Thursday, July 28, 2016

k

သစ်ခက်သံလွင်၊ စာပေရေးရာ၊ ငြိမ်းဝေ(ကဗျာ့ အိုးဝေ) ၏ စမ်းချောင်း အင်းစိန် ဟားဗတ် သို့မဟုတ် တကိုယ်တော်လွတ်မြောက်ရေး မှတ်တမ်းဝတ္ထုရှည်တပုဒ်



စမ်းချောင်း အင်းစိန် ဟားဗတ် 
သို့မဟုတ် 
တကိုယ်တော်လွတ်မြောက်ရေး 
မှတ်တမ်းဝတ္ထုရှည်တပုဒ်
( စာအုပ်ဝေဖန်ချက် ဆောင်းပါး )

 ငြိမ်းဝေ(ကဗျာ့ အိုးဝေ)


  “စမ်းချောင်း အင်းစိန် ဟားဗတ်” စာအုပ်တွင်ပါရှိသည့် အကျဉ်းထောင်အတွင်း အကျဉ်းသားများနှင့် အကျဉ်းထောင်အာဏာပိုင်အဆင့်ဆင့် ဆက်ဆံရေးများမှာ တခြားအကျဉ်း ထောင်အခြေပြု စာအုပ် များနှင့် ကြောင်းတူသံကွဲမျှသာဖြစ်သော်ငြားလည်း အကျဉ်းထောင်မှလွတ်မြောက်ရာ လွတ်မြောက်ကြောင်း ဆောင်ရွက်ကြပုံများတွင်မူ “စမ်းချောင်း အင်းစိန် ဟားဗတ်” စာအုပ်မှာ တခြား အကျဉ်းထောင်အတွေ့အကြုံစာအုပ်များနှင့် လမ်းခွဲထွက်လိုက်သည်ကို ထင်းထင်းကြီး တွေ့လိုက်ရ၏။

(က)
၁၉၉၆ ခု၊ ဇွန်လ၊ ဒီဇင်ဘာလ (၁၀) ရက်။ အပြည်ပြည်ဆိုင်ရာ လူ့အခွင့်အရေးနေ့။

ထိုနေ့က ကျွန်တော်တို့ ခေတ္တနေထိုင်ခွင့်ရသည့် နော်ဝေး ကြက်ခြေနီ နားခိုရေးစခန်း အနီးတဝိုက်တွင် ရာသီဥတုက အထူးတလည် ကောင်းမွန်နေသည်။
ကျွန်တော်တို့ လေးယောက် ဘတ်စ်ကားပေါ် တက်ထိုင်လိုက်ကြသည်အထိ မည်သည့်စကားမျှ မပြောဖြစ် ခဲ့ကြ။ ထူးထူးခြားခြားပင် တိတ်ဆိတ်နေခဲ့ကြသည်ဟု ထင်သည်။ တေးသံရှင်မွန်းအောင်၊ ကိုထွန်းထွန်း၊ ကိုကျော်ကျော်နှင့် ကျွန်တော်။ ကျွန်တော်တို့သွားရောက်ကြမည့် နေရာမှာ အော်စလိုမြို့ ဗဟိုဘူတာရုံ ကြီးရှေ့။ မြန်မာနိုင်ငံအတွင်း ယုံကြည်ချက်ကြောင့် အကျဉ်းချထားခံနေရသည့် နိုင်ငံရေး အကျဉ်းသားများ လွတ်မြောက်ရေး ဆန္ဒပြပွဲအခမ်းအနား တက်ရောက်ဆင်နွှဲကြရန် ဖြစ်သည်။ 

