ကျွန်တော့်ထံရောက်လာသော
ထိုအနီရောင်
မှင်စာ
ကျွန်တော့်ကို မီလားလို့ခေါ်ကြပါတယ်။ ကျွန်တော်က အိန္ဒိယနဲ့မြန်မာနယ်စပ်တောင်ပေါ်ရွာလေး တရွာမှာနေပါတယ်။ ကျွန်တော်တို့လို မှင်စာတွေအများကြီးရှိတဲ့ရွာလေးပါ။ ကျွန်တော်တို့က လူတွေ နဲ့ရောနှောပြီး နေကြတာတော့မဟုတ်ဘူး။ ကျွန်တော်တို့ချည်းပဲ သီးခြားနေကြတာပါ။ ကျွန်တော်တို့ဟာ ကျွန်တော်တို့ရဲ့မှင်စာ အဖွဲ့အစည်းလေး ငြိမ်းငြိမ်းချမ်းချမ်းနေထိုင်ကြတာပါ။
အနီရောင်မှင်စာတကောင်က ဖုန်းခေါ်ဆိုတယ်။ ကျွန်တော် အံ့သြမိခဲ့တာပေါ့။
သူက ဒီလိုပြောတယ်။
“ ကိုမိုးသက်ဟန် ခင်ဗျားကို တွေ့ချင်လို့၊ ဒီညနေ အချိန်နည်းနည်းပေးနိုင်မလား။
ကျွန်တော်က အနီရောင်မှင်စာပါ”
အနီရောင်မင်စာလို့ သူ့ကိုယ်သူပြောနေတယ်။ အနီရောင်မှင်စာပါတဲ့။
ကျွန်တော်နဲ့တွေ့ချင်တာက ဘာ အတွက်လဲ။ ညနေ ကျွန်တော် သူနဲ့တွေ့နိုင်မလား။
“ဟုတ်ကဲ့ အားပါတယ်ဗျ။
ဘာကိစ္စများလဲဆိုတာ သိလို့ရမလား”
“ကိစ္စက တွေ့မှပြောပါရစေ။ ကျွန်တော် ညနေဘယ်ကိုလာရမလဲ။ ခင်ဗျားရဲ့အခန်းကိုလာရင်
အဆင် ပြေနိုင်လား။ ကျွန်တော်က မင်စာဆိုတော့ အပြင်မှာတွေ့လို့မကောင်းဘူးလေ။ ခင်ဗျားရဲ့အခန်းကိုပဲ
လာပါရစေ”
အေးပေါ့လေ သူက
မှင်စာဆိုတော့ အပြင်မှာတွေ့လို့ ဘယ်ကောင်းပါ့မလဲ။ ဒါပေမဲ့လည်း သူ့အသံက မှင်စာနဲ့မတူဘဲ၊
သာမန် သူလိုကိုယ်လို လူတယောက်နဲ့ပဲ တူနေတယ်။ လေယူ၊ လေသိမ်း စကားသံက ကျွန်တော်တို့နေ့စဉ်ကြားနေကြအသံပါပဲ။
ဒါပေမဲ့လည်း မှင်စာတယောက်ရဲ့အသံက ဘယ်လိုရှိလဲ ဆိုတာ ကျွန်တော်မှ မသိဘဲ။ မှင်စာက သူမှင်စာလို့ပြောမှ
ကျွန်တော်က သူမှင်စာမှန်းသိရတာလေ။ ကျွန်တော် အတွေးများသွားလို့ သူ့ကို ပြန်ဖြေဖို့နည်းနည်းကြာသွားတယ်။
“ ကိုမိုးသက်ဟန် အတွေးလွန်နေမယ်ဆိုတာ ကျွန်တော်သိပါတယ်။
ကျွန်တော် ဘာအန္တာရာယ်မှ မပေးဘူးဆိုတာကိုနားလည်ပါ။ ကျွန်တော် စမ်းချောင်းကို ညနေလာခဲ့ပါမယ်။
ငါးနာရီခွဲလောက်ပေါ့။ အဆင်ပြေတယ်မဟုတ်လား”
“ ကျွန်တော့်အခန်းကို သိလားဗျ။ ကျွန်တော်က အဆင်ပြေပါတယ်”
“ ဟုတ်ကဲ့ ကျေးဇူးပါပဲ၊ ကျွန်တော်သိပါတယ်၊ လာခဲ့ပါမယ်၊
