သစ်ခက်သံလွင် တကိုယ်တော်ကဗျာ၊ ဆောင်းခူးလက်၏ကဗျာများ

ကမ္ဘာနှင့်လူသား

www.brooklynrail.org

လူသားက တီးခတ်

ကမ္ဘာက က ခုန် ။

ကမ္ဘာက ကခုန်

လူသားက သီဆို ။

လူသားက

လူ့ဆက်တင်ပြောင်း

ကမ္ဘာက

ကမ္ဘာ့ဆက်တင်ပြောင်း

အခြေအနေကောင်းဖို့

ဟာမိုနီအကြောင်းသင်ယူစို့ ။ ။

ဆောင်းခူးလက်

…

 တိုက်ဆိုင်မှုဟာ ခလုတ်တခု

www.abstract-art.com

တိုက်ဆိုင်မှုဟာ

ခလုတ်တခုဖြစ်တယ်ကွယ်။

အမေ..ရေ

ပစ္စုပ္ပန်တိုက်ဆိုင်မှု

ခလုတ်တခုဟာ

အတိတ်ကိုသွားဖွင့်မိပြီး

ပွင့်သွားတဲ့အတိတ်ဟာ

ခလုတ်တခုလို

အနာဂတ်ကို

လှန်းဖွင့်လိုက်တယ်ဆိုတာ

မိုးတွေပွက်ပွက်ရိုက်အောင်မိတဲ့

ဒီမနက်မှာပဲ အသေအချာ

သိလိုက်တယ်အမေ ။

ဆိုပါစို့

လက်ရှိမိုးတွေမိတော့

အမေဟာ

ပူဗျာပါနဲ့ ရေနွေးသောက်ဆေးတိုက်တဲ့

အတိတ်က မိုးမိခြင်းဟာ

ပွင့်သွားတဲ့အခါ

မေတ္တာရဲ့ကြီးမြတ်မှုကို အောက်မေ့ငတ်မွတ်ရ

အဲ့ဒီခံစားမှုကို

တဆင့်ပြန်တက်တွေးတော့

အတိတ်က ငါဟာ လူမမယ်တယောက်

လက်ရှိမှာ

ကြီးမြတ်တဲ့မေတ္တာနဲ့

လောကကိုထွေးပွေ့ရမယ်အရွယ်

အဲ့ဒီမှာပဲ

အနာဂတ်ခလုတ်ဟာ

ပွင့်သွားတယ်

အလွမ်းနဲ့

ငိုင်နေတဲ့ခေါင်းဟာ ထောင်လာတယ်

နံရံကိုမှီထားတဲ့ ကျောရိုးဟာ မတ်သွားတယ် ။ ။

ဆောင်းခူးလက်

31_8_2016

 …

 ကန္တာရလမ်း 

www.abstract-art.com

 နေ့စဉ်ရက်ဆက်

သေပန်းတွေပဲပွင့်တယ်။

ကျက်တီးကုန်းမြေက

ထွန်သွားတွေ ကျောမွဲရဲ့

အရောင်မွဲမွဲမျက်လုံးတွေဆီမှာ

ရာသီဥတုက အဆီအသား ခမ်းလွန်းတယ် ။

ရေသောက်မြစ်ဆိုတာ

ဘယ်တော့မှ နောက်ပြန်မဆုတ်ဘူး ။

ရုန်းကန်းခဲ့သမျှ

တဘဝလုံး ပွင့်ခွင့်မသာရှာတဲ့သစ်ပင် ။

သစ်ခြောက်ပင်ဘဝနဲ့သာ

ပန်းပမာချန်ခဲ့။

ဒါလည်း

သိသူအနည်းသာ

မသိသူအများမှာ ရယ်စရာပုံပမာ။ ။

ဆောင်းခူးလက်

4.9.2016

 …..

 တနင့်နင့်လမ်း 

www.huffingtonpost.com

ဆုံးပြီဆိုတဲ့စကားမှာ

ဘဝတခုဆုံးတယ်

အသက်တခုလျှော်ခဲ့တယ်

ဒါပေမဲ့

လျှောက်ရမယ့်လမ်းက

မဆုံးသေးဘူး

ရှင်းရမယ့်အမှိုက်တွေက

သခင်ပြန်အလာမျှော်ရင်း

လွင့်ကျန်နေတုန်း ။ ။

ဆောင်းခူးလက်

1.9.2016

 …

 ဆက်ဆံရေး 

stephentruax.com

 မျက်လုံးကို ဆက်ဆံနေပြီ

အရောင်တွေ

နားကိုဆက်ဆံနေပြီ

အသံတွေ

နှာခေါင်းကိုဆက်ဆံနေပြန်ပြီ

အနံ့တွေ

လျှာထဲစိမ့်အောင်ဆက်ဆံနေတယ်

အရသာတွေ

တကိုယ်လုံးသိမ်းကျုံးဆက်ဆံနေပြန်ပြီ

ထိစရာတွေ

ငါတို့အမြဲတန်းဆက်ဆံနေကြတယ်

ဆက်ဆံရေးကအရေးကြီးပါတယ်လို့

ငါမပြောဘူးလား။ ။

ဆောင်းခူးလက်