ဆန္ဒပြပွဲကို အပြည်ပြည်ဆိုင်ရာ လူ့အခွင့်အရေးစေါင့်ကြည့်ရေးအဖွဲ့(နော်ဝေး) မှ ကြီးမှူး ကျင်းပခြင်းဖြစ် သည်။ ထိုစဉ်က နော်ဝေးနိုင်ငံတွင် မြန်မာသံရုံးမရှိသေး။ ထို့ကြောင့် ကာရိုဟန်လမ်းမကြီးဘေးက ပြည်သူ့ ရင်ပြင်ကွက်လပ်ဆီ ချီတက်ကာ ဟောပြောပွဲ အခမ်းအနားသာလုပ်မည်ဟုသိရသည်။ မြန်မာနိုင်ငံ နိုင်ငံရေး အကျဉ်းသားများလွတ်မြောက်ရေး ဆန္ဒပြုတောင်းဆိုသည့် လက်မှတ်များ ကောက်ခံကြမည်။ ကောက်ခံရရှိ သည့်လက်မှတ်များကို ဗိုလ်ချုပ်မှူးကြီးသန်းရွှေထံ ပို့ကြမည်။
ဗဟိုဘူတာရုံကြီးရှေ့တွင် လူစုကြသည်။ အော်စလိုတွင်ပင်နေထိုင်သည့် ကိုမောင်မောင်မြင့်(ဒေါင်းညို) ကို ဘူတာရုံရှေ့ ရောက်နှင့်နေသည်ကို တွေ့သည်။ ဘယ်ကဘယ်လိုရောက်လာသည်မသိ။ နော်ဝေးဘာသာဖြင့်ရေးထားသည့် ဗမာပြည်ကို မမေ့ကြနဲ့ဟူသော စာတမ်းများ ကိုင်ဆောင်ထားသည့် လူတချို့ လူအုပ်ရှေ့က နေရာယူ လိုက်သည်။ လူတချို့က မင်းကိုနိုင်နှင့် မသီတာ(စမ်းချောင်း) တို့၏ ပုံပါသည့် ဆိုင်းပုတ်များကို ကိုင်ထားကြသည်။
ကျွန်တော်က မင်းကိုနိုင်နှင့် မသီတာ(စမ်းချောင်း)တို့ကို မြင်ဖူးသူမဟုတ်သဖြင့် သေသေချာချာ လိုက်ကြည့် မိသည်။ ဆိုင်းပုတ် သုံးလေးခု စုကိုင်ထားသော လူတယောက်ဆီက ဆိုင်းပုတ်များ သွားတောင်းလိုက် သည်။ ကျွန်တော်တို့အားလုံး ဆိုင်းပုတ်ကိုယ်စီကိုင်ကြသည်။ ကျွန်တော်က မသီတာ(စမ်းချောင်း)ပုံပါရှိ သည့် ဆိုင်းပုတ်ကို ယူထားလိုက်သည်။ 

ဆိုင်းပုတ်ကို ကိုင်ထားရင်း လူအုပ်နှင့်အတူ လမ်းလျှောက်လာနေစဉ် မသီတာ(စမ်းချောင်း)မှာ စာရေး ဆရာမတဦးဖြစ်သဖြင့် နောင်တချိန် အကျဉ်းထောင်မှ လွတ်မြောက်လာသည့်အခါ သူ့ဘဝအတွေ့အကြုံ အပေါ်မူတည်ပြီးရေးသည့် ကိုယ်ရေးအထုပ္ပတ္တိစာအုပ်ကို ဖတ်ရကောင်းရဲ့ဟု တွေးခဲ့သည်။ 

(ခ)

မသီတာ(စမ်းချောင်း)ရဲ့ “စမ်းချောင်း အင်းစိန် ဟားဗတ်” စာအုပ် ကျွန်တော့်လက်ထဲရောက် လာတော့ သည်စာအုပ်ထဲမှာ စာရေးသူက သူ၏ ဘဝတစိတ်တပိုင်းကို ရေးထားသည်ဟု ကြိုပြီး သိထားသဖြင့် လွန်ခဲ့သော ၁၆ နှစ်က ကျွန်တော် တောင့်တခဲ့သည့်ဆန္ဒ ပြည့်ပြီဟုတွေးကာ စိတ်လှုပ်ရှားနေမိသည်။
မသီတာ(စမ်းချောင်း)သည် နိုင်ငံရေးပါဝင်လှုပ်ရှားသဖြင့် အကျဉ်းကျခဲ့သူဖြစ်သည်။ 

ထို့ကြောင့်လည်း သေချာတာတခုကတော့ သည်စာအုပ်ထဲတွင် အကျဉ်းထောင်အတွေ့အကြုံများကို မလွဲမသွေဖတ်ရလိမ့်မည်ဟုလည်း ခန့်မှန်းထားသည်။ ထိုအခါ ငယ်စဉ်ကတည်းက ဖတ်ခဲ့သည့် အကျဉ်းထောင်အတွင်း အခြေခံသည့် အခြားစာအုပ်များကို တန်းစီပြီး စဉ်းစားနေမိသေးသည်။ အထူးသဖြင့် အကျဉ်းထောင်အတွင်း အကျဉ်းထောင်အာဏာပိုင်များ၏ ဖိနှိပ် ရက်စက်မှုများ၊ အကျဉ်းသားများနှင့် အကျဉ်းထောင် အာဏာပိုင်များရဲ့ပဋိပက္ခများနှင့် ဆက်ဆံရေးများကို တွေးမိသည်။ ကျွန်တော်ဖတ်ခဲ့ သမျှသော စာအုပ်များမှာ သည်အချက်အလက်များအပေါ်တွင် တပုံစံတည်းသွားပြီးတူနေကြသည်ကိုလည်း သတိပြုမိသည်။ အပြင်းအပျော့ မတူကြသည်သာ ကွာသည်။ ကြောရိုးမှာ တူကြသည်။

