သစ်ခက်သံလွင် ကဗျာရှည်၊ မြတ်လှိုင်း၏ မငြိမ်းချမ်းတဲ့ မိငြိမ်းချမ်းရဲ့နှင်းဆီ

မငြိမ်းချမ်းတဲ့ မိငြိမ်းချမ်းရဲ့နှင်းဆီ
www.fotosearch.com
 ဟောဒီ တောင်တန်းအစွန်အဖျားက
နာဖျားနေတဲ့ နှင်းဆီတစ်ပွင့်
ခပ်ဆွေးဆွေးလေး လွင့်မျောနေတယ်
လေတစ်ချက်အဝေ့မှာ
ကြွေကျသွားရှာတဲ့အလွမ်း
မခမ်းနားတဲ့ အမှောင်ညထဲမှာ
မောင့်အတွက်
မောင်မြင်ပါစေတော့လို့
နှလုံးသားထဲက ဆန္ဒကို
အလင်းမှိန်ပျပျလေး ထွန်းညှိထားတယ် မောင်။
မောင်မြင်ပါတယ်
မောင်ပြန်လာတဲ့လမ်းမှာ
တစ်ခါတုန်းက ချစ်သူ
မဟုတ်ဘူး မဟုတ်ဘူး
မောင့်ရဲ့ထာဝရချစ်သူ
အမြဲဖြူစင် ရိုးသားမှုနဲ့ တောပန်းလေးတစ်ပွင့်
ရင်ထဲနင့်အောင် မြတ်နိုးခဲ့ရတဲ့
မောင်ပြန်အလာကို အမြဲမျှော်နေရှာတဲ့
ငြိမ်းချမ်းတဲ့တေးကို အမြဲဆိုနေရှာတဲ့
မောင့်ရဲ့ မိငြိမ်းချမ်းရေ
မိငြိမ်းချမ်းအနားမှာ မောင်ရောက်နေပြီကွဲ့။
အို
လေအဝေ့မှာ
အလွမ်းတွေမှိန်ပျပျထွန်းညှိထားတဲ့
မိငြိမ်းချမ်းရဲ့တမ်းတသံကို
မောင်ကြားမိပြီထင်ရဲ့
မိုးမြားတံတွေပစ်ခတ်နေတဲ့အမှောင်ကြားထဲက
မောင့်အသံကြားလိုက်တယ်
နှင်းတွေမှောင်ပိန်းနေတဲ့တောလမ်းလေးမှာ
မောင် လျှောက်လှမ်းလာနေတဲ့
မောင့်ခြေသံကို ကြားလိုက်တယ်
မိငြိမ်းချမ်းရဲ့မျှော်လင့်ခြင်းတွေဖြန့်ခင်းထားတဲ့
အမှောင်ထုထဲမှာ
မောင်ရောက်လာသလိုလို။
ရောက်လာသလိုလိုမဟုတ်ဘူးကွဲ့
မောင်တကယ်ရောက်လာခဲ့တာပါ
အလွမ်းတွေနဲ့ထွန်းညှိထားတဲ့
မှိန်ပျပျအလင်းရောင်လေး
ငြိမ်းလိုက်ပါကွဲ့ မိငြိမ်းချမ်းရေ။
မောင်
မောင် တကယ်ရောက်လာတာလား
မိငြ်ိမ်းချမ်းမယုံနိုင်ဘူး မောင်ရယ်။
ယုံကြည်လိုက်စမ်းပါကွယ်
မောင်ဆိုတဲ့ မိငြိမ်းချမ်းအတွက်
မငြိမ်းချမ်းနိုင်တဲ့
ဟောဒီ တောင်တန်းကို ရောက်အောင်ပြန်လာခဲ့တာပါ။
မောင်မရောက်နိုင်တာ
နှစ်ပေါင်းများစွာ ကြာခဲ့ပါတယ်
ကြာလွန်းလှချည်ရဲ့လို့အပြစ်မြင်မယ်ဆိုမြင်လိုက်ပါတော့။
danperezfilms.tumblr.co
 အော် မောင်ရယ်
မောင့်ကိုအပြစ်မမြင်ရက်ပါဘူးကွယ်
အပြစ်လည်း မတင်ရက်ပါဘူးကွယ်
