သစ်ခက်သံလွင် အက်ဆေး၊ ဆောင်းဝေရဲ့ ညအရေပြားအောက်မှာ ...

ညအရေပြားအောက်မှာ

လူတယောက်မှာ ဦးနှောက်တခုတည်းရှိရုံနဲ့ဖြစ်မလား။ ငှက်တွေမှာ တောင်ပံတဖက်တည်းရှိနေရုံနဲ့ဖြစ်မလား။ ခံစားမှုကိုမျက်ကွယ်ပြုပြီးမျှားထားတဲ့ငါးတွေ နှလုံးသားကိုသတ်ပြီး တောင်ကုန်းပေါ် တက်စိုက်ထားတဲ့ အလံတွေ ဘာလုပ်ရမှာလဲ။ ဘ၀ဆိုတာမြောင်းရှိတဲ့ဘက်စီးဆင်းသွားတဲ့နောက်ကျိရေတွေပဲ။ ငါ့ရှေ့မှာ ဘာမြောင်းမှပေးမထားကြပါနဲ့။ ဒီအချိန် ငါ့ရှေ့ဘာသီချင်းမှ လာမဆိုကြနဲ့။

  .........   

ကော်ဖီတခွက်ဖျော်လိုက်တယ်။ ပြီးတေ့ာ ညထဲဖြည်းဖြည်းချင်းစောင့်ထည့်လိုက်တယ်။ ညထဲ ကော်ဖီရနံ့တွေနဲ့ သင်းပျံ့လာတယ်။ ၀ရံတာဘက်ထွက်ကာ မြို့ကိုအပေါ်ကမိုးကြည့်တေ့ာ အိမ်ခေါင်မိုးတွေကိုပဲ မြင်ရ။ ရှေ့အိမ်ကအဒေါ်ကြီးကတေ့ာ သူ့သမီးလေးကိုမှာစရာရှိတာမှာပြီး လမ်းမဘက်ထွက်သွားတယ်။ သူတို့ဘာတွေပြောသလဲဆိုတာ သူတို့ဘာသာစကား ကိုယ်လည်း နားမလည်တေ့ာ မသိ။ ဘာသာစကားတွေက အရေးမကြီးပါဘူး။ 

နားလည်ခံစားသိတတ်တဲ့စိတ်ကသာအရေးကြီးတာပါ။ ခက်တာက အခုငါ့မှာ စကားလုံး တံတားပေါ်မှာပြုတ်မကျအောင် ကူခတ်ပြေးလွှားနေရဆဲပဲ။ တကယ်တေ့ာ ကိုယ်ကခံစားမှုကို ကိုးကွယ်တဲ့သူပါ။ လမ်းမတွေပေါ်ကြည့်တေ့ာ တိတ်ဆိတ်မှုဟာလည်း လျောင်းပြန့်ကျဲလို့။ တခါတရံ ကားတစီးတလေဖြတ်သွားတာမှအပ အရာရာဟာ တိတ်ဆိတ်ငြိမ်သက်လို့။ 