သည်နေရာတွင် “စမ်းချောင်း အင်းစိန် ဟားဗတ်” စာအုပ်တွင်ပါရှိသည့် အကျဉ်းထောင်အတွင်း အကျဉ်းသားများနှင့် အကျဉ်းထောင်အာဏာပိုင်အဆင့်ဆင့် ဆက်ဆံရေးများမှာ တခြား အကျဉ်း ထောင် အခြေပြုစာအုပ်များနှင့် ကြောင်းတူသံကွဲမျှသာဖြစ်သော်ငြားလည်း အကျဉ်းထောင်မှ လွတ်မြောက်ရာ လွတ်မြောက်ကြောင်း ဆောင်ရွက်ကြပုံများတွင်မူ “စမ်းချောင်း အင်းစိန် ဟားဗတ်” စာအုပ်မှာ တခြား အကျဉ်းထောင်အတွေ့အကြုံစာအုပ်များနှင့် လမ်းခွဲထွက်လိုက်သည်ကို ထင်းထင်းကြီး တွေ့လိုက်ရ၏။
အတိအကျပြောရလျင် အခန်း(၃)၊ အပိုဒ်ခွဲ(ဃ)၊ စာမျက်နှာ ၂၀၁ မှအစပြုကာ စာမျက်နှာ (၂၂၉) အထိ ရေးသားချက်များမှာ အကျဉ်းထောင်အတွင်း ရောက်ရှိနေစဉ် လွတ်မြောက်ခြင်း အယူအဆနှင့် ပတ်သက်ပြီး မသီတာ(စမ်းချောင်း)၏ အခြားသူများနှင့်မတူသည့် အယူအဆ ဒဿ       နကို အတိ အကျဖော်ပြသည့် ရေးသားချက်များ ဖြစ်သည်ကို ကျွန်တော်တွေ့ရသည်။
ယင်း စာပိုဒ်များတွင် အကျဉ်းထောင်ဟူသည့် အဓိပ္ပါယ်အယူအဆအပေါ်မူတည်ကာ ယင်းအကျဉ်းထောင်မှ လွတ်မြောက်ရာလွတ်မြောက်ကြောင်း ကြိုးပမ်းသည့် နည်းလမ်းသည်လည်း အခြားသူများနှင့်မတူ ကွဲပြား ခြားနားသွားသည်ကို တွေ့လိုက်ရသည်။
မသီတာ(စမ်းချောင်း)သည် အကျဉ်းထောင်အတွင်း နည်းမျိုးစုံ ဒုက္ခနှင့်ကြုံရသည်။ ကျန်းမာရေး အကြီး အကျယ်ထိခိုက်သည်။ ထိုအခြေအနေများအပေါ်မူတည်ကာ အကျဉ်းထောင်ဟူသည့် အဓိပ္ပာယ်နှင့် ယင်း အကျဉ်းထောင်မှ လွတ်မြောက်ရာ လွတ်မြောက်ကြောင်းနည်းလမ်းကို တွေးသည်။ ထိုအခါ အကျဉ်းထောင် အတွင်း ရောက်ရှိလာရခြင်း တရားခံအစစ်အမှန်မှာ အတိတ် ဘဝဝဋ်ကြွေးအရ ဖြစ်သည်။ ထို့ကြောင့် ဝဋ်ကြွေးသည် မူလအကြောင်းကံ။ နိုင်ငံရေး ပါဝင် ပတ်သက်မှုက လတ်တလော အကြောင်းကံ။ ထို့ပြင် အကျဉ်းထောင်က လွတ်မြောက်ခြင်းသည် လွတ်မြောက်ခြင်း အစစ်အမှန်မဟုတ်။ လွတ်မြောက်ရာ အစစ် အမှန်သည် သံသရာအကျဉ်းထောင် မှ လွတ်မြောက်ခြင်းသာဖြစ်သည်။ 