ဒါပဲနော် ” လို့ပြောရင်း သူဖုန်းချသွားတယ်။
ကျွန်တော့်အခန်းကိုလည်း
သူကသိပြန်ပါသတဲ့။ တယ်ခက်တဲ့ မှင်စာပါလား။ ကျွန်တော့်ဘ၀မှာ မှင်စာ ဆိုတာကို တခါမှမတွေ့ဖူးဘူး။
စာထဲမှာသာ ဖတ်ဖူးတာ။ အပြင်မှာတွေ့ရင် ဘယ်လိုများနေမလဲမသိဘူး။ ကျွန်တော့်မိတ်ဆွေအသိုင်းအ၀ိုင်းထဲမှာလည်း
မှင်စာနဲ့တွေ့ဖူးတဲ့လူတယောက်မှ မရှိဘူး။ မှင်စာဆိုတဲ့ စကားလုံးကိုတောင် ကျွန်တော်တို့မပြောမိဘူး၊
အခုကျွန်တော့်ကိုလာတွေ့မယ့်မှင်စာက သူ့ကိုသူအနီရောင် မှင်စာလို့ပြောနေတယ်။ ဒါဆို မှင်စာမှာ
အနီတွေ၊ အဖြူတွေ စသဖြင့် အရောင်ကွဲတွေ ရှိဦးမယ် ထင်တယ်။ ထားပါတော့ သူလာမှပဲကျွန်တော်မေးကြည့်တော့မယ်။
အချိန်က နေ့လည်ဆယ့် တစ်နာရီကျော်ကျော်ပဲ ရှိသေးတယ်။ ကျွန်တော် နေ့လည်စာပြင်ဆင်ရဦးမယ်။
ဒီနေ့က တနင်္ဂနွေဆိုတော့ ကျွန်တော်အလုပ် သွားစရာမလိုဘူး။ ထုံးစံအတိုင်း အိမ်ထဲမှာပဲတနေကုန်နေမှာ။
တနင်္ဂနွေတွေမှာ ဧကစာကျင့်တတ်တဲ့ ကျွန်တော့်အတွက် ဒီညနေမှာတော့ ပုံမှန်မဟုတ်တဲ့ဧည့်သည်
တယောက်ကို တွေ့ရဦးမယ်။
အနီရောင်မှင်စာတဲ့။
ထမင်းပေါင်းအိုးထဲ
ဆန်နဲ့ရေထည့်ပြီး မီးပလပ်ထိုးလိုက်တယ်။ ဟင်းကတော့ ထွေလီကာလီ မလုပ်တော့ဘူး။ ကြက်ဥနှစ်လုံးလောက်ပဲကြော်လိုက်တော့မယ်။
ညက ကျန်သေးတဲ့ဝက်သားဟင်းတွေ လည်း ရှိသေးတော့ အပူပေးလိုက်ရင် အိုကေပါပဲ။
အိမ်ရှေ့ခန်းကိုပြန်ထွက်လာပြီး ခုံပေါ်မှာ ကျွန်တော်ထိုင်လိုက်တယ်။
ခေါင်းထဲကို အနီရောင်မှင်စာ က ပြန်ရောက်လာတယ်။ အနီရောင် မှင်စာဟာ ကျွန်တော့်အတွေးတွေကိုလွှမ်းနေပြီ။
ညနေမြန်မြန် ရောက်မှ ကောင်းမယ်။ နို့မို့ ကျွန်တော် ခေါင်းတွေဖြူသွားနိုင်တယ်။ မမြင်ဖူးတဲ့
မှင်စာကို အာရုံထဲမှာ သရုပ်ဖော်ရတာမလွယ်ဘူး။ သူက ကျွန်တော့်ကို တွေ့ချင်တာက ဘာကိစ္စများတုန်း။
ကျွန်တော်ကများ သူတို့မကြိုက်တာတခုခုကို သွားလုပ်မိခဲ့လေသလား။ ဒါမှမဟုတ် သူတို့မှင်စာလောကကို
ကျွန်တော်က တခုခုအကူညီပေးရမလား။ တွေ့မှသိရမှာပေါ့.။ အခုလိုကြိုတွေးနေလို့လည်း ဘာမှ
မသိနိုင်ဘူးလေ။ ဒီတော့ ကျွန်တော်နေ.လည်စာစားပြီး ညနေ သူအလာကိုပဲစောင့်ရတော့မယ်။
++++
နေ့လည်ခင်းရဲ့အချိန်တွေဟာ