မိငြိမ်းချမ်းဆီခဏဝင်လာပြီး
ဓမ္မတေးတစ်ပုဒ်ကို
မောင်တီးခတ်ပြသွားတဲ့
ဂစ်တာလေးလည်း မိငြ်ိမ်းချမ်းသိမ်းထားတယ်
မောင်ဆိုခဲ့တဲ့မောင့်အသံလေးလည်း သိမ်းထားတယ်
မောင်ချွတ်ထားခဲ့တဲ့ဂျာကင်အင်္ကျီလည်း
မိငြိမ်းချမ်းရင်ထဲမှာနွေးထွေးနေတုန်းပါ
မောင်စီးမသွားတဲ့ တောနင်းဖိနပ်လေးလည်း
မိငြိမ်းချမ်းလျှောက်တဲ့လမ်းကို
ခလုတ်မထိ ဆူးမငြိစေခဲ့ဘူးဆိုတာ
မောင်ခြေရာတွေအထပ်ထပ်နင်းခဲ့တဲ့
လမ်းကလေးက သက်သေပြနေပါလိမ့်မယ်
ခဏလေးဆိုပြီး မောင်ထွက်သွားတဲ့နေ့ဟာ
မိငြိမ်းချမ်းရင်ထဲမှာ ဒီနေ့ပါပဲ မောင်။
ခဏလေးမဟုတ်ခဲ့ဘူး မိငြိမ်းချမ်း
နှစ်တွေအကြာကြီးပါ
နှစ်တွေအရမ်းကြာခဲ့ပါတယ်
မိငြိမ်းချမ်းအတွက် မငြိမ်းချမ်းနိုင်တဲ့ကာလတွေပါ
မိငြိမ်းချမ်းအတွက် ငြိမ်းချမ်းတဲ့တေးကို မဆိုပြနိုင်သေးပါဘူး
မိငြိမ်းချမ်းအတွက် ပျောက်ဆုံးနေတဲ့အဖေနဲ့အမေကိုလည်း
ပြန်ရှာမပေးနိုင်သေးဘူး
မိငြိမ်းချမ်းစာသင်ပေးခဲ့တဲ့ ကလေးတွေကိုလည်း
မိငြိမ်းချမ်းစာသင်ကျောင်းလေးဆီပြန်မပို့ပေးနိုင်ခဲ့ဘူး
မိငြိမ်းချမ်းမြတ်နိုးခဲ့တဲ့စာသင်ကျောင်းပျက်လေးလည်း
ပြန်မဆောက်နိုင်သေးဘူး
မိငြိမ်းချမ်းချစ်တဲ့ရွာလေးလည်း ရွာပျက်ကြီးတွေကြားမှာ
ရွာပျက်လေးတွေဖြစ်ခဲ့ရပြီ
မိငြိမ်းချမ်းရေ
အေးချမ်းတဲ့တောင်တန်းတွေပေါ်မှာ
ယမ်းငွေ့တွေဖုံးလွှမ်းနေတုန်း
သေနတ်သံတွေအဆက်မပြတ်
လူကိုလူချင်းပစ်ခတ်နေတုန်း
ဗုံးတွေ၊ မိုင်းတွေပေါက်ကွဲတဲ့အောက်မှာ
လူသားစစ်စစ်တွေ ခြေပြတ်နေကြ လက်ပြတ်နေကြ
လူသားစစ်အလောင်းတွေထပ်နေကြတုန်း။
အို မောင်ရယ်
မပြောပါနဲ့တော့
မိငြ်ိမ်းချမ်း မကြားပါရစေနဲ့တော့။
မိငြိမ်းချမ်းလေ
ငိုရှိုက်ပရစေ မောင်။
ငိုချင်ငိုလိုက်စမ်းပါ
ဟောဒီတောင်တန်းတလျှောက်မှာ
မိငြိမ်းချမ်းလို
ငိုနေကြတဲ့ မိန်းမပျိုတွေ
ငိုနေကြတဲ့ မုဆိုးမအသစ်စက်စက်တွေ
ငိုနေကြတဲ့ သားပျောက်မိခင်တွေ
ငိုနေကြတဲ့ မိဘမဲ့ကလေးတွေ
ပြောရမယ်ဆိုရင်
ဟောဒီ့တောင်တန်းကြီးတစ်ခုလုံးငိုနေကြတယ်။
မောင်
ကျွန်မ မငိုတော့ဘူး
မောင်တို့ကိုဆွဲခေါ်သွားခဲ့တဲ့