သစ်ရွက်သစ်ခက်တွေလှုပ်ခါလိုက်လို့ တိုက်ခတ်လေတွေအသားကိုထိလာတဲ့အချိန်မှာတေ့ာ ဒီအတွေ့အထိနဲ့ပဲ ကိုယ့်မှာအာသာဖြေ အရသာယူနေရဆဲပဲ။ ဒီအချိန်ဆို အမေကတေ့ာ သူ့မြေးမလေးတွေ ကို အိမ်အပြင်မထွက်ဖို့၊ ညဘက်မှာ စကားကိုဘေးအိမ်တွေက ကြားအောင်အော်မပြောဖို့၊ ပျော်ရွှင်တဲ့အခါ အကျယ်ကြီး မရယ်ကြဖို့မှာနေမှာပဲဆိုတာကို အဝေးကနေ ခန့်မှန်းတွေးမြင်နေမိတယ်။ အမေကသူ့သမီးအကြီးဆုံးထားခဲ့တဲ့သမီးလေးယောက်ကိုအိမ်မှာခေါ်စောင့်ရှောက်ထားသူ။ သူ့သမီးအကြီးမက လွန်ခဲ့တဲ့လေးနှစ်လောက်ကဆုံးသွားတေ့ာ ဒီမြေးလေးတွေကိုကြက်မကြီးက ကြက်ပေါက်စလေးတွေကို တောင်ပံနဲ့ ဖုံးအုပ်ထားသလိုစောင့်ရှောက်နေတာပါ။ ခေါ်ရင်လည်း နာမည်ဘယ်တေ့ာမှမခေါ်ပဲ”သမီး သမီး”လို့ပဲခေါ်သူ။ အမေဆိုတာစကားလုံးမဟုတ်ပါဘူး။ အမေဆိုတာ ဘာသာစကားမဟုတ်ပါဘူး။ ဘယ်စကားလုံးတွေမှပြည့်စုံတဲ့အနက်အဓိပ္ပာယ်မရှိပါဘူး။ အမေဆိုတာ သားသမီးစိတ်နဲ့ဆို တ၀ုန်းဝုန်းပစ်ခတ်နေတဲ့မြှားတံတွေကျည်ဆံတွေကြားထဲမှာတောင် မကြောက်မရွံ့ပြေးလွှားရဲသူတွေပါ။ ဟိုနေ့ကဖုန်းဆက်ကြည့်တေ့ာ” အမေ့မှာအခြားစဉ်းစားစရာမှမရှိတာ၊ငါ့သားအကြောင်းပဲအမြဲစဉ်းစားနေတာပေါ့“ တဲ့။ သိတာပေါ့ အမေဒီအချိန်ဘာတွေစဉ်းစားတွေးတောနေမလဲဆိုတာ။ ဒီအချိန်ကိုယ့်နိုင်ငံလေးကတေ့ာ အိပ်မောကျနေမှာဖြစ်ပြီး ပထမမြို့တော်ကတေ့ာ ခေတ်ရဲ့ဝတ်စုံနဲ့ ညမီးရောင်တွေကြားမှာ နောက်ဆုံးပေါ် ဂီတကို အော်ဟစ်ငြီးကာ လွင့်မျောနေကြမှာပဲ။ ရွှေတိဂုံဘုရားကတေ့ာ ရွှေရောင်တ၀င်းဝင်းနဲ့ငြိမ်းအေးမှု လေပြေတွေ တဖြတ်ဖြတ် တိုက်ခတ်နေမှာပဲ။ သမိုင်းလေထုထဲနိုင်ငံ့ဂုဏ်ကို ထုတ်လွှင့်နေမှာပဲ။ ခင်ဗျားဘယ်နေရာကလာလာ ရန်ကုန်မြို့ထဲလာတဲ့အခါ ဆူးလေဘုရားရောက်ရင်ဆုံးသွားပြီ။ ရန်ကုန်မြို့ကိုအကုန်ရောက်ပြီးပြီလို့သဘောထားလိုက်။ တယောက်ယောက်နဲ့အချိန်းအချက်လုပ်ရင် ဆူးလေးဘုရားတ၀ိုက်ကစောင့်နေလို့ပြောလိုက်။ ဒီလိုအမှတ်အသားတွေနဲ့ ရန်ကုန်ဆီ ငါ့စိတ် ဟာရောက်ရောက်သွား။ လေနှင်ရာလွင့်နေတဲ့အထိန်းအကွပ်မဲ့တဲ့လှေလို င့ါစိတ်ဟာ အလကားပဲ။ ငါ့စိတ်ဟာ ဘယ်တေ့ာမှငါ့ဆီမှာမရှိဘူး။ နောက်ကျောကိုပြန်စမ်းကြည့်တေ့ာ လုံခြုံမှုကိုစမ်းမိတေ့ာ စိတ်အေးလိုက်ရတယ်။ ဘေးဘယ်ညာကြည့်ကြည့်တေ့ာ ဘယ်သူမှမရှိ။ ရှေ့နောက်ကြည့်တေ့ာလည်း ကိုယ်တယောက်တည်း။ ဖြည်းဖြည်းချင်းထွက်လာတဲ့လကို အုန်းပင်ရဲ့အခက်အလက်တွေက ဖြတ်ဖြတ် ထုတ်နေကြတယ်။ 