အိပဲ့လေးလံစွာ ကုန်ဆုံးလို့နေတယ်။ နေရောင်က ခါတိုင်းထက် ပိုပူနေသလိုပဲ။ လေကသိပ်မတိုက်ဘူး။
တဖက်အခန်းက ရေဒီယိုကိုအကျယ်ကြီး ဖွင့်ထားတယ်။ ပူ လောင်အိုက်စပ် နားညီးရတဲ့နေ့လည်ခင်းပဲ။
ညနေရောက်ဖို့
အချိန်တော်တော် လိုသေးတယ်။ ခုမှတစ်နာရီကျော်ပဲရှိသေးတာ။ ကျွန်တော့်ရဲ့ ပျင်းရိဖွယ်နေ့လည်ခင်းကို
ဆူညံသံတွေက လာရောက်နှောက်ယှက်ပါပြီ။ မနက်မိုးလင်းပြီဆိုကတည်း က စမ်းချောင်းမှာကြားနေရတဲ့အသံပါ။
လော်စပီကာသံ ဂျိုးဂျိုးဂျွတ်ဂျွတ်နဲ့အတော့်ကိုစိတ်ပျက်ကောင်း စရာအသံနဲ့ နေ့လည်ခင်းကို
အဓမ္မပြုကျင့်နေပါပြီ။ ဒီသီချင်းကိုပဲ အကြိမ်ကြိမ်ဖန်တရာတေအောင် ဖွင့် နေတာပါ။ ဘာတဲ့။
“ဗုဒ္ဓဘာသာ မြန်မာများက
သွေးအေးလွန်းသည် သွေးအေးနေရင် သာသနာပျောက်ကာ လူမျိုး ပျောက် ဖို့ကြုံလိမ့်မည်။ နိုးဆော်ပါသည်…နိုးဆော်ပါသည်”
တဲ့။ မနက်ကတည်းကကြားနေရတဲ့ ဒီအသံ။ ခုနောက်တကြိမ်ကြားရပြန်ပြီ။ မိုက်ကိုကိုင်ထားတဲ့လူက
ဘယ်ပုဂ္ဂိုလ်ကတော့ဖြင့် ဘယ်လောက်လှူပါ တယ်။ အမြတ်ဆုံးတရားနဲ့ကပ်သုံးပါးကို ကျော်ဖြတ်နိုင်တော့မယ်တဲ့။
ကျွန်တော့်လို အလှူအတန်း ဘာမှ မရှိတဲ့ကောင်ကတော့ သေချာပါတယ်။ အ၀ီစိမှာ ချိုးကပ်မှာပဲ။
ထားပါတော့လေ။ သူတို့သီချင်းသံကြောင့် ကျွန်တော် တခုတွေးမိတယ်။
ဘာတဲ့..…ဗုဒ္ဓဘာသာ
မြန်မာများက သွေးအေးလွန်းသည်၊ သွေးအေးနေရင် သာသနာပျောက် ကာ၊ လူမျိုးပျောက်ဖို့ကြုံလိမ့်မည်တဲ့။
ဒီတော့ ကျွန်တော်တွေးမိတယ်။ ကျွန်တော်တို့သွေးအေးနေလို့ မရတော့ ဘူးပေါ့။ သွေးပူအောင်
တခုခုလုပ်ဖို့တော့လိုနေပြီ။ သွေးအေးနေရင် ကိုယ့်ကြောင့်ပဲသာသနာနဲ့ လူ မျိုးပျောက်တော့မှဆိုတော့
သွေးပူအောင် ဘယ်လိုလုပ်ရမလဲ။ သွေးပူအောင်အားကစားလေ့ကျင့် ခန်းလုပ်ရမယ်။ ဒါမှမဟုတ် အရက်သောက်ရမယ်။
ဒါဆိုရင်တော့ တာဝန်ကျေပြီပေါ့။ အရက်သောက် တာကတော့ မကောင်းပါဘူး။ အားကစားလုပ်ဖို့ သူတို့တိုက်တွန်းနေတာပဲ
ဖြစ်ရမယ်။ သူတို့က လူတွေ ကိုနားညီးအောင်လုပ်ပေမယ့် ကိုယ်လက်လှုပ်ရှား အားကစားဆိုတာကို
တိုက်တွန်းနေတာပဲ။ ကောင်း ပါလေ့…ကောင်းပါလေ့။
ညနေ ငါးနာရီလောက်မှာ
