သစ်ခက်သံလွင်၊ ဘဝဖြတ်သန်းမှုမှတ်တမ်းများ၊ စိုးလွင်(၂၁၁)(ဝမ်ခ) ရဲ့ ကြမ်းကြမ်းတမ်းတမ်း ဘဝလမ်းများ-၈၈။ " စစ်ရုံးအုပ်ဘဝ"

ကြမ်းကြမ်းတမ်းတမ်း ဘ၀လမ်းများ-၈၈..

၁၉၈၈ -ပြည်သူ့အရေးတော်ပုံနောက်ပိုင်းကာလ စစ်​အာဏရှင်​စနစ်​ အဆုံးတိုင်ပျက်သုဉ်းချုပ်ငြိမ်းရေး​အတွက် တိုက်ပွဲဝင်ခဲ့ကြတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (မ.က.ဒ.တ) ရဲ့ တော်​လှန်​​ရေးခရီးလမ်းတလျှောက် ကျနော်ပါဝင်ခဲ့ရာ (၁၉၈၈-၁၉၉၄) ကာလ ​ကိုယ်တွေ့ကြုံဆုံခဲ့ရမှု များကို ကျနော်နဲ့အတူ သက်စွန့်ဆံဖျားတိုက်​ပွဲဝင်​ခဲ့ကြတဲ့ ရဲ​ဘော်​သူငယ်​ချင်း​များအား အမှတ်​ရဂုဏ်​ပြုခြင်းအဖြစ်​​သော်​လည်း​ကောင်း၊ နောင်​ မြန်မာ့လူ့ဘောင်အဖွဲ့အစည်းက လူငယ်​မျိုးဆက်​သစ်​များ​ သိရှိလေ့ လာနိုင်​ရန်​အတွက်​သော်လည်းကောင်း..သစ်​ခက်​သံလွင်​အွန်လိုင်းမှ တဆင့်​ ​ရေးသားတင်​ဆက်​လိုက်​ပါသည်​။ 
 
 စိုးလွင်​
(၂၁၁) (၀မ်​ခ)

 

ဒီဇိုင်းမိုးမခမီဒီယာ

စစ်​ရုံးအုပ်​ဘ၀

တ​နေ့မိုးချုပ်​ကာစမှာ...ကျ​နော်​ကိစ္စတခုနဲ့ ပြန်​ကြား​ရေးဌာနဘက်​ ရောက်​​နေတုန်း​မှာ စစ်​ရုံးက ရဲ​ဘော်​တဦးဖြစ်​တဲ့ ရဲ​ဘော်​ရာဇာ အ​ပြေးက​လေး​ရောက်​လာပြီး၊ အချုပ်​သား​တွေ ထွက်​​ပြေးသွားပြီဆို တဲ့အ​ကြောင်း သတင်းလာပို့တယ်​။ ကျ​နော်​လည်း ချက်​ချင်းလိုက်​သွားပြီး အချုပ်​ဂို​ဒေါင်​ကိုသွားစစ်​​တော့...

ဗဟိုမှာ ကျ​နော်​စစ်​ရုံးအုပ်​တာဝန်​ထမ်း​​ဆောင်​တဲ့အချိန်​အတွင်း စစ်​အစိုးရက တဖက်​သတ်​အပစ်​ရပ်​စဲတယ်​လို့​ကြေညာပြီး စစ်​ပွဲ​တွေရပ်​လိုက်​တဲ့အတွက်​ တိုက်​ပွဲ​တွေမဖြစ်​​တော့ပါဘူး(စစ်​အစိုးရဘက်​က အထိအခိုက်​ အကျအဆုံးများပြီး၊ အမိန့်​နာခံမှုတွေ အားနည်းလာတဲ့အတွက်​ တဖက်​သတ်​အပစ်​ရပ်​လိုက်​တာပါ။ တကယ်​လို့များ တဖက်​သတ်​ အသာစီးရ​နေရင်​​တော့ ဘယ်​ရပ်​ပါမလဲဗျာ)..တိုက်​ပွဲမဖြစ်​​တော့​ပေမဲ့ ကျ​နော်​တို့တပ်​​တွေက​တော့ ​ရောက်​တဲ့​နေရာမှာ ​နေရာယူထားကြဆဲ။