အကြည့်ကိုဝရံတာလက်ရန်းပေါ်တင်ထားလိုက်တယ်။ မနီးမဝေးမှာရှိတဲ့သမုဒ္ဒရာရဲ့လှိုင်းတွေက ကိုယ့်ကိုယ် လာလာခေါ်နေသလိုခံစားနေရတယ်။ ညောင်းညာလာတေ့ာ ညကြီးထဲကနေ ရုန်းကြွမိတယ်။ ကိုယ့်စိတ်ဟာ အမြဲတမ်းကိုယ့်ရဲ့အဝေးမှာ။ လူတယောက်ချင်းစီမှာ ဦးနှောက်ရယ်နှလုံးသားရယ် ရှိကြတယ်။ ငါ့မှာ ဦးနှောက်သွားရာလမ်းကြောင်းထဲ ပိုးမွှားတွေကိုင်ပြီး ချီတတ်လာ။ နှလုံးသားကတေ့ာ လူတယောာက်ဖြစ်ကြောင်း အမှတ်တံဆိပ်တက်တူးပဲ။ လူတယောက်ကို၊ နိုင်ငံတခုကိုချစ်ဖို့မုန်းဖို့ဆိုရင် လူတယောက်မှ နှလုံးသားရှိနေမှဖြစ်မှာ။ ဒါပေမဲ့ ငါ့မှာအဲဒီနှလုံးသားကိုထားခဲ့ရ။ စစ်ပွဲထဲကို ငါ့မှာ ဓားလက်နက်မပါဘဲ ထွက်ခွာလာသလို နှလုံးသားကိုထားခဲ့ပြီး ငါထွက်ခွာလာခဲ့ရ။ ပြီးတေ့ာ အဲဒီနှလုံးသား ကိုကိုယ့်မှာပြန်ချီးမွှမ်းခန်းဖွင့်ရ။ ငါ့ခွဲခွာမှုဟာ ဘယ်အတွက်မှအရာမရောက်။ 

မမှည့်သေးတဲ့သစ်သီးအစိမ်းတစ်လုံးကိုဓားနဲ့ ထိုးခွဲလိုက်သလို ငါ့အခွဲဇာတ်လမ်းဟာ ဘာအရသာမှမရှိ။ ငါ့အလွမ်းအဆွေးဟာ အကယ်ဒမီရစရာလည်းမရှိ။ ရွှေကမ္ဘာလုံးဆုစကာတင်စာရင်းထဲလည်းမပါ။ လွမ်းတတ်ကြသူတွေစာရင်းထဲမှာတောင် ငါ့နာမည်မပါ။