မသီတာ(စမ်းချောင်း)က ဤကဲ့သို့ပင် ယုံကြည်သည်။ ထို့ကြောင့် အကျဉ်းထောင်အတွင်း ရောက်ရှိနေစဉ် မည်သည့်အခြေအနေမျိုးတွင် ရောက်ရှိနေသည်ဖြစ်ပစေ သံသရာမှ လွတ်မြောက်ရေးကြိုးပမ်းချက်သည်သာ အစစ်အမှန်လွတ်မြောက်ရာ လွတ်မြောက် ကြောင်း နည်းလမ်းဖြစ်သည်ဟု စဉ်းစားသည်။ ထို့ကြောင့် ဝိပဿ  နာ တရားအားထုတ်သည်။ တကိုယ်တော် ထောင်ဓမ္မရိပ်သာကို ထူထောင်သည်။ တနေ့မှာ နာရီ(၂၀) နီးပါး ဝိပဿနာတရား အားထုတ်သည်။ သည်လိုနှင့် အနှစ်သာရပြည့်ဝသည့်လွတ်မြောက်မှုကို နားလည်ခဲ့သည်ဟု ဆိုပါသည်။

တချို့သော အကျဉ်းစံနိုင်ငံရေးသမားများကမူ အကျဉ်းထောင်တွင်းမှ လွတ်မြောက်ရေး တိုက်ပွဲများမှာ အကျဉ်းသားများတဦးနှင့်တဦး ပူးပေါင်းဆင်နွှဲခြင်းဖြင့် ရရှိနိုင်သည်ဟု ယူဆကြ ပါသည်။ သူတို့ကတော့ အကျဉ်းထောင်ဆိုသည်မှာ အုပ်စိုးသူ၏ ဖိနှိပ်ရေးကိရိယာတခုသာ ဖြစ်သည်ဟု မြင်ပါသည်။ အကျဉ်းထောင်အတွင်းမှ အမြန်ဆုံးလွတ်မြောက်ရေးအတွက်ကိုသာ ပဓာနထားသည်။ တချို့ဆိုလျှင် အကျဉ်းထောင်အတွင်းမှ လွတ်မြောက်ရေးအတွက် ပြည်တွင်း နိုင်ငံရေးအခြေအနေတွင် သာမက နိုင်ငံ တကာ နိုင်ငံရေးအခြေအနေများကိုလည်း ထည့်သွင်း စဉ်းစားပြီးမှ အကျဉ်းထောင်တွင်း လွတ်မြောက်ရေး တိုက်ပွဲနည်းနာများ ချမှတ်ဆင်နွှဲရမည်ဟု ယုံကြည်သည်။ မိမိတို့၏ အကျဉ်းထောင်တိုက်ပွဲများမှာ ကမ္ဘာ အရပ်ရပ် အကျဉ်းထောင် တိုက်ပွဲများ၏ ကွင်းဆက်ဖြစ်သည်ဟုပင် ပြောကြသည်။ 

ထို့ကြောင့် မသီတာစမ်းချောင်း၏လွတ်မြောက်ရေးဆိုင်ရာအယူအဆနှင့် အခြားအခြားသော နိုင်ငံရေး အကျဉ်းစံများ၏အကျဉ်းထောင်မှလွတ်မြောက်ရာ လွတ်မြောက်ကြောင်း အယူအဆတို့ မှာ အခြေခံကအစ မတူကွဲပြား ခြားနားသည်ကို တွေ့ရပါသည်။ 

(ဂ)