တပ်​ရင်းအားလုံး ​ရှေ့တန်းမှာ ရှိ​နေကြပြီး ​နောက်​တန်းမှာက ဖျားနာသူ​တွေ အိမ်​​ထောင်​သည်​​တွေနဲ့ ဗဟို အဖွဲ့​တွေပဲရှိကြတယ်​။ ကျ​နော့်​အလုပ်​က စစ်​ရုံးစာဝင်​စာထွက်​လုပ်​..တပ်​ရင်း​တွေအတွက်​ စစ်​ပစ္စည်း​ထောက်​ပံ့​ရေး​တွေ​ပေးနဲ့ စစ်​ရုံးက ရဲ​ဘော်​​တွေကို ထိန်းရတာပဲ။ ဒီအလုပ်​​တွေက ပြဿ       နာမရှိ​ပေမဲ့.. အပြစ်​ရှိတယ်​ဆိုပြီး တပ်​ရင်းကပို့လိုက်​တဲ့အချုပ်​သား​တွေကို ထိန်းရတာက ပြဿ      နာ။

(ကျ​နော်​ကလည်း ကံကြမ္မာလို့ ​ပြောရမလား..​ရေစက်​လို့​ပြောရမလား..အထုံလို့ ​ပြောရမလား မသိဘူး။ ဗဟိုမကွဲခင်​ ဗဟိုကိုခဏရောက်​​နေတာ​တောင်​ တရာခံဖမ်းစရာရှိပြီးဆို တာဝန်​​ပေးခံရတာက ကျ​နေ့ာ်​ တပ်​စိတ်ပဲ)။ ကျ​နော်​စစ်​ရုံးအုပ်​ဘ၀မှာ ပထမဆုံး​ရောက်​လာတဲ့အချုပ်​သားနှစ်​​ယောက်​က တပ်​ရင်း ၂၀၈ က ရဲ​ဘော်​လှဝင်း(​လေး)နဲ့ တပ်​ရင်း ၂၁၀ ကတ​ယောက်​။ တပ်​ရင်း ၂၁၀ ကရဲ​ဘော်​က ဘာအမှုနဲ့​ရောက်​လာမှန်​ မမှတ်​မိ​တော့​ပေမဲ့၊ တပ်​ရင်း ၂၀၈ ကရဲ​ဘော်​က​တော့ တပ်​ရင်းက​နေ ထွက်​​ပြေးမှု။

ဒီရဲ​ဘော်​က နှစ်​ကြိမ်​ထွက်​​ပြေးတာ..ပထမတကြိမ်​တုန်းက လက်​နက်​မဲ့ထွက်​​ပြေး​ပေမဲ့ အခု ဒုတိယအကြိမ်​ ​သေနတ်​နဲ့အတူထွက်​​ပြေးရာမှာ ဖမ်းမိလာတာ။ သူတို့နှစ်​​ယောက်​​ ​ကျ​နေ့ာ်​ဆီ​ရောက်​လာတာနဲ့ ကျ​နော်​ သူတို့ကို​ပြောတယ်​"ခင်​ဗျာတို့ မှန်​လားမှားလား ကျ​နော်​မသိဘူး..တပ်​ရင်းက တာဝန်​ရှိတဲ့သူ​တွေက ခင်​ဗျား တို့မှာ အပြစ်​ရှိတဲ့အတွက်​ ချုပ်​ထား​ပေးပါလို့ ဗဟိုကို အကူညီ​တောင်းအတွက်​ ဗဟိုအမိန့်​အရ ခင်​ဗျားတို့ကို ထိန်းထားရတာ။ ဘယ်​သူမှားတယ်​ မှန်​တယ်​ဆိုတာက ခင်​ဗျာတို့နဲ့ ဗဟိုတာဝန်​ရှိသူ​တွေ၊ တပ်​ရင်းတာဝန်​ရှိသူ​တွေ မျက်​နှာချင်းဆိုင်​ရှင်းရမယ့်​ကိစ္စ။ ခင်​ဗျာတို့ဟာ ကျ​နော်​တို့ရဲ​ဘော်​​တွေဖြစ်​တဲ့အတွက်​ လက်​ထိပ်​မခတ်​ဘူး။ ကျ​နော်​တို့စားသလို စားရမယ်​ ​နေရမယ်​။ ဒါ​ပေမဲ့ သာမန်​ရဲ​ဘော်​​တွေလို့​တော့ အပြင်​ထွက်​လည်​ခွင့်​မပြုဘူး။ စစ်​ရုံးနယ်​​မြေအတွင်းမှာပဲ ​နေရမယ်​"

