သစ်ခက်သံလွင် တကိုယ်တော်ကဗျာ၊ စိုးခိုင်ညိန်း၏ "ညနေခင်း" ကဗျာများ

ညနေခင်း ၁

bombmagazine.org

 စိတ်က တဖြေးဖြေး အုံ့မှိုင်းလာတယ်

အစဉ်အလာအရဆို

တစ်ခုခုကို လွမ်းပစ်လိုက်ရတော့မယ်

တိမ်တွေက တရွေ့ရွေ့နဲ့

ခံစားမှုကို မီးထွက်အောင်သွေးလို့

ကဖေးဆိုင်မှာ အဖေးတက်အောင်ထိုင်လည်း

ကော်ဖီခွက်ထဲက ငါးကိုတောင်

မိအောင် မမျှားနိုင်သေးတဲ့အဖြစ်

အမှောင်ရဲ့ခြေသံမှာ အထိတ်ထိတ်အပြာပြာ

နေရောင်ဟာ လွတ်ထွက်သွားတဲ့ ငါးပဲ။ ။

စိုးခိုင်ညိန်း(28.9.14)

 ....

ညနေခင်း ၂

abstractartpictureswallpaper.blogspot.com

တံတားအောက်ကနေ စောင့်နေတယ် 

အိမ်ပြန်မယ် အိမ်ပြန်မယ်တဲ့ ဘတ်စ်ကားတစီးက အော်သွားတယ်

သူရောက်လာတော့ လက်ဆွဲခြင်းကို လှမ်းယူတယ်

နောက် လက်ချင်း ချိတ်လိုက်ကြတယ် 

နေလုံးက သွေးသံရဲရဲနဲ့ မြစ်ပြင်မှာ မေးတင်နေပြီ

ပလက်ဖောင်းပေါ်က ဆိုင်တဆိုင်မှာ ထိုင်ကြတယ်

အသုပ်ပုဂံကို နှစ်ယောက်သား ဆိတ်ဆွနေတယ်

ဘာစကားမှ ပြောစရာမလိုဘူး 

တစ်ယောက် မျက်လုံးမှာ တယောက် ပုံရိပ်တွေ 

ကြာပါပြီ နှစ်ယောက်အကြားမှာ ညပ်နေတဲ့ ညနေခင်းတွေကို မဖယ်ရှားနိုင်သေးဘူး။။

စိုးခိုင်ညိန်း (10.8.2016)

.... 

ညနေခင်း ၃

improvedandnew.blogspot.com

 လမ်းမီးတွေ လင်းလာပြီ

ပန်းခြံမှာ တယောက်တည်း ထိုင်နေတယ်

အပန်းဖြေသူတို့ အပန်းပြေကြရဲ့လား

ပန်းပွင့်တွေထဲ ကျနော်ရယ်သံတွေ ထည့်ထားခဲ့တယ်

မွှေးရနံ့ကို ရှူမိသူတို့ပျော်ပါစေ

ရင်ထဲက ချော်ရည်တွေ ပန်းမထွက်ခင်လေး

တုန်ယင်စွာမောဟိုက်နဲ့ ပြေးထွက်ခဲ့တယ်

ဖိုထားခဲ့မိတဲ့ မီးများရှိရာဆီ။။

စိုးခိုင်ညိန်း (17, 8, 2016)

…

ညနေခင်း ၄

b1103113haa102.blogspot.com

ရှင် ကျမကိုပစ်ထားတာပဲ

ကျမစောင့်နေတယ် ဆံပင်တွေရှည်သည်အထိ

မီးစွဲနေတဲ့ အသံထဲကားတွေ တစီးပြီး တစီးဖြတ်သန်းသွား

မီးခိုးတွေဟာ ဖုန်းထဲက ထွက်ကျလာ

ပေါက်ကွဲသွားတဲ့ ဆပ်ပြာပူဖောင်းထဲမှာ မြင်ရလား

ရှင်နဲ့ကျမရဲ့ဇာတ်ဝင်ခန်းတွေ 

အခု မျက်ရည်ပြင်မှာ မျက်လုံးက နီနေပြီ

ရှင် နမ်းလိုက်တာနဲ့ မှောင်ကျသွားဖို့ အသင့် ။။

စိုးခိုင်ညိန်း (21, 9, 2016) 

….

ညနေခင်း ၅

www.artistsnetwork.com

လေထုထဲမှာ မင်းပုန်းကွယ်နေတာ ကိုယ်သိတယ်

ကိုယ်သင်းနံ့ကို မင်းဘယ်မှာဝှက်ထားမလဲ

လွမ်းဆွတ်ခြင်းက အနီရောင်သန်းနေပြီ

သစ်ရွက်တွေကို ခြွေချလိုက်ပါတော့ကွယ်

ကိုယ့်မှာ စောင့်မျှော်ရတာမောလှပြီ ။

စိုးခိုင်ညိန်း (6, 8, 2016)