Thursday, September 8, 2016

k

သစ်ခက်သံလွင် ကဗျာစင်မြင့်၊ သန်းဌေးမောင်၊ ယောဟန်အောင်၊ ခင်လွန်းတို့၏ကဗျာများ

ကြာသော သောကြာ  
သန်းဌေးမောင်
ဘယ်တောအုပ်
ဘယ်တောင်တန်းကိုပဲဖြစ်ဖြစ်
ဖြတ်ကျော်မိတဲ့အကြိမ်တိုင်း
ဥသြတွန်သံ၊ ချိုးကူသံ
ကျေးငှက်တို့တေးဆိုသံ
ထင်းရူးတောအုပ်ကို လေတိုးသံ
သစ်ရွက်ကြွေသံ
မာယာများသတဲ့လား
အိတ်ဇစ်တွေ ဘယ်လိုမှားမှား
လမ်းပြမြေပုံကဘယ်ကိုပဲ ဆွဲခေါ်ခေါ်
သူဆိုညည်းနေကျ
တိုးတိုးအုပ်အုပ် သီချင်းသံလေးပဲ
နားထောင်လို့ကောင်းတယ်
ခွင့်ပြုတဲ့ မိုင်နှုန်းထက် ပိုပိုသာသာ
ငါ့စိတ်တွေ ပိုစောလို့
တိမ်တွေ ပြေးဆော့ချင်ဆော့ မဆော့ချင်နေ
ကောင်းကင် ပြာချင်ပြာ မပြာချင်နေ
မော့ကြည့်မနေတော့ဘူး။

သန်းဌေးမောင်
၊ ၉၊ ၂၀၁၆ သောကြာနေ့


....
စစ်ပွဲကြီးတွေ ပြီးတဲ့အခါ
springsemester2015artz363.wordpress.com
 ကောင်လေးရေ..
ဒီရွာကို ပြန်ရောက်သေးတယ်နော်..
နင့်ဗိုက်က အတော်ထွက်လာပေါ့

မြို့သားတရုတ်ပုံ ဖြူဖြူ ၀တုတ်တုတ်နဲ့
အရင်လို ၀ါးခြမ်းဖျား ငှက်ဖျားရုပ် မဟုတ်တော့ဘူး။
အမိုး ပြောတယ်ဟုတ်
ငါတို့ တောင်ပေါ်ကလူတွေအတွက်တော့
ဒုက္ခ ခံမနေပါနဲ့..
သင့်ရာတော်ရာမှာ
'နင့်ဘ၀ နင်ကျောင်းတော့' ဆိုတာ။

ကောင်လေးရေ..
မင်းတို့ ကျောင်းသားသူပုန်တွေ အရင် ၃-ရက်လမ်းလျှောက်လာရတဲ့
ငါတို့ရွာ
အခု ဆိုင်ကယ်လမ်းပေါက်ပါပကော...
ဒါပေသိ .. တောတွေပြုန်းလာလို့
နေတော့ကျောကုန်းကော့အောင် ပူသနော့။

စစ်ပွဲကြီးတွေ ပြီးကတည်းက ဆိုပါတော့...
တို့ရွာမှာ ကုမ္ပဏီတွေ ရောက်လာ..
ရွှေတွေရှာ.. သစ်တွေခုတ်ကြ
မြစ်ကြီးလည်း ပိတ်ပစ်မယ် ပြောတာပ
သူတို့ သိမ်းသွားကြတဲ့ ငါ့ကွမ်းသီးခြံထဲလည်း
ရုံးတွေ၊ တန်းလျားတွေ၊ အလုပ်သမားတွေနဲ့ စည်စည်ပင်ပင်။

စစ်ပွဲကြီးက တို့ဖိုးခွား၊ တို့ ဖိုးဒိုမူတွေကို စားခဲ့တယ်။
စစ်ပွဲကြီးက ရွာတွေ၊ သစ်တောတွေကိုစားတယ်။
စစ်ပွဲကြီးက ငါတို့တောင်ယာ၊ ငါတို့ ဘုရားကျောင်းတွေကို စားတယ်။
စစ်ပွဲကြီးက ငါ့ယောက်ျားခြေတစ်ဖက်ကိုတောင် စားလိုက်သေး
စစ်ပွဲမီးတောက်ကြီးက တောင်တန်းတွေကိုပါ စားပစ်ခဲ့တာပေါ့။