ကျ​နော်​တို့မှာ အချုပ်​ခန်းမရှိတဲ့အတွက်​ သူတို့ကို ဂို​ဒေါင်​တလုံးမှာထားတယ်​။ တံခါးဖွင့်​ထား​ပေးတယ်​။ ကြိုက်​တဲ့အချိန်​ အ​ပေါ့အပါး ထသွားလို့ရတယ်​။ မနက်​မိုးလင်းရင်​ ကျ​နော်​တို့နဲ့အတူ မနက်​စာ အတူစားပြီး လုပ်​စရာရှိတဲ့အလုပ်​​တွေ အတူလုပ်​ကြတယ်​။

(သာမန်​ရဲ​ဘော်​​တွေ မလုပ်​ချင်​တဲ့အလုပ်​၊ ပင်​ပမ်းမယ့်​အလုပ်​မျိုး​တွေ​တော့ သူတို့လုပ်​ရတာ​ပေါ့)

တ​နေကုန်​ အပြင်​မှာလုပ်​စရာရှိတာလုပ်​ကြပြီး ည​ရောက်​ရင်​​တော့ ဂို​ဒေါင်​ထဲမှာ​နေ(ဂို​ဒေါင်​ဆို​ပေမဲ့ ကျ​နော်​တို့​နေတဲ့ ဘားတိုက်​​တွေလိုပါပဲ)..အပြင်​ထွက်​လည်​ခွင့်​​တော့ မရ​တော့ဘူး။ ဒီတချက်​ပဲ သာမန်​ရဲ​ဘော်​​တွေနဲ့ ကွာတာ..ကျန်​တာ အတူတူပဲ။

ဒီလို့နဲ့​နေကြရင်း တ​နေ့ မိုးချုပ်​ကာစမှာ...ကျ​နော်​ကိစ္စတခုနဲ့ ပြန်​ကြား​ရေးဌာနဘက်​ ​ရောက်​​နေတုန်း​မှာ စစ်​ရုံးက ရဲ​ဘော်​တဦးဖြစ်​တဲ့ ရဲ​ဘော်​ရာဇာ အ​ပြေးက​လေး​ရောက်​လာပြီး၊ အချုပ်​သား​တွေ ထွက်​​ပြေးသွားပြီဆို တဲ့အ​ကြောင်း သတင်းလာပို့တယ်​။ ကျ​နော်​လည်း ချက်​ချင်းလိုက်​သွားပြီး အချုပ်​ဂို​ဒေါင်​ကိုသွားစစ်​​တော့ တပ်​ရင်း ၂၁၀ ကရဲ​ဘော်​ကရှိ​နေ​သေးပြီး တပ်​ရင်း ၂၀၈ က ရဲ​ဘော်​လှဝင်း(​လေး) (တပ်​ရင်း ၂၀၈ မှာက လှဝင်း​  နှစ်​​ယောက်​ရှိတယ်​..လှဝင်း(ကြီး) က ဗဟို​ကော်​မတီဝင်​)​ တယောက်​ပဲ ထွက်​​ပြေးသွားတာ​တွေ့ရတယ်​။ ကျန်​​နေတဲ့အချုပ်​သားကို​မေးကြည့်​​တော့...လှဝင်းက ထွက်​​ပြေးဖို့ သူ့ကိုအ​ဖော်​စပ်​တယ်​။ သူက ထွက်​မ​ပြေး ဘူးလို့​ပြောလိုက်​​တော့ လှဝင်းတ​ယောက်​ထဲ ထွက်​​ပြေးသွား တာတဲ့။ ကျ​နော်​လည်း လာ​ခေါ်တဲ့ရဲ​ဘော်​ရာဇာကို ​မေးကြည့်​​တော့...သူလည်း ဖျား​နေလို့ ​တ​ယောက်​ထဲအိပ်​​နေတုန်း(ကျန်​တဲ့ရဲ​ဘော်​​တွေက ထမင်းရုံ ထဲ ​ရောက်​​နေကြတယ်​) စစ်​ရုံးဘက်​က မသင်္ကာစရာ အသံကြားလို့ထကြည့်​တာ..လူတ​ယောက်​ ရုံ​ဘေးနား ကပ်​​နေတာ​တွေ့လို့ ​အော်​လိုက်​မှထွက်​​ပြေးသွားသတဲ့။ သူလည်းအ​ပြေးသွားပြီး အချုပ်​ဂို​ဒေါင်​သွားကြည့်​တာ လှဝင်းကိုမ​တွေ့တာနဲ့ ချက်​ချင်း ကျ​နော့်​ကိုသတင်းလာပို့တာတဲ့။ 