တဘ၀လုံးငါ့မှာ ဟိုမြို့ရောက်ဒီမြို့ရောက်နဲ့ တကယ်တေ့ာ ဘယ်မြို့မှ ငါမရောက်ခဲ့။ ဘာမှမဖြစ်မြောက်ခဲ့။ ညလေဟာ ငါ့ဆံပင်တွေကြားထဲတိုးဝင်ထိုးဖွသွား။ ငါ့စိတ်ဟာ တောင်ဘက်ကလာတဲ့လေနဲ့အတူလိုက်။ ငါ့အတွေးဟာ မြောက်ဘက်ကလာတဲ့လေနဲ့အတူပြန်ပါလာ။ ငါက ငါ့စိတ်ကို ဟော့ဒီ ၀ရံတာလက် ရန်းလေးပေါ် တင်ထားတဲ့ကော်ဖီခွက်လေးလို တနေရာတည်းမှာ တိတိကျကျရှိနေစေချင်တာ။ အတိတ်သစ်ရွက်တွေဟာ ကိုယ့်စိတ်မြေပြင်ပေါ်တဖွဲဖွဲတားမနိုင်ဆီးမရ လာလာကြွေနေကြတယ်။ တချို့သစ်ရွက်တွေဟာ စိတ်မြေအက်ကြားထဲ ထိုးစိုက်ကျဆင်းသွားကြပြီး တချို့ကတေ့ာ မြေပြင်ပေါ် ပုံကျသွားကြတာ လေတိုက်တိုင်း တရှဲရှဲလွင့်မျောနေကြတယ်။ သတိရမှုဆိုတာ နှလုံးသားက နာကျင်သွေး တစက်စက်ကျတာဆိုရင် ကိုယ့်စိတ်ဟာ အဲဒီသွေးကြောမျှင်တွေထဲ မျောနေတဲ့ ဗိုင်းရပ်ပဲ။ သွေးနံရံပေါ် တဂျစ်ဂျစ်ကုတ်ခြစ်တွယ်တတ်နေတဲ့ အမေ့ရဲ့ အဝေးကခြေထောက်တွေပဲ။ အဖေအဆက်မပြတ်သွေးခဲ့တဲ့ ၀ှက်ထားတဲ့ဓားတလက်ပဲ။ ညီမလေးရဲ့ ခေါင်းအုံးဘေးကဖတ်စာအုပ်ပဲ။ ဟိုးအဝေးကောင်ကင်ထဲမှာ ပျံသန်းနေတဲ့ငှက်တကောင်မှာ တောင်ပံတွေတဖွဲဖွဲ ကျွတ်ကျနေတယ်။ နာမည်မရှိတဲ့ကြယ်တွေ တဖွဲဖွဲကြွေကျနေတယ်။ ဟုတ်တယ်။ ငါဟာ နာမည်မရှိတဲ့ကြယ်တံခွန်ပဲ။ ဘယ်သူမှမသိတဲ့ ငါ့သိမှု နယ်ပယ်ထဲမှာ ငါမသိသေးတာတွေနဲ့ ငါမျောနေ။ ခြတကောင်လိုစာအုပ်ပုံကြား ထဲမှာ ငါမလွတ်မြောက်နိုင်။ စာကြောင်းတွေတကြောင်းပြီးတကြောင်း အဆက်မပြတ် ငါကူးခတ်နေ။ ခု ငါ့မှာခက်နေတာက  ငါဘာလိုချင်တာလဲဆိုတာ ငါမသိသေးတာပဲ။ ညကြီးမင်းကြီးအိမ်ဝရံတာဘက်မှာ ငါ့ရှေ့ထွက်ထိုင်နေတာ ငါကိုယ်တိုင်လား။ ငါ့စိတ်ဟာအိမ်ရာထဲပြေးလှဲလိုက် ငါ့အမိမြေဆီ ပြေး လွှားတွေးခေါ်လိုက်။ ငါ့စိတ်ဟာ ပြာယာခတ်နေ။ ငါ့စိတ်ဟာ ပုတ်သင်လိုအရောင်ပြောင်းနေ။ ငါ့အခြေအနေဟာ နံရံတွေလိုဆေးသာတွေကွာကျနေ။ လူတယောက်မှာ ချစ်ဖို့ ငါမုန်းဖို့ နှလုံးသားဟာ လိုအပ်နေတာပဲ။ ငါ့နှလုံးသားကိုထားခဲ့ရတေ့ာ ငါ့နှလုံးသားကိုပြန်ငတ်မွတ်နေ။ ငါဟာ ခံစားမှုကို ယုံကြည် ကိုးကွယ်သူပဲ။ ငါ့ကိုးကွယ်တဲ့ နတ်ကွန်းဟာ ငါ့ခံစားမှု။ ငါ့ကူးခတ်နေတဲ့ပင်လယ်ဟာ ငါ့နှလုံးသား။ ခုသွားချင်နေတာက ကြယ်တာရာဂြိုလ်တွေကို လှည့်ပတ်မောင်းနှင်ပြီး ငါ့နှလုံးသားဆီရောက်အောင် ပျံသန်းရေးပဲ။ ခုတေ့ာ ငါ့မှာငါ့ကိစ္စကို ဦးစားမပေးနိုင်။ ဆယ်လ်မွန်ငါးတွေ သူတို့ဇာတိကိုပစ်ထားခဲ့သလို ငါ့အိမ်ကိုပစ်ထားခဲ့ရ။ ညဟာ ညရေးညတာတွေဟာ ငါ့ဆီလာနက်နေ။ 

သန်းခေါင်ထက်ညဥ့်မနက်နိုင်အောင် ဒီညကြီးထဲ ငါဘာမှမပါဘဲ ပြေးဆင်းနေ။ တော်သေးတာပေါ့။ ငါ့မှာ လရောင်အနည်းအကျဉ်းနဲ့ မိုးလေးတဖွဲဖွဲကျနေတဲ့ဒီလိုညမျိုး ရှိနေသေးလို့ပေါ့။ ညရဲ့အကြောမျှင်တွေကို ငါတချောင်းချင်း လိုက်စမ်းနေရတာပေါ့။ ငါမျောနေ။ တမြို့လုံးအိပ်မောကျနေတာတောင် ငါတယောက် တည်း ညကြီးထဲ မအိပ်မနေမျောနေ။ အလှမွေးငါးတွေမှန်ဘောင်ထဲမှာကူးခတ်နေသလို ငါ့ကိုချည်ထားတဲ့ ကြိုးတွေကြားထဲမှာ ငါကူးခတ်နေ။ လူတယောက်မှာ ဦးနှောက်တခုတည်းရှိရုံနဲ့ဖြစ်မလား။ ငှက်တွေမှာ တောင်ပံတဖက်တည်းရှိနေရုံနဲ့ဖြစ်မလား။ ခံစားမှုကိုမျက်ကွယ်ပြုပြီးမျှားထားတဲ့ငါးတွေ နှလုံးသားကိုသတ်ပြီး တောင်ကုန်းပေါ် တက်စိုက်ထားတဲ့ အလံတွေ ဘာလုပ်ရမှာလဲ။ ဘ၀ဆိုတာမြောင်းရှိတဲ့ဘက်စီးဆင်းသွားတဲ့နောက်ကျိရေတွေပဲ။ ငါ့ရှေ့မှာ ဘာမြောင်းမှပေးမထားကြပါနဲ့။ ဒီအချိန် ငါ့ရှေ့ဘာသီချင်းမှ လာမဆိုကြနဲ့။ 

