များ

josephewest.com

 နေ့တွေ မချိုဘူး

ကိုယ့်စိတ်နဲ့ကိုယ်

ပြန်ပြန် ရန်ဖြစ်နေရတယ်

သံယောဇဉ် အတုအယောင်တွေနဲ့

ခဏခဏ ငြိမိတဲ့

ငှက်တကောင်က ငါပါ။

မမြင့်တမြင့်ပျံပျံနေတဲ့

ငှက်တကောင်မှာလည်း

အတောင်းညောင်းတဲ့နေ့တော့ ရှိတတ်တယ်။

ဆွဲဆောင်မှုတွေသိပ်မလုပ်ပါနဲ့

စိတ်ကူးယဉ်နဲ့လက်တွေ့က

ဘယ်တော့မဆို ရန်ဘက်ပဲမဟုတ်လား။

မမှီခိုချင်သလို အမှီလည်း မခံနိုင်တဲ့

ခရီးသွားငှက်တကောင်က ငါပါ။

တန်းတူ ပျံသန်းဖို့မှ မယှဉ်နိုင်ခဲ့ရင်

လက်ကမ်းတာက အလကားပဲ ဖြစ်လိမ့်မယ်။

အကောင်းမြင်သမားလို

ကျရာနေရာမှာ ပျော်ပျော်နေနေတိုင်းလည်း

ဘဝဟာ ပြီးပြည့်စုံပြီတဲ့လား

တခါ တခါ

မရောင့်ရဲနိုင်မှုက စကားတီးတိုး ဆိုတတ်တယ်။

ဘဝဟာ ဘယ်အချိန်ကတည်းက မှားနေခဲ့သတဲ့လဲ။

ရွေးချယ်မှုမရှိခဲ့တဲ့ ဖြစ်တည်မှုအတွက်

လိမ်လိမ်မာမာနဲ့ အသုံးမကျတဲ့လူဟာ ငါပါ။

ကိုယ်တိုင်တည်ဆောက်မှုရဲ့ရလာဒ်က

သမားရိုးကျနဲ့ ရပ်ရပ်နေတတ်တယ်။

တိမ်မည်းတွေတောင်

ငွေရောင် အနားသတ်ရှိတဲ့အခါ ရှိတယ်

မိုးတွေ ရွာမယ်သိပေမယ့်

တိမ်ကြားထဲက နေခြည်ဖျော့တချို့ကို မျှော်လင့်သလိုမျိုး

ငါလည်း

စိတ်ကူးယဉ်ခွင့် ရှိပါရစေ။

သိင်္ဂါကျော်

…

ရန်ကုန်

clicks.robertgenn.com

လမ်းပေါ်လမ်းကထပ်အိပ်လို့

တိုးဝှေ့နေတဲ့ ရှုသံပြင်းပြင်းများ

တယောက်အသက်တယောက်ကပ်ထားရင်း

"ရန်အပေါင်းကုန်စင်သွားတဲ့"သူပေါ့

ခုတော့ သူမဟုတ်တော့သလို

တိမ်စွဲနေတဲ့မျက်ဝန်းနဲ့

ဒုက္ခပင်လယ်ကိုဖွင့်တယ်

ပန်းဆိုးတန်းတံတားတောင်

သူငယ်ပြန်သွားပြီ

အိပ်မက်မြို့ဟာ

မီးပွိုင့်ကိုမစိမ်းတော့ဘူး ။ ။

ကျော်ဇင်ငထင်

…

ဆောင်း 

altoonsultan.blogspot.com

 မြက်ဖျားပေါ်မှာ
သီးနေတဲ့ နှင်းကလေးကို
ချစ်တယ် ။
ပုလင်းအလွတ်ထဲကို
ဆောင်းရဲ့
အာငွေ့လေး ထည့်ကြည့်တယ် ။
မြူမှုန်တမှုန်မျှ
တန်ပြန် သက်ရောက်မှုမလို
ဆောင်းကို
အဲသလို ချစ်ရပါတယ် ။

ကိုခြူးလေး(MP)