ကမ်းခြေ
ပင်လယ်ပြင်ကြီးကတော့ လေဟာနယ်ထဲရွက်လွင့်နေဆဲ
မာယာများလွန်းလှတဲ့ လောကဆိပ်ကမ်းမှာခြေစုံရပ်
ပြန်မလာသူကိုစောင့်နေရရှာတဲ့ ကျောက်စိုင်ကျောက်ခဲဘ၀တွေ။
တည်ဘွားဦး
၂၀၁၅
…
ဗန်ဂိုးမသိအောင်
အာလူးခိုးစားကြသူများ
alifon.livejournal.com |
ဟေ့ …ဒီဆိုင်က
မှာစရာရှိတာတွေမှာမလို့
အာလူးကြော်တပွဲပေးပါ
ငါတို့ကို အားလူးကြော်တပွဲပေးပါ
ဟေ့ …ဗန်ဂိုးမလာခင် မြန်မြန်လေး
ကိုယ့်အကြောင်း ကိုယ်
မကောင်းပြောဖို့ သိပ်ခက်နေတဲ့
ရပ်ကွက်ထဲက ကောင်တွေစားဖို့
ဟေ့ …ဗန်ဂိုးမလာခင်
အာလူးကြော်တပွဲ မြန်မြန်လေး။
။
တည်ဘွားဦး
…
ရန်ကုန်အိမ်
www.powersofobservation.com |
လှေကားအတိုင်းတိုက်ပေါ်ကိုတက်သွားတယ်
လှေကားအတိုင်း တိုက်ပေါ်က
ဆင်းခဲ့တယ်
လှေကားထစ်ပေါင်း = ၅၂၈
မောင်နှမတတွေ
တယောက်မှမတည့်ဘူး။ ။
တည်ဘွားဦး
…
သတင်းစာ
alfa-img.com |
လေထဲလွင့်ဝဲ မီးခိုးငွေ့များ
လမ်းနံဘေးကျောက်စရစ်ခဲနှင့်
မြေစာမြက်များကြား
ကားဘီးရာ တံဆိပ်ကပ်ခံရတဲ့
သင့်ရဲ့
ထမင်းချိုင့်အား
သင်၏သက်ဆိုင်သူများသာ
သိမ်းဆည်းထားပါကြောင်း ။ ။
တည်ဘွားဦး
၂၅ ၆ ၀၇
…
မျက်ရည်ရှစ်လွှာ
ခိုတွေက
ခြောက်လှန့်တာတောင်မှ
ငါ့ကိုမကြောက်
ငါ့ဘာသာနေတာ
ဘာဖြစ်လို့
ကျီးကန်းတွေက အာရတာလဲ
နောက်တခေါက်
အသက်ရှင်လျက် ပြန်လာရင်
ဖိုးဖြူခွေးက
ငါ့ကို ထိုးဟောင်တော့မှာ
ရှစ်လွှာက ခုန်ချသွားတဲ့
င့ါမျက်ရည်တွေ
ငါ့ မျက်ရည်တွေက မလှပါလား
သြော် .. သားလေးရဲ့
စ်ာပန …စ်ာပန ။ ။
တည်ဘွားဦး
…
သတိရခြင်း
ဒီကနေ့
တောင်လေတိုက်တာ
ငါ့ကို ဘာများပြောချင်လို့ပါလိမ့်
။ ။
တည်ဘွားဦး
…
လှေကားထစ်
ဘဝနဲ့ရင်းပြီး
တက်ခဲ့ရတာပါ
ကျနော့်ကိုယ်စား
လှေကားထစ်တွေခမျာ
မောနေရရှာ။ ။
တည်ဘွားဦး
…
မပြောရဘူး
ပလက်ဖောင်းဟာ
လမ်းလျှောက်နေရင်း
လူထက် အရပ်မြင့်သွားတာ
မပြောရဘူး။
အဆိုဆိုရင်
သစ်ရွက်တွေကြွေသွားတာ
သစ်ပင်တွေပေါ်မှာ
လမ်းလျှောက်ရလို့ …လို့
မပြောရဘူး။
လူကောင်းတယောက်လို
ကောင်းအောင်နေတာပါပဲ
မပြောရဘူးဆိုလို့
ပြောရပါဦးမယ်
သိပ်စိတ်ညစ်တယ်
နားထင်ကိုသေနတ်နဲ့တေ့ထားတယ်။
။
တည်ဘွားဦး
….
အေးမိုးခိုင်
မြန်မြန်ပြန်လာခဲ့
အပူပင်ကင်းမဲ့တဲ့
သမီးလေးက သီချင်းဆိုတယ်
မိုးရွာရင် မိုးရေချိုးမယ်
မေမေလာရင် နို့စို့မယ်တဲ့…
အေးမိုးခိုင် မြန်မြန်ပြန်လာခဲ့။
မင်းမြင်ရဲ့လား
အခုလို
ညှို့မှိုင်းပြီး ညှိုးနွမ်းနေတဲ့
ကောင်းကင်ကြီးဟာ
ငါနဲ့ ငါ့သမီးမျက်နှာဆိုတာ
မင်းမြင်ရဲ့လား အေးမိုးခိုင်
အေးမိုးခိုင် မြန်မြန်ပြန်လာခဲ့။
။
တည်ဘွားဦး
Comments
Post a Comment