ဒီအချိန်မှာဘာရုပ်ရှင်မှလာဖွင့်မထားနဲ့။ ဒီအချိန်မှာ ဘယ်စာအုပ်မှ လာဖွင့်မဖတ်နဲ့။ ဘယ်လိုအဆိုအမိန့်တွေမှ ငါ့ရှေ့က ဖြတ်မလျှောက်စေနဲ့။ ဒီအချိန် တိတ်ဆိတ်နေကြစမ်းပါ။ တိတ်ဆိတ်နေတဲ့အသံကို ကြားရအောင်နားထောင်ကြစမ်းပါ။ တနေ့နေ့တချိန်ချိန်တနေရာရာမှာ အလံတခု ထိုးစိုက်ထားတာကို မြို့သူမြို့သားတွေမြင်ရတဲ့အချိန် မလှမ်းမကမ်းတနေရာမှာ ကွဲကြေနေတဲ့ ပုလင်းကွဲတွေလို နှလုံးသားတခု ပုံလဲကျနေတယ်ဆိုရင် ဟိုးကောင်းကင်ကနေ နာမည်မရှိတဲ့ ကြယ်တစင်း ထပ်ကြွေကျလာပါလိမ့်မယ်။ အဲဒီအခါမှာ လူတယောက် အတွက် နှလုံးသားမရှိရင်သေဆုံး တတ်တယ် ဆိုတာကိုနောက်မျိုးဆက်တွေသိသွားပြီး သွားလေရာ နှလုံးသားကိုယူသွားကြဖို့ကျောင်းသင်ခန်းစာတွေ ထဲမှာ သင်ကြားပေးကြလိမ့်မယ်။ ရောက်ရှိရာမြေသားပေါ်မှာ ခံစားမှုသယံဇာတွေကို တန်ဖိုးထား စိုက်ပျိုးကြဖို့နောင်တ ရလာကြလိမ့်မယ်။ အဲဒီအခါမှာ စကားလုံးတွေဟာ တကိုက်ဖဲ့ကိုက်ပြီး ပစ်ထုတ် လိုက်တဲ့ပေါင်မုန့်တွေလို သိုးကုန်ကြပြီး  ချစ်တတ်သူများကိုသာ ကမ္ဘာမြေကလက်ခံအသက်ရှင် ခွင့်ပေး လိမ့်မယ်။ အဲဒီအခါကျရင် မင်းနားထောင်နေတဲ့တေးသွားထဲမှာ ဂစ်တာကြိုးထဲကထွက်လာတဲ့ အသံလှိုင်းလေးဖြစ်ပါရစေတေ့ာလို့ ငါဆုတောင်းထားခဲ့ပါတယ်။ခုတေ့ာ ရေခြားမြေခြားမှာ ငါကစာသား မပါတဲ့ ကဗျာပါပဲ။ သွေးသားမရှိတဲ့ ကျောက်တုံးကျောက်ခဲပဲ။ ရေစီးရေလာမရှိတဲ့မြစ်အသေပဲ။ ငါအိပ်ရာဝင်တေ့ာမယ်ဆိုတေ့ာ မိုးကလည်းလင်းနေပါပြီ။ အရင်အတိုင်းပါပဲ။ နေ့အသေတွေကြားထဲမှာ မိုးတိမ်တိုက်တွေအဖြစ် အယောင်ဆောာင်ထားတဲ့ရေခိုးရေငွေ့တွေလိုပါပဲ။ မထူးဆန်းသလိုလို အရင်နေ့တွေလို နေရောင်အတိုင်း လမ်းမပေါ်ထွက်လာခဲ့ပါပြီ ။ ။

ဆောင်းဝေ(နတ်မောက်)

30.4.2016