လူကိုလူချင်းသတ်ပစ်နေတဲ့စစ်ကို
ကျွန်မမုန်းတယ်
ကျွန်မတို့တိုင်းရင်းသားတွေအတွက်
လွတ်မြောက်အောင်တိုက်ပေးပါတယ်ဆိုတဲ့စစ်ကိုမုန်းတယ်
လူသတ်လက်နက်တွေဝယ်ဖို့
ဘိန်းခင်းတွေကိုကာကွယ်ဖို့
သယံဇာတတွေအတွက်
ဈေးကွက်လုယူနိုင်ဖို့
သစ်တောတွေခုတ်ပြီး ပြည်ပကိုအပြိုင်အဆိုင်ပို့ဖို့
လူသားတွေကိုတန်ဖိုးမထားဘဲ
လူကုန်ကူးနိုင်ဖို့
တိုင်းပြည်တစ်ပြည်လုံးကို စစ်အာဏာရှင်စနစ်အောက်
ဒူးထောက်ခိုင်းဖို့
စစ်တိုက်နေသူတွေအကုန်လုံးကိုမုန်းတယ်
မုန်းတယ်
မုန်းတယ်
မုန်းတယ်
မုန်းတယ်။
မုန်းပါ မိငြိမ်းချမ်း
မုန်းလိုက်စမ်းပါ
ငြိမ်းချမ်းရေးတဲ့
စစ်မီးနဲ့ပြာပုံပြီးရှို့ခဲ့တဲ့လူမျိုးရေးဝါဒတွေ
စစ်မီးနဲ့မီးလောင်တိုက်သွင်းခဲ့တဲ့အတွေးအခေါ်တွေ
စစ်မီးနဲ့ထတောက်ခဲ့တဲ့ အာဏာလုပွဲတွေ
စစ်မီးနဲ့အချင်းချင်းသတ်ခဲ့ကြတဲ့သူရဲကောင်းတွေ
စစ်မီးနဲ့ပြန်ဖျက်ဆီးပစ်ခဲ့တဲ့လွတ်လပ်ရေးကြေညာစာတမ်း
စစ်မီးနဲ့ပြိုပျက်ခဲ့တဲ့ပင်လုံကျောက်တိုင်
စစ်မီးကိုမငြိမ်းသတ်နိုင်ခဲ့တဲ့ပါလီမန်ခေတ်
စစ်မီးဟာ တစ်ပြည်လုံးကိုတောက်လောင်ခဲ့
စစ်မီးဟာ နှစ်ပေါင်းခြောက်ဆယ်ကျော်ကြာ
ပြာကျနေပြီ မိငြိမ်းချမ်း
မငြိမ်းချမ်းနိုင်သေးတဲ့ မိငြိမ်းချမ်းတွေ
တွေ့လား
တွေ့ရသလား မိငြိမ်းချမ်း။
anthonyfreda.wordpress.com
 မောင်
ပြောပါမိငြိမ်းချမ်း
တွေ့ပါတယ် မောင်
စစ်မီးတွေငြှိမ်းဖို့
စစ်မီးတောက်ကြီးထဲ ခပ်ရဲရဲခုန်ချခဲ့တဲ့
မောင်တို့ရောငြိမ်းချမ်းပါရဲ့လား
ငြိမ်းချမ်းရေး၊ ဒီမိုကရေစီရေး
ညီညွတ်ရေး
တစ်မျိုးသားလုံးရင်ကြားစေ့ရေး
အရေးပေါင်းများစွာအတွက်
မောင်တို့စွန့်ခွာခဲ့ရတဲ့မြို့ပြကိုမလွမ်းဘူးလား
မောင်တို့ပြန်လာချိန်ကိုမျှော်နေရှာမယ့်
မိဘတွေကိုသတိမရဘူးလား
မောင့်ခွဲခွာပြီးထားပစ်ခဲ့ရတဲ့
အချစ်ဦးနေ့တွေကိုမတမ်းတဘူးလား
မောင်တို့ပျော်ရွှင်ရယ်မောခဲ့ကြတဲ့
တက္ကသိုလ်ကျောင်းတော်ကြီးနဲ့
မောင်ပြောပြောနေတဲ့ စာသင်ခန်းတွေဆီက
ခေါင်းလောင်ထိုးသံကိုပြန်မကြားမိဘူးလား။
မောင်မလွမ်းဘူးလားကွယ်။