ရေမချိုးခင် ကျွန်တော် အားကစားလေ့ကျင့်ခန်း နည်းနည်းတော့ လုပ် ဦးမှ။ နို့မို့ ကျွန်တော်သွေးအေးနေတာက
လူမျိုးနဲ့သာသနာကို ထိခိုက်နေပါဦးမယ်။ ခုတော့ ကျွန်တော် သူတို့အဖွဲ့တွေဖြတ်သွားအောင်
စောင့်နေလိုက်တယ်။ သူတို့အဖွဲ့က လူတွေလည်းအများသား။ ပြီး တော့ ကျွန်တော်နေတဲ့ လမ်းကိုလည်း
သူတို့လမ်းလောက် မလှုပ်ရှားကြလို့ အပြစ်တင်ချင်သေးတယ်။
ထားပါတော့ ကျွန်တော်ကတော့ ဒီမှာ
ငှားနေတဲ့သူမို့လို့။ ရေရှည်နေတဲ့လူတွေဆိုရင်တော့ လမ်းမပေါ် ထွက်ပြီး ကိုယ်လက်လှုပ်ရှား
အားကစားအနေနဲ့ ဒိုက်ပြိုင်ထိုးတာတို့၊ ထိုင်ထပြိုင်လုပ်တာတို့တောင် လုပ်ဖို့ ကောင်းတယ်။
ဒါမှ သူတို့လည်း အမျိုးဘာသာ သာသနာကို ထိန်းသိမ်းစောင့်ရှောက်ကြောင်း ပြသ ရာရောက်မှာပေါ့။
သူတို့အဖွဲ့တွေထွက်သွားတော့
ကျွန်တော် ဘာလုပ်ရမလဲ စဉ်းစားမိတယ်။ အချိန်တွေ အများ ကြီး ကျန်သေးတယ်။ ထုံးစံအတိုင်း
ကျွန်တော့်တနင်္ဂနွေက ယောင်ချာချာ။ အက်ဖ်အမ်တခုကလွှင့်နေတဲ့ သီချင်း သံကိုကြားရတော့ စိတ်ပျော်ရွှင်မှုဟာ
ကျွန်တော့်ဆီကို လေပြည်ပါးပါးလေးလို ၀င်တိုးလာတယ်။
သီချင်းလေးလိုက်ညဉ်းရင်းနေရတာ
စိတ်ချမ်းသာဖို့တော့ကောင်းသား။ တနေကုန်ပျင်းရိနေ တာတွေနည်းနည်းတော့ ပျောက်သွားသလိုပဲ။
ရေမိုးချိုးရဦးမယ်။ မှင်စာနီက ကျွန်တော့်ဆီကိုလာတော့မှာ ပဲ။ သူက ကျွန်တော့်ကိုဘာများပြောချင်လို့လဲ။
လာမှသိရမှာပါလေ။ စိတ်ရှည်သီးခံလမ်းကြောင်းမှန်ပေါ့။
+++++
မှောင်ရီပျိုးစ။
ရပ်ကွက်ညနေဟာ ထုံးစံအတိုင်း သက်ဝင်လှုပ်ရှားနေတယ်။ ပြန်လာသူတွေ၊ သွားမယ့်လူတွေ လမ်းများကို သိမ်းပိုက်ထားတယ်။ ကာလသား
ကာလသမီးတွေ ဟန်ရေးပြနေကြ၊ အရက်ဆိုင်တွေမှာလည်း နေရာကိုယ်စီယူကြလို့။ တာဝန်ကိုယ်စီ စတင်နေတဲ့ညနေပဲ။
သူတို့အတွက် မထူးခြားတဲ့ညနေဖြစ်ပေမယ့် ကျွန်တော့်အတွက်တော့ ထူးခြားတဲ့ညနေပါ။ မှင်စာဟာ
ကျွန်တော့်ဆီ လာတော့မယ်။
ဒေါက်…..ဒေါက်။
တံခါးခေါက်သံ။
သူလာပြီထင်တယ်။ ကျွန်တော် စိတ်လှုပ်ရှားမိတယ်။ တံခါးကို သွားဖွင့်ပေး လိုက်တယ်။
“ မီတာ
စာရွက်ပါ။ သောကြာနေ့မှာလာပေးမလို့ ။ အစ်ကိုပြန်မလာသေးလို့ မပေးဖြစ်ခဲ့ဘူး”