ကျ​နော်​တို့လည်း စစ်​ရုံးထဲမှာရှိတဲ့ လက်​နတ်​ပစ္စည်း​တွေ စစ်​ကြည့်​လိုက်​​တော့ ခါးပတ်​နဲ့တွဲချိတ်​ထားတဲ့ပစ္စတို တလက်​ ​ပျောက်​​နေတာ​တွေ့ရတယ်​။ ကျ​နော်​တို့စစ်​ရုံးတဖွဲ့လုံးလည်း​သေနတ်​​တွေဆွဲပြီး လိုက်​ရှာတာ​ပေါ့။ မ​တွေ့တဲ့အဆုံး အနီးအနားမှာရှိတဲ့ K.N.U တာဝန်​ရှိတဲ့သူ​တွေကိုအကျိုးအ​ကြောင်း​ပြောပြပြီး ​တွေ့ရင်​ဖမ်းထား​ပေးဖို့အ​ကြောင်းကြားခဲ့တယ်​။

မနက်​မိုးလင်းလို့ စစ်​ရုံတ၀ိုက်​ကိုပြန်​စစ်​​ဆေး​တော့ နံရံကြားမှာညှပ်​​နေတဲ့ ပစ္စတိုကို ပြန်​​တွေ့ရတယ်။သေနတ်​မပါသွားတဲ့အတွက်​ ကျ​နော်​လည်း စိတ်​နည်းနည်း​အေးသွားတယ်​။
နှစ်​ရက်​​လောက်​​နေ​တော့ လှဝင်းကိုဖမ်းမိပြီးဖြစ်​​ကြောင်း K.N.U က အ​ကြောင်းကြားလာလို့ စစ်​ရုံးက ရဲ​ဘော်​တချို့ကိုလွှတ်​ပြီး လှဝင်းကိုပြန်​​ခေါ်လာခိုင်းလိုက်​တယ်​။

ဒီတခါ​တော့ ကျ​နော်​မညှာနိုင်​​တော့ပါဘူး။ လှဝင်းကို လက်​ထိပ်​ခတ်​ဖမ်းခဲ့ဖို့ မှာလိုက်​တယ်​။
လှဝင်း ​ရောက်​လာပါပြီးခင်​ဗျာ။

သူ့ကိုစစ်​​မေး​တော့ စစ်​ရုံးအပြင်​နံရံအကြားက​နေ ​သေနတ်​ကိုဆွဲ​နေတုန်း ရဲ​ဘော်​ရာဇာလှမ်း​အော်​သံကြား လို့ ​သေနတ်​ကိုမယူဘဲ(နံရံနဲ့ ​သေနတ်​ညှပ်​​နေပြီး ဆွဲမရ) ထွက်​​ပြေးသွားတာဖြစ်​​ကြောင်း အစစ်​ခံတယ်​။ ကျ​နော်​လည်း ​ဒေါသထွက်​ထွက်​နဲ့ နှစ်​ချက်​ သုံးချက်​ ရိုက်​ပစ်​လိုက်​တယ်​။ ပြီး​တော့ အချုပ်​ထဲထည့်​ ​သော့ခတ်​ထားလိုက်​တယ်​။