မောင်လွမ်းပါတယ် မိငြိမ်းချမ်း
မောင်မြင်ခွင့်မရတော့တဲ့
မောင် နောက်ဆုံးကန်တော့ခွင့်မရဘဲ
မောင့်မိဘတွေမရှိတော့ဘူး တဲ့
ဘဝတပါးကိုတိတ်တိတ်လေးထွက်ခွာသွားခဲ့ပြီ
မောင့်အချစ်ဦးကမွေးတဲ့
သားလေးနာမယ် မှာမောင့်နာမယ်မပါခဲ့ဘူး
မောင်တို့ပျော်ရွှင်ရယ်မောခဲ့ရတဲ
တက္ကသိုလ်ကျောင်းရဲ့အတိတ်ကာလဟာ
လွမ်းမောစရာကောင်းလောက်အောင်
တိတ်ဆိတ်သွားခဲ့တယ်
စာသင်ခန်းတွေလည်း ခြောက်သွေ့နေခဲ့တယ်
မောင်ပြန်ချင်ပါရဲ့
လူကိုလူချင်းသတ်နေတဲ့သေနတ်ကို
ကျောကုန်းမှာ လွယ်မထားချင်တော့ဘူး
ဗုံးတွေကို ခါးပတ်မှာချိတ်မထားချင်တော့ဘူး
တက်လာတဲ့ညီအကိုတွေကိုပစ်ချဖို့
ကတုတ်ကျင်းမှာပုန်းခိုမနေချင်တော့ဘူး
ညီအကိုတွေရဲ့အလောင်းကိုခွနင်းပြီး
အလံတက်စိုက်ရတဲ့တောင်ကုန်းကို
တက်မသိမ်းချင်တော့ဘူး
ပြန်ချင်ပြီကွဲ့
သမဂ္ဂရှေ့မှာခွပ်ဒေါင်းအလံလွှင့်ထူဖို့
သံလွင်ခက်ချီထားတဲ့ချိုးငှက်ကိုပခုံးပေါ်မှာတင်ပြီး
ငြိမ်းချမ်းတဲ့မြန်မာပြည်ကို
မိငြိမ်းချမ်းရဲ့လက်ကိုတွဲပြီး
ပြန်ချင်ပြီကွဲ့။
မောင့်ရင်ထဲက တမ်းတမ်းတတနဲ့
တသသဖြစ်နေတယ်
မှန်းဆလို့မြင်ယောင်နေမိပါရဲ့
ငြိမ်းချမ်းတဲ့ မြန်မာပြည်
ငြိမ်းချမ်းတဲ့မြန်မာပြည်
ငြိမ်းချမ်းတဲ့မြန်မာပြည် ။
အို
မောင့်အသံတိုးတိတ်သွားပါလား
မောင့်အသံပျောက်သွားပါလား
မောင်တမ်းတနေတဲ့မောင်မှန်းဆမြင်ယောင်နေတဲ့
ငြိမ်းချမ်းတဲ့မြန်မာပြည်ကို
မောင်မမြင်ချင်တော့ဘူးလား
မောင်မမြင်နိုင်တော့ဘူးလား
မောင်ရယ်
မငြိမ်းချမ်းတဲ့မိငြိမ်းချမ်းလက်ထဲမှာ
မောင်မြေပုံပေါ်မှာ
တမ်းတစွာချဖို့နှင်းဆီနီတစ်ပွင့်ကို ချလိုက်ပါရစေတော့။
မငြိမ်းချမ်းတဲ့မိငြိမ်းချမ်းလက်ထဲက
အလွမ်းတွေထွန်းညှိထားတဲ့
ဖယောင်းတိုင်လေးကိုင်ပြီး
ထာဝရဘုရားသခင်ထံမှာ ဆုတောင်းလိုက်မိပါရဲ့
မောင်ရေ
မောင် ငြိမ်းချမ်းစွာအိပ်စက်ပါတော့လို့။ ။


မြတ်လှိုင်း

မအူပင် ၂၁ ရာစုပင်လုံညီလာခံကြိုဆိုထောက်ခဲ့ပွဲတွင် ကဗျာဆရာ တွိုက်၊ မိုးတိမ်လွှာတို့ ရွတ်ဆိုခဲ့သည့် ကဗျာရှည်


Comments