သစ်ခက်သံလွင် ကဗျာစင်မြင့်၊ နီဇူလိုင်၊ နွန်လတ်၊ စိုးခိုင်ညိန်း

အကာလ

NiJuly

 မိုးနဲ့ မြေ
ရုတ်တရက်ကြီးဖက်ပွေ့...ရင်ကြားစေ့လိုက်ပုံက
အ၀တ်ဗလာနဲ့ မြေဇာမြက်ကလေးတွေ ခမျာ..
ရွှဲရွှဲစိုစို....ခိုက်ခိုက်တုန်တုန်။  ။

 နီဇူလိုင်

…

ရောင်းသူမဲ့ အအေးဆိုင်
 

abstractexpressionism.wordpress.com

မောင်းသူမဲ့ လေယာဉ်ပျံလိုပဲ
ဖျတ်ခနဲ ပေါ်လာတယ်

အပေါ်စီးယူပြီး တိတ်တဆိတ်ထောက်လှမ်း မှတ်တမ်းတင်သလို

အောက်ကရန်သူရဲ့မောင်းတင်ထားတဲ့ ပစ်ကွင်းမှာ

ရှင်းရှင်းကြီးလာပေါ်တယ်

စည်းကမ်းတကျ ဆိုလည်း
စည်းမျဉ်းမရှိ

မိုးရေနဲ့ အပူဟာ ခပ်မြန်မြန်အငွေ့ပျံသွားသလို
ရာသီဥတုအရ ပျောက်ဆုံးစာရင်း သွင်းလိုက်ရတဲ့
လေယာဉ်ပျံလို

အောင်မြင်ကျော်ကြားသူဆယ့်ငါးမိနစ်ရဲ့နောက်
ခပ်မြန်မြန်ပျောက်သွားပြန်တယ်။           ။

နွန်လတ်

…

ဂေါက်ကွင်း

www.artmajeur.com

ဂေါက်သီးမလေးတွေနေတဲ့ ဒီကွင်းထဲမှာ

လူကြီးလူကောင်းတွေပဲ လာကြပါတယ်

ပျော်ရွှင်မှုကို ဂေါက်တံကနေ လွှဲရိုက်ယူတယ်

သာယာမှုကို ကျင်းထဲထည့်စိမ်ယူတယ်

လိုချင်တဲ့ကျင်းဆီ တည့်တည့်ဝင်ဖို့

လက်ဆက အရေးကြီးသတဲ့

အချိန်အဆ၊ အကွာအဝေးနဲ့ ရင်းနှီးကျွမ်းဝင်မှု

ဟန်အမူအရာနဲ့ ရိုက်ချက်ကောင်းလို့ကတော့

တစ်ချက်တည်း ကျင်းဝင်နိုင်တယ်ဆိုပဲ

အဲဒီမှာ လုပ်ကွက်တွေ ဂွင်တွေအများကြီးရှိသတဲ့

ကျင်းစိမ်ချင်သလား ဂေါက်သီးလုပ်လိုက်

လူကြီးမင်းရဲ့ ရိုက်ချက်မှာ ခံယူလိုက်

ကိုယ့်ကျင်းလေးထဲ ကြိုက်တာ ရိုက်ထည့်လို့ရတယ်

ဘာထည့်ချင်လဲ ကားတစင်းလုံးထည့်ချင်လား

ဥယျာဉ်ကြီးတခုလုံး ထည့်ချင်လား

သစ်တောကြီးတခုလုံး ထည့်ချင်လား

တောင်ကြီးတခုလုံး ထည့်ချင်လား

သေချာချိန်ပြီး ရိုက်ထည့်လိုက် ၀င်သွားလိမ့်မယ်

ဒီကိုလာချင်ရင်တော့ တခုခုနဲ့ ဂေါက်နေမှဖြစ်မယ်

အာဏာပါဝါနဲ့ ဂေါက်နေတဲ့သူတွေ

ရာထူးအတွက် ဂေါက်နေတဲ့သူတွေ

စည်းစိမ်အတွက် ဂေါက်နေတဲ့သူတွေ

နာမည်တလုံးအတွက် ဂေါက်နေတဲ့သူတွေ

ဂုဏ်သိက္ခာအတွက် ဂေါက်နေတဲ့သူတွေ

အချင်းချင်း အထာတွေနဲ့ ကစားကြ

ပေါင်သားဖွေးဖွေး ဂေါက်သီးမလေးတွေက

လူကြီးမင်းတို့ကို ထီးမိုးပေးလို့

နေကာမျက်မှန်လေးနဲ့ ဂေါက်သီးမလေးတွေက

လူကြီးမင်းတို့ စိတ်ဆန္ဒရှိသလိုကျင်းစိမ်ဖို့

နံပါတ်အမျိုးမျိုးသော ဂေါက်တံတွေကို လွယ်ပိုးလို့

ဂေါက်သီးလေးတွေကတော့ အပြန်အလှန်ရိုက်ချက်တွေကြား

ဝင်ရမဲ့ကျင်းတွေဆီ ကဆုန်ပေါက်ပြေးလွှားနေကြပေါ့။ ။

စိုးခိုင်ညိန်း

25.1.15