နောက်​​နေ့မိုးလင်း​ ထမင်းစားကြ​တော့ သူတို့နှစ်​​ယောက်​ကို ရဲ​ဘော်​​တွေနဲ့အတူ ထမင်းမစားခိုင်း​တော့ဘဲ သီးခြားစီစားခိုင်းလိုက်​တယ်​။ အချုပ်​သား​တွေက ကျ​နော်​တို့ကို သင်​ခန်းစာ​ပေးလာတဲ့ အတွက်​ ရဲ​ဘော်​နဲ့ အချုပ်​သားကို အဆင့်​အတန်းခွဲဖို့ ကျ​နော်​စလုပ်​ပါပြီ။

ထမင်းစားပြီးတာနဲ့ ကျန်​အချုပ်​သားကို​တော့ ရဲ​ဘော်​​တွေနဲ့အတူတူအလုပ်​လုပ်​​စေပြီး လှဝင်းကို​တော့ အချုပ်​ထဲထည့်​ ​သော့ခတ်​ထားလိုက်​တယ်​။ ထမင်းစား ​ရေချိုးချိန်​ကလွဲပြီး ကျန်​တဲ့အချိန်​ကို အပြင်​ထွက်​ခွင့်​မ​ပေး​တော့ဘူး။
ဒီလိုနဲ့​နေကြရင်း တရက်​ ကျ​နော်​အပြင်​က ပြန်​လာတဲ့အချိန်​မှာ ၀င်းချို(စစ်​​ရေးချုပ်​) က လှဝင်းကို စစ်​ရုံး​ရှေ့ ကသစ်​ပင်​မှာကြိုးချီပြီး ရိုက်​​နေတာ ​တွေ့ရတယ်​။

"​နောက်​ ​သေနတ်​ယူပြီး ထွက်​​ပြေးအုံးမလား"ဆိုပြီး ​မေးလိုက်​ရိုက်​လိုက်​​ပေါ့။

လှဝင်းကလည်း ငိုယိုပြီး "​နောက်​ မလုပ်​​တော့ပါဘူး" ​ပြော​ပေါ့။

သူတို့နှစ်​​ယောက်​ရဲ့အဖြစ်​ကို ​တွေ့ခါစက​တော့ ကျ​နော်​​ကျေနပ်​တယ်​။ ​သေနတ်​ခိုးပြီး ထွက်​​ပြေးမယ့်​​ကောင်​ကို ဒီ​လောက်​​တော့ ရိုက်​ဆုံးမသင့်​တာ​ပေါ့။ ဒါ​ပေမဲ့ နည်းနည်းကြာလာ​တော့ ရိုက်​နှက်​သံ​တွေနဲ့ ငိုယိုသံ​တွေကို မကြားချင်​​တော့ဘူး။ မ​ကြေမနပ်​ဖြစ်​လာတယ်​၊ ​ဒေါသဖြစ်​လာတယ်​။ ဒါနဲ့ပဲ ၀င်းချို အရိုက်​ရပ်​​ပေမဲ့ လည်း လှဝင်းဆက်​ပြီး​အော်​ငို​နေတာ​တွေ့လို့ " နားငြီးတယ်​ကွာ" ဆိုပြီး​တော့ လှဝင်းကို ကြိုး​ဖြေ​ပေးပြီး စစ်​ရုံးနဲ့ဝေးရာကို ​ခေါ်ချလာလိုက်​တယ်​။ 

အရိပ်​​ကောင်းတဲ့ သစ်​ပင်​တပင်​​အောက်​​ရောက်​​တော့ လှဝင်းကို ကြိုးချီပြီး ထားလိုက်​တယ်​။ မင်းအငိုရပ်​မှ ငါ့လာပြန်​​ခေါ်မယ်​​ပြောလည်း လှဝင်းက အငိုမရပ်​ဘူး။ ကျ​နော်​လည်း သူကို​ခြောက်​တဲ့အ​နေနဲ့ ..ချီထားတဲ့ကြိုနဲ့ပဲကြိုးကွင်းလုပ်​ပြီး သူလည်​ပင်း​မှာ စွပ်​ထားလိုက်​တယ်​။