ရွာဟောင်းတော့ကွယ် ... မှတ်မိစရာ ဘယ်ရှိမလဲ
လူတွေလည်းပြောင်း၊ အိမ်သစ်တွေလည်းပေါင်း
မီးစက်တဂျောင်းဂျောင်း မောင်းလို့ ဗီဒီယိုကြည့်ကြ
အရက် ဘီယာချောင်းစီးကြ
ကမ္ဘာ့ဘောပွဲကြီးကို လောင်းကြ
ချဲသမားတွေလည်း တယ် နေရာကျသကွဲ့။

အရင်တုန်းက အမိုးတို့ တောင်ယာခုတ်တော့
ရေဆုတ် တောပြုန်းတယ် နင်တို့ပဲပြောကြ
အခုစစ်ပွဲပြီးတော့မှ တောင်တွေက ကတုံးတွေချည်း
စီမံကိန်းကြီးတွေလည်း ရောက်လာတယ်
ပြောင်သလင်းခါအောင် တောတွေခုတ်
ငါတို့ စပါးနဲ့ငြုတ်စိုက်ခဲ့တဲ့နေရာမှာ
အခုတော့ ရာဘာနဲ့ ၀ါခင်းတွေချည်း
စက်မှုသီးနှံဆိုပြီး စိုက်ကြတာပ
တရုတ်ဆီက အတော်အ၀ယ်လိုက်ဆိုလား။

အရင်က သောက်ရေခပ်တဲ့ စမ်းတွေ
ချောက်သွားပြီလေ
မြစ်ရေတွေတောင် နောက်ကျိနေပါပေါ့
ငါတို့ဘ၀ကတော့ ပင်ပန်းတုန်း၊ ပင်ပန်းဆဲပါပဲ
တချို့လည်း ရှမ်းပြည်သွား
တချို့လည်း မြို့များမှာ အိမ်ဖော်လုပ်
တောပန်းအလှလေးတွေတောင်
ရွာကိုနှုတ်ဆက် ထွက်သွားကြတာကြာပေါ့။

အဘိုးကြီး၊ အဘွားကြီးနဲ့ ကလေးတွေပဲ များနေတဲ့ရွာ
မြို့က သူတို့ ပို့စာလည်းစား
ကလေးကလောင်လည်း ထိန်း
မိသားစု ကောက်သိမ်းပွဲတွေလည်း လွမ်းစရာဖြစ်ကုန်ပြီကွဲ့။

မင်းတို့ တပ်မှူးကျလို့
မြှုပ်ခဲ့တဲ့နေရာလား
အဲသည်မှာ မတွေ့လား
အခု ဘူဒိုဇာ ရပ်ထားတဲ့နေရာလေ....။

ယောဟန်အောင်
၂၀၁၂ ခုနှစ်၊ ဇန် ၁၉။

....



အသံတိတ်ကြယ်စင်

www.pinterest.com
 မိုးကောင်းကင်မှာ

အမည်ရေးထိုးမထားတဲ့ကြယ်စင်…



မလိုတမာတွေရဲ့

စကားအရတော့

သူတို့မှာ

သမိုင်းမရှိကြရှာဘူး။



ဒီမှာ

လက်ဖြောင့်သေနတ်သမားရဲ့လက်ညှိုးအကွေးမှာ

မိစ္ဆာကောင်များကျဆုံးသွားခဲ့ပုံဇစ်မြစ်တွေရဲ့အစ

သိကြဖို့ဟာ လွယ်သလား။



သေချာတယ်

ငါလည်း

အမည်ကမ္ပည်းထိုးမထားတဲ့

ကျည်တတောင့်သာ။ ။

ခင်လွန်း
နံနက် -၁၁း၃၀

၉.၈.၂၀၁၅
(ကဗျာဆရာခိုင်မျိုးစီစဉ်သည့် ဆိပ်ကမ်းသာကဗျာများ-၂၀ ၁၆တွင် ဖော်ပြပြီးဖြစ်ပါသည်။)