ကျွန်တော့်
အထင်နဲ့အမြင်လွဲသွားတယ်။ မြေပိုင်ရှင်၊ အခန်းပိုင်ရှင်က ကျွန်တော့်ကို မီတာစာ ရွက်လာပေးတာပါ။
ဒီဘဲက ပိုက်ဆံတောင်းဖို့ပဲသိတယ်။ သူ့အခန်းမှာ ပျက်နေတာတွေတော့ မပြင်ပေး ချင်ဘူး။ ကျွန်တော်
မနက်မှလာပေးမယ်ဆိုပြီး စာရွက်ယူထားလိုက်တယ်။
ဘီယာတဘူးယူပြီး
ကျွန်တော် အိမ်ရှေ့ခန်းမှာ ထိုင်သောက်နေမိတယ်။ ကျွန်တော့်ကို တယောက်ယောက်က ကျပ်သွားတာလို့ပဲ
ကျွန်တော်တွေးမိနေချိန်မှာပဲ ဒုတိယမြောက် တံခါးခေါက်သံ ကြားရပြန်တယ်။ ကျွန်တော့် ခန္ဓာကိုယ်အတွင်းပိုင်းက
နေရာတခုမှာ သွားထိသလို ခံစားလိုက်ရတယ်။
တံခါးဖွင့်လိုက်တော့
အရပ်ငါးပေမပြည့်တဲ့လူတယောက်ကို တွေ့လိုက်ရတယ်။ သူဟာ အနက်ရောင်ကုတ်အင်္ကျီအကြီးကြီးကိုဝတ်ထားပြီး
ဦးထုပ်အနီရောင်ကို ခပ်ငိုက်ငိုက် ဆောင်းထား တယ်။ အောက်က ဘောင်းဘီအရှည်က အပြာတောက်တောက်နဲ့ဆိုတော့
သူ့ပုံစံက တော်တော်လေး ရယ် စရာကောင်းနေတယ်။
“ ကျွန်တော်
မနက်က ကိုမိုးသက်ဟန်ဆီ ဖုန်းဆက်တဲ့တစ်ယောက်ပါ။ ကျွန်တော့်ကို အချိန်ပေးတဲ့ အတွက် ကျေးဇူးတင်တဲ့အကြောင်း
အရင်ဆုံးပြောပါရစေ။ ကျွန်တော် အထဲကို ၀င်လို့ရမလား”
“၀င်ပါ ၀င်ပါ”
သူအထဲကိုဝင်တော့
ကျွန်တော် တံခါးပိတ်လိုက်တယ်။ အိမ်ရှေ့ကခုံမှာ သူ့ကိုထိုင်ဖို့ ကျွန်တော် ပြော လိုက်တယ်။
ကျွန်တော်လည်း သူ့ရှေ့က ခုံတခုံမှာ ၀င်ထိုင်လိုက်တယ်။ ကျွန်တော် သူ့ကို ဘာစပြောရမလဲ မသိသေးဘူး။
ကျွန်တော်တို့နှစ်ယောက်ကြား အူကြောင်ကြားဖြစ်နေတဲ့အချိန်လေးကို သူကပဲ ဖြိုခွင်းလိုက် တယ်။
“ကျွန်တော်တွေ့ချင်တဲ့အကြောင်းအရင်းကိုမပြောခင်
ကျွန်တော့်အကြောင်း ကျွန်တော်မိတ်ဆက်ပါ့ မယ်” လို့ ကွဲအက်အက် အသံနဲ့သူက ပြောတယ်။
သူ့စကားကို
သူပဲ ဆက်ပြန်တယ်။
“ ကျွန်တော့်ကို
မီလားလို့ခေါ်ကြပါတယ်။ ကျွန်တော်က အိန္ဒိယနဲ့မြန်မာနယ်စပ်တောင်ပေါ်ရွာလေး တရွာမှာနေပါတယ်။ ကျွန်တော်တို့လို မှင်စာတွေအများကြီးရှိတဲ့ရွာလေးပါ။
ကျွန်တော်တို့က လူတွေ နဲ့ရောနှောပြီး နေကြတာတော့မဟုတ်ဘူး။ ကျွန်တော်တို့ချည်းပဲ သီးခြားနေကြတာပါ။
ကျွန်တော်တို့ဟာ ကျွန်တော်တို့ရဲ့မှင်စာ အဖွဲ့အစည်းလေး ငြိမ်းငြိမ်းချမ်းချမ်းနေထိုင်ကြတာပါ။