(သူထိုင်​လို့ ထလို့ရ​အောင်​ ကြိုးရှည်​ရှည်​​တော့ လုပ်​ထားလိုက်​တယ်​)..မင်းအငိုရပ်​မှ ငါလာပြန်​​ခေါ်မယ်​​ပြောပြီး အလုပ်​ရှိရာထမင်းရုံဘက်​ကို ကျ​နော်​ထွက်​လာခဲ့လိုက်​တယ်။ ၂ နာရီ​လောက်​ကြာတဲ့အချိန်​မှာပဲ ကျ​နော်​ရှိရာထမင်းရုံဆီကို ရဲ​ဘော်​ရာဇာ​ပြေးချလာပြီး.." အကို...အကို...ဟို​ကောင်​ လှဝင်း​ခေါ်လို့ မရ​တော့ဘူး" လို့ ပြောလာတဲ့အတွက်​...ကျ​နော်​လည်း လုပ်​လက်​စအလုပ်​​တွေကိုပစ်​ချထားခဲ့ပြီး လှဝင်း ရှိရာ​ပြေး​တော့တာပဲ။

ကျ​နော်​​ရောက်​သွားတဲ့အချိန်​မှာ လှဝင်းဟာ သစ်​ပင်​မှာကပ်​ပြီး ထိုင်​မလို ထမလိုပုံစံမျိုးနဲ့ ​ခေါင်းငိုက်​စိုက်​ကျ​နေတာ ​တွေ့ရတယ်​။ ကျ​နော်​လည်း လှဝင်းအနားကပ်​သွားပြီး သူ့ကိုယ်​ကိုကိုင်​လှုပ်​ပြီး" လှဝင်း​..လှဝင်း​" ​ခေါ်ကြည့်​​တော့ ဘာသံမှထွက်​မလာဘူး။ သူ့ကိုယ်​​ငွေ့ကလည်း သာမန်​လူလိုမ​နွေးဘဲ ​အေး​နေ​တော့ ကျ​နော်​စဉ်းစားရခက်​သွားတယ်​။ လူတ​ယောက်​ လဲကျရုံနဲ့ ဒီလို့ဖြစ်​သွား​ရောလား။

ကျ​နော်​ မင်္သကာတာနဲ့ သူ့လည်​ပင်းကိုကြည့်​လိုက်​​တော့ ကြိုးကွင်းက သူ့လည်​ပင်းမှာ အစ်​​နေတာ ​တွေ့ လိုက်​ရတယ်​။ ကျ​နော်​လည်း ချက်​ချင်းပဲလှဝင်းကိုချီမပြီး ​နောက်​က​ရောက်​လာတဲ့ရာဇာကိုလည်​ပင်းကြိုးကွင်း ​ဖြေခိုင်းရတယ်​။ ပြီး​တော့ ​ရှေးဦးသူနာပြုနည်း​တွေနဲ့ ပြုစု​နေတုန်း အနီးမှာရှိတဲ့ရဲ​ဘော်​တ​ယောက်​ကို ​ဆေးမှူး​တွေ ​ခေါ်ခိုင်းလိုက်​တယ်​။

ဆေးမှူး​တွေ​ရောက်​လာလို့စမ်းသပ်​ကြည့်​​တော့ လှဝင်းက အသက်​မရှိ​တော့ဘူး။ ဒီ​တော့မှ ကျ​နော်​စဉ်း စားရ​တော့တယ်​။ လဲကျရင်း ထိုင်​ချရင်း အိပ်​ချရင်​​တောင်​ လည်​ပင်းမအစ်​​အောင်​ ကြိုးရှည်​ရှည်​နဲ့ ထားခဲ့ရဲ့နဲ့ လှဝင်းလည်​ပင်းအစ်​ပြီး ဘာ​ကြောင့်​​သေရတာလဲ။