မသီတာ(စမ်းချောင်း)သည် စာရေးဆရာတဦး ဖြစ်သည်။ အထူးသဖြင့် ရသစာပေ ရေးဖွဲ့သူ ဖြစ်သည်။ ထို့ပြင် သူသည် နိုင်ငံရေးသမားတဦးလည်း ဖြစ်ခဲ့သည်။ သူ၏ “စမ်းချောင်း အင်းစိန် ဟားဗတ်” စာအုပ်တွင် ရသဟန်စွက်ပြီး ရေးခဲ့သည်။ အခန်းတိုင်းလိုလိုတွင် နိုင်ငံတကာ သမိုင်းရေးအခင်းအကျင်းများကို ထည့် သွင်းရေးသားခြင်းဖြင့် စာရေးသူ ပါဝင်ဆောင်ရွက်နေသော နိုင်ငံရေးလှုပ်ရှားမှုကြီးကို ပို၍ ခန့်ညား မြင့် မားစေသည်။
သည်စာအုပ်တွင် မသဲမကွဲဖြစ်နေသည့် အချက်များကိုလည်း ရှင်းလင်းသွားစေသည်။ ဥပမာ ကစ်ပလင်း၏ “အကယ်၍”ကဗျာကို မည်သူဘာသာပြန်ဆိုခဲ့သနည်းဆိုသည့် အချက်နှင့် ဒေါ်အောင်ဆန်းစုကြည် ပုသိမ် ခရီးစဉ်အတွင်း အသက်နှင့်ရင်းရသည့် စည်းရုံးရေးဆောင်ရွက်မှုများ အစရှိသည်တို့ဖြစ် သည်။ မြန်မာနိုင်ငံ ၏ လူထုထောက်ခံမှု အရရှိဆုံး နိုင်ငံရေးပါတီကြီးတစ်ခု၏ ကနဦးကာလ သမိုင်းရေးကိစ္စများ၊ ပြန်ကြားရေး ဌာန အခြေအနေများနှင့် သမိုင်းဝင်ပါဝင် ပတ်သက်ခဲ့ကြသူများ အစရှိသည့် သတင်းအချက်အလက်များမှာ တန်ဘိုးကြီးလှပါသည်။
သတိထားမိသည့် အချက်တချက်ရှိပါသေးသည်။ မသီတာစမ်းချောင်းသည် အမျိုးသားဒီမိုကရေစီ အဖွဲ့ချုပ် အတွင်း တက်ကြွစွာ ပါဝင်ဆောင်ရွက်ခဲ့သူဖြစ်သော်ငြားလည်း အဖွဲ့ချုပ်ခေါင်းဆောင် ဒေါ်အောင်ဆန်း စုကြည်အပေါ် တချို့သောသူများနှင့်မတူ လွန်လွန်ကဲကဲ အမွှန်းတင်ရေးသားခြင်း မပြုခဲ့သည့်အချက်ကမူ စိတ်ဝင်စားဖို့ကောင်းပါသည်။
“စမ်းချောင်း အင်းစိန် ဟားဗတ်” စာအုပ်မှာ စာရေးဆရာမ မသီတာစမ်းချောင်း၏ ကိုယ်တိုင်ရေး အထုပ္ပတ္တိ တပိုင်းစာအုပ်ဖြစ်ပါသည်။ ရသဝတ္ထုဟန်ပါသည့် စာအုပ်လည်း ဖြစ်ပါသည်။ အထုပ္ပတ္တိစာအုပ်များမှာ အထုပ္ပတ္တိရှင်ဖြတ်သန်းရသည့် ခေတ်ကိုပါ မြင်ရလေ့ရှိသဖြင့် သမိုင်း မှတ်တမ်းသဘောလည်းသက်ဝင်ကာ စာပေအရတွင်မက သမိုင်းတန်ဖိုးအရပါ မြင့်မားနေတတ် သဖြင့် ကျွန်တော့်မှာ ကျေနပ်ရပါသည်။ 

သို့သော် အထုပ္ပတ္တိစာအုပ်အများစုသည် အထုပ္ပတ္တိရှင်၏ အောင်မြင်မှု ကောင်းမှုများဘက်ကိုသာ မီးမောင်း ထိုးတတ်ပြီး အထုပ္ပတ္တိရှင်၏ အားနည်းချက်များကိုမူ မီးမောင်းထိုးပြမှု နည်းပါးနေတတ်ပါသည်။
ကျွန်တော်မျှော်လင့်သည်က အရှင်ဇနကာဘိဝံသ၏ ကိုယ်တိုင်ရေးအထုပ္ပတ္တိလို မိမိ၏ အားနည်းချက်များကို ပါ ထည့်သွင်းရေးသားသည့်စာအုပ်မျိုးဆိုလျှင် ကောင်းမည်ဟု မျှော်လင့်ခဲ့၏။ သို့သော် ထိုကျွန်တော် ၏မျှော်လင့်ချက်ကိုမူ “စမ်းချောင်း အင်းစိန် ဟားဗတ်” စာအုပ်က ပြည့်ဝအောင် ဖြည့်ဆီးပေးနိုင်ခဲ့ခြင်းတော့ မရှိနိုင်ခဲ့ပါ။

ငြိမ်းဝေ(ကဗျာ့အိုးဝေ)

( ဒီစာအုပ်ရီဗျူးက ရေးထားတာ ၁ နှစ်ကျော်ပါပြီ။ ဧရာဝတီအွန်လိုင်းမှာ၊ ကျွန်တော့် ဖဘ စာမျက်နှာပေါ်မှာ တင်ခဲ့ပြီးဖြစ်ပါတယ်။ )