ပြဿနာဆိုတာ ကျွန်တော်တို့ အတွက် လုံးဝမရှိခဲ့ပါဘူး။ လွန်ခဲ့တဲ့သုံးလက လူတွေ ကျွန်တော်တို့
ရွာလေးကိုတွ့ရှိခဲ့ရာကနေ ကျွန်တော် တို့အဖွဲ့အစည်းလေးဟာ ကမောက်ကမတွေနဲ့ ပြည့်နှက်လို့လာခဲ့ပါတယ်”
လို့ သူကပြောရင်း စကား ကို ခေတ္တရပ်လိုက်တယ်။
သူတို့ရွာမှာ
ပြဿနာတက်တာနဲ့ ကျွန်တော်နဲ့ ဘာဆိုင်လို့လဲ။ ကျွန်တော် သူတို့ရွာကိုလည်း မရောက်ဖူးဘူး။
သူတို့နဲ့လည်းမသိဘူး။ ဘာဖြစ်လို့ကျွန်တော့်ဆီကို သူရောက်လာတာလဲ ပြဿနာဟာ ကျွန်တော့်အိမ်ပေါ်ကိုဆိုက်ဆိုက်မြိုက်မြိုက်
ရောက်ခဲ့လေပြီလား။ ကျွန်တော်တော့ မပြောတတ်အောင်ပါပဲ။
ကျွန်တော်
အကျပ်ရိုက်နေတာ ကို သူသိသွားပုံပဲ။
“ ဟုတ်ပါတယ်။
ကျွန်တော်တို့ပြဿနာဟာ ကိုမိုးသက်ဟန်နဲ့တော့ မဆိုင်ပါဘူး။ ကျွန်တော် အကူ အညီတောင်းဖို့
ရောက်လာတာပါ။ ကျွန်တော့်စကားဆုံးမှ အကူအညီတောင်းချင်တာကို နားလည်လာပါ လိမ့်မယ်။ ကျွန်တော်ဆက်ပြောပါ့မယ်။
ကျွန်တော်တို့အဖွဲ့အစည်းဟာ အရေအတွက် ဘယ်လောက်မှ ရှိတော့တာမဟုတ်လို့ မျိုးဆက်မပျက်အောင်
မနည်းကြိုးစားနေရပါတယ်။ တဖက်က ပြန်ကြည့်တော့လည်း ကျွန်တော်တို့လိုမှင်စာတွေ အရေအတွက်ထပ်တိုးလာမှဟာ
ကောင်းလား မကောင်းဘူးလားဆိုပြီး ကျွန်တော်တို့ကြားထဲမှာ ဆွေးနွေးခဲ့ကြတာတွေလည်း ရှိပါတယ်။
ကျွန်တော် တို့ဟာ လူ့အဖွဲ့အစည်းကို အကျိုးမပြုဘူးဆိုပေမယ့် ဒုက္ခလည်းမပေးတတ်တဲ့လူတွေပါ။
ဒါပေမဲ့ ကျွန်တော်တို့ဟာ လူ့အဖွဲ့အစည်းထဲ မှာ အရေးပါတဲ့ပျောက်ဆုံးသွားမှုတခုကို ထိန်းသိမ်းနေကြပါတယ်။
လူ့အဖွဲ့အစည်းအတွက် အရေးကြီးတဲ့ အရာတခုပါ။ ကျွန်တော်တို့ ထိန်းသိမ်းလာတာ နှစ်ပေါင်း
ခြောက် ဆယ်ကျော်ခဲ့ပါပြီ။
ကျွန်တော်တို့ထိန်းသိမ်းထားတဲ့အရာဟာ အထူးသဖြင့် မြန်မာ့လူ့အဖွဲ့အစည်းအတွက် အရေးကြီးတဲ့အရာ တခုပါ” လို့ ပြောပြီး သူ စကားကို ရပ်ပြန်တယ်။
သူ အသက်ကို
ရှူနေတယ်။ ဦးထုပ်ကိုချွတ်ပြီး ခုံပေါ်တင်လိုက်တယ်။ သူ့မျက်နှာဟာ အနီဖျော့ဖျော့ အရောင်နဲ့။
မျက်ဝန်းကျယ်ကျယ်၊ နှာတံကောက်ကောက်နဲ့ သူဟာ တစုံတခုကို စိုးရိမ်ပူပန်နေပုံ လည်း ပေါက်နေတယ်။