ကျ​နော်​လှဝင်းရဲ့အနီးပတ်​၀န်းကျင်​​တွေ ​လေ့လာကြည့်​လိုက်​​တော့ တွေ့ပါပြီ။

လှဝင်းဟာ သစ်​ပင်​ကို အ​ခေါက်​​ပေါင်းများစွာပတ်​ပြီး ကြိုးကို တင်းသွား​အောင်​လုပ်​...ကြိုးတင်းသွားပြီ ဆို​တော့မှ လှဲချလိုက်​တာပဲ။ သူ့ကိုယ်​သူ လုပ်​ကြံလိုက်​တယ်​လုိ့ပဲ ​ပြောရမှာပဲ။

ဘယ်​လို​ပြော​ပြော ဒီကိစ္စမှာ ကျ​နော့်​မှာ တာဝန်​ရှိတယ်​။ ကျ​နော်​​ပေါ့ဆခဲ့တယ်​။သူ ဒီလိုလုပ်​လိမ့်​မယ်​လို့ ကျ​နော်​လုံးဝ ထင်​မထားခဲ့ဘူး။ ဒါ​ကြောင့်​လည်း လှဝင်း​သေတဲ့ကိစ္စနဲ့ပတ်​သက်​ပြီး ဗဟို​ကော်​မတီ တဦးက ၀င်းချို(စစ်​​ရေးချုပ်​)ကို တာဝန်​ခံခိုင်း​တော့ ကျ​နော်​​ပြောခဲ့တယ်​။ ၀င်းချိုနဲ့မဆိုင်​ဘူး။ တာဝန်​ခံရမှာက ကျ​နော်။ ခင်​ဗျာတို့ စစ်​​ဆေးလို့ ကျ​နော့်​မှာ အပြစ်​ရှိတယ်​လို့သတ်​မှတ်​ရင်​ ကျ​နော်​ခံပါမယ်​လို့ ​ပြောခဲ့တယ်​။

(ဗဟိုရဲ့ရှုတ်​​ထွေးနေတဲ့ အ​ခြေအ​နေ​ကြောင့်​လားမသိဘူး၊ ​နောက်​​တော့လည်း ဒီကိစ္စဘာသံမှမကြားရ​တော့ဘူး) 

အချုပ်​သား​တွေက ကျ​နော့်​ကို သင်​ခန်းစာအများကြီး ​ပေးခဲ့တယ်​။ ဒါ​ကြောင့်​​ နောက်​​ရောက်​လာတဲ့ အချုပ်​သား​တွေကို အချုပ်​သားပီပီ ဆက်​ဆံခဲ့တယ်​။ တချို့​တွေလည်း မ​ကြေနပ်​ကြဘူး​ပေါ့။

( ကျ​နော်​ ABSDF က ထွက်​ပြီး Bangkok ​ရောက်​တဲ့အချိန်​..ကျ​နော်​ဖမ်းခဲ့ဖူးတဲ့ ရဲ​ဘော်​တ​ယောက်​ ကျ​နော့်​ ဆီ​ရောက်​လာပြီး​ပြောတယ်​။ "လူတ​ယောက်​က သူ့ဆီလာ​ပြောတယ်​တဲ့၊ မင်းတို့ကိုဖမ်းဖူးတဲ့ စိုးလွင်​ အခု ဒီကို​ရောက်​​နေပြီ၊ သွားရိုက်​ကြတဲ့..".ကျ​နော်​လည်း ပြန်​​ပြောလိုက်​တယ်​"ငါလည်း တာဝန်​အရလုပ်​ခဲ့တာ.. မင်းစိတ်​ထဲမှာ မ​ကြေနပ်​ရင်​ ရိုက်​သွား​ပေါ့" လို့...လာ​တွေ့တဲ့ရဲ​ဘော်​လည်း စကား​အေး​အေး​ဆေး​ဆေး​ပြော ပြီး ပြန်​သွားခဲ့တယ်​)
ဘာပဲ​ပြော​ပြော....လှဝင်း အပြစ်​လုပ်​ခဲ့တာကတပိုင်း..လှဝင်း ​သေဆုံးမှုနဲ့ပတ်​သက်​ပြီး ပြန်​​တွေ့လိုက်​တိုင်း ယ​နေ့ထက်​ထိ စိတ်​မ​ကောင်းဖြစ်​တုန်း.....

စိုးလွင်​(၂၁၁)(၀မ်​ခ)