“ကိုမီလား တခုခုသောက်ပါဦးလား။
ကော်ဖီသောက်မလား၊ ဘီယာသောက်မလား” လို့ ကျွန်တော် သူ့ကို လောကွတ်ပြုလိုက်တယ်။
“ရပါတယ်။
မသောက်ချင်သေးပါဘူး”
“ ဒါနဲ့ ကျွန်တော့်ကိုတွေ့ချင်တဲ့အကြောင်းရင်းကို
ပြောပြလို့ရနိုင်မလားဗျ” လို့ ကျွန်တော် မေးလိုက် တယ်။ ကျွန်တော့်ကို ဝေ့လည်ကြောင်ပတ်လုပ်နေသလို
ခံစားလာရပြီ။ သူ ဘာကိုဆိုလိုချင်တာလည်း၊ ကျွန်တော့်ကို ဘာကြောင့်တွေ့ချင်တာလဲ။ ကျွန်တော်
စိတ်မရှည်တော့ပါ။
“ကျွန်တော်
နားလည်ပါတယ် ကိုမိုးသက်ဟန်။ ကျွန်တော်လိုရင်းကိုပြောပါ့မယ်” လို.ပြောပြီး သူ သက်ပြင်းကလေးခိုးမှုတ်လိုက်တယ်။
ချက်ချင်းပဲ
သူစကားပြန်ဆက်ပါတယ်။
“ ဒီလိုပါ။
ကျွန်တော်တို့ အသိုင်းအ၀ိုင်းလေးဟာ ကျွန်တော်တို့ မှီတင်းနေထိုင်တဲ့ နိုင်ငံတွင်းက
လူ့အဖွဲ့အစည်းအတွက် အရေးပါတဲ့စိတ်အတွင်းခံစားမှုတွေကို ဟန်ချက်မျှအောင်လုပ်ပေးနေတဲ့
အဖွဲ့ အစည်းပါ။ ကျွန်တော်တို့ဘာ့ကြောင့်လုပ်လဲဆိုတာက ကျွန်တော်လည်း မရှင်းပြတတ်ပါဘူး။
ကျွန် တော်တို့ မျိုးရိုးစဉ်ဆက် ဆောင်ရွက်လာခဲ့တဲ့တာဝန်တရပ်ပဲဆိုပါတော့။ ကျွန်တော်တို့တာဝန်က
လူသားတွေအချင်း ချင်း ပေါင်းသင်းဆက်ဆံရေး ဒါမှမဟုတ် လူ့အဖွဲ့အစည်းတွင်းမှာ လိုအပ်တဲ့
ဗြဟ္မစိုရ်တရားတွေဖြစ် တဲ့ မေတ္တာ၊ ကရုဏာ၊ မုဒိတာတွေကို ထိန်းသိမ်းပေးရတဲ့အဖွဲ့ပါ။ ဒီလို
စိတ်အတွင်း နူးညံ့သိမ်မွေ့မှုတွေ ကြီးမားတဲ့ ဘယ်လူ့အဖွဲ့အစည်းမဆို ငြိမ်းချမ်းသာယာမယ်ဆိုတာ
နားလည်မယ်ထင်ပါတယ်။ အရင်က ကျွန်တော်တို့ ဆောင်ရွက်နေတဲ့တာဝန်ကို ကျွန်တော်အပါအ၀င်
ကျွန်တော်တို့ရွာမှာ ရှိတဲ့အယောက်နှစ် ဆယ်လောက်က ၀ိုင်းဝန်းထမ်းဆောင်ကြပါတယ်။ ကံဆိုးချင်တော့
ပြီးခဲ့တဲ့ နှစ်က စလို့ ကျွန်တော်တို့ရွာကို စိတ်နှလုံးကြမ်းတမ်းတဲ့ ဓားပြတစ်ဖွဲ့က
မျက်စေ့လည်လမ်းမှားပြီး ရောက်လို့လာခဲ့တယ်။ ပုံမှန်မဟုတ်တဲ့ ကျွန်တော်တို့လိုမှင်စာတွေကို
တွေ့လိုက်ရတဲ့အခါမှာတော့ သူတို့ လှောင် ပြောင်နှိပ်စက်ကြတယ်။ ကျွန်တော်တို့ဟာ ထူးခြားတဲ့တာဝန်တွေ
ထမ်းဆောင်နေရပေမယ့် ကျွန်တော်တို့မှာ ဘာအစွမ်းသတ္တိ ထူးတွေမှမရှိကြပါဘူး။ ဒီလိုကြမ်းကြမ်းတမ်းတမ်းအဖြစ်ဆိုးနဲ့
မကြာခင် ကြုံတွေ့ ရမယ်ဆိုတာကိုလည်း ကျွန်တော်တို့ခေါင်းဆောင်က ကြိုပြောပြီးသားပါ။ ကျွန်တော်တို့ဆီမှာ
ရှိထားတဲ့ ကျွန်တော်တို့အတွက် တန်ဖိုးမရှိတဲ့ရွှေ၊ ငွေ၊ ကျောက်သံပတ္တမြားတွေပဲ ယူသွားကြမယ်လို့ထင်ခဲ့တာ။
ကျွန်တော်တို့အဖွဲ့ဝင်တွေကို နှိပ်စက်ရိုက်နှက်ပြီး သတ်ပစ်ကြတယ်။ မိန်းကလေးတွေကို ကျွန်တော် တို့
ရှေ့မှာတင် မုဒိမ်းကျင့်ခဲ့ကြတယ်။ လူသားပီသမှုလုံးဝမရှိတဲ့တိရစ္ဆာန်နဲ့မခြားတဲ့ လူတွေပါပဲ။
တိရစ္ဆာန်နဲ့ ခိုင်းနှိုင်းရတာတောင် မကောင်းပါဘူး။ သူတို့အရမ်းရက်စက်ပါတယ်။ အခုဆိုရင်
ကျွန်တော်တို့ ရွာ မှာ၊ ယောက်ျားလေး နှစ်ယောက်၊ မိန်းကလေးသုံးယောက်ပဲ ကျန်ပါတော့တယ်။
ဒါကျွန်တော်တို့ ကြုံတွေ့ ခဲ့ရတဲ့ ဒုက္ခတွေပါပဲ”
“ကြားရတာ
စိတ်မကောင်းစရာပါပဲဗျာ။ ကျွန်တော် ၀မ်းနည်းမိပါတယ်။ ကျွန်တော် ခင်ဗျားတို့ အတွက် ဘာများကူညီပေးရမလဲဗျာ”
“ ခုလို
ကူညီလိုစိတ်ရှိတာကို ကြားရတာဝမ်းသာပါတယ်ခင်ဗျာ။ ကျွန်တော် အကူအညီပြောပြီးမှ ပဲ ကူညီနိုင်၊
မကူညီနိုင်ကိုစဉ်းစားပါ။ ကျွန်တော်တို့အဖွဲ့အစည်း ပြဿနာတွေဖြစ်ပြီးတဲ့နောက် ဒီဘက် က
အပြင်လောကကလူသားတွေမှာလည်း သွေးချောင်းစီးမှုတွေ တရစပ်ဖြစ်နေတော့တာပါပဲ။
ဒီလို သွေးချောင်းစီးနေတာတွေကို
ကျွန်တော်တို့ ရပ်တန်.စေချင်ပေမယ့် ခုနကပြောခဲ့သလို ကျွန်တော်တို့ မှာ လူအင်အားမရှိတော့ပါဘူး။
လူအင်အားကို ပြန်လည်တိုးပွားဖို့ရာ ကျွန်တော်တို့အနေနဲ့ ပြင်ပက အကူ အညီရယူရမယ်ဆိုတာကို
နားလည်မိပါတယ်။ ကျွန်တော်တို့အကြီးအကဲက တွက်ချက်ပြီး လူရွေး ရာမှာ ကိုမိုးသက်ဟန်ကို
မြင်လို့ ရောက်လာခဲ့တာပါ” လို့ ပြောပြီး သူ ခေတ္တ နားနေတယ်။
“ ကျွန်တော်က
ဘာများလုပ်ပေးရမှာလဲ”
“ ကျွန်တော်တို့ရွာမှာ
လူဦးရေတိုးပွားရေးအတွက် မျိုးဖောက်ဖို့ ကိုမိုးသက်ဟန်ကို လာရောက် ဖိတ်ခေါ်တာပါ။ မျိုးချစ်စိတ်ရှိတဲ့
ကိုမိုးသက်ဟန် အနေနဲ့ လိုက်ခဲ့မယ်မျှော်လင့်ပါတယ်”
“ ဗျာ”
ကျွန်တော့်
ပါးစပ်မှာ စေးကပ်ခြောက်သွေ့လို့ သွားတယ်။
မိုးသက်ဟန်
Comments